Énkjínkón 4
4
Jmíjín ngo ni xi kjo̱chótji̱ngi kjo̱a̱kjínkoón
1Jún ndí jákjíndí:
Ndaꞌyájnú ni xi ko̱kóyájnú na̱ꞌmijnú,
kó nda má tasiénijónjnúu̱ tsi̱ꞌe̱ nga kꞌuiéjnú kjo̱a̱kjíntakón.
2Nda tsꞌén tsꞌénbokoyájnúꞌun an,
kuíni nga, ngata̱ niꞌánchꞌójínjnú kui kjo̱a̱bokoyaá.
3Ti̱ nda̱chí kamá an ngasꞌe̱ nga,
kó ti̱ kisꞌiena ngo na̱ꞌmi ko̱jo ngo na̱an
xi achichí tjó katsꞌénjo̱na nga katsꞌénxchána.
4Na̱ꞌmina boá xi akóyána, nga bi̱ katsóna:
Ngi̱jin ini̱màa̱ tjajin ji ni xi tꞌíxiaán,
ti̱ꞌinkjatjosén ji kjo̱a̱botíxomana,
kó bo̱a̱ tsꞌén nga tsie ka̱maa̱ nga ku̱i̱ndyin ji nga̱sondie.
5ꞌNiú ngase kjínkón ti̱ꞌin ji yojòo̱,
ko̱jo ꞌniú ngase ngatamakjíntakín ji,
nga jmíni̱xtjin niꞌínchíyé ji kjo̱a̱bokoyána.
¡Nga jmíni̱xtjin xín niꞌínkjeꞌe ji ni xi tsꞌénchji̱a̱ an!
6Tjó ti̱ꞌin ji kjo̱a̱kjínkoón,
kó nga jmíni̱xtjin ꞌbíjñímasin ji,
ngatꞌa̱ kuí boá xi skoón.
7Ni xi tjón tjón xi ꞌniú chjí ngasee̱,
kuí boá nga kꞌuieé kjo̱a̱kjínkón,
ko̱jo nga tsie ngase kjo̱a̱kjíntakón kꞌuieé,
ndatsi ko̱ti̱ñi ji ngayeje ni xi tjiín.
8Te̱ꞌée̱ chjí xí tsoboaá kjo̱a̱kjínkoón,
kó kuí boá xi nkꞌa ku̱i̱ꞌíjñá jaꞌée̱n,
tsi ji tse̱ si̱ꞌin ji kjo̱a̱kjínkoón,
ngayeje xotaa̱ xi sku̱i̱e̱ndikoón,
9kuí boá xi ka̱ma xikoó ngo naxó xí ꞌbíjñaá tokó,
kuí boá xi ka̱ma xikoó ngo korona̱ xi tsjakjiꞌi.
10Ji ndí, ndaꞌyéní kó ti̱ꞌinjo̱ꞌo ji énna,
tsi̱ꞌe̱ nga kjín ngase nó ka̱maa̱ nga ku̱i̱ndyin ji nga̱sondie.
11Án boá xi je tsꞌénbokoo ndi̱ya̱à kjo̱a̱kjínkoón,
kó ki̱a̱ tsꞌénfíjoo̱ xtji̱e̱e̱n ndi̱yà xí kixi̱i̱.
12Kjiꞌanga ku̱i̱ńtje̱ ji, jmí ni ku̱i̱ꞌíchjájiín ndsa̱ki,
kó kjiꞌanga ku̱i̱yì jí, jmí ni sti̱ngíjín ji.
13ꞌNiú chjábé jí kjo̱a̱bokoyána,
kó ngata̱ ꞌbíjñímasínjín ji,
ꞌniú chíi̱n, ngatꞌa̱ kuí boá kui nii̱ xi ku̱i̱ndyinni ji.
14Ngata̱ ki̱a̱jín niꞌínkamaje̱ ji xota̱ xi ꞌniú ndajiín,
ti̱nde ngata̱ ki̱a̱jín ꞌmitji̱ngi ji ni xi ndajín xi ndyi̱tsꞌèn.
15¡Ngata̱ ki̱a̱jín nijan mińtje̱je ji!
¡Xín tꞌen ji, kó tꞌenra ji nínga tiꞌmi ji!
16Ngatꞌa̱ kui xotaa̱ nde foféjín
ngaskande nga tsꞌén ngo ni xi ndajín,
¡nde tsꞌénkjaꞌyájín ngaskande nga tjín xí tsꞌenkjié!
17Ngindiee̱ nga ṉño̱ skji̱ni̱e̱,
ta̱sá ni xi ndajín boá xi tsꞌén,
ngindiee̱ nga ni xi ꞌyó xi kꞌuí,
ta̱sá achichí tsjá maá nga chejé tsꞌén.
