Énkjínkón 3
3
Kje̱ꞌe ngase ni nda xi tjiín kjo̱a̱kjínkoón
1Ji ndí ngata̱ niꞌínchíyéjín ji kjo̱a̱kitina,
kó ngi̱jin ini̱màa̱ tꞌíjñijin ji kjo̱a̱botíxomana,
2kó bo̱a̱ tsꞌén nga kjín ni̱xtjin ko̱jo kjín nó ka̱maa̱
nga ku̱i̱ndyin ji nga̱sondie, kó kꞌuieé kjo̱a̱xió.
3Ngatsjéni̱xtjin ngatꞌieé kjo̱a̱ni̱ma̱takón ko̱jo kjo̱a̱kixi̱,
xikoó tsi ngo ni xi jmeyá kjásen ji ngatamaa̱,
kó ngi̱jin ini̱màa̱ tꞌíjñijin ji kui nii̱,
4ngatꞌa̱ bo̱a̱ tsꞌén nga kꞌuieé kjo̱a̱ndaa̱ Néná,
kó xotaa̱ ndatsꞌèn ku̱i̱chji̱a̱ kjo̱a̱a̱ ji.
5Ngayeje ini̱màa̱ nga ti̱ꞌinꞌnítakín ji Néná,
kó ngata̱ kjo̱a̱kjíntakóo̱njín xi ma ꞌnítakín ji.
6Chꞌi̱e̱xki̱ ji Néná ngayeje ni xi si̱ꞌin ji,
kó kuí boá ko̱síko̱joo̱ nga kixi̱ ku̱i̱ndyin ji.
7Ngata̱ nkꞌakonjín ꞌnaxié ji yojòo̱ kjo̱a̱a̱ nga kjínkón ji,
che̱ndikín jí Néná, kó tji̱taxíntꞌée̱ ni xi ndajiín,
8ngatꞌa̱ kui boá kui nii̱ xi xikoó tsi ndiki ka̱maa̱ yojòo̱,
kó kuí boá xi tsja̱angaꞌniuú ńdaa̱ nga.
9Che̱ndikín jí Néná nga si̱ꞌinkꞌasꞌíi̱n ni xi tsoboaá kui, kjo̱a̱a̱ ni xi tjiín,
ko̱jo te̱ꞌée̱ ngo tjín ni xi tjón kamáxchaá,
10kó bo̱a̱ tsꞌén nga sꞌi̱kitsie má ni ndiꞌa yiꞌi
nínga mindyie ji ni xi maxchaá,
kó ni xi mindyie ji binoo̱, xtjónsón má.
11Ji ndí tsa̱ꞌa̱n, ji ndí tsa̱ꞌa̱n, ngata̱ tonjín yetakín ji kjiꞌanga Néná sa̱ꞌínchji̱ni̱e̱e̱,
ti̱nde ngata̱ niꞌínxchínjín ji kjiꞌanga ꞌniú ku̱i̱chji̱a̱joo kui.
12Ngatꞌa̱ Néná tsꞌénchjíni̱e̱ boá xota̱ xi tjoó kui,
xikótsꞌèn tsꞌénchjíni̱e̱ ndí xí tjoó ngo na̱ꞌmi.
13Achichíra̱ tsjaa̱ ngo nda̱ xi kjínkón ka̱ma,
ko̱jo xi kꞌuieé kjo̱a̱kjíntakón,
14ngatꞌa̱ ni xi tsjá kuí nii̱, nda ngase ta̱bo̱a̱jiín to̱ntiboaa̱,
kó to xi tsjá, nda ngase ta̱bo̱a̱jiín to̱nsinié xi ndaa̱.
15Kjo̱a̱kjínkoón ko̱jo kjo̱a̱kjíntakoón
chjí ngasenii̱ ta̱bo̱a̱jiín ndi̱jo̱ xi ꞌniú tsjákoón,
¡kó ngayeje ni xi mejeén nga kꞌuieé ji,
nde ka̱májín tsi kui nijan ndse̱je̱n kꞌuíndo!
16Kuí boá xi xikoó tsi ki̱a̱ tjiyá tsja xi kixi̱
nga tsja̱á nga kjín ngase ni̱xtjin ku̱i̱ndyin ji,
ko̱jo xikoó tsi ki̱a̱ tjiyá tsja skón nga tsja̱á
nga xcha̱ndikoón, ko̱jo nga tsie kjo̱a̱cho̱n tsja̱á.
17Achichí tsjákjiꞌi nga xikoó tsi ki̱a̱ kongíntji̱ngí ndi̱ya̱à,
ngatꞌa̱ kuí boá xi tsja̱aná nga xió tsꞌén ku̱i̱ndyión.
18¡Kjo̱a̱kjínkoón kuí boá xi xikoó tsi ngo yá
xí tsjaá kjo̱a̱mindyion xota̱ xi kui foníkjá,
kó achichíra̱ tsjaa̱ xota̱ xi kui yaá kjiꞌiꞌniuú.
19Kjo̱a̱kjínkoón boá xi katsꞌénkjién Néná nga katsꞌénda tꞌanangii̱,
kó kjo̱a̱kjíntakoón boá xi katsꞌénkjién nga ꞌniú íjñá nkꞌajmii̱.
