1 Timoteo 4
4
Afunu Atɔ Asunapʋ
1Ɔŋɛ Wankɩhɛ amʋ lahɩɛ lɛ blɩ ɔbɛɛ, brɛ trahɛ amʋtɔ a, akʋ bési Kristo hogyi. Bɛyaa asʋ nu afunu ɔŋɛ asʋn pʋ́ ɔŋɛ lalahɛ atosunahɛ. 2Apinabwɛbi abwɛpʋ afunu atɔ asunapʋ anfɩ bʋgyi. Amʋ́ klʋn tamatra ha amʋ́ ɩpɔn.#4:2 Amʋ́ klʋn labwɛ fɛ tɔá bapʋ ɩdatɔ wa ogya, lɛ tɔ mʋ́. 3Amʋ́dɛ aha hɩɛ bɛɛ, bʋkisi atogyihɛ kʋ, bʋmátsia aka mʋ́a aklu ɛ nɩ. Tamɛ Bulu onuto lɔbwɛ atogyihɛ amʋ, ánɩ́ ahogyipʋá babɩ ɔnɔkwalɩ amʋ bʋda mʋ ɩpan, abʋgyi. 4Togyitɔá Bulu lɛlɛ bʋ alɛ. Mʋ́ sʋ ɩma alɛá abékisi kʋkʋ. Ilehian ánɩ́ abɔ́hɔ kugyikʋ, da mʋ ɩpan. 5Tsufɛ Bulu asʋn pʋ́ mpaɩ amʋʋ anɩlabɔ wʋlɩ atogyihɛ amʋsʋ amʋ laha mʋ́ ɩlamli Bulu klɛ.
Kristo Osumpʋ Wanklaan
6Nɩ fɔpʋ asʋn anfɩ tswɩ apio amʋ ansɩtɔ a, fɔ́bwɛ Kristo Yesu osumbi wanklaan ánɩ́ bapʋ hogyi amʋtɔ asʋn, pʋ́ atosunahɛ wanklaan amʋ bʋla fʋ, fʋdɛ mʋ́tɔ. 7Máyaa asʋ nu atsɩ dɛhɛn ɔtɛ pʋ́ mʋ́á imotsu Bulu ɩwɩ. Mboun hɩɛ fʋ ɩwɩ, afʋsum Bulu wanklaan. 8Tsufɛ nɩ fʋdɛ nyankpʋsa ɔyʋlʋ anfɩ hɩɛ a, labi kpalobi kʋ bʋ mʋ́tɔ. Tamɛ nɩ fɔpʋ Bulusum hɩɛ fʋ ɩwɩ a, ɩbʋ alɛ dʋn. Tsufɛ oyula bʋ mʋ́tɔ ha anɩ sei anfɩ anɩtsie nkpa, pʋ́ nkpa amʋʋ ɩbɛ́ba amʋtɔ. 9Asʋn anfɩ bʋ mʋ́tɔ, ilehian ánɩ́ abɔ́hɔ mʋ́. 10(Nkpa anfɩ sʋ anɩdɛ ɩwɩ lala yɔ agyʋma ɔwʋnlɩnsʋ), anɩ ansɩ dɩn Bulu Ɔkɩankpapʋ, ogyi aha fɛ́ɛ́ Ɔlɛpʋ, titriu ahogyipʋ anfɩsʋ nɩ.
11Suna amʋ́ atɔ anfɩ, afʋha amʋ́ abʋgyi mʋ́sʋ. 12Máha ɔhaa obu fʋ kebi. Mboun fʋ tɔɩtɔ, fʋ nkpatsiatɔ, fʋ ahadwɛ, fʋ Bulu hogyi pʋ́ fʋ ɩwɩtɩn ɩbwɛ atosuanhɛ ha amʋ́. 13Nɩ mlefia a, bɔ mbɔdɩ afʋtsia kla Bulu asʋn suna amʋ́. Da asʋn amʋ ɔkan, afʋsuna amʋ́ atɔ alɩɩ yɔfʋn brɛá nɛ́ba. 14Mákina Bulu atokiehɛ amʋʋ ɔlɔpʋha fʋ tsʋn mʋ ɔnɔsʋ atɔɩpʋsʋ, brɛá ɔpasua ahandɛ bɔpʋ ɩbɩ dɩnka fʋsʋ amʋ. 15Tsia bwɛ ɩnɩ aná, afʋsi ɩwɩ ha mʋ́, mɛnɩ aha bówun ánɩ́ fʋdɛ nkpa yɔ. 16Tsia kɩ fʋ tsiatɔ pʋ́ atosunahɛ amʋ. Tomi bwɛ mʋ́ alɩ, mɛnɩ fɔ́hɔ fʋa asʋn amʋ anupʋ nkpa.
Currently Selected:
1 Timoteo 4: nko
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation