Xo̱jo̱n Salmoo̱ 139
139
Jè ye cha̱n cha̱nní án ji Ne
Só xi katsꞌénda Ndabii̱.
1Ji Ne, Jí boá xi je kichitꞌe cha̱n cha̱nní, jè yé Ji kó kón an.
2Jí boá xi ye Ji kjiꞌanga botíjña̱ an, ko̱jo kjiꞌanga fostjíe̱n an,
ta̱ kjin makjínnii̱ ni xi tjíjinko̱n an.
3Tsitsijìi̱n xikótsꞌèn tsoꞌbá an, ko̱jo nga tsꞌenkjaꞌyá an,
jè ye Ji ngayeje ndi̱yàna,
4ngatꞌa̱ nde kji̱e̱ jmíjiín najén án én xí ku̱i̱chji̱a̱,
ta̱nga Ji Ndi̱a̱, jè yé Ji ngayeje ni xi kuíchji̱a̱ an.
5Jè ikitjetjíyejìnní xtji̱e̱e̱n kje̱n án, ko̱jo xtji̱e̱e̱n nga̱xtón án,
kó Jí boá xi ikꞌíjñiníní ndse̱ Ji.
6Achichí fíndikónna kjo̱a̱kjíntakóo̱n,
ta̱nisién nkꞌa boá, kó jmí ni̱xtjin ka̱makjínna.
7Ñání kjuín án tsi sa̱ꞌinkjìi̱n yojona A̱si̱énni̱xtjìi̱n.
Ñání konga an nínga jmíjín Ji.
8Tsi kjuínnijíngí án ndiꞌakꞌajmii̱, ki̱a̱ tindyin Ji,
kó tsi ki̱a̱ nínga ꞌniú na̱nga̱a̱ tꞌanangii̱ kjo̱tjaje̱n an, ti̱ ki̱a̱ tindyin Ji nga.
9Tsi ki̱a̱ kjuíntji̱e̱n an xtji̱e̱e̱n nínga fotjo tsꞌueé,
kó tsi ki̱a̱ kotíjña̱ an nínga fetꞌanii̱ ndáchíkoón,
10ngaskande ki̱a̱a̱ kjo̱chótji̱ngina ndse̱ Ji,
kó ndse̱ kixi̱ boá xi koóꞌniúna.
11Tsi bi̱ xian án: ¡Ngataꞌmána nínga jñoó,
kó nga tsijen xi tikón nga ngo foaꞌatjiyajonna, ngatama xikoó tsi jñó!
12Ti̱nde nínga jñoó jmí tsi jñó maá Ji,
nga jñoó ꞌna̱ maa̱ xikoó tsi ni̱xtjii̱n.
¡Ti̱ kuínií tsi nínga jñoó, ko̱jo tsi nínga tsijee̱n, kjimaa̱ Ji!
13Jí boá xi kiniꞌínde Ji ngi̱jii̱n yojona,
ko̱jo Jí boá xi kiniꞌíndení ki̱a̱ ngi̱ya ndo̱bo̱a̱ndií na̱ana.
14Án boá xi sa̱ꞌintsjaà, ngatꞌa̱ achichí kijíndikónna xikótsꞌèn kiniꞌíndení.
Fíndikónná ngayeje ni xi niꞌín Ji,
kó ini̱ma̱na be cha̱n cha̱n kui nii̱.
15Akjaꞌmajiín nga kamánda ńdana,
ndatsi nínga ꞌmaa̱ kamánda an,
inda inda kamándani an, ki̱a̱ nínga ꞌniú na̱nga̱a̱ tꞌanangii̱.
16Ndyikin Ji boá xi kamábe nga sꞌe̱ tsí kjimanda an,
kó Jí boá xi ikꞌíjñí Ji, xikó kjiꞌi ni̱xtjin nga kotíjña̱ an nga̱sondie,
kó ki̱a̱ akjatꞌe Chꞌo̱ Xo̱jo̱n xi tikoón Jí,
kjiꞌanga nde ngo kui nii̱ kji̱e̱ jmíjín.
17¡Ji Ne, achichí tsjá mána ni xi niꞌínkjé Jí!
¡Achichí kjín má ngayeje kui nii̱!
18Tsi kꞌuixki̱ an, ma kjín ngase, xikó maá tsomií,
nga foáꞌána, to̱kó ki̱a̱ tikóntꞌaa̱ Ji.
19¡Ji Ne, mejénna nga si̱ꞌinkꞌin Ji xota̱ xi ꞌniú ndajiín,
ko̱jo nga si̱ꞌinkjinní xota̱ xi tsꞌenkꞌién ini̱ma̱a̱!
20Kui xi chꞌo tsó nga Ji chji̱a̱taꞌii̱n,
ko̱jo ta̱xkiya tsꞌénkjién Jaꞌée̱n.
21¡Ji Ne! A chꞌojínna kui xota̱ xi chꞌoo̱ Ji nga.
A tsꞌenchꞌójín an xota̱ xi kjininkꞌa yojoo̱ kondra̱ tse̱.
22¡Achichí ꞌniú chꞌóna, kó kondra̱ mána kondra̱ tse̱!
23Ji Ne, chítꞌení, kó tsitsíjìi̱n ngi̱jin ini̱ma̱na,
chjátꞌeyékínní, kó tsitsíjìi̱n kjo̱a̱niꞌánkjóna,
24kó ti̱ tsitsíjìi̱n tsi ndajín kjiꞌi ndi̱yà xí tsoꞌbá an nga,
kó takéní ndi̱yà xí tikón ngatsjéni̱xtjii̱n.
