Imatiwu 3
3
Ịjọọnụ ọhwọzenyi ộ kà ịrẹyị Ohomorihi
(Ịmk 1.1-8; Irk 3.1-18; Ịjọ 1.19-28)
1Ịnị ụmẹ ọnọọ, dị Ịjọọnụ ọhwọzenyi vẹ ịnị ụnọmị Ijudiya, dị aa kà ịrẹyị Ohomorihi nị. 2#Imt 4.17; Ịmk 1.15Dị ọ ka: aza è ro ịnẹ varẹma hụụnị ebira odivi ẹnịnị, agụvị ka ụmẹ ọnị Ada ayị ẹbẹẹba vaa sị mẹ ịjọva aa gụrị ẹtẹ nị. 3#Ayị 40.3Ịjọọnụ ọnọnị Ayịsaya ọnịsẹ aa kà ịrẹyị anị ka: Â nyị ọza ịnya aanị ana va yà ịnị ụnọmị aa nọ̀ọ ka: Tenyi oze Ananyị yị tịtẹ yọ nịnị, tenyi oze anị, dị ọ̀ vọrọ ẹtẹẹtẹrẹ. 4#2 Ohi 1.8Ịjọọnụ ọnọọ gẹdẹ-gẹdẹ a sị ẹyị ịnyaakụmị hí ịta awuru anị, dị ọ rẹ sị ịtụmpaha mẹ obo ọnị ọ sị sụ́ ọtẹ nị. Akụvarịva ọnịrị ẹhụ ọ vị ịsọyịrị anị nị. 5Avaba Anijerusarẹmị ẹnịrị avaba Anijudiya beri avaba anẹkụra ana kara Ijodani ệ ká a na. 6Ệ dọ irenu ebira odivi ẹnịnị, dị ọ́ mẹ̀ ọyịhwọzenyi yị wa ịnị Okuha Ịjọdanị nị. 7#Imt 12.34; 23.33Ama òo mè re ka ọrụrụ-ọrụrụ ịnị Anihwarisi ẹnịrị Anisadusi nịnị ệ vẹ ka à mẹ̀ ọyịhwọzenyi yị ẹnị, dị ọ kà a yị wa ka, “Ẹwụ nịnị ezi ibe, ẹnẹ va kà wụ nịnị ọ̀nọ̀ ka we zwè yị ọyịkụ Ohomorihi anaa vẹ? 8Mẹ ịsa ana vọrọ kẹ, ana vaa sị zụ ka we reè ro ịnẹ varẹma nịnị. 9#Ịjọ 8.33Asị u ne roo, dị ụ waa kà a ịnị ayị awụ nịnị ka, ‘Ị yàaa nyị Abụrahamị ana vị ada ayị nị.’ Dị ma kà a yị wụ nịnị ka Ohomorihi ọ zụ sị ịrẹta ẹnẹnị dị ọ sị vara ezi yị Abụrahamị 10#Imt 7.19Booro aanị, á raa sị ịraga pe ọchị nịnị ẹpa, avaba ọchị ẹnẹ ẹ̀ yị tụ́ ẹtụtụ ozoza vị ana á vaa má, dị e ne e ngụ ịnị ịra. 11Ịzẹyịza, ẹmị aa sị enyi hụ́ wụ nịnị enyi ana sị zụ ka we reè ro ịnẹ varẹma nịnị. Ama áa nyị ọza anaa vẹ ịrẹma amị. Ọza ọnọọ ọ nyị ụkata huna amị nị. Mẹ yị hyakụ yà ọza ana á vọrọ ka ọ̀ kụ́ adava anị. Ọza ọnọọ vị ana vaa sị Ụhwẹ Ọnịnị beri ịraa hụ́ wụ nịnị enyi. 12Ọ vaa tụ́ azịzẹ ahịị hụụnị akụ obooro, dị a si a kụkụ nyị azịzẹ ịzọọ vụrụ-vụrụ. Dị ọ kụ́ akụ anị hi ịhị ụhwọ; ama dị ọ kụ azịzẹ hi ịnị ịra ene è yi mē mi pooro”.
Ịjọọnụ ộ hụ̀ Ijeesu enyi
(Ịmk 1.9-11; Irk 3.21-22)
13Ịnị ụmẹ ọnọọ Ijeesu ộ hụrị Igariri vẹ Ijodani ve tu Ịjọọnụ kà ọ̀ hụ́ ọnị enyi. 14Dị Ịjọọnụ kà: “Eyiye de, ẹwụ à vọrọ ka ọ̀ hụ́ mị enyi nọ; sị ẹ vẹ dị ụ vaa vẹ ịdị amịị?” 15Dị Ijeesu tụ́ ohi, dị ọ́ kà a yọ ka, “Naavọ wa vavọọ mẹ ẹ! Yàa vavọọ mẹ, ịsa ọnị Ohomorihi si ka ya mẹ̀, ị yaa mẹ avọọ nị”. Ịjọnọọ dị Ịjọọnụ zẹẹ yọ nị. 16Ịjị a sị ọyịhwenyi mẹ yị Ijeesu kẹnẹ, dị ọ jịnẹ hụụnị enyi vẹ nị. Re, dị ihinẹba na hi ẹtẹ, dị o re ka Ụhwẹ Ọnịnị Ohomorihi anka arivadi avọọ, dị ọ và kú ọ nị. 17#Oyn 22.2; Ahẹ 2.7; Ayị 42.1; Imt 12.18; 17.5; Ịmk 1.11; Irk 9.35Re, dị ọngwẹ ọnya hụrị ẹbẹẹba vẹ ka, “Ozi emi oni mi sì ịrẹyị anị yị, ịnẹ amị ô hine tù ọ ẹtẹẹtẹrẹ”.
