Iiḍighi 20
20
Bịdi onyeene Masidonia rꞌaGris
1Ọyugh phọ rọpho, kụ ạPol aakpomoghi bụmatuan phọ kụ rọghaaph rọkparamiom iloghi ạbidi, kụ ạḅeni mọ ọmaar ọrol, kụ ạwile bịdi ạghi Masidonia. 2Kụ ọdi arelhe yogh ni oomo areelhe ẹpe phọ, kụ rọghaaph ịbadi ikpo ọnhu rọkparamiom iloghi awe phọ kụ ạghi asi Gris, 3kụ ạrol ẹpe phọ ịraar ụnwanyu. Kụ rạnyaaghian oḍigh oghuugh ọghi ạSiria, kụ alegheri mọ ạbuo aJu phọ roosophoghian ni nyịno, kụ agbiighiom okiton aMasidonia kụ oḅula. 4ASopater ọony ạPiros, ọlo ạBeria, ạdaph ni nyọdi; kụ Ạristakos rꞌạSekondos, ạbuo ạTesalonika, rꞌạGayos, ọlo aDaabi, rꞌạTikikos rꞌạTrofimos, ạbuo eelhe phọ Esia, rꞌaTimoti ọdaph aani. 5Bụen phọ uḍiemi ghan ni ukori iyoor ẹpe Troas. 6Ẹyaal ạbred phọ ọpo rọ́logh ghan bọ yist phọ reten, kụ yoor oḍigh oghuugh ọḍua Filipai. Kụ esi oogh aḍughul-otu, yoor ọghi ọteeny bịdi ẹpe Troas, kụ ọrol oḍual aḍughul-otu.
Amem dị ạPol ạghi Troas asughanam ọman
7Dulhe aḍio ophooghian phọ, kụ yoor ookpomoghan egina esi ịlo ọparion ạbred. Esi dị rẹḅaal ạPol kạḍua, kụ ạghaaph ọodoony ọghaaph ạḅeni bịdi, tụtu ẹteeny ogbo aḍughul. 8Kụ ịbadi ịtozi ịrol li sịphe osoph-ạnyu otu ẹedaneen phọ yoor ookpomoghan bọ. 9Kụ oniin onyugheel ọony dị oghol mọ ạYutikos ạrol li ude loor oniin eghuugh-ookuugh. Ịdipho ọghaaph phọ ạPol rạdoony bọ, bịn ạralha aḅogh nyọdi, kụ ạḍua ẹedaneen dị emuneniom ịraar ameel ude kụ ọoghophion ọsighe mọ mamugh. 10Kụ ạPol asoor ude aḅololoom aghurughi nyọdi, kụ ạḅem mọ, “Kẹ́yugh. Ọdi kőmugh.” 11Rọḅile rọsiiny ẹpe ạnyu phọ, kụ ạparion ạbred ale. Kụ ọdi rꞌạbidi ụghaaphan ni iboom, tụtu ẹḅaal, kụ ọdi ạgbatanaan bịdi. 12Kụ bịdi ọsighe onyugheel ọony phọ ọḍuanam rꞌiboom iboh.
Ọḍua Troas rọki Mailitos
13Yoor kụ ọphur ọteeny oghuugh phọ kụ oḍigh osi Ạsos, esi dị ọma ọsaany aani ạPol. Ọdi ạtuan dị kakiton owol kụ ụḅeni bọ iyoor ịduon phọ. 14Ọdi aru bọ ụteeny iyoor ẹpe Ạsos, yoor ụsaany ni nyọdi kụ ọghi osi Mitilini. 15Rẹḅaal kụ yoor omitiom oghuugh phọ osoor ẹḅeenyom ạKios, rẹḅile rẹḅaal kụ ọghi osi Sạmos, kụ ḍio dị etum pạ kụ yoor osi Mailitos. 16ẠPol agbiighiom okiton Ẹfesos, ọbo kaabinya ghan bọ ẹpe Esia. Ọdi aagborion ni, mọ katue ni ạnuun asi Jeruselem kụ ẹteeny ḍio ạPentikost phọ.
ẠPol ạkaaph ọghaaph ọḅeniom ikumoor awe Ẹfesos mọ ọmaar ọrol
17ẠPol ạrol Mailitos kụ arom ạghiom mọ ikumoor awe ạsiosi phọ Ẹfesos oru ọteeny nyịno. 18Bịdi roru, kụ ọdi ạḅeni mọ, “Nyina rꞌaloor anyina elegheri ni ọdo ẹeghara dị mị ịrolom bọ inyina oomo amem kꞌẹḅel aḍio phọ mị ạdaari bọ ẹda ẹphen Esia. 19Mị aḍighi ghan bọ oḍighi ạngo Ọmoogh-we phọ rꞌoomo osooromi aloor rꞌizin, ghạlamo ịdipho ạbuo aJu phọ oosophoghian bọ ni ụmiine ịmi. 20Mị ịyaar ạsuo ụ́booghi ghan ọghaaph rꞌọtughemiom anyina esi ogbo, rꞌọḍua ghan otu ọgba otu. Mị oye ụ́gbatan ghan. 21Mị ụkpaariom aḍeenaan ghan bụo aJu rꞌaruuruen phọ mọ okiton esi ịkaraph phọ ạbidi osoman Ẹnaan, omeeraam Jịzos Kraist Ọmoogh-we phọ ayira. 22Nyịidipho nyina rẹmiin ni mọ Uwaloor Iigbia phọ murorori ịmi ạsighe rạki Jeruselem. Mị úlegheri ịlo kimiteghunaan ịmi ẹpe phọ. Ịdi mị alegheri, 23Uwaloor Iigbia phọ rụphur ghan ịmi rụru tọrobo ẹmha mọ ikoli rꞌịminimiin rikori ni ịmi. 24#2 Tim 4.7Kụ mị ụ́sighe ghuḍum mọ ạmi ụmaghami ịyaar, ọbo mị arue akureri oḍighi phọ, ạmadan sidom mọ ạJizos Ọmoogh-we phọ urom bọ ịmi mọ mị uḍeenaan ooḅi ọghaaph ịlo ạḍiseph phọ Ẹnaan.
25“Mị marelhe yogh ni ogbo anyina ọghaaph ịlo ọmar phọ kꞌẸnaan, kụ nyịidipho mị alegheri ni mọ rꞌọnyo anyina kạ́miin mun ghisigh ạmi. 26Ịduon kụ iḍighi kụ mị ạkar bọ rịḅeni inyina rodon phọ ạḍien, mọ mị ụ́upuph esi ịḅaal oomo awe. 27Mị ụ́booghi ogbononomi oomo arigbiom mọ Ẹnaan ọḅeni anyina. 28Igona loor anyina rꞌesi oomo aḍita phọ ạbuphe Uwaloor Iigbia phọ mạḅogh bọ ạlogh rạghaagh phọ anyina. Nyina abukoriom ạbuo ạsiosi phọ, Ọmoogh-we phọ ạsighe bọ ịḅaal phọ ọdi kụ aghoom. 29Mị alegheri ni mọ mị rọḍua, ilhom ịnam keḍigh ni sịen ogbo phọ anyina kụ kẹ́nmaanaan iyool-ịga phọ. 30Amem retu ni dị abuniin komite ni sịen ogbo phọ anyina, kụ ọgbaaghi ọkpe, ịlo ookeleghi ạbumatuan phọ ọsighe. 31Esi ịduon phọ igona loor, kụ ẹghiom ghan ologhi mọ rꞌizin ni ḍughul rꞌootaany mị úsoph ghan mem ọtughemi oomo phọ anyina esi ịraar ạsia.
32“Kụ nyịidipho mị rịḅogh inyina kạngo Ẹnaan, rꞌọghaaph ạḍiseph phọ ọdi. Ọdi kụ katue iphophe inyina ạngoom erua dị oomo ạbuphe mowoph bọ kodian ole. 33Mị úpoghogha silva mꞌagol mꞌibura ọnon oye. 34Nyina rꞌaloor anyina elegheri ni mọ mị ụsighe ghan ni rạghaagh ạmi kụ ạwaam rạraar dị mị rꞌạbuphe rꞌạmi ọrolan bọ kọtolom. 35Mị miḍeenaan inyina ịbadi areten mọ ẹkpianaan ni okumuan ghan ọloghonaan ạḍighaagh bụphe ịnyaam mọ ílho bọ, rꞌọghiom ghan ologhi ikpo ọnhu Ọmoogh-we phọ ịdipho ọdi rꞌaloor ọdi ạḅem bọ mọ, ‘Iboh kꞌẸnaan edianaan bụphe rọngo bọ epu bụphe rọboor bọ.’”
36ẠPol roseere ọghaaph phọ, kụ ọdi rꞌạbidi okpuḍughian ọoḅereghi. 37Kụ oomo phọ ạbidi rꞌemoghi kụ oghurughi orum mọ kụ ọkpunogh ọnhu ọdi. 38Ọto phọ ạbidi ạkar ạrol sịphe ikpo ọnhu phọ dị ạghaaph bọ, mọ bịdi nyịno kọ́miin mun phọ, kụ bịdi ororori nyọdi osiemi ẹpe oghuugh phọ.
Currently Selected:
Iiḍighi 20: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Iiḍighi 20
20
Bịdi onyeene Masidonia rꞌaGris
1Ọyugh phọ rọpho, kụ ạPol aakpomoghi bụmatuan phọ kụ rọghaaph rọkparamiom iloghi ạbidi, kụ ạḅeni mọ ọmaar ọrol, kụ ạwile bịdi ạghi Masidonia. 2Kụ ọdi arelhe yogh ni oomo areelhe ẹpe phọ, kụ rọghaaph ịbadi ikpo ọnhu rọkparamiom iloghi awe phọ kụ ạghi asi Gris, 3kụ ạrol ẹpe phọ ịraar ụnwanyu. Kụ rạnyaaghian oḍigh oghuugh ọghi ạSiria, kụ alegheri mọ ạbuo aJu phọ roosophoghian ni nyịno, kụ agbiighiom okiton aMasidonia kụ oḅula. 4ASopater ọony ạPiros, ọlo ạBeria, ạdaph ni nyọdi; kụ Ạristakos rꞌạSekondos, ạbuo ạTesalonika, rꞌạGayos, ọlo aDaabi, rꞌạTikikos rꞌạTrofimos, ạbuo eelhe phọ Esia, rꞌaTimoti ọdaph aani. 5Bụen phọ uḍiemi ghan ni ukori iyoor ẹpe Troas. 6Ẹyaal ạbred phọ ọpo rọ́logh ghan bọ yist phọ reten, kụ yoor oḍigh oghuugh ọḍua Filipai. Kụ esi oogh aḍughul-otu, yoor ọghi ọteeny bịdi ẹpe Troas, kụ ọrol oḍual aḍughul-otu.
Amem dị ạPol ạghi Troas asughanam ọman
7Dulhe aḍio ophooghian phọ, kụ yoor ookpomoghan egina esi ịlo ọparion ạbred. Esi dị rẹḅaal ạPol kạḍua, kụ ạghaaph ọodoony ọghaaph ạḅeni bịdi, tụtu ẹteeny ogbo aḍughul. 8Kụ ịbadi ịtozi ịrol li sịphe osoph-ạnyu otu ẹedaneen phọ yoor ookpomoghan bọ. 9Kụ oniin onyugheel ọony dị oghol mọ ạYutikos ạrol li ude loor oniin eghuugh-ookuugh. Ịdipho ọghaaph phọ ạPol rạdoony bọ, bịn ạralha aḅogh nyọdi, kụ ạḍua ẹedaneen dị emuneniom ịraar ameel ude kụ ọoghophion ọsighe mọ mamugh. 10Kụ ạPol asoor ude aḅololoom aghurughi nyọdi, kụ ạḅem mọ, “Kẹ́yugh. Ọdi kőmugh.” 11Rọḅile rọsiiny ẹpe ạnyu phọ, kụ ạparion ạbred ale. Kụ ọdi rꞌạbidi ụghaaphan ni iboom, tụtu ẹḅaal, kụ ọdi ạgbatanaan bịdi. 12Kụ bịdi ọsighe onyugheel ọony phọ ọḍuanam rꞌiboom iboh.
Ọḍua Troas rọki Mailitos
13Yoor kụ ọphur ọteeny oghuugh phọ kụ oḍigh osi Ạsos, esi dị ọma ọsaany aani ạPol. Ọdi ạtuan dị kakiton owol kụ ụḅeni bọ iyoor ịduon phọ. 14Ọdi aru bọ ụteeny iyoor ẹpe Ạsos, yoor ụsaany ni nyọdi kụ ọghi osi Mitilini. 15Rẹḅaal kụ yoor omitiom oghuugh phọ osoor ẹḅeenyom ạKios, rẹḅile rẹḅaal kụ ọghi osi Sạmos, kụ ḍio dị etum pạ kụ yoor osi Mailitos. 16ẠPol agbiighiom okiton Ẹfesos, ọbo kaabinya ghan bọ ẹpe Esia. Ọdi aagborion ni, mọ katue ni ạnuun asi Jeruselem kụ ẹteeny ḍio ạPentikost phọ.
ẠPol ạkaaph ọghaaph ọḅeniom ikumoor awe Ẹfesos mọ ọmaar ọrol
17ẠPol ạrol Mailitos kụ arom ạghiom mọ ikumoor awe ạsiosi phọ Ẹfesos oru ọteeny nyịno. 18Bịdi roru, kụ ọdi ạḅeni mọ, “Nyina rꞌaloor anyina elegheri ni ọdo ẹeghara dị mị ịrolom bọ inyina oomo amem kꞌẹḅel aḍio phọ mị ạdaari bọ ẹda ẹphen Esia. 19Mị aḍighi ghan bọ oḍighi ạngo Ọmoogh-we phọ rꞌoomo osooromi aloor rꞌizin, ghạlamo ịdipho ạbuo aJu phọ oosophoghian bọ ni ụmiine ịmi. 20Mị ịyaar ạsuo ụ́booghi ghan ọghaaph rꞌọtughemiom anyina esi ogbo, rꞌọḍua ghan otu ọgba otu. Mị oye ụ́gbatan ghan. 21Mị ụkpaariom aḍeenaan ghan bụo aJu rꞌaruuruen phọ mọ okiton esi ịkaraph phọ ạbidi osoman Ẹnaan, omeeraam Jịzos Kraist Ọmoogh-we phọ ayira. 22Nyịidipho nyina rẹmiin ni mọ Uwaloor Iigbia phọ murorori ịmi ạsighe rạki Jeruselem. Mị úlegheri ịlo kimiteghunaan ịmi ẹpe phọ. Ịdi mị alegheri, 23Uwaloor Iigbia phọ rụphur ghan ịmi rụru tọrobo ẹmha mọ ikoli rꞌịminimiin rikori ni ịmi. 24#2 Tim 4.7Kụ mị ụ́sighe ghuḍum mọ ạmi ụmaghami ịyaar, ọbo mị arue akureri oḍighi phọ, ạmadan sidom mọ ạJizos Ọmoogh-we phọ urom bọ ịmi mọ mị uḍeenaan ooḅi ọghaaph ịlo ạḍiseph phọ Ẹnaan.
25“Mị marelhe yogh ni ogbo anyina ọghaaph ịlo ọmar phọ kꞌẸnaan, kụ nyịidipho mị alegheri ni mọ rꞌọnyo anyina kạ́miin mun ghisigh ạmi. 26Ịduon kụ iḍighi kụ mị ạkar bọ rịḅeni inyina rodon phọ ạḍien, mọ mị ụ́upuph esi ịḅaal oomo awe. 27Mị ụ́booghi ogbononomi oomo arigbiom mọ Ẹnaan ọḅeni anyina. 28Igona loor anyina rꞌesi oomo aḍita phọ ạbuphe Uwaloor Iigbia phọ mạḅogh bọ ạlogh rạghaagh phọ anyina. Nyina abukoriom ạbuo ạsiosi phọ, Ọmoogh-we phọ ạsighe bọ ịḅaal phọ ọdi kụ aghoom. 29Mị alegheri ni mọ mị rọḍua, ilhom ịnam keḍigh ni sịen ogbo phọ anyina kụ kẹ́nmaanaan iyool-ịga phọ. 30Amem retu ni dị abuniin komite ni sịen ogbo phọ anyina, kụ ọgbaaghi ọkpe, ịlo ookeleghi ạbumatuan phọ ọsighe. 31Esi ịduon phọ igona loor, kụ ẹghiom ghan ologhi mọ rꞌizin ni ḍughul rꞌootaany mị úsoph ghan mem ọtughemi oomo phọ anyina esi ịraar ạsia.
32“Kụ nyịidipho mị rịḅogh inyina kạngo Ẹnaan, rꞌọghaaph ạḍiseph phọ ọdi. Ọdi kụ katue iphophe inyina ạngoom erua dị oomo ạbuphe mowoph bọ kodian ole. 33Mị úpoghogha silva mꞌagol mꞌibura ọnon oye. 34Nyina rꞌaloor anyina elegheri ni mọ mị ụsighe ghan ni rạghaagh ạmi kụ ạwaam rạraar dị mị rꞌạbuphe rꞌạmi ọrolan bọ kọtolom. 35Mị miḍeenaan inyina ịbadi areten mọ ẹkpianaan ni okumuan ghan ọloghonaan ạḍighaagh bụphe ịnyaam mọ ílho bọ, rꞌọghiom ghan ologhi ikpo ọnhu Ọmoogh-we phọ ịdipho ọdi rꞌaloor ọdi ạḅem bọ mọ, ‘Iboh kꞌẸnaan edianaan bụphe rọngo bọ epu bụphe rọboor bọ.’”
36ẠPol roseere ọghaaph phọ, kụ ọdi rꞌạbidi okpuḍughian ọoḅereghi. 37Kụ oomo phọ ạbidi rꞌemoghi kụ oghurughi orum mọ kụ ọkpunogh ọnhu ọdi. 38Ọto phọ ạbidi ạkar ạrol sịphe ikpo ọnhu phọ dị ạghaaph bọ, mọ bịdi nyịno kọ́miin mun phọ, kụ bịdi ororori nyọdi osiemi ẹpe oghuugh phọ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS