१ थिस्सलोनिकि निसुम्
निसुम्
थिस्सलोनिकि ये़क्यक्किन् रोमि हाङ्जुम् मे़सेदोनिया थुम्मोबा हाङ्पाङ् वये़॥ सेःक्युक्मिबा पावलरे़ फिलिप्पि ये़क्यक्लाम्बा पेआङ् कन् थिस्सलोनिकि ये़क्यक्को सुनाइङ् इङ्भन् चोगु हे़क्क्याङ् सेसेहुप्लक् हेःक्तुरो (“सेःक्युक्मिबाहाॽरे़ खुनिॽ याःम्बक्हाॽ” मे़प्मनाबा साप्पन्निन् १७:१-१० ओमत्ते़ॽओ)॥ कर याङ्सि यहुदिहाॽ पावलरे़ कुदक्ले़ङ्वाओ मे़बोगे़, थेआङ्भे़ल्ले़ खे़ङ्हाॽरे़ यहुदि साम्यो खुनिॽ सिराॽ के़धाङ्बा थिम्मे़न्दङ् सुवाङ्हाॽ पावलरे़ ख्रिस्तरे़ कुयाःम्बेओ सुनाइङ् इङ्भोसुबा पाःन्निन् नामे़हे़त्तुरो॥ खे़ङ्हाॽरे़ साॽरिक् मे़अत्तुबाल्ले़ चोगुल्ले़ पावले़न् थिस्सलोनिकिलाम् बेरिया ये़क्यक्को पेरो॥
याङ्सि खुने़ॽ कोरन्थि ये़क्यक्को त्ये़ःल्ले़ खुने़ॽनुए सोरिक् माङ्से़वा के़जोःक्पा तिमोथिलाम्बा थिस्सलोनिकिओबा सेसेहुप्लक्ले़ कुयाःम्बेओ इङ्घङ् खोसुरो॥
पावलरे़ थिस्सलोनिकिबा नसानिबाहाॽ हाङ्हाङ् मे़त्छे़ नु याम्जाङ्वा मे़त्छे़ कन् सक्इङ्घङ्ङिन् साप्तुबारो॥ पावलरे़ खुनिॽ नसान् नु मिःम्जिरे़ कुयाःम्बेओ निङ्वाॽफुमाङ्ङिन् नोगे़न् पिरुआङ् खुने़ॽ खे़ङ्हाॽनु सोरिक् वये़ल्ले़ आक्खेलॽरिक् वये़ के़लॽबा पाःन्हाॽ खुनिॽ निङ्वाॽसोओ तारुबिरुसिरो॥ हे़क्क्याङ् ख्रिस्तरे़ कुयुमाल्ले़ कुयाःम्बेओ पोगे़बा पाःन्धङ्ङिन् सेसेहुप्लक्को चिजि चोगुरो॥ हे़क्केलॽरिक् ख्रिस्तरे़ कुयुमान् मे़हाङ्घुल्ले़ खे़ङ्हाॽरे़ आबाङे चामारे़ लागि वेॽहाॽ मे़न्हम्से आबाङे याःम्बक्किन् मे़जोगुर फाॽआङ् मे़त्तुसिरो॥
ताङ्बा थामिङ्
निसुम् नु से़वा १:१
हे़ना नु नाराफोमा १:२–३:१३
ख्रिस्तानिहाॽरे़ लागि हाङ्हाङ्वा ४:१-१२
ख्रिस्तरे़ कुनुःङ्मा युःमाल्ले़ कुयाःम्बेओ निसाम् ४:१३–५:११
कुनुप्मा निसाम् ५:१२-२२
कुनुप्मा से़वा ५:२३-२८
Currently Selected:
१ थिस्सलोनिकि निसुम्: LIF
Highlight
Share
Copy
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.