Énkjínkón 8
8
Kjo̱a̱kjínkoón tsꞌénchji̱a̱
1¡Kjo̱a̱kjínkoón tsꞌénchji̱a̱!
¡Tsꞌénkjandayá má nga tsꞌénchji̱a̱ kjo̱a̱kjíntakoón!
2Xikoó tsi ki̱a̱ bosién tꞌa tji̱ngi̱i̱,
ko̱jo tsi ki̱a̱ nínga foaꞌaxtikjá ndi̱yàtieé,
tsi̱ꞌe̱ nga ngayeje xi sku̱i̱e̱.
3Ki̱a̱ bosién tꞌa nga̱ntjo̱a̱a̱ jee̱,
ki̱a̱ nínga bitjasꞌi̱e̱nnii̱ na̱xi̱ńdáꞌniuú,
kó ꞌniú kjandayà nga bi̱ tsó:
4Jún xota̱ xi chji̱a̱ni ngayeje kui nga̱sondiee̱,
¡jún boá xi tsꞌénchji̱a̱jnúꞌun!
5Jún ndí já xo̱ngò xi jmí ni bejín,
ndí jákjíndí xi kji̱e̱ jmí ni májiín,
¡nda má ti̱ꞌankjójnú ni xi ndyi̱niꞌánjnú!
6Nda má tasiénijónjnúꞌun,
ngatꞌa̱ ngo ni xi achichí kixi̱ ko̱jo xi ndikón xiyàjnúꞌun,
7Ni ja̱koxi̱ boá xi xiánjnúꞌun,
ngatꞌa̱ ni xi ndisoo̱, chꞌórií ndso̱ꞌba án,
8kixi̱ boá ngayeje énna,
kó jmíjiín ni xi ńkjá ngájén.
9Xota̱ xi kjínkoón ko̱jo xi makjiín nii̱,
be nga kixi̱ ko̱jo nga ja̱koxi̱ boá énna.
10Ta̱sá kjo̱a̱bokoyána xi ti̱ndyi̱séjnú,
kó jmí tsi to̱ntiboaa̱,
ta̱sá kjo̱a̱kjínkónna xi ti̱ndyi̱séjnú,
kó jmí tsi to̱nsinieé xi kui soboá soboaá,
11ngatꞌa̱ kjo̱a̱kjínkoón chjí ngasenii̱,
ta̱bo̱a̱jiín ndi̱jo̱ tsjakon xi tjiín,
¡chjí ngasenii̱ to̱bo̱a̱jiín ngayeje
ni xi nda ngase xi ka̱mamejénná!
12Án boá xi kjo̱a̱kjínkoón,
kó ki̱a̱ nijan tikónjo̱na kjo̱a̱niꞌánkjó xi ndaa̱,
tjínná kjo̱a̱kjíntakón ko̱jo kjo̱a̱botíxoma xi ndaa̱.
13Xota̱ xi bendikón Néná,
chꞌórií ni xi ndajín.
An chꞌóna kjo̱a̱nkꞌakoo̱n ko̱jo nga je ꞌnaxié yojoná,
ko̱jo ndi̱yà xí ndajiín, ko̱jo én xí chꞌo aa̱.
14Ngi̱ya ndsa̱ án tikón,
kjo̱a̱botíxomaa̱ ko̱jo ni xi nda niꞌaán,
án boá xi kjo̱a̱kjíntakoón, kó án tsa̱ꞌa̱n ngaꞌniuú.
15Án boá xi tsꞌen an nga ꞌbíndo xá já ree̱,
ko̱jo nga xota̱ xi botixómaá, kjo̱a̱kiti xi kixi̱ tsꞌénda,
16án boá xi tsꞌen an nga xota̱ xi ngito̱ko̱o̱,
ko̱jo ndií já ree̱, ko̱jo ngayeje xotaa̱ kixi̱ tsꞌén botixómaá tꞌanangii̱.
17Tsꞌentjó an xota̱ xi tsꞌéntjóna an,
kó tsja mana nga sakoó an
ngayeje xota̱ xi ja̱koxi̱ nga an mongasena.
