Énkjínkón 7
7
Nga chji̱a̱ná ngo chjo̱on xí tsꞌéntꞌaa̱kjo̱a̱ xi̱ꞌii̱n
1Ji ndí, ndaꞌyéꞌín ni xi tꞌíxiaán,
kó xikoó tsi ngo ti̱jìto̱n ngatamaa̱ kjo̱a̱botíxomana.
2Ti̱ꞌinkjatjosén ji kjo̱a̱botíxomana
kó ku̱i̱ndyin ji nga̱sondie,
kó nda má chíi̱n kjo̱a̱kitina xikoó tsi ndyikin ji,
3ngatsjéni̱xtjin chꞌi̱e̱ xki̱ ji, xikoó tsi ngo ni xi tjítꞌa ndse̱,
ko̱jo tsi xikoó tsi ki̱a̱ nga̱són ini̱màa̱ ti̱ꞌinꞌindé ji.
4Xikoó tsi ndichje ji ti̱ꞌin kjo̱a̱kjínkoón,
xikoó tsi xingi̱ ji ti̱ꞌin kjo̱a̱kjíntakoón,
5ngatꞌa̱ kuí boá kui nii̱ xi xín sa̱ꞌínkjaꞌaa
kui na̱ xi tsꞌéntꞌaa̱kjo̱a̱ xi̱ꞌii̱n,
kui xi én tsjatsó tsꞌénkjién nga ꞌboṉcha̱joo̱.
6Ngo ndi̱yà nga tsꞌénkotsijen an
nga tikón an tꞌa nga̱ntjo̱a̱masienkjaá ndiꞌana,
7kamábe an achichí já xo̱ngò xi ndasénjiín nga tsꞌén ngo ni,
kó askotsijen ndá ndáa̱ ngo xi ꞌniú kitikjo̱a̱ ngase.
8Jachó nijon ndi̱yàtieé, kó jaꞌaxtikjá,
sꞌe̱ inda inda kijí ndiꞌaa̱ kui naa̱.
9Jè má kjimaꞌña̱,
nga je ngiti̱ tsijénjiín nga bo̱a̱ kamá.
10Kjiꞌa má jatjo ndiꞌaa̱ kui naa̱
nga kijí ngase kui nda̱a̱.
Tsꞌényajá ngo ńjño xi boajá ínchjínmasieén,
kó tsijen má kisꞌie kje̱n kjo̱a̱a̱ ni xi mejeén sa̱ꞌín.
11Ngo na̱ xi kitikjo̱a̱, ko̱jo xi jmí kjo̱a̱soboá kisꞌiejiín,
kó kamámejénjiín nga ki̱a̱ kisꞌijña ndiꞌaa̱.
12Kui xkjín kuí ínchjiín,
ki̱a̱ ꞌbítso̱ma ngi̱ya ndi̱yàtieé,
ko̱jo tsi ki̱a̱ nínga síndo ndi̱tse̱e̱n,
ko̱jo tsi ki̱a̱ nínga síndo nijon ndi̱yàtieé,
nga ndyi̱koyaa̱ ꞌyára̱ni xi kjo̱a̱ꞌa.
13Kó nga kui naa̱ kamábe kui nda̱ xo̱ngo̱ò,
ja̱kamá kijíkjaníkjá, kó atíndsoꞌá,
kó nde ndasénjín kamaá nga bi̱ katsoó:
14A ka̱ma xi̱ni̱ ji nichinie,
kui yojo xi je katsꞌenkꞌasꞌièe̱n néna.
Ngotꞌe̱ boá nga katsꞌenkjatjosóo̱n ni xi katsóyàtjóo̱n,
kó achichí kjo̱a̱xió je tjínna an ko̱jo kui.
15Kuíni nga ji kijíkjaꞌayindi̱ya̱à,
tsꞌénmogaséñaá katsaki, ¡kó jè kasakona ji!
16Jè tikónda ṉchanna, jè katsꞌenchòo̱n,
jè kjiꞌisón ngo ńjño xi ńchjón Ejipto̱ kamándani.
17Ṉchanna achichí sije̱n katsꞌen an,
nga indyiáa̱ ndásíje̱n mirra̱, ko̱jo aloe̱, ko̱jo tji̱bo̱a̱kanera̱.
