Iiḍighi 19
19
ẠPol odi Ẹfesos
1Ạpolos odi ni ẹpe Kọrint, kụ ạPol akiton rạmha ạnyu phọ aru asi Ẹfesos, kụ ạmiin buniin ạbumatuan, 2kụ apuru bịdi mọ, “Uwaloor Iigbia phọ isoorom ni inyina mem mọ nyina emeeraam bọ?”
Kụ bịdi mọ, “Eeye, yoor kọ̋naghan ghan mọ Uwaloor Iigbia odi ghan ni.” 3Kụ ọdi apuru mọ, “Iwur inyina mụum mọ ika?”
Kụ bịdi mọ, “Uwur iyoor mụum ewurom mọ ạJon.”
4 #
Mat 3.11; Mạk 1.4, 7, 8; Luk 3.4, 16; Jọn 1.26, 27 Kụ ạPol mọ, “ẠJon awurogh ghan mụum bụlo mokiton esi ịkaraph, kụ ạḅeni ghan weye phọ mọ omeeraam Jịzos, nyọpo ratu bọ ọman phọ ọno.”
5Kụ mem dị bịdi ọnaghan bọ ịphen phọ, kụ owur bịdi mụum esi aḍien phọ ạJizos Ọmoogh-we phọ. 6Kụ ạPol ạḅam rạghaagh ọdi rụmhu ạbidi, kụ Uwaloor Iigbia phọ asoorom bịdi, kụ bịdi ọḅa ọnon ọnhu dị ụ́naghan kụ ọghaaph ịpe Ẹnaan egananami bọ. 7Kụ ụghiom ni ḍioph rꞌịyal awe.
8Esi ịraar ụnwanyu ọdi aḍigh ghan pạ obughotu phọ ạghaaphom rꞌạkpo ologhi ạaḅeghion ghan ạkpaariom ịlo ọmar phọ kꞌẸnaan. 9Abuniin ạbuo ịgbagharan phọ úmeeraam, kụ ọghaaph ghan ịkaraph ịlo Emoom Eten phọ, ogbo aḍita phọ. Kụ ạPol ạwile bịdi, ạgbatan bụmatuan phọ, kụ ọghi ghan ẹpe otu ịtuugha phọ ạTairanos ọmoogh ghan ruupuruan. 10Kụ ẹrol ịduon phọ esi ịyal ạsia, tụtu oomo ạbuo aJu rꞌạbuo aGris phọ orugh bọ eelhe phọ Esia, ọnaghan ọghaaph Ọmoogh-we phọ.
Ạnmuny oye dị oghol mọ aSkiva
11Ẹnaan ịtuan ghan ni Pọl eḍighi yogh ịikia ịiḍaany. 12Ụsighe ghan sịpokisi rꞌinyoraam, dị ạPol ạḅogh aani, bịn ookonomom rẹezegh ophoroghom ịkaraph aruwaloor. 13Abuniin ạbuo aJu, dị oghiraan ghan ophorogh ịkaraph aruwaloor, ọnya aani ghan oghol aḍien ạJizos Ọmoogh-we phọ oḍighi yogh ịiḍaany. Bịdi ụḅeni ghan ịkaraph aruwaloor phọ mọ, “Mị ạsighe ḍien ạJizos phọ ọpo ạPol rạkaaphom ghan bọ, rịḅeniom inyina mọ imite.” 14Oḍual ạnmuny oye dị oghol mọ aSkiva, uwo ẹmhu oyil ạrikia phọ, kụ uḍighi bọ ịphen phọ.
15Kụ ọkaraph uwaloor phọ ạḅeni bịdi mọ, “Mị alegheri ni Jịzos, ạnaghan ịlo ạPol, kụ nyina phọ — ạbuanhian?”
