MATTHEW 2
2
Nisuona Lam Mipilte’ Hawna
1Kumpi Herod hun sungin Judea gam Bethlehem khuo ah Jesu a suo zaw ciengin nisuona lam panin Jerusalem ah mipilte#2:1 Ahi sihle “aasi lam siemte”; Gk “magi” a tung vua, 2Jew mite kumpi ding ahi ang suoh nausen hei-a om ahei” ci-in dong uhi. Azieh pen ama’ aasi ang suoh#2:2 Ahi sihle “nisuona lam” ka mu zo ta vua, ama zatahna pie dinga ang pei ka hi uhi,” a ci uhi. 3Herod in tam thu a zah ciengin ama le Jerusalem-a mi zosie a zau mama uhi; 4tuale siempu liente le thukham hil sie zosie kaikhawm a, ama in Messiah#2:4 Ahi sihle “Khris” suo nading mun amate dong hi. 5Amate in, “Judea gam Bethlehem ah a suoh ding hi; azieh pen kamsang pa in hici bangin na giel hi:
6‘Judea gama om nang Bethlehem khuo aw,
Judah gam-uhte lahah a neu pen na hi vawt sih hi;
bangzieh ahei cile ka mi Israel-te a cing#2:6 Ahi sihle “uh” dingin
nang sung panin uhpa khat pieng ding hi,’ ci hi,” a ci uhi.#Mic 5:2
7Tua ciengin Herod in mipilte#2:7 Ahi sihle”aasi lam siemte”; Gk “magi” hlandapin amate tung panin aasi a kilah hun cientahin dong hi. 8Tua ciengin Bethlehem ah amate sawl a, “Pei unlen tua nausen limtahin hing sui un; ama na mu ciengun kei zong pei-in ama zatahna ka pieh thei nadingin thu ei zasahkia un,” a ci hi. 9Amate in kumpipa thu vaihlah a zah zaw ciengun vai a ding uhi; tuale amate in a mu ngaisa uh ang suoh#2:9 Ahi sihle “nisuona lam”; Gk “magi” aasi, nausen opna tung sontahah a khawl masang, khumtah amau’ mai-ah na peipei hi. 10Tua aasi a khawl#2:10 Gk “aasi a mu” a mu ciengun a lungdam mama uhi. 11Inn sungah amate lut a, a nu Mary le nausen a mu uhi; tuale amate in khupdinin ama zatahna a pie uhi. Tua ciengin a gou bawmte uh a suo vua, kham, panamtui, le myrrh panamtuite letsongin a pie uhi. 12Herod kunga a kilekia lo nadingun a mang sung vuah a kihilkhol ziehin lam tuom zui-in a gam vuah a kilekia ta uhi.
Egypt Gama Taina
13Amate a pei zaw ciengun Joseph’ mang sungah Topa’ vantungmi khat kihil a, “Tho inlen nausen le a nu, Egypt gamah taipi inlen, kang genkia masangsie tuanah va om ta’n; azieh pen Herod in tua nausen tha dingin a sui hi,” a ci hi. 14Tua ciengin Joseph#2:14 Gk “ama” tho pai a, khum zan ma-in nausen le a nu zawpi-in Egypt gamah a tai vua, 15Herod a si masangsie khum sungah a om uhi. Tam thu pen kamsangte tungtawnin Topa in a na gensa, “Egypt panin ka tapa ka hlan ta hi,” a ci thu a tangtun nading ahi hi.#Hos 11:1
Nausente Kihonthana
16Mipilte#2:16 Ahi sihle “aasi lam siemte”; Gk “magi” in a sol lamtah Herod in a thei ciengin lungthah mama a, tuale ama in zong mi sawlin aasi lam mipilte#2:16 Ahi sihle”aasi lam siemte”; Gk “magi” tung pana a theisa hun tawh kituohin Bethlehem khuo le a kimvela om kum ni le a neisie nausen zosie a thatsah hi. 17Tua ciengin kamsangpa Jeremiah’ genkholna:
18“Rama khuo ah nahpi tah
kaana le mauna kiza a,
Rachel in a tate kaa a, a tate a op tah lo ziehin
koima in ama hlai zo lo hi,” a ci thu a tangtunna ahi hi.#Jer 31:15
Egypt Pan Kilekiana
19Herod a si zaw ciengin Egypt gama om Joseph kungah Topa’ vantungmi khat a mang sungah kihil a, 20“Nausen tha dinga a suite si zo ahi ziehin tho-in nausen le a nu zawpi inlen Israel gamah pei in,” a ci hi. 21Tua ciengin Joseph#2:21 Gk “ama” tho-in nausen le a nu zawpi a, Israel gamah a pei uhi. 22Ahi vangin Archelaus in a pa Herod tangin Judea gam a uh lam a zah bepin tua munah a pei ngam ta sih hi. Tuale a mang sunga a kihil zaw ciengin ama Galilee gamah a pei hi. 23Nazareth a kici khuo khatah tengin, “Ama Nazareth khuomi kici ding hi,” ci-a kamsangte’ genna a tangtun thei nading ahi hi.#Mrk 1:24; Luk 2:39; Jhn 1:45
Currently Selected:
MATTHEW 2: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.