MATTHEW 1
1
Messiah Jesu’ Khanggui Simna
(Luk 3:23-38)
1Abraham’ ta David, David’ suon Messiah Jesu’#1:1 Ahi sihle “Jesu Khris” khang ciemtena#1:1 Ahi sihle “suona” tam bang ahi hi.
2Abraham’ ta Isaac, Isaac’ ta Jacob; Jacob’ ta Judah le a sanggam pasalte, 3a zi Tamar tawh a nei Judah’ ta Perez le Zerah, Perez’ ta Hezron, Hezron’ ta Aram, 4Aram’ ta Aminadab, Aminadab’ ta Nahshon, Nahshon’ ta Salmon, 5a zi Rahab tawh a nei Salmon’ ta Boaz, a zi Ruth tawh a nei Boaz’ ta Obed, Obed’ ta Jessi, 6le Jessi’ ta Kumpi David ahi hi.
Uriah’ zi Bathsheba tawh a nei David’ ta Solomon, 7Solomon’ ta Rehoboam, Rehoboam’ ta Abijah, Abijah’ ta Asaph,#1:7 Tanglai laibute ah “Asa” ci-in kigiel hi. 8Asaph’ ta Jehoshaphat, Jehoshaphat’ ta Joram, Joram’ ta Uzziah, 9Uzziah’ ta Jotham, Jotham’ ta Ahaz, Ahaz’ ta Hezekiah, 10Hezekiah’ ta Manasseh, Manasseh’ ta Amos,#1:10 Tanglai laibute ah “Amon” kici hi. Amos’#1:10 Tanglai laibute ah “Amon” kici hi. ta Josiah, 11Josiah’ ta Jechoniah le a sanggamte ahi a, Babylon ah sala a kipeipi hun pawla suoh ahi uhi.#2Kum 24:14-15; 2Khg 36:10; Jer 27:20
12Babylon ah sala a kipeipi zaw ciengin: Jechoniah’ ta Salathiel, Salathiel’ ta Zerubbabel, 13Zerubbabel’ ta Abiud, Abiud’ ta Eliakim, Eliakim’ ta Azor, 14Azor’ ta Zadok, Zadok’ ta Achim, Achim’ ta Eliud, 15Eliud’ ta Eleazar, Eleazer’ ta Matthan, Matthan’ ta Jacob, 16Jacob’ ta pen Mary’ pasal Joseph ahi a, tua Mary panin Messiah#1:16 Ahi sihle “Khris” a kici Jesu a suoh hi.
17Tuaci’n Abraham pan David dong khang sawm le khang li hi a, David panin Babylon-a saltan dong khang sawm le khang li ma pha a, Babylon pan sala a kipeipi-a kipan Messiah#1:17 Ahi sihle “Khris” suo hun cieng dong khang sawm le khang li ma a pha hi.
Messiah Jesu’ Suona
(Luk 2:1-7)
18Tu-in Messiah#1:18 Ahi sihle “ Jesu Khris” Jesu Khris ang suo dan tam bang ahi hi. A nu Mary pen Joseph tawh a kikham laitah ahi a, hinanle a lupton masangun Hlagau Siengtho in Mary a gaisah hi.#Luk 1:27 19A pasal Joseph pen mi thuman khat ahi ziehin mipi lahah ama daisah nuom loin khuldap ding a sawm hi. 20Hinanle tam banga bawl dingin a ngaisut laitahin, ama kungah Topa’ vantungmi khat kihil a, “David’ tapa Joseph aw, Mary na zi dingin la ngam la sin, azieh pen ama sunga a gai nau pen Hlagau Siengtho in a gaisah ahi bo hi. 21Ama in tapa khat nei ding a, tuapa in ama’ mite a mawna panun hunkhie ding ahi ziehin a min Jesu na phuo ding hi,” a ci hi.#Luk 1:31 22Topa in kamsangpa tungtawnin a gensa thute a tangtun nadingin tam thute a pieng ahi hi:
23En un! Ngahnu#1:23 Gk: ngahnu siengtho “parthenos” khat gai-in tapa khat nei ding a,
ama’ min dingin Emmanuel a phuoh ding uhi.
A khietna in, “Eite tawh Pasien omton” cina ahi hi.#Isa 7:14 24A kimutna panin Joseph a khahlaw ciengin Topa in ama a sawl bangin bawl pai a, tua nu a zi dingin a la hi. 25Ahi vangin tua tapa#1:25 Tanglai laibute ah “tua nu’ tapa a suoh masa pen” ci-in kigiel hi. a suo masangsie tua nu a luppi sih a, tuale ama in a min Jesu a vaw hi.#Luk 2:21
Currently Selected:
MATTHEW 1: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.