16Kụ oye phọ ọpo ọkaraph uwaloor phọ odi bọ ẹmhu phọ, aphooph azuom bịdi kụ ạkpar apu, tụtu bịdi oḍighima yogh rạraar oghilighu rꞌẹdaḅa omite pạ otu phọ. 17Oomo ạbuo aJu rꞌạbuo aGris phọ orugh bọ ẹpe Ẹfesos ọnaghan bọ ịphen phọ, aruugu asiph ni bịdi, kụ oophughemi ḍien ạJizos Ọmoogh-we phọ. 18Ịbadi ạbudi omeeraam uru ni sịphe ogbo phọ oghonono kụ ootuma ịkaraph dị bịdi moḍighi yogh. 19Kụ ịbadi ạbudi ọtuugha ghan bọ ịiḍaany phọ ọsighe yogh rịnya phọ ạbidi oru ọsuughi nịan pạ ogbo aḍita awe phọ. Ogbi bọ ikpoki dị oghoom rịnya phọ ịman oogh ọonir ipoḍi asilva. 20Areten phọ ịphen kụ ịdi ọghaaph Ọmoogh-we phọ aphoph aaleghaan.
Ọgbaragbara dị asoor ẹpe Ẹfesos
21Ịphen reten, kụ eḍigh ologhi ạPol okiton aMasidonia rꞌẠkaya ọghi osi aJeruselem. Ọdi ạḅem mọ, “Mị ạrol ẹpe phọ, mị kạḍua ni asi Rom.” 22Kụ arom Timoti rꞌẸrastos, ịyal ạbudi rotelhe ghan dom ọdi, mọ ọghi ẹpe Masidonia, kụ ọdi ạrol eelhe Esia ebianam.
23Mụen kụ amem dị oboom ọgbaragbara ạtuan Emoom Eten Ọmoogh-we phọ asoor ẹpe Ẹfesos. 24Oniin ọlemom asilva dị oghol mọ ạDemetrios, ạlhem ghan nmụny aghuḍuul ạghighemiom obughotu um-ạke dị oghol mọ Ạrtemis. Kụ ọlem mọ ọdi ạngo ni oboom ạsuo bụo oḍighi phọ. 25Kụ ọdi ạmagh bụen ọdi, rꞌạbunon ạbuo oḍighi phọ ọphon, aakpomoghi kụ ạḅeni mọ, “We phọ! Nyina elegheri ni mọ ẹelha ayira edi sịen oḍighi phọ ọphon. 26Nyina rẹmiin ni kẹnaghan ịphen ạPol raḍighi bọ. Rạḅem ghan mọ ạrumugh dị ọsighe rạghaagh kụ ọkaaghiom ị́moogh ghuḍum. Maakeleghi akirion bụminighan awe, kẹ́phen Ẹfesos bịn, esugha ẹnum ọbo oomo phọ Esia ni. 27Ogona ni loor! Aḍien oḍighi phọ ayira kẹpu. Ịdi etum pạ, obughotu phọ Ạrtemis oboom um-ạke phọ ayira, kạ́man mun ịyaar. Kopiemi ni igbogh phọ ọdi, um-ạke phọ oomo phọ Esia rꞌaḅirini phọ rokueni ghan bọ.”
28Ọghaaph phọ ọphon ạghagh ni iloghi aḍita awe phọ, tụtu ọlooghi mọ, “Oboom oboom Ạrtemis phọ Ẹfesos!” 29Kụ ọgbaragbara phọ aleeny ẹmha phọ, kụ oghughaan ọghi osiph Gạyos rꞌẠristakos, bụo aMasidonia, dị rꞌạPol orelhian ghan, ọsighe ọghi ẹpe ịgua phọ. 30ẠPol ạwa ni oḍigh ịpa eghurughan awe phọ, kụ ạbumatuan phọ omirighan nyọdi. 31Kụ buniin ạbuo ạrumhu eelhe phọ, dị oḍighi rịghiri ạPol, oromoghiom mọ kụ́ḍaka uḍighom pạ ịgua phọ. 32Ookpomoghan phọ ạgbaragbara ni, kụ ịilo kịrokiro esoor, kụ ogbogh opol awe phọ ụ́karaghi ulegheri ịyaar phọ ọtu bọ kụ ookpomoghan bọ. 33Kụ ạbuo aJu phọ ọsighe Ạleksander omitiom pạ ogbo aḍita phọ, kụ ịbadi ogbiom ghan mọ ọdi kụ aseere bọ ḍien phọ. Kụ Ạleksander aphighemi ḍịghaagh ọdi mọ oḅoroghian, kụ ạwa ghan ọgba ọphelaam ẹmhu ọdi. 34Rolegheri bọ mọ ọdi ọlo aJu, kụ oomo phọ ạbidi ọḅophoghan ọlooghi esi ịyal ạwa mọ, “Oboom oboom Ạrtemis phọ Ẹfesos!”