18Ta̱nga ndi̱yà xí tjimáyà xota̱ xi kixi̱i̱,
ꞌna̱ ma xikoó nda̱a̱ ndiꞌí xí ya nga ndibáꞌásie̱én:
kó saꞌniú sáꞌniú ngase ma ꞌna̱,
ngaskande nga ma ndisꞌueé.
19Kó ndi̱ya̱à xota̱ xi ꞌniú ndajiín,
xikónií tsi ngo ngi̱ndie nínga jñó,
ngaskande nde bejín mí nii̱ bo̱a̱ xi stingí.
20Ji ndí ti̱ꞌinsée̱n énna,
kó nda nda má tasínijìi̱n ni xi tꞌíxiaán.
21Nda nda má tjajintakín ji,
kó ngi̱jin ini̱màa̱ tꞌíjñijin ji,
22ngatꞌa̱ kuí boá xi tsja̱á kjo̱a̱mindyioo̱n,
kó kuí boá xi xikoó tsi ndiki ka̱maa̱ ngayeje yojoo̱.
23Kó nga̱soón ngayeje nii̱,
chíi̱n ni xi fojin ji ini̱màa̱,
ngatꞌa̱ ki̱a̱ boá nínga ndibánií kjo̱a̱mindyioo̱n.
24Ngata̱ én chꞌo tsójín ndokjo̱e̱ ji,
chje̱ꞌéxíi̱n ndso̱ꞌbe ji kjo̱a̱ndisoo̱.
25Ngatsjéni̱xtjin nga xtji̱e̱e̱n kje̱n ji tsitsíjin,
kó ki̱a̱ tsitsíjìi̱n ni xi tjíndo ngindyikin ji.
26Ti̱ꞌinkjé jí ndi̱yà xi tsꞌentje̱ ji,
kó kixi̱ ngatama ngayeje ndi̱yà nínga kꞌuín.
27Ngata̱ kje̱ꞌejín ndi̱yà chjábé jí,
ti̱nde xtji̱e̱e̱n nga skóo̱n, ti̱nde xtji̱e̱e̱n nga kixi̱i̱,
¡xín ti̱ꞌinkjeꞌèe̱ yojòo̱ ni xi ndajiín!
Currently Selected:
Énkjínkón 4: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Énkjínkón 4
4
Jmíjín ngo ni xi kjo̱chótji̱ngi kjo̱a̱kjínkoón
1Jún ndí jákjíndí:
Ndaꞌyájnú ni xi ko̱kóyájnú na̱ꞌmijnú,
kó nda má tasiénijónjnúu̱ tsi̱ꞌe̱ nga kꞌuiéjnú kjo̱a̱kjíntakón.
2Nda tsꞌén tsꞌénbokoyájnúꞌun an,
kuíni nga, ngata̱ niꞌánchꞌójínjnú kui kjo̱a̱bokoyaá.
3Ti̱ nda̱chí kamá an ngasꞌe̱ nga,
kó ti̱ kisꞌiena ngo na̱ꞌmi ko̱jo ngo na̱an
xi achichí tjó katsꞌénjo̱na nga katsꞌénxchána.
4Na̱ꞌmina boá xi akóyána, nga bi̱ katsóna:
Ngi̱jin ini̱màa̱ tjajin ji ni xi tꞌíxiaán,
ti̱ꞌinkjatjosén ji kjo̱a̱botíxomana,
kó bo̱a̱ tsꞌén nga tsie ka̱maa̱ nga ku̱i̱ndyin ji nga̱sondie.
5ꞌNiú ngase kjínkón ti̱ꞌin ji yojòo̱,
ko̱jo ꞌniú ngase ngatamakjíntakín ji,
nga jmíni̱xtjin niꞌínchíyé ji kjo̱a̱bokoyána.
¡Nga jmíni̱xtjin xín niꞌínkjeꞌe ji ni xi tsꞌénchji̱a̱ an!
6Tjó ti̱ꞌin ji kjo̱a̱kjínkoón,
kó nga jmíni̱xtjin ꞌbíjñímasin ji,
ngatꞌa̱ kuí boá xi skoón.
7Ni xi tjón tjón xi ꞌniú chjí ngasee̱,
kuí boá nga kꞌuieé kjo̱a̱kjínkón,
ko̱jo nga tsie ngase kjo̱a̱kjíntakón kꞌuieé,
ndatsi ko̱ti̱ñi ji ngayeje ni xi tjiín.