18Ja̱bíchinní, kó si̱ꞌantsjajo̱ yojoná
ngaskande nga kamángindyiojón,
ngatꞌiéná kjo̱a̱tsja.
19Jmíjín xi̱ꞌinna kꞌi̱e̱ ndiꞌana,
achichí kjin nínga kijí.
20Íkitsie má to̱n stsaa̱,
kó kjo̱e̱ꞌejín ngotꞌe̱, ngaskande tsí ni̱xtjin xi je tjíndaa̱ kui nga kjo̱e̱ꞌe.
21Kui naa̱ achichí ixi tsꞌén tsíchji̱a̱jo,
nga kui nda̱a̱ kamáꞌindakon.
22Kó kui nda̱ xo̱ngo̱ò kijítji̱ngii̱ kui naa̱,
xikótsꞌèn fí ngo cho̱yojo xi̱ꞌin xi fí niꞌánkꞌién,
xikó maá ngo nda̱ kitikjo̱a̱ xi tsꞌénfí nínga si̱ꞌanjeé,
23xikó maá ngo ni̱sie xi tsá fí nínga tikón chja̱ya̱a̱,
ndatsi nde bejín nga ki̱a̱ ko̱yà,
ngaskande nga ngo yáyojó kjo̱a̱ꞌaxtikjá ini̱ma̱a̱.
24Ji ndí nda̱chií: ndaꞌyéꞌínní,
kó tasínijìi̱n ni xi tꞌíxiaán.
25Ngata̱ ki̱a̱jín fítji̱ngi ini̱màa̱ kui ndi̱ya̱à,
ti̱nde ngata̱ kuijín ndi̱ya̱à niꞌíncheje ji yojòo̱.
26Ta̱ngatꞌanii̱ kui naa̱ nga achichí má xi je kamáꞌoón, kó jesón,
¡ngaskande xota̱ xi ꞌniú ngasee̱ xi je jesón kjo̱a̱a̱ kui!
27Ngayeje xi ki̱a̱ fi ndiꞌaa̱,
fí kixi̱ kixi̱ nínga sakoó kjo̱a̱bo̱yaa̱.
Currently Selected:
Énkjínkón 7: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Énkjínkón 7
7
Nga chji̱a̱ná ngo chjo̱on xí tsꞌéntꞌaa̱kjo̱a̱ xi̱ꞌii̱n
1Ji ndí, ndaꞌyéꞌín ni xi tꞌíxiaán,
kó xikoó tsi ngo ti̱jìto̱n ngatamaa̱ kjo̱a̱botíxomana.
2Ti̱ꞌinkjatjosén ji kjo̱a̱botíxomana
kó ku̱i̱ndyin ji nga̱sondie,
kó nda má chíi̱n kjo̱a̱kitina xikoó tsi ndyikin ji,
3ngatsjéni̱xtjin chꞌi̱e̱ xki̱ ji, xikoó tsi ngo ni xi tjítꞌa ndse̱,
ko̱jo tsi xikoó tsi ki̱a̱ nga̱són ini̱màa̱ ti̱ꞌinꞌindé ji.
4Xikoó tsi ndichje ji ti̱ꞌin kjo̱a̱kjínkoón,
xikoó tsi xingi̱ ji ti̱ꞌin kjo̱a̱kjíntakoón,
5ngatꞌa̱ kuí boá kui nii̱ xi xín sa̱ꞌínkjaꞌaa
kui na̱ xi tsꞌéntꞌaa̱kjo̱a̱ xi̱ꞌii̱n,
kui xi én tsjatsó tsꞌénkjién nga ꞌboṉcha̱joo̱.
6Ngo ndi̱yà nga tsꞌénkotsijen an
nga tikón an tꞌa nga̱ntjo̱a̱masienkjaá ndiꞌana,
7kamábe an achichí já xo̱ngò xi ndasénjiín nga tsꞌén ngo ni,
kó askotsijen ndá ndáa̱ ngo xi ꞌniú kitikjo̱a̱ ngase.
8Jachó nijon ndi̱yàtieé, kó jaꞌaxtikjá,
sꞌe̱ inda inda kijí ndiꞌaa̱ kui naa̱.
9Jè má kjimaꞌña̱,
nga je ngiti̱ tsijénjiín nga bo̱a̱ kamá.
10Kjiꞌa má jatjo ndiꞌaa̱ kui naa̱
nga kijí ngase kui nda̱a̱.
Tsꞌényajá ngo ńjño xi boajá ínchjínmasieén,
kó tsijen má kisꞌie kje̱n kjo̱a̱a̱ ni xi mejeén sa̱ꞌín.
11Ngo na̱ xi kitikjo̱a̱, ko̱jo xi jmí kjo̱a̱soboá kisꞌiejiín,
kó kamámejénjiín nga ki̱a̱ kisꞌijña ndiꞌaa̱.
12Kui xkjín kuí ínchjiín,
ki̱a̱ ꞌbítso̱ma ngi̱ya ndi̱yàtieé,
ko̱jo tsi ki̱a̱ nínga síndo ndi̱tse̱e̱n,
ko̱jo tsi ki̱a̱ nínga síndo nijon ndi̱yàtieé,
nga ndyi̱koyaa̱ ꞌyára̱ni xi kjo̱a̱ꞌa.
13Kó nga kui naa̱ kamábe kui nda̱ xo̱ngo̱ò,
ja̱kamá kijíkjaníkjá, kó atíndsoꞌá,
kó nde ndasénjín kamaá nga bi̱ katsoó:
14A ka̱ma xi̱ni̱ ji nichinie,
kui yojo xi je katsꞌenkꞌasꞌièe̱n néna.
Ngotꞌe̱ boá nga katsꞌenkjatjosóo̱n ni xi katsóyàtjóo̱n,
kó achichí kjo̱a̱xió je tjínna an ko̱jo kui.
15Kuíni nga ji kijíkjaꞌayindi̱ya̱à,
tsꞌénmogaséñaá katsaki, ¡kó jè kasakona ji!
16Jè tikónda ṉchanna, jè katsꞌenchòo̱n,
jè kjiꞌisón ngo ńjño xi ńchjón Ejipto̱ kamándani.
17Ṉchanna achichí sije̱n katsꞌen an,
nga indyiáa̱ ndásíje̱n mirra̱, ko̱jo aloe̱, ko̱jo tji̱bo̱a̱kanera̱.
18Ja̱bíchinní, kó si̱ꞌantsjajo̱ yojoná
ngaskande nga kamángindyiojón,
ngatꞌiéná kjo̱a̱tsja.
19Jmíjín xi̱ꞌinna kꞌi̱e̱ ndiꞌana,
achichí kjin nínga kijí.
20Íkitsie má to̱n stsaa̱,
kó kjo̱e̱ꞌejín ngotꞌe̱, ngaskande tsí ni̱xtjin xi je tjíndaa̱ kui nga kjo̱e̱ꞌe.
21Kui naa̱ achichí ixi tsꞌén tsíchji̱a̱jo,
nga kui nda̱a̱ kamáꞌindakon.
22Kó kui nda̱ xo̱ngo̱ò kijítji̱ngii̱ kui naa̱,
xikótsꞌèn fí ngo cho̱yojo xi̱ꞌin xi fí niꞌánkꞌién,
xikó maá ngo nda̱ kitikjo̱a̱ xi tsꞌénfí nínga si̱ꞌanjeé,
23xikó maá ngo ni̱sie xi tsá fí nínga tikón chja̱ya̱a̱,
ndatsi nde bejín nga ki̱a̱ ko̱yà,
ngaskande nga ngo yáyojó kjo̱a̱ꞌaxtikjá ini̱ma̱a̱.
24Ji ndí nda̱chií: ndaꞌyéꞌínní,
kó tasínijìi̱n ni xi tꞌíxiaán.
25Ngata̱ ki̱a̱jín fítji̱ngi ini̱màa̱ kui ndi̱ya̱à,
ti̱nde ngata̱ kuijín ndi̱ya̱à niꞌíncheje ji yojòo̱.
26Ta̱ngatꞌanii̱ kui naa̱ nga achichí má xi je kamáꞌoón, kó jesón,
¡ngaskande xota̱ xi ꞌniú ngasee̱ xi je jesón kjo̱a̱a̱ kui!
27Ngayeje xi ki̱a̱ fi ndiꞌaa̱,
fí kixi̱ kixi̱ nínga sakoó kjo̱a̱bo̱yaa̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014