18Nijan tsꞌénxájo̱na,
kjo̱a̱cho̱o̱n, ko̱jo kjo̱a̱yandikoón,
ko̱jo nga tsie ni ꞌbéná, ko̱jo kjo̱a̱kixi̱i̱.
19Ni xi tsꞌéntsja an,
chjí ngasenii̱ ta̱bo̱a̱jiín to̱nsinié xi kui soboá soboaá,
ko̱jo to̱ntiboa xi je katjoꞌójii̱n.
20Ngatsjéni̱xtjin nga kixi̱ tsꞌen an ni xi tsꞌen an, kó ki̱a̱ fitji̱ngi an ndi̱yà xí kixi̱i̱.
21Kó ꞌbikítsie máa̱ kjo̱a̱cho̱n ndiꞌaa̱
ngayeje xota̱ xi tjoó an.
22Néná boá xi katsꞌéndana
ndeskande nga tjón tjón,
ndeskande ngindiee̱ nga sa̱ꞌínda ngayeje nii̱.
23Nde kji̱e̱ tsꞌéndajín nga̱sondiee̱
kó an ja̱bo̱a̱ je katsꞌéntsenna kui.
24Nde kji̱e̱ jmíjín ndáchíkoón
ko̱jo nínga tjo ndáfoaa̱ nga katsꞌéndana.
25Ngindiee̱ nga si̱ꞌanda na̱xi̱i̱,
ngindiee̱ nga si̱ꞌanda tji̱ngi̱i̱,
an ja̱bo̱a̱ jè kiniꞌándana.
26Nde kji̱e̱ niꞌándajín nga̱sondiee̱, ko̱jo kꞌijñaá,
ko̱jo xa̱ xi tjón kisꞌie tꞌanangii̱.
27Ki̱a̱ tikón an kjiꞌanga Néná katsꞌénda nkꞌajmii̱,
ko̱jo nga íjñá ngi̱jinꞌa̱sièn nga̱soón ndáchíkoón,
28ko̱jo nga índo ṉdi̱ ki̱a̱ nkꞌajmii̱,
ko̱jo nga íchjá nínga fotjoni ndáfoaa̱ ndáchíkoón,
29ko̱jo kjiꞌanga katsjaákjo̱a̱ ndáfoaa̱
tsi̱ꞌe̱ nga kjo̱a̱ꞌatjónjiín nínga tji̱e̱n chjiéngá kjo̱chó.
Kjiꞌanga Néná katsꞌénda tꞌanangii̱,
30ki̱a̱ tikóntꞌáa̱ kui,
nga ndyi̱ꞌbíndondajne̱ ngayeje nii̱.
Ndyiojón ndyiojón achichí tsjá kamána
nga ki̱a̱ kisꞌijña an ngindyi̱ko̱n kui.
31Achichí tsjá kamána, kjo̱a̱a̱ kui nga̱sondie xi kui katsꞌénda,
¡xota̱ nga̱sondie xi katsꞌénda Néná,
íkitsie mána kjo̱a̱tsja!
32Jún ndí jákjíndí,
¡nda má tasiénijónjnúꞌun!
Achichíra̱ tsjaa̱ xi ki̱a̱ ko̱e̱je̱tji̱ngi ndi̱yàna.
33Kjínkón ngatamajnú,
ko̱jo tasiénijónjnúu̱ kjo̱a̱bokoyána,
kó ngata̱ niꞌánchꞌójínjnú.
34Achichíra̱ tsjaa̱ xota̱ xi ntꞌiéna,
kui xi ndyiojón ndyiojón ndibá ndiꞌana,
nga konda nga̱ntjo̱a̱a̱ ko̱jo yáseé.
35Ngatꞌa̱ kui xi sa̱ko̱ó an,
kjo̱a̱mindyioo̱n boá xi sa̱ko̱ó,
kó sa̱ko̱ó kjo̱a̱ndaa̱ Néná nga,
36ta̱nga kui xi tsꞌénjé nga chꞌo tsóna,
ndajín tsꞌén ndyi̱ꞌbijñá ini̱ma̱a̱,
ngayeje xi chꞌoo̱ an, kjo̱a̱bo̱yaa̱ boá xi tjoó.
