ISAÍAS 4
4
1Chai punzhacunapi shuclla carita
canchis huarmicuna quichunacushpaca:
«Ñucanchicllatacmi micunatapish,
churanatapish mashcashun.
Ama pingaichishca cangapac
ñucanchic-huan cazarashpa,
cambac shutita cui» ningacunami.
Quipa punzha alli causai tiyanamanta
2Chai huatacunapica
Mandac Diospac retoñoca
sumaimanami huiñanga.
Chai llactapi pucushca
granoca maijanlla saquirishca
israelcunamanca sumac
nishcapish, alli
nishcapishmi canga.
3Shinallatac Sionpi, Jerusalenpi saquirishcacunaca Diospaclla chicanyachishca nishcami canga. Jerusalenpi saquirishcacunapac shutita quillcashcami canga. 4Mandac Dios llaquichishpa, tucuchic Espirituhuan Sión llactapi causac huarmicunapac tucui mapacunata, Jerusalenpi causaccuna huañuchishca yahuarta maillacpimi, chashnaca canga. 5Chai quipami Mandac Diosca punzhaca yana puyuta, tutaca rupacuc achicyachic ninata Sión urcupi tiyac tucui huasicunapac jahuapi churanga. Diosca paicunataca sumaimana achic nicuc-huan shinami tapanga. 6Paimi punzha inti rupachinamantaca llandunga. Jatun tamya huairamantapish ucllac shinami pacanga.
Currently Selected:
ISAÍAS 4: QCA10
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.