35Ọgeeghia ẹmha phọ rọphoomi we phọ, kụ ạḅeni mọ, “Weye Ẹfesos! Ạnhian kụ ọdi úlegheri mọ ẹmha phọ Ẹfesos rooko ghan obughotu Ạrtemis oboom um-ạke phọ, ḅịle rꞌigbudu phọ ọdi ẹḍua bọ kꞌạke kụ ẹghar? 36Ịlo ịparanaan ílho. Iḅoroghian bịn, kéḍighinom ekpom! 37Ạri nyina mẹsighe we phọ ạbuen etu, dị kạ́ruḅa ni, ḅịle kẹn úufolomi um-ạke phọ ayira. 38Eḍighi dị ạDemetrios rꞌawe ọlem mọ ọdi ọmoogh ḍighiton rꞌoye, pọ okunyon ni ruutu ịiruen, dị abuugboom ịiruen odi ni. Ọghi sịphe kụ oniin ạgba ạkpulughiom nyoniin! 39Kụ eru dị nyina ẹmoogh ịnon ịikpalaghian, pọ eepoogh edi ni pạ ookpomoghan phọ rọḅem ghan bọ sighiton phọ. 40Ogona ni loor, ọbo kusiph ghan bọ iyira ologh loor ọgbaragbara phọ ọphon asoor bọ rodon! Ẹmhu ọtuan kụ ọgbaragbara ílho. Ọmaar ọoḅeghion, yira kọ́moogh egey ịyaar ọghaaph.” 41Roseere ọghaaph phọ, kụ ọgeeghia phọ ạḅeni bụo ookpomoghan phọ mọ ogheleghu.
Currently Selected:
Iiḍighi 19: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Iiḍighi 19
19
ẠPol odi Ẹfesos
1Ạpolos odi ni ẹpe Kọrint, kụ ạPol akiton rạmha ạnyu phọ aru asi Ẹfesos, kụ ạmiin buniin ạbumatuan, 2kụ apuru bịdi mọ, “Uwaloor Iigbia phọ isoorom ni inyina mem mọ nyina emeeraam bọ?”
Kụ bịdi mọ, “Eeye, yoor kọ̋naghan ghan mọ Uwaloor Iigbia odi ghan ni.” 3Kụ ọdi apuru mọ, “Iwur inyina mụum mọ ika?”
Kụ bịdi mọ, “Uwur iyoor mụum ewurom mọ ạJon.”
4 #
Mat 3.11; Mạk 1.4, 7, 8; Luk 3.4, 16; Jọn 1.26, 27 Kụ ạPol mọ, “ẠJon awurogh ghan mụum bụlo mokiton esi ịkaraph, kụ ạḅeni ghan weye phọ mọ omeeraam Jịzos, nyọpo ratu bọ ọman phọ ọno.”
5Kụ mem dị bịdi ọnaghan bọ ịphen phọ, kụ owur bịdi mụum esi aḍien phọ ạJizos Ọmoogh-we phọ. 6Kụ ạPol ạḅam rạghaagh ọdi rụmhu ạbidi, kụ Uwaloor Iigbia phọ asoorom bịdi, kụ bịdi ọḅa ọnon ọnhu dị ụ́naghan kụ ọghaaph ịpe Ẹnaan egananami bọ. 7Kụ ụghiom ni ḍioph rꞌịyal awe.
8Esi ịraar ụnwanyu ọdi aḍigh ghan pạ obughotu phọ ạghaaphom rꞌạkpo ologhi ạaḅeghion ghan ạkpaariom ịlo ọmar phọ kꞌẸnaan. 9Abuniin ạbuo ịgbagharan phọ úmeeraam, kụ ọghaaph ghan ịkaraph ịlo Emoom Eten phọ, ogbo aḍita phọ. Kụ ạPol ạwile bịdi, ạgbatan bụmatuan phọ, kụ ọghi ghan ẹpe otu ịtuugha phọ ạTairanos ọmoogh ghan ruupuruan. 10Kụ ẹrol ịduon phọ esi ịyal ạsia, tụtu oomo ạbuo aJu rꞌạbuo aGris phọ orugh bọ eelhe phọ Esia, ọnaghan ọghaaph Ọmoogh-we phọ.
Ạnmuny oye dị oghol mọ aSkiva
11Ẹnaan ịtuan ghan ni Pọl eḍighi yogh ịikia ịiḍaany. 12Ụsighe ghan sịpokisi rꞌinyoraam, dị ạPol ạḅogh aani, bịn ookonomom rẹezegh ophoroghom ịkaraph aruwaloor. 13Abuniin ạbuo aJu, dị oghiraan ghan ophorogh ịkaraph aruwaloor, ọnya aani ghan oghol aḍien ạJizos Ọmoogh-we phọ oḍighi yogh ịiḍaany. Bịdi ụḅeni ghan ịkaraph aruwaloor phọ mọ, “Mị ạsighe ḍien ạJizos phọ ọpo ạPol rạkaaphom ghan bọ, rịḅeniom inyina mọ imite.” 14Oḍual ạnmuny oye dị oghol mọ aSkiva, uwo ẹmhu oyil ạrikia phọ, kụ uḍighi bọ ịphen phọ.
15Kụ ọkaraph uwaloor phọ ạḅeni bịdi mọ, “Mị alegheri ni Jịzos, ạnaghan ịlo ạPol, kụ nyina phọ — ạbuanhian?”
16Kụ oye phọ ọpo ọkaraph uwaloor phọ odi bọ ẹmhu phọ, aphooph azuom bịdi kụ ạkpar apu, tụtu bịdi oḍighima yogh rạraar oghilighu rꞌẹdaḅa omite pạ otu phọ. 17Oomo ạbuo aJu rꞌạbuo aGris phọ orugh bọ ẹpe Ẹfesos ọnaghan bọ ịphen phọ, aruugu asiph ni bịdi, kụ oophughemi ḍien ạJizos Ọmoogh-we phọ. 18Ịbadi ạbudi omeeraam uru ni sịphe ogbo phọ oghonono kụ ootuma ịkaraph dị bịdi moḍighi yogh. 19Kụ ịbadi ạbudi ọtuugha ghan bọ ịiḍaany phọ ọsighe yogh rịnya phọ ạbidi oru ọsuughi nịan pạ ogbo aḍita awe phọ. Ogbi bọ ikpoki dị oghoom rịnya phọ ịman oogh ọonir ipoḍi asilva. 20Areten phọ ịphen kụ ịdi ọghaaph Ọmoogh-we phọ aphoph aaleghaan.
Ọgbaragbara dị asoor ẹpe Ẹfesos
21Ịphen reten, kụ eḍigh ologhi ạPol okiton aMasidonia rꞌẠkaya ọghi osi aJeruselem. Ọdi ạḅem mọ, “Mị ạrol ẹpe phọ, mị kạḍua ni asi Rom.” 22Kụ arom Timoti rꞌẸrastos, ịyal ạbudi rotelhe ghan dom ọdi, mọ ọghi ẹpe Masidonia, kụ ọdi ạrol eelhe Esia ebianam.