Currently Selected:
Énkjínkón 8: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Énkjínkón 8
8
Kjo̱a̱kjínkoón tsꞌénchji̱a̱
1¡Kjo̱a̱kjínkoón tsꞌénchji̱a̱!
¡Tsꞌénkjandayá má nga tsꞌénchji̱a̱ kjo̱a̱kjíntakoón!
2Xikoó tsi ki̱a̱ bosién tꞌa tji̱ngi̱i̱,
ko̱jo tsi ki̱a̱ nínga foaꞌaxtikjá ndi̱yàtieé,
tsi̱ꞌe̱ nga ngayeje xi sku̱i̱e̱.
3Ki̱a̱ bosién tꞌa nga̱ntjo̱a̱a̱ jee̱,
ki̱a̱ nínga bitjasꞌi̱e̱nnii̱ na̱xi̱ńdáꞌniuú,
kó ꞌniú kjandayà nga bi̱ tsó:
4Jún xota̱ xi chji̱a̱ni ngayeje kui nga̱sondiee̱,
¡jún boá xi tsꞌénchji̱a̱jnúꞌun!
5Jún ndí já xo̱ngò xi jmí ni bejín,
ndí jákjíndí xi kji̱e̱ jmí ni májiín,
¡nda má ti̱ꞌankjójnú ni xi ndyi̱niꞌánjnú!
6Nda má tasiénijónjnúꞌun,
ngatꞌa̱ ngo ni xi achichí kixi̱ ko̱jo xi ndikón xiyàjnúꞌun,
7Ni ja̱koxi̱ boá xi xiánjnúꞌun,
ngatꞌa̱ ni xi ndisoo̱, chꞌórií ndso̱ꞌba án,
8kixi̱ boá ngayeje énna,
kó jmíjiín ni xi ńkjá ngájén.
9Xota̱ xi kjínkoón ko̱jo xi makjiín nii̱,
be nga kixi̱ ko̱jo nga ja̱koxi̱ boá énna.
10Ta̱sá kjo̱a̱bokoyána xi ti̱ndyi̱séjnú,
kó jmí tsi to̱ntiboaa̱,
ta̱sá kjo̱a̱kjínkónna xi ti̱ndyi̱séjnú,
kó jmí tsi to̱nsinieé xi kui soboá soboaá,
11ngatꞌa̱ kjo̱a̱kjínkoón chjí ngasenii̱,
ta̱bo̱a̱jiín ndi̱jo̱ tsjakon xi tjiín,
¡chjí ngasenii̱ to̱bo̱a̱jiín ngayeje
ni xi nda ngase xi ka̱mamejénná!
12Án boá xi kjo̱a̱kjínkoón,
kó ki̱a̱ nijan tikónjo̱na kjo̱a̱niꞌánkjó xi ndaa̱,
tjínná kjo̱a̱kjíntakón ko̱jo kjo̱a̱botíxoma xi ndaa̱.
13Xota̱ xi bendikón Néná,
chꞌórií ni xi ndajín.
An chꞌóna kjo̱a̱nkꞌakoo̱n ko̱jo nga je ꞌnaxié yojoná,
ko̱jo ndi̱yà xí ndajiín, ko̱jo én xí chꞌo aa̱.
14Ngi̱ya ndsa̱ án tikón,
kjo̱a̱botíxomaa̱ ko̱jo ni xi nda niꞌaán,
án boá xi kjo̱a̱kjíntakoón, kó án tsa̱ꞌa̱n ngaꞌniuú.
15Án boá xi tsꞌen an nga ꞌbíndo xá já ree̱,
ko̱jo nga xota̱ xi botixómaá, kjo̱a̱kiti xi kixi̱ tsꞌénda,
16án boá xi tsꞌen an nga xota̱ xi ngito̱ko̱o̱,
ko̱jo ndií já ree̱, ko̱jo ngayeje xotaa̱ kixi̱ tsꞌén botixómaá tꞌanangii̱.
17Tsꞌentjó an xota̱ xi tsꞌéntjóna an,
kó tsja mana nga sakoó an
ngayeje xota̱ xi ja̱koxi̱ nga an mongasena.