Currently Selected:
Imatiwu 3: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Imatiwu 3
3
Ịjọọnụ ọhwọzenyi ộ kà ịrẹyị Ohomorihi
(Ịmk 1.1-8; Irk 3.1-18; Ịjọ 1.19-28)
1Ịnị ụmẹ ọnọọ, dị Ịjọọnụ ọhwọzenyi vẹ ịnị ụnọmị Ijudiya, dị aa kà ịrẹyị Ohomorihi nị. 2#Imt 4.17; Ịmk 1.15Dị ọ ka: aza è ro ịnẹ varẹma hụụnị ebira odivi ẹnịnị, agụvị ka ụmẹ ọnị Ada ayị ẹbẹẹba vaa sị mẹ ịjọva aa gụrị ẹtẹ nị. 3#Ayị 40.3Ịjọọnụ ọnọnị Ayịsaya ọnịsẹ aa kà ịrẹyị anị ka: Â nyị ọza ịnya aanị ana va yà ịnị ụnọmị aa nọ̀ọ ka: Tenyi oze Ananyị yị tịtẹ yọ nịnị, tenyi oze anị, dị ọ̀ vọrọ ẹtẹẹtẹrẹ. 4#2 Ohi 1.8Ịjọọnụ ọnọọ gẹdẹ-gẹdẹ a sị ẹyị ịnyaakụmị hí ịta awuru anị, dị ọ rẹ sị ịtụmpaha mẹ obo ọnị ọ sị sụ́ ọtẹ nị. Akụvarịva ọnịrị ẹhụ ọ vị ịsọyịrị anị nị. 5Avaba Anijerusarẹmị ẹnịrị avaba Anijudiya beri avaba anẹkụra ana kara Ijodani ệ ká a na. 6Ệ dọ irenu ebira odivi ẹnịnị, dị ọ́ mẹ̀ ọyịhwọzenyi yị wa ịnị Okuha Ịjọdanị nị. 7#Imt 12.34; 23.33Ama òo mè re ka ọrụrụ-ọrụrụ ịnị Anihwarisi ẹnịrị Anisadusi nịnị ệ vẹ ka à mẹ̀ ọyịhwọzenyi yị ẹnị, dị ọ kà a yị wa ka, “Ẹwụ nịnị ezi ibe, ẹnẹ va kà wụ nịnị ọ̀nọ̀ ka we zwè yị ọyịkụ Ohomorihi anaa vẹ? 8Mẹ ịsa ana vọrọ kẹ, ana vaa sị zụ ka we reè ro ịnẹ varẹma nịnị. 9#Ịjọ 8.33Asị u ne roo, dị ụ waa kà a ịnị ayị awụ nịnị ka, ‘Ị yàaa nyị Abụrahamị ana vị ada ayị nị.’ Dị ma kà a yị wụ nịnị ka Ohomorihi ọ zụ sị ịrẹta ẹnẹnị dị ọ sị vara ezi yị Abụrahamị 10#Imt 7.19Booro aanị, á raa sị ịraga pe ọchị nịnị ẹpa, avaba ọchị ẹnẹ ẹ̀ yị tụ́ ẹtụtụ ozoza vị ana á vaa má, dị e ne e ngụ ịnị ịra. 11Ịzẹyịza, ẹmị aa sị enyi hụ́ wụ nịnị enyi ana sị zụ ka we reè ro ịnẹ varẹma nịnị. Ama áa nyị ọza anaa vẹ ịrẹma amị. Ọza ọnọọ ọ nyị ụkata huna amị nị. Mẹ yị hyakụ yà ọza ana á vọrọ ka ọ̀ kụ́ adava anị. Ọza ọnọọ vị ana vaa sị Ụhwẹ Ọnịnị beri ịraa hụ́ wụ nịnị enyi. 12Ọ vaa tụ́ azịzẹ ahịị hụụnị akụ obooro, dị a si a kụkụ nyị azịzẹ ịzọọ vụrụ-vụrụ. Dị ọ kụ́ akụ anị hi ịhị ụhwọ; ama dị ọ kụ azịzẹ hi ịnị ịra ene è yi mē mi pooro”.
Ịjọọnụ ộ hụ̀ Ijeesu enyi
(Ịmk 1.9-11; Irk 3.21-22)
13Ịnị ụmẹ ọnọọ Ijeesu ộ hụrị Igariri vẹ Ijodani ve tu Ịjọọnụ kà ọ̀ hụ́ ọnị enyi. 14Dị Ịjọọnụ kà: “Eyiye de, ẹwụ à vọrọ ka ọ̀ hụ́ mị enyi nọ; sị ẹ vẹ dị ụ vaa vẹ ịdị amịị?” 15Dị Ijeesu tụ́ ohi, dị ọ́ kà a yọ ka, “Naavọ wa vavọọ mẹ ẹ! Yàa vavọọ mẹ, ịsa ọnị Ohomorihi si ka ya mẹ̀, ị yaa mẹ avọọ nị”. Ịjọnọọ dị Ịjọọnụ zẹẹ yọ nị. 16Ịjị a sị ọyịhwenyi mẹ yị Ijeesu kẹnẹ, dị ọ jịnẹ hụụnị enyi vẹ nị. Re, dị ihinẹba na hi ẹtẹ, dị o re ka Ụhwẹ Ọnịnị Ohomorihi anka arivadi avọọ, dị ọ và kú ọ nị. 17#Oyn 22.2; Ahẹ 2.7; Ayị 42.1; Imt 12.18; 17.5; Ịmk 1.11; Irk 9.35Re, dị ọngwẹ ọnya hụrị ẹbẹẹba vẹ ka, “Ozi emi oni mi sì ịrẹyị anị yị, ịnẹ amị ô hine tù ọ ẹtẹẹtẹrẹ”.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.