8Te̱ꞌée̱ chjí xí tsoboaá kjo̱a̱kjínkoón,
kó kuí boá xi nkꞌa ku̱i̱ꞌíjñá jaꞌée̱n,
tsi ji tse̱ si̱ꞌin ji kjo̱a̱kjínkoón,
ngayeje xotaa̱ xi sku̱i̱e̱ndikoón,
9kuí boá xi ka̱ma xikoó ngo naxó xí ꞌbíjñaá tokó,
kuí boá xi ka̱ma xikoó ngo korona̱ xi tsjakjiꞌi.
10Ji ndí, ndaꞌyéní kó ti̱ꞌinjo̱ꞌo ji énna,
tsi̱ꞌe̱ nga kjín ngase nó ka̱maa̱ nga ku̱i̱ndyin ji nga̱sondie.
11Án boá xi je tsꞌénbokoo ndi̱ya̱à kjo̱a̱kjínkoón,
kó ki̱a̱ tsꞌénfíjoo̱ xtji̱e̱e̱n ndi̱yà xí kixi̱i̱.
12Kjiꞌanga ku̱i̱ńtje̱ ji, jmí ni ku̱i̱ꞌíchjájiín ndsa̱ki,
kó kjiꞌanga ku̱i̱yì jí, jmí ni sti̱ngíjín ji.
13ꞌNiú chjábé jí kjo̱a̱bokoyána,
kó ngata̱ ꞌbíjñímasínjín ji,
ꞌniú chíi̱n, ngatꞌa̱ kuí boá kui nii̱ xi ku̱i̱ndyinni ji.
14Ngata̱ ki̱a̱jín niꞌínkamaje̱ ji xota̱ xi ꞌniú ndajiín,
ti̱nde ngata̱ ki̱a̱jín ꞌmitji̱ngi ji ni xi ndajín xi ndyi̱tsꞌèn.
15¡Ngata̱ ki̱a̱jín nijan mińtje̱je ji!
¡Xín tꞌen ji, kó tꞌenra ji nínga tiꞌmi ji!
16Ngatꞌa̱ kui xotaa̱ nde foféjín
ngaskande nga tsꞌén ngo ni xi ndajín,
¡nde tsꞌénkjaꞌyájín ngaskande nga tjín xí tsꞌenkjié!
17Ngindiee̱ nga ṉño̱ skji̱ni̱e̱,
ta̱sá ni xi ndajín boá xi tsꞌén,
ngindiee̱ nga ni xi ꞌyó xi kꞌuí,
ta̱sá achichí tsjá maá nga chejé tsꞌén.
18Ta̱nga ndi̱yà xí tjimáyà xota̱ xi kixi̱i̱,
ꞌna̱ ma xikoó nda̱a̱ ndiꞌí xí ya nga ndibáꞌásie̱én:
kó saꞌniú sáꞌniú ngase ma ꞌna̱,
ngaskande nga ma ndisꞌueé.
19Kó ndi̱ya̱à xota̱ xi ꞌniú ndajiín,
xikónií tsi ngo ngi̱ndie nínga jñó,
ngaskande nde bejín mí nii̱ bo̱a̱ xi stingí.
20Ji ndí ti̱ꞌinsée̱n énna,
kó nda nda má tasínijìi̱n ni xi tꞌíxiaán.
21Nda nda má tjajintakín ji,
kó ngi̱jin ini̱màa̱ tꞌíjñijin ji,
22ngatꞌa̱ kuí boá xi tsja̱á kjo̱a̱mindyioo̱n,
kó kuí boá xi xikoó tsi ndiki ka̱maa̱ ngayeje yojoo̱.
23Kó nga̱soón ngayeje nii̱,
chíi̱n ni xi fojin ji ini̱màa̱,
ngatꞌa̱ ki̱a̱ boá nínga ndibánií kjo̱a̱mindyioo̱n.
24Ngata̱ én chꞌo tsójín ndokjo̱e̱ ji,
chje̱ꞌéxíi̱n ndso̱ꞌbe ji kjo̱a̱ndisoo̱.
25Ngatsjéni̱xtjin nga xtji̱e̱e̱n kje̱n ji tsitsíjin,
kó ki̱a̱ tsitsíjìi̱n ni xi tjíndo ngindyikin ji.
26Ti̱ꞌinkjé jí ndi̱yà xi tsꞌentje̱ ji,
kó kixi̱ ngatama ngayeje ndi̱yà nínga kꞌuín.
27Ngata̱ kje̱ꞌejín ndi̱yà chjábé jí,
ti̱nde xtji̱e̱e̱n nga skóo̱n, ti̱nde xtji̱e̱e̱n nga kixi̱i̱,
¡xín ti̱ꞌinkjeꞌèe̱ yojòo̱ ni xi ndajiín!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014