18Nijan tsꞌénxájo̱na,
kjo̱a̱cho̱o̱n, ko̱jo kjo̱a̱yandikoón,
ko̱jo nga tsie ni ꞌbéná, ko̱jo kjo̱a̱kixi̱i̱.
19Ni xi tsꞌéntsja an,
chjí ngasenii̱ ta̱bo̱a̱jiín to̱nsinié xi kui soboá soboaá,
ko̱jo to̱ntiboa xi je katjoꞌójii̱n.
20Ngatsjéni̱xtjin nga kixi̱ tsꞌen an ni xi tsꞌen an, kó ki̱a̱ fitji̱ngi an ndi̱yà xí kixi̱i̱.
21Kó ꞌbikítsie máa̱ kjo̱a̱cho̱n ndiꞌaa̱
ngayeje xota̱ xi tjoó an.
22Néná boá xi katsꞌéndana
ndeskande nga tjón tjón,
ndeskande ngindiee̱ nga sa̱ꞌínda ngayeje nii̱.
23Nde kji̱e̱ tsꞌéndajín nga̱sondiee̱
kó an ja̱bo̱a̱ je katsꞌéntsenna kui.
24Nde kji̱e̱ jmíjín ndáchíkoón
ko̱jo nínga tjo ndáfoaa̱ nga katsꞌéndana.
25Ngindiee̱ nga si̱ꞌanda na̱xi̱i̱,
ngindiee̱ nga si̱ꞌanda tji̱ngi̱i̱,
an ja̱bo̱a̱ jè kiniꞌándana.
26Nde kji̱e̱ niꞌándajín nga̱sondiee̱, ko̱jo kꞌijñaá,
ko̱jo xa̱ xi tjón kisꞌie tꞌanangii̱.
27Ki̱a̱ tikón an kjiꞌanga Néná katsꞌénda nkꞌajmii̱,
ko̱jo nga íjñá ngi̱jinꞌa̱sièn nga̱soón ndáchíkoón,
28ko̱jo nga índo ṉdi̱ ki̱a̱ nkꞌajmii̱,
ko̱jo nga íchjá nínga fotjoni ndáfoaa̱ ndáchíkoón,
29ko̱jo kjiꞌanga katsjaákjo̱a̱ ndáfoaa̱
tsi̱ꞌe̱ nga kjo̱a̱ꞌatjónjiín nínga tji̱e̱n chjiéngá kjo̱chó.
Kjiꞌanga Néná katsꞌénda tꞌanangii̱,
30ki̱a̱ tikóntꞌáa̱ kui,
nga ndyi̱ꞌbíndondajne̱ ngayeje nii̱.
Ndyiojón ndyiojón achichí tsjá kamána
nga ki̱a̱ kisꞌijña an ngindyi̱ko̱n kui.
31Achichí tsjá kamána, kjo̱a̱a̱ kui nga̱sondie xi kui katsꞌénda,
¡xota̱ nga̱sondie xi katsꞌénda Néná,
íkitsie mána kjo̱a̱tsja!
32Jún ndí jákjíndí,
¡nda má tasiénijónjnúꞌun!
Achichíra̱ tsjaa̱ xi ki̱a̱ ko̱e̱je̱tji̱ngi ndi̱yàna.
33Kjínkón ngatamajnú,
ko̱jo tasiénijónjnúu̱ kjo̱a̱bokoyána,
kó ngata̱ niꞌánchꞌójínjnú.
34Achichíra̱ tsjaa̱ xota̱ xi ntꞌiéna,
kui xi ndyiojón ndyiojón ndibá ndiꞌana,
nga konda nga̱ntjo̱a̱a̱ ko̱jo yáseé.
35Ngatꞌa̱ kui xi sa̱ko̱ó an,
kjo̱a̱mindyioo̱n boá xi sa̱ko̱ó,
kó sa̱ko̱ó kjo̱a̱ndaa̱ Néná nga,
36ta̱nga kui xi tsꞌénjé nga chꞌo tsóna,
ndajín tsꞌén ndyi̱ꞌbijñá ini̱ma̱a̱,
ngayeje xi chꞌoo̱ an, kjo̱a̱bo̱yaa̱ boá xi tjoó.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014