Imatiwu 2
2
Ọ́yẹrẹyị nịnị mẹmẹ ve hee Ijeesu
1Ijeesu vị ana a ma ịnị ẹkụra Ịbẹtịrẹhẹmị ịnị ẹtẹ Ijudiya. Ịhẹrọdị ọ vị ohinọyị ịnị ụmẹ ọnọọ nị. Â nyị aza ẹnyị aanị ana ahịka ệ yẹ ịsị ụzọmịị̄ ka. Ẹnịnị ệ hụrẹ eyi ọnị ọyịị̄ zịị hụrẹẹ vẹ, ệ vẹ Ijerusarẹmị. 2Dị e họ̀ use ka: ịzị ozi ana a ma ana vaa vị ohinọyị Aniju nịnị ya? Ẹ ka ẹnị ê re ụzọmị anị ka ộ chị tụ eyi ọnị ọyịị̄ zịị hụrẹẹ vẹ, dị ẹnị vẹ ka ẹnị ẹ̀ va vaku ẹtẹ kụ ọ nị. 3Ịjị Ịhẹrọdị maanị wụ́, ayị anị ọ yị nẹtẹ, ayị avaba Anijerusarẹmị nịnị ẹ́ yị rẹ nẹtẹ bẹẹ. 4DỊ Ịhẹrọdị hị́ avaba ohirẹsụ ẹbanyị irehi ahẹkẹ Aniju ẹnịrị ọzwọzọda Aniju nịnị gụ nị. Dị ọ họ̀ wa use ka: ịzị a ka a vaa ya ma Ikirisiti, Ohinọyị oni Ohomorihi nyị ka ọ̀ dọ aza ha nị. 5Dị ẹ ka Ịbẹtịrẹhẹmị ịnị ẹtẹ Ijudiya yọ nị, agụvị ka avọọ ọnịsẹ mẹ chẹrẹ ẹ tịtẹ ka: 6#Imi 5.2Ẹwụ ẹkụra Ịbẹtịrẹhẹmị ana ya ịnị ẹtẹ Ijuda, ẹ yị vị ẹwụ o weyi hu keekere ini ohirẹsụ ẹkụra Ijuda nịnị, agụvị ka ịdị awụ óhinọyị ọnya vaa hụrẹẹ vẹ ana vaa sị oze zụ̀ aza amị ana vị Anisirẹrị nịnị nị. 7Dị Ịhẹrọdị tangwa were hị́ ọyẹrẹyị ẹnẹẹ nị. Dị ọ tangwa họ̀ wa ka ye re ụmẹ ọnị ụzọmị ọnọọ sị chị nị. 8Dị ọ rẹ ka ẹ̀ nọ Ịbẹtịrẹhẹmị, dị ẹ̀ tangwa ne họ̀ use ini oze ozi ọnọọ nị. Dị ọ ka èe si o re, dị ẹ̀ va kà a yị ọnị, dị ọnị ọ̀ rẹ na va ku ẹtẹ kụ ọ bẹẹ nị. 9Ịjị ohinọyị maanị sị kà, dị ọyẹrẹyị ẹnẹẹ si hu nị. Ẹ maa na óze, dị ụzọmị ene vịdị re ịzị ọyịị̄ zịị hụrẹẹ vẹ aanị tụ ọvịdị ẹnịnị nị. Dị ọ na jẹẹ ịrẹsụ irehi ịzị ozi ọnọọ ya gẹdẹ-gẹdẹ nị. 10Ịjị e re ụzọmị ọnọọ, ịnẹ ẹnịnị ô hine ẹtẹẹtẹrẹ, dị ẹyaa jẹ nị. 11Ịjị ẹ sị ngụ ịnị irehi ọnọọ, ê re ozi ọnọọ ọnịrị Imeri ọnyị anị, dị ẹnịnị va ku ẹtẹ, dị ẹ kụ ọ nị. Â nyị ẹnya ẹnẹ ẹ za na, ịjị ẹ sị ọ hụ, dị ẹ sị igooru ọnịrị eturare ana aā rị ịra ne beri eturare ọsa ene e siī sisi ẹngụ, dị ẹ sị mẹ Ijeesu ẹyịza nị. 12Ohomorihi ộ ka wa ọnọ ịnị ụra ka à sị ẹ varẹma nọ ịdị Ịhẹrọdị; agụvị avọọ, dị ẹnịnị zị oze ọsa, dị ẹyaa nọ eehi ẹnịnị nị.
 sị Ijeesu zwe nọ Ijipiti.
13Ịjị e si hu, dị anggẹẹrị Ohomorihi sị ẹngụ zụ̀ Ijosẹẹhụ ịnị ụra nị. Dị ọ kà a yọ ka, ọ̀ kwẹẹtẹ dị ò si ozi ọnọọ ọnịrị ọnyị anị, dị ò zwe nọ Ijipiti nị. Ọ kà ọ̀ yà ịzọọ pooro ne tu ịhị ọnị ọnị ọ̀ọ kà a yọ ka ọọ vẹ, agụvị ka Ịhẹrọdị ee si ka ọnị ọ̀ wụ ozi ọnọọ. 14Dị Ijosẹẹhụ kwẹẹtẹ, dị ọ sị ozi ọnọọ ọnịrị ọnyị anị ịrahụ, dị ẹ nọ Ijipiti nị. 15#Iho 11.1Dị ẹnịnị yà ịzọọ pooro ne tu ụmẹ ọnị Ịhẹrọdị wusu nị. Ọnọnị ộ mẹ̀ agụvị ịsa ọnị Ohomorihi zi oze ịnị ụvọ ọnịsẹ anị ọnya ka, ọ̀ zụ sẹ. Ộ kà a ka, “Hụrị ẹtẹ Ijipiti mị hị́ ozi emi hụrẹ vẹ nị”.
 wụ ezinụvọ
16Ịjị Ịhẹrọdị sị yẹ ka ọyẹrẹyị ẹnẹnị ẹ sị ọnị vene, dị ayị anị aa dà ọva nị. Dị ọ mẹ ọda ka à na wụ̀ avaba ezinụvọ ana vị ịrayị ẹẹva vachi ene hi Ịbẹtịrẹhẹmị ọnịrị okokooro anị nị, anka ụmẹ ọnị ọ́ tangwa họ̀ use hụụnị ụvọ ọyẹrẹyị ẹnẹẹ nị. 17Avọọ ị́sa ọnị ọnịsẹ ana aā hị́ Ijeremaya kà mẹ̀ sẹ nị. 18#Ijer 31.15Ọ kà, “Â wụ́ owu Ịrama, owu orere ọnịrị arụwẹ ọbanyị. Irechẹrị aa jị òrèrè ezi anị; ọ́ yị zẹẹ ka ọnị ò ku irenu agụvị ka avaba ezi anị saka-saka ê wusu”.
 sị Ijeesu va hụrẹ Ijipiti vẹ
19Ịjị Ịhẹrọdị wusu, dị anggẹẹrị Ohomorihi ọnya rẹ sị ẹngụ zụ̀ Ijosẹẹhụ ịnị ụra ịnị ẹtẹ Ijipiti nị, 20dị ọ ka, “Kwẹẹtẹ, sị ozi ọnọọ ọnịrị ọnyị anị, dị ụ wa nọ ịnị ẹtẹ Isirẹrị nịnị, agụvị ka aza enee sì ka ẹnị ẹ̀ wụ ọ ê wusu”. 21Dị Ijosẹẹhụ kwẹẹtẹ, dị ọ sị ozi ọnọọ ọnịrị ọnyị anị dị ẹ varẹma nọ ịnị ẹtẹ Isirẹrị nị. 22Ama ịjị Ijosẹẹhụ wụ ka Achẹrọsị ọ dọ ada anị Ịhẹrọdị ịrẹsụ ịnị ẹtẹ Ijudiya nị, angwa ô hí ọ ọyị nọ ịzọọ. Ohomorihi ộ kà a ọnọ ịnị ụra, dị ọ tangwa na yà Igariri nị. 23#Ịmk 1.24; Irk 2.39; Ịjọ 1.45Dị ọ na yà ịnị ẹkụra ọnya ana aā hị́ Ịnazarẹtị nị, agụvị ịsa ọnị ọnịsẹ kà, ọ̀ rẹ zụ sẹ ka, “Anịnazarẹtị á vaa hị́ ọ nị.”
Currently Selected:
Imatiwu 2: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Imatiwu 2
2
Ọ́yẹrẹyị nịnị mẹmẹ ve hee Ijeesu
1Ijeesu vị ana a ma ịnị ẹkụra Ịbẹtịrẹhẹmị ịnị ẹtẹ Ijudiya. Ịhẹrọdị ọ vị ohinọyị ịnị ụmẹ ọnọọ nị. Â nyị aza ẹnyị aanị ana ahịka ệ yẹ ịsị ụzọmịị̄ ka. Ẹnịnị ệ hụrẹ eyi ọnị ọyịị̄ zịị hụrẹẹ vẹ, ệ vẹ Ijerusarẹmị. 2Dị e họ̀ use ka: ịzị ozi ana a ma ana vaa vị ohinọyị Aniju nịnị ya? Ẹ ka ẹnị ê re ụzọmị anị ka ộ chị tụ eyi ọnị ọyịị̄ zịị hụrẹẹ vẹ, dị ẹnị vẹ ka ẹnị ẹ̀ va vaku ẹtẹ kụ ọ nị. 3Ịjị Ịhẹrọdị maanị wụ́, ayị anị ọ yị nẹtẹ, ayị avaba Anijerusarẹmị nịnị ẹ́ yị rẹ nẹtẹ bẹẹ. 4DỊ Ịhẹrọdị hị́ avaba ohirẹsụ ẹbanyị irehi ahẹkẹ Aniju ẹnịrị ọzwọzọda Aniju nịnị gụ nị. Dị ọ họ̀ wa use ka: ịzị a ka a vaa ya ma Ikirisiti, Ohinọyị oni Ohomorihi nyị ka ọ̀ dọ aza ha nị. 5Dị ẹ ka Ịbẹtịrẹhẹmị ịnị ẹtẹ Ijudiya yọ nị, agụvị ka avọọ ọnịsẹ mẹ chẹrẹ ẹ tịtẹ ka: 6#Imi 5.2Ẹwụ ẹkụra Ịbẹtịrẹhẹmị ana ya ịnị ẹtẹ Ijuda, ẹ yị vị ẹwụ o weyi hu keekere ini ohirẹsụ ẹkụra Ijuda nịnị, agụvị ka ịdị awụ óhinọyị ọnya vaa hụrẹẹ vẹ ana vaa sị oze zụ̀ aza amị ana vị Anisirẹrị nịnị nị. 7Dị Ịhẹrọdị tangwa were hị́ ọyẹrẹyị ẹnẹẹ nị. Dị ọ tangwa họ̀ wa ka ye re ụmẹ ọnị ụzọmị ọnọọ sị chị nị. 8Dị ọ rẹ ka ẹ̀ nọ Ịbẹtịrẹhẹmị, dị ẹ̀ tangwa ne họ̀ use ini oze ozi ọnọọ nị. Dị ọ ka èe si o re, dị ẹ̀ va kà a yị ọnị, dị ọnị ọ̀ rẹ na va ku ẹtẹ kụ ọ bẹẹ nị. 9Ịjị ohinọyị maanị sị kà, dị ọyẹrẹyị ẹnẹẹ si hu nị. Ẹ maa na óze, dị ụzọmị ene vịdị re ịzị ọyịị̄ zịị hụrẹẹ vẹ aanị tụ ọvịdị ẹnịnị nị. Dị ọ na jẹẹ ịrẹsụ irehi ịzị ozi ọnọọ ya gẹdẹ-gẹdẹ nị. 10Ịjị e re ụzọmị ọnọọ, ịnẹ ẹnịnị ô hine ẹtẹẹtẹrẹ, dị ẹyaa jẹ nị. 11Ịjị ẹ sị ngụ ịnị irehi ọnọọ, ê re ozi ọnọọ ọnịrị Imeri ọnyị anị, dị ẹnịnị va ku ẹtẹ, dị ẹ kụ ọ nị. Â nyị ẹnya ẹnẹ ẹ za na, ịjị ẹ sị ọ hụ, dị ẹ sị igooru ọnịrị eturare ana aā rị ịra ne beri eturare ọsa ene e siī sisi ẹngụ, dị ẹ sị mẹ Ijeesu ẹyịza nị. 12Ohomorihi ộ ka wa ọnọ ịnị ụra ka à sị ẹ varẹma nọ ịdị Ịhẹrọdị; agụvị avọọ, dị ẹnịnị zị oze ọsa, dị ẹyaa nọ eehi ẹnịnị nị.
 sị Ijeesu zwe nọ Ijipiti.
13Ịjị e si hu, dị anggẹẹrị Ohomorihi sị ẹngụ zụ̀ Ijosẹẹhụ ịnị ụra nị. Dị ọ kà a yọ ka, ọ̀ kwẹẹtẹ dị ò si ozi ọnọọ ọnịrị ọnyị anị, dị ò zwe nọ Ijipiti nị. Ọ kà ọ̀ yà ịzọọ pooro ne tu ịhị ọnị ọnị ọ̀ọ kà a yọ ka ọọ vẹ, agụvị ka Ịhẹrọdị ee si ka ọnị ọ̀ wụ ozi ọnọọ. 14Dị Ijosẹẹhụ kwẹẹtẹ, dị ọ sị ozi ọnọọ ọnịrị ọnyị anị ịrahụ, dị ẹ nọ Ijipiti nị. 15#Iho 11.1Dị ẹnịnị yà ịzọọ pooro ne tu ụmẹ ọnị Ịhẹrọdị wusu nị. Ọnọnị ộ mẹ̀ agụvị ịsa ọnị Ohomorihi zi oze ịnị ụvọ ọnịsẹ anị ọnya ka, ọ̀ zụ sẹ. Ộ kà a ka, “Hụrị ẹtẹ Ijipiti mị hị́ ozi emi hụrẹ vẹ nị”.
 wụ ezinụvọ
16Ịjị Ịhẹrọdị sị yẹ ka ọyẹrẹyị ẹnẹnị ẹ sị ọnị vene, dị ayị anị aa dà ọva nị. Dị ọ mẹ ọda ka à na wụ̀ avaba ezinụvọ ana vị ịrayị ẹẹva vachi ene hi Ịbẹtịrẹhẹmị ọnịrị okokooro anị nị, anka ụmẹ ọnị ọ́ tangwa họ̀ use hụụnị ụvọ ọyẹrẹyị ẹnẹẹ nị. 17Avọọ ị́sa ọnị ọnịsẹ ana aā hị́ Ijeremaya kà mẹ̀ sẹ nị. 18#Ijer 31.15Ọ kà, “Â wụ́ owu Ịrama, owu orere ọnịrị arụwẹ ọbanyị. Irechẹrị aa jị òrèrè ezi anị; ọ́ yị zẹẹ ka ọnị ò ku irenu agụvị ka avaba ezi anị saka-saka ê wusu”.
 sị Ijeesu va hụrẹ Ijipiti vẹ
19Ịjị Ịhẹrọdị wusu, dị anggẹẹrị Ohomorihi ọnya rẹ sị ẹngụ zụ̀ Ijosẹẹhụ ịnị ụra ịnị ẹtẹ Ijipiti nị, 20dị ọ ka, “Kwẹẹtẹ, sị ozi ọnọọ ọnịrị ọnyị anị, dị ụ wa nọ ịnị ẹtẹ Isirẹrị nịnị, agụvị ka aza enee sì ka ẹnị ẹ̀ wụ ọ ê wusu”. 21Dị Ijosẹẹhụ kwẹẹtẹ, dị ọ sị ozi ọnọọ ọnịrị ọnyị anị dị ẹ varẹma nọ ịnị ẹtẹ Isirẹrị nị. 22Ama ịjị Ijosẹẹhụ wụ ka Achẹrọsị ọ dọ ada anị Ịhẹrọdị ịrẹsụ ịnị ẹtẹ Ijudiya nị, angwa ô hí ọ ọyị nọ ịzọọ. Ohomorihi ộ kà a ọnọ ịnị ụra, dị ọ tangwa na yà Igariri nị. 23#Ịmk 1.24; Irk 2.39; Ịjọ 1.45Dị ọ na yà ịnị ẹkụra ọnya ana aā hị́ Ịnazarẹtị nị, agụvị ịsa ọnị ọnịsẹ kà, ọ̀ rẹ zụ sẹ ka, “Anịnazarẹtị á vaa hị́ ọ nị.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.