20Kjo̱a̱kjínkoón boá xi katsꞌénkjién
nga ngindie tꞌanangii̱ tsꞌaxiéni
ndáfoa ndáńchꞌií ko̱jo ndáfoaa̱ ndejeèꞌ,
ko̱jo nga ṉdi̱i̱ tsꞌaxiéni xoñoo̱.
21Ji ndí ti̱ꞌinkjatjosén ji kjo̱a̱kitii̱, kó nda má ndaꞌyé ji kjo̱a̱botíxomaa̱,
ngatsjéni̱xtjin tjajintakín ji kui nii̱,
22ngatꞌa̱ kuí boá kui nii̱ xi tsja̱á kjo̱a̱mindyion ini̱ma̱a̱,
kó xikoó tsi ngo ni xi jmeyá kjásen ji ka̱ma nga sku̱i̱e̱e̱ xota̱ xi ngasee̱.
23Kósꞌe̱ kjiꞌá boá nga tsjatsꞌèn ku̱i̱ńtje̱ ji nga ku̱i̱ndyin nga̱sondie,
kó jmí ni sti̱ngíjín ndsa̱ki ji.
24Kjiꞌanga tsjáfé ji, ko̱nda̱kínjín ji,
ta̱sá nda tsjáfé ji,
kó achichí nda ko̱e̱ꞌéńjñaá.
25Ko̱nda̱kínjín ji kui ni xi ta̱niján má mindyiandíkónna,
ti̱nde ko̱nda̱kínjín ji ni ndajín xi ndibánié xota̱ xi ꞌniú ndajiín.
26Ngatꞌa̱ Néná boá xi ka̱maꞌnítakín ji,
kó kuí boá xi tsja̱ndièjín nga chja̱ya̱ kꞌo̱kayà ndsa̱ki ji.
27Ti̱ꞌíi̱n kjo̱a̱nda ngo xota̱
kjiꞌanga ka̱ma xi si̱ꞌin ji.
28Nga jmíni̱xtjin bi̱ sèe̱ ngo xota̱: Ndyiojón kosiko̱joo, ndyiojón tsjaa̱,
kjiꞌanga ye ji nga ngotꞌe̱ boá nga tikoón, nga ka̱maa̱ ko̱si̱ke̱je ji.
29Nga jmíni̱xtjin ndajín niꞌínje̱ ji xota̱ xingi̱ ji kjimaꞌniátakoón.
30Nga jmí kjo̱a̱xti mindyiséjín ji tsi jmí kjo̱a̱jiín,
ko̱jo tsi jmíjín xi ngo ni xi ndajín tjítsꞌénjoo̱.
31Ngata̱ maꞌontakínjín ji kjo̱a̱a̱ xota̱ xi kixi̱jiín
ti̱nde nga ki̱a̱jín ꞌmitji̱ngi ji ndi̱yà xí ndyi̱fí.
32Ngatꞌa̱ Néná achichí chꞌoó xota̱ xi ꞌniú ndajiín,
ta̱nga achichí tjó tsꞌénjo̱ xota̱ xi kixi̱i̱.
33Néná tsꞌénchíkonñé ndiꞌaa̱ xota̱ xi kixi̱i̱,
ta̱nga ni xi ndajín ꞌbojminieé ndiꞌaa̱ xota̱ xi ꞌniú ndajiín.
34Néná mojnókie xota̱ xi mojnókiee̱,
ta̱nga xota̱ xi ni̱ma̱kjo̱a̱a̱ tsjaá kjo̱a̱ndaa̱.
35Xota̱ xi kjínkoón xcha̱ndikón,
ta̱nga xota̱ xi kitikjo̱a̱a̱, xcha̱ndikónjín.
Currently Selected:
Énkjínkón 3: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Énkjínkón 3
3
Kje̱ꞌe ngase ni nda xi tjiín kjo̱a̱kjínkoón
1Ji ndí ngata̱ niꞌínchíyéjín ji kjo̱a̱kitina,
kó ngi̱jin ini̱màa̱ tꞌíjñijin ji kjo̱a̱botíxomana,
2kó bo̱a̱ tsꞌén nga kjín ni̱xtjin ko̱jo kjín nó ka̱maa̱
nga ku̱i̱ndyin ji nga̱sondie, kó kꞌuieé kjo̱a̱xió.
3Ngatsjéni̱xtjin ngatꞌieé kjo̱a̱ni̱ma̱takón ko̱jo kjo̱a̱kixi̱,
xikoó tsi ngo ni xi jmeyá kjásen ji ngatamaa̱,
kó ngi̱jin ini̱màa̱ tꞌíjñijin ji kui nii̱,
4ngatꞌa̱ bo̱a̱ tsꞌén nga kꞌuieé kjo̱a̱ndaa̱ Néná,
kó xotaa̱ ndatsꞌèn ku̱i̱chji̱a̱ kjo̱a̱a̱ ji.
5Ngayeje ini̱màa̱ nga ti̱ꞌinꞌnítakín ji Néná,
kó ngata̱ kjo̱a̱kjíntakóo̱njín xi ma ꞌnítakín ji.
