Matius 3
3
Pangngajaranna Nabi Yahya
3:1-12
(Markus 1:1-8; Lukas 3:1-18; Yahya 1:19-28)
1Ba'tu pirang-pirang pulo taunna den mesa' nabi disanga Yahya#3:1 Yahya Pangjio' tee disanga, to njio' tau nasaba' mengkatoba'i. Ia to kabiasanna disangai nabi to Yahya Pangjio'. Na moi Puang Isa nasangai la'bih mala'bihpa ia na nabi (Matius 11:9). mpamula jamanna, namale lako tangnga padang pallawangan jio tana Yudea. Namangngajahhi nakua, 2“La mengkatoba' kamu' jio mai dosami, nasaba' cingga'tu'mora naratu Puang Allataala mangparenta susi Raja.”
3Nasaba' iamo tee to nasanga Nabi Yesaya tonna anu' kumua,
“Den tau metamba-tamba jio padang pallawangan nnajahhi tobuda kumua,
‘Pasadianni lalan to Puang,
ranteii to lalan la naola.’ ”#Yesaya 40:3
4Ia to bajunna Nabi Yahya bulu unta na saripinna balulang digaraga. Na ia to kandena batik sola canik pangngala. 5Buda to-Yerusalem, na to-Yudea sola tosiandah Sa'dan Yordan male lako Nabi Yahya, 6na pada nnakui dosana, najio'i Nabi Yahya jiong Sa'dan Yordan.
7Apa ia tonna kitai kumua buda to-Farisi sola to-Saduki#3:7 Ia to to-Farisi sola to-Saduki duang torroan agama to-Yahudi. Ia to to-Farisi naturu' tongan-tongan to atoran agama to-Yahudi na atoran tojolona to-Yahudi to narangnganan atoran agama. Ia to to-Saduki budai imang. Ia to passanganna buda te'da nasusi passanganna to-Farisi. ratu kumua nadijio' toda, mangkadami nakua, “Ee, kamu' bati' ulah balu!#Kajajian 3:1 Te'da mikullei mpalaian kalemi jio mai pangcalla-Na Puang Allataala to la ratu! 8Iamo joo la mipangpekitan to panggaukan melomi mpamanassai kumua mengkatoba'mo kamu' jio mai dosami! 9Danggi' misangai kumua te'damo miladicalla, nasaba' bati'na kamu' Nabi Ibrahim. La mikatappa'i kumua, makuasa to Puang Allataala mpupenjaji bati'nai Nabi Ibrahim tee mai batu! 10Sadiamo Puang Allataala la ncalla kamu', susi to garonto' kaju dipasadian wase jiong garonto'na la dita'banganni. Sininna garonto' kaju to te'da namembua melo la dita'bangngi nadica'bean tama api. 11Kujio' kamu' wai, nasaba' mengkatoba'mo kamu' jio mai dosami. Apa den tau la ratu ke mangkana' la njio' kamu' Roh Allataala na den too kamu' dijio' api pangcalla.#3:11 na den too kamu' dijio' api pangcalla, iarika la mpemaceroi kamu' jio mai dosami susi pande bulawan massa'po. La'bih makuasa Ia na aku'. Moi mbawa sapatun-Na te'da too kusipato'. 12Ia joo tau wa'ding dipangpasusii mesa' tau to sitoe ta'pian la nta'pii pangtambakkana. Ia to resa' malapuh narempun melo lan pa'pak, apa ia to malangkona la nasumpun lan api to dukku tarruh.”#3:12 Battuananna, ia joo tau ratu ke mangkai Nabi Yahya iamo Puang Isa to la mpasisarak tomakassing na togaja'. Ia to tomakassing la dipatama suruga, ia to togaja' la dipatama naraka.
Puang Isa najio' Nabi Yahya
3:13-17
(Markus 1:9-11; Lukas 3:21-22)
13Ia joo wattu ratumi Puang Isa jio mai tana Galilea do' Sa'dan Yordan la mangpejio' lako Nabi Yahya. 14Apa te'da namelo Nabi Yahya njio'i. Nakuanni, “Aku'ra to sipato' la tajio'. Ciapari na Kita' ora ratu la mpangpejioran kale-Ta'?” 15Apa mebalii Puang Isa nakua, “Ake'mo najaji tee, nasaba' susimo tee la tapugauk situru' pakkaeloran-Na Puang Allataala.” Najio'mi Nabi Yahya. 16Ia tonna mangkamo dijio', endekmi de' randan sa'dan, nata'pa titimbak to langi', nakitai Puang Isa to Roh Allataala mellao jao mai susi jangan-jangan nta'paii. 17Nadisa'ding to gamaran-Na Puang Allataala nakua, “Iamo tee to Anak kupakamoja' to mpamasannangna'.”
Currently Selected:
Matius 3: mvpAD
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.