23Mụen kụ amem dị oboom ọgbaragbara ạtuan Emoom Eten Ọmoogh-we phọ asoor ẹpe Ẹfesos. 24Oniin ọlemom asilva dị oghol mọ ạDemetrios, ạlhem ghan nmụny aghuḍuul ạghighemiom obughotu um-ạke dị oghol mọ Ạrtemis. Kụ ọlem mọ ọdi ạngo ni oboom ạsuo bụo oḍighi phọ. 25Kụ ọdi ạmagh bụen ọdi, rꞌạbunon ạbuo oḍighi phọ ọphon, aakpomoghi kụ ạḅeni mọ, “We phọ! Nyina elegheri ni mọ ẹelha ayira edi sịen oḍighi phọ ọphon. 26Nyina rẹmiin ni kẹnaghan ịphen ạPol raḍighi bọ. Rạḅem ghan mọ ạrumugh dị ọsighe rạghaagh kụ ọkaaghiom ị́moogh ghuḍum. Maakeleghi akirion bụminighan awe, kẹ́phen Ẹfesos bịn, esugha ẹnum ọbo oomo phọ Esia ni. 27Ogona ni loor! Aḍien oḍighi phọ ayira kẹpu. Ịdi etum pạ, obughotu phọ Ạrtemis oboom um-ạke phọ ayira, kạ́man mun ịyaar. Kopiemi ni igbogh phọ ọdi, um-ạke phọ oomo phọ Esia rꞌaḅirini phọ rokueni ghan bọ.”
28Ọghaaph phọ ọphon ạghagh ni iloghi aḍita awe phọ, tụtu ọlooghi mọ, “Oboom oboom Ạrtemis phọ Ẹfesos!” 29Kụ ọgbaragbara phọ aleeny ẹmha phọ, kụ oghughaan ọghi osiph Gạyos rꞌẠristakos, bụo aMasidonia, dị rꞌạPol orelhian ghan, ọsighe ọghi ẹpe ịgua phọ. 30ẠPol ạwa ni oḍigh ịpa eghurughan awe phọ, kụ ạbumatuan phọ omirighan nyọdi. 31Kụ buniin ạbuo ạrumhu eelhe phọ, dị oḍighi rịghiri ạPol, oromoghiom mọ kụ́ḍaka uḍighom pạ ịgua phọ. 32Ookpomoghan phọ ạgbaragbara ni, kụ ịilo kịrokiro esoor, kụ ogbogh opol awe phọ ụ́karaghi ulegheri ịyaar phọ ọtu bọ kụ ookpomoghan bọ. 33Kụ ạbuo aJu phọ ọsighe Ạleksander omitiom pạ ogbo aḍita phọ, kụ ịbadi ogbiom ghan mọ ọdi kụ aseere bọ ḍien phọ. Kụ Ạleksander aphighemi ḍịghaagh ọdi mọ oḅoroghian, kụ ạwa ghan ọgba ọphelaam ẹmhu ọdi. 34Rolegheri bọ mọ ọdi ọlo aJu, kụ oomo phọ ạbidi ọḅophoghan ọlooghi esi ịyal ạwa mọ, “Oboom oboom Ạrtemis phọ Ẹfesos!”
35Ọgeeghia ẹmha phọ rọphoomi we phọ, kụ ạḅeni mọ, “Weye Ẹfesos! Ạnhian kụ ọdi úlegheri mọ ẹmha phọ Ẹfesos rooko ghan obughotu Ạrtemis oboom um-ạke phọ, ḅịle rꞌigbudu phọ ọdi ẹḍua bọ kꞌạke kụ ẹghar? 36Ịlo ịparanaan ílho. Iḅoroghian bịn, kéḍighinom ekpom! 37Ạri nyina mẹsighe we phọ ạbuen etu, dị kạ́ruḅa ni, ḅịle kẹn úufolomi um-ạke phọ ayira. 38Eḍighi dị ạDemetrios rꞌawe ọlem mọ ọdi ọmoogh ḍighiton rꞌoye, pọ okunyon ni ruutu ịiruen, dị abuugboom ịiruen odi ni. Ọghi sịphe kụ oniin ạgba ạkpulughiom nyoniin! 39Kụ eru dị nyina ẹmoogh ịnon ịikpalaghian, pọ eepoogh edi ni pạ ookpomoghan phọ rọḅem ghan bọ sighiton phọ. 40Ogona ni loor, ọbo kusiph ghan bọ iyira ologh loor ọgbaragbara phọ ọphon asoor bọ rodon! Ẹmhu ọtuan kụ ọgbaragbara ílho. Ọmaar ọoḅeghion, yira kọ́moogh egey ịyaar ọghaaph.” 41Roseere ọghaaph phọ, kụ ọgeeghia phọ ạḅeni bụo ookpomoghan phọ mọ ogheleghu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS