Xo̱jo̱n Salmoo̱ 140
140
Néná tsꞌénkónna
Só xi katsꞌénda Ndabii̱.
1¡Ji Ne, ꞌna̱xiéꞌéní kjo̱a̱a̱ kui xota̱ xi ꞌniú ndajiín,
kó chínní kjo̱a̱a̱ kui xota̱ xi tamaá!
2Kui xi ta̱soboá ni xi ndajín xi sa̱ꞌín boá xi ndyi̱ꞌbínda ngi̱jin ini̱ma̱a̱,
kó ndyiojón ndyiojón mongase kjo̱a̱xti.
3Tsꞌényojó má na̱je̱n xikoó ye̱e̱,
kó xaán ye̱ boá xi tjiín ngindiee̱ tji̱xin tsꞌoa.
4Ji Ne, ꞌna̱xiéꞌéní ngi̱ya tsja kui xota̱ xi ꞌniú ndajiín,
chínní ngi̱jii̱n kui xota̱ xi tamaá,
kui xi ndyi̱ꞌbínda nga sa̱ꞌíntsobéjii̱n chi̱bo̱a̱ ndsa̱ko án.
5Xota̱ xi nkꞌakon xi ndyi̱ꞌbíndoꞌmána chja̱ya̱ boá,
kui xi je índona chja̱ya̱a̱ ki̱a̱ tꞌa ndi̱ya̱à.
6Bi̱ xiàa̱n Néná: Jí boá xi Néna ma Ji,
ngo kjo̱a̱nda míꞌaá Ji Ne, ndaꞌyéchiíní nga ni̱ma̱ kuichjiaá.
7Jí Ne ko̱jo Ji xi Ndi̱a̱, Jí boá ngaꞌniú xí tjiín kjo̱a̱ꞌnaxiéꞌána,
Jí boá xi chìi̱n tokó án ni̱xtjin nga ma kjo̱a̱xcha̱án.
8Ji Ne, ngata̱ boeꞌéjíi̱n ni xi mejeén xota̱ xi ꞌniú ndajiín,
ti̱nde ngata̱ boeꞌéndièjíi̱n, nga kjo̱tjosón ni xi je índa. ¡Nga nkꞌakonjín má!
9Kjo̱a̱a̱ xota̱ xi ta̱jñání nga ndyi̱foaꞌatjiyajonna,
kui ni xi ndajín xi tsíchji̱a̱ tsꞌoa, ti̱kuii ngatꞌákanieé.
10Ngatixónieé xꞌué xí tjítíngá kuí,
ki̱a̱ ngatindyia ki̱a̱ ti̱xa̱ ndáńchꞌi̱ ndiꞌí xí na̱nga̱a̱,
nínga nginijánjín kjo̱stjíe̱n ngase.
11Kui nda̱ xi ndajín na̱je̱e̱n, ka̱májín ꞌniú kꞌuijñá kui tꞌanangii̱,
kó ni xi ndajiín ko̱ngatji̱ngii̱ kui nda̱ xi tamaá.
12Jè be an nga Néná, kui ko̱e̱je̱jindajo xota̱ xi ndasen síndoo̱,
ko̱jo nga Kuí boá xi kꞌo̱xiéꞌá kjo̱a̱ndaa̱ xota̱ ni̱ma̱a̱.
13Ja̱koxi̱ boá nga xota̱ xi kixi̱i̱ tsja̱a ndokꞌóchjì Jaꞌée̱n,
kó xota̱ xi kixi̱i̱ ki̱a̱ kꞌuíndo ngindyikin Ji.
Currently Selected:
Xo̱jo̱n Salmoo̱ 140: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Xo̱jo̱n Salmoo̱ 140
140
Néná tsꞌénkónna
Só xi katsꞌénda Ndabii̱.
1¡Ji Ne, ꞌna̱xiéꞌéní kjo̱a̱a̱ kui xota̱ xi ꞌniú ndajiín,
kó chínní kjo̱a̱a̱ kui xota̱ xi tamaá!
2Kui xi ta̱soboá ni xi ndajín xi sa̱ꞌín boá xi ndyi̱ꞌbínda ngi̱jin ini̱ma̱a̱,
kó ndyiojón ndyiojón mongase kjo̱a̱xti.
3Tsꞌényojó má na̱je̱n xikoó ye̱e̱,
kó xaán ye̱ boá xi tjiín ngindiee̱ tji̱xin tsꞌoa.
4Ji Ne, ꞌna̱xiéꞌéní ngi̱ya tsja kui xota̱ xi ꞌniú ndajiín,
chínní ngi̱jii̱n kui xota̱ xi tamaá,
kui xi ndyi̱ꞌbínda nga sa̱ꞌíntsobéjii̱n chi̱bo̱a̱ ndsa̱ko án.
5Xota̱ xi nkꞌakon xi ndyi̱ꞌbíndoꞌmána chja̱ya̱ boá,
kui xi je índona chja̱ya̱a̱ ki̱a̱ tꞌa ndi̱ya̱à.
6Bi̱ xiàa̱n Néná: Jí boá xi Néna ma Ji,
ngo kjo̱a̱nda míꞌaá Ji Ne, ndaꞌyéchiíní nga ni̱ma̱ kuichjiaá.
7Jí Ne ko̱jo Ji xi Ndi̱a̱, Jí boá ngaꞌniú xí tjiín kjo̱a̱ꞌnaxiéꞌána,
Jí boá xi chìi̱n tokó án ni̱xtjin nga ma kjo̱a̱xcha̱án.
8Ji Ne, ngata̱ boeꞌéjíi̱n ni xi mejeén xota̱ xi ꞌniú ndajiín,
ti̱nde ngata̱ boeꞌéndièjíi̱n, nga kjo̱tjosón ni xi je índa. ¡Nga nkꞌakonjín má!
9Kjo̱a̱a̱ xota̱ xi ta̱jñání nga ndyi̱foaꞌatjiyajonna,
kui ni xi ndajín xi tsíchji̱a̱ tsꞌoa, ti̱kuii ngatꞌákanieé.
10Ngatixónieé xꞌué xí tjítíngá kuí,
ki̱a̱ ngatindyia ki̱a̱ ti̱xa̱ ndáńchꞌi̱ ndiꞌí xí na̱nga̱a̱,
nínga nginijánjín kjo̱stjíe̱n ngase.
11Kui nda̱ xi ndajín na̱je̱e̱n, ka̱májín ꞌniú kꞌuijñá kui tꞌanangii̱,
kó ni xi ndajiín ko̱ngatji̱ngii̱ kui nda̱ xi tamaá.
12Jè be an nga Néná, kui ko̱e̱je̱jindajo xota̱ xi ndasen síndoo̱,
ko̱jo nga Kuí boá xi kꞌo̱xiéꞌá kjo̱a̱ndaa̱ xota̱ ni̱ma̱a̱.
13Ja̱koxi̱ boá nga xota̱ xi kixi̱i̱ tsja̱a ndokꞌóchjì Jaꞌée̱n,
kó xota̱ xi kixi̱i̱ ki̱a̱ kꞌuíndo ngindyikin Ji.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014