Currently Selected:
Xo̱jo̱n Salmoo̱ 139: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Xo̱jo̱n Salmoo̱ 139
139
Jè ye cha̱n cha̱nní án ji Ne
Só xi katsꞌénda Ndabii̱.
1Ji Ne, Jí boá xi je kichitꞌe cha̱n cha̱nní, jè yé Ji kó kón an.
2Jí boá xi ye Ji kjiꞌanga botíjña̱ an, ko̱jo kjiꞌanga fostjíe̱n an,
ta̱ kjin makjínnii̱ ni xi tjíjinko̱n an.
3Tsitsijìi̱n xikótsꞌèn tsoꞌbá an, ko̱jo nga tsꞌenkjaꞌyá an,
jè ye Ji ngayeje ndi̱yàna,
4ngatꞌa̱ nde kji̱e̱ jmíjiín najén án én xí ku̱i̱chji̱a̱,
ta̱nga Ji Ndi̱a̱, jè yé Ji ngayeje ni xi kuíchji̱a̱ an.
5Jè ikitjetjíyejìnní xtji̱e̱e̱n kje̱n án, ko̱jo xtji̱e̱e̱n nga̱xtón án,
kó Jí boá xi ikꞌíjñiníní ndse̱ Ji.
6Achichí fíndikónna kjo̱a̱kjíntakóo̱n,
ta̱nisién nkꞌa boá, kó jmí ni̱xtjin ka̱makjínna.
7Ñání kjuín án tsi sa̱ꞌinkjìi̱n yojona A̱si̱énni̱xtjìi̱n.
Ñání konga an nínga jmíjín Ji.
8Tsi kjuínnijíngí án ndiꞌakꞌajmii̱, ki̱a̱ tindyin Ji,
kó tsi ki̱a̱ nínga ꞌniú na̱nga̱a̱ tꞌanangii̱ kjo̱tjaje̱n an, ti̱ ki̱a̱ tindyin Ji nga.
9Tsi ki̱a̱ kjuíntji̱e̱n an xtji̱e̱e̱n nínga fotjo tsꞌueé,
kó tsi ki̱a̱ kotíjña̱ an nínga fetꞌanii̱ ndáchíkoón,
10ngaskande ki̱a̱a̱ kjo̱chótji̱ngina ndse̱ Ji,
kó ndse̱ kixi̱ boá xi koóꞌniúna.
11Tsi bi̱ xian án: ¡Ngataꞌmána nínga jñoó,
kó nga tsijen xi tikón nga ngo foaꞌatjiyajonna, ngatama xikoó tsi jñó!
12Ti̱nde nínga jñoó jmí tsi jñó maá Ji,
nga jñoó ꞌna̱ maa̱ xikoó tsi ni̱xtjii̱n.
¡Ti̱ kuínií tsi nínga jñoó, ko̱jo tsi nínga tsijee̱n, kjimaa̱ Ji!
13Jí boá xi kiniꞌínde Ji ngi̱jii̱n yojona,
ko̱jo Jí boá xi kiniꞌíndení ki̱a̱ ngi̱ya ndo̱bo̱a̱ndií na̱ana.
14Án boá xi sa̱ꞌintsjaà, ngatꞌa̱ achichí kijíndikónna xikótsꞌèn kiniꞌíndení.
Fíndikónná ngayeje ni xi niꞌín Ji,
kó ini̱ma̱na be cha̱n cha̱n kui nii̱.
15Akjaꞌmajiín nga kamánda ńdana,
ndatsi nínga ꞌmaa̱ kamánda an,
inda inda kamándani an, ki̱a̱ nínga ꞌniú na̱nga̱a̱ tꞌanangii̱.
16Ndyikin Ji boá xi kamábe nga sꞌe̱ tsí kjimanda an,
kó Jí boá xi ikꞌíjñí Ji, xikó kjiꞌi ni̱xtjin nga kotíjña̱ an nga̱sondie,
kó ki̱a̱ akjatꞌe Chꞌo̱ Xo̱jo̱n xi tikoón Jí,
kjiꞌanga nde ngo kui nii̱ kji̱e̱ jmíjín.
17¡Ji Ne, achichí tsjá mána ni xi niꞌínkjé Jí!
¡Achichí kjín má ngayeje kui nii̱!
18Tsi kꞌuixki̱ an, ma kjín ngase, xikó maá tsomií,
nga foáꞌána, to̱kó ki̱a̱ tikóntꞌaa̱ Ji.
19¡Ji Ne, mejénna nga si̱ꞌinkꞌin Ji xota̱ xi ꞌniú ndajiín,
ko̱jo nga si̱ꞌinkjinní xota̱ xi tsꞌenkꞌién ini̱ma̱a̱!
20Kui xi chꞌo tsó nga Ji chji̱a̱taꞌii̱n,
ko̱jo ta̱xkiya tsꞌénkjién Jaꞌée̱n.
21¡Ji Ne! A chꞌojínna kui xota̱ xi chꞌoo̱ Ji nga.
A tsꞌenchꞌójín an xota̱ xi kjininkꞌa yojoo̱ kondra̱ tse̱.
22¡Achichí ꞌniú chꞌóna, kó kondra̱ mána kondra̱ tse̱!
23Ji Ne, chítꞌení, kó tsitsíjìi̱n ngi̱jin ini̱ma̱na,
chjátꞌeyékínní, kó tsitsíjìi̱n kjo̱a̱niꞌánkjóna,
24kó ti̱ tsitsíjìi̱n tsi ndajín kjiꞌi ndi̱yà xí tsoꞌbá an nga,
kó takéní ndi̱yà xí tikón ngatsjéni̱xtjii̱n.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014