6Chꞌi̱e̱xki̱ ji Néná ngayeje ni xi si̱ꞌin ji,
kó kuí boá ko̱síko̱joo̱ nga kixi̱ ku̱i̱ndyin ji.
7Ngata̱ nkꞌakonjín ꞌnaxié ji yojòo̱ kjo̱a̱a̱ nga kjínkón ji,
che̱ndikín jí Néná, kó tji̱taxíntꞌée̱ ni xi ndajiín,
8ngatꞌa̱ kui boá kui nii̱ xi xikoó tsi ndiki ka̱maa̱ yojòo̱,
kó kuí boá xi tsja̱angaꞌniuú ńdaa̱ nga.
9Che̱ndikín jí Néná nga si̱ꞌinkꞌasꞌíi̱n ni xi tsoboaá kui, kjo̱a̱a̱ ni xi tjiín,
ko̱jo te̱ꞌée̱ ngo tjín ni xi tjón kamáxchaá,
10kó bo̱a̱ tsꞌén nga sꞌi̱kitsie má ni ndiꞌa yiꞌi
nínga mindyie ji ni xi maxchaá,
kó ni xi mindyie ji binoo̱, xtjónsón má.
11Ji ndí tsa̱ꞌa̱n, ji ndí tsa̱ꞌa̱n, ngata̱ tonjín yetakín ji kjiꞌanga Néná sa̱ꞌínchji̱ni̱e̱e̱,
ti̱nde ngata̱ niꞌínxchínjín ji kjiꞌanga ꞌniú ku̱i̱chji̱a̱joo kui.
12Ngatꞌa̱ Néná tsꞌénchjíni̱e̱ boá xota̱ xi tjoó kui,
xikótsꞌèn tsꞌénchjíni̱e̱ ndí xí tjoó ngo na̱ꞌmi.
13Achichíra̱ tsjaa̱ ngo nda̱ xi kjínkón ka̱ma,
ko̱jo xi kꞌuieé kjo̱a̱kjíntakón,
14ngatꞌa̱ ni xi tsjá kuí nii̱, nda ngase ta̱bo̱a̱jiín to̱ntiboaa̱,
kó to xi tsjá, nda ngase ta̱bo̱a̱jiín to̱nsinié xi ndaa̱.
15Kjo̱a̱kjínkoón ko̱jo kjo̱a̱kjíntakoón
chjí ngasenii̱ ta̱bo̱a̱jiín ndi̱jo̱ xi ꞌniú tsjákoón,
¡kó ngayeje ni xi mejeén nga kꞌuieé ji,
nde ka̱májín tsi kui nijan ndse̱je̱n kꞌuíndo!
16Kuí boá xi xikoó tsi ki̱a̱ tjiyá tsja xi kixi̱
nga tsja̱á nga kjín ngase ni̱xtjin ku̱i̱ndyin ji,
ko̱jo xikoó tsi ki̱a̱ tjiyá tsja skón nga tsja̱á
nga xcha̱ndikoón, ko̱jo nga tsie kjo̱a̱cho̱n tsja̱á.
17Achichí tsjákjiꞌi nga xikoó tsi ki̱a̱ kongíntji̱ngí ndi̱ya̱à,
ngatꞌa̱ kuí boá xi tsja̱aná nga xió tsꞌén ku̱i̱ndyión.
18¡Kjo̱a̱kjínkoón kuí boá xi xikoó tsi ngo yá
xí tsjaá kjo̱a̱mindyion xota̱ xi kui foníkjá,
kó achichíra̱ tsjaa̱ xota̱ xi kui yaá kjiꞌiꞌniuú.
19Kjo̱a̱kjínkoón boá xi katsꞌénkjién Néná nga katsꞌénda tꞌanangii̱,
kó kjo̱a̱kjíntakoón boá xi katsꞌénkjién nga ꞌniú íjñá nkꞌajmii̱.
20Kjo̱a̱kjínkoón boá xi katsꞌénkjién
nga ngindie tꞌanangii̱ tsꞌaxiéni
ndáfoa ndáńchꞌií ko̱jo ndáfoaa̱ ndejeèꞌ,
ko̱jo nga ṉdi̱i̱ tsꞌaxiéni xoñoo̱.
21Ji ndí ti̱ꞌinkjatjosén ji kjo̱a̱kitii̱, kó nda má ndaꞌyé ji kjo̱a̱botíxomaa̱,
ngatsjéni̱xtjin tjajintakín ji kui nii̱,
22ngatꞌa̱ kuí boá kui nii̱ xi tsja̱á kjo̱a̱mindyion ini̱ma̱a̱,
kó xikoó tsi ngo ni xi jmeyá kjásen ji ka̱ma nga sku̱i̱e̱e̱ xota̱ xi ngasee̱.
23Kósꞌe̱ kjiꞌá boá nga tsjatsꞌèn ku̱i̱ńtje̱ ji nga ku̱i̱ndyin nga̱sondie,
kó jmí ni sti̱ngíjín ndsa̱ki ji.
24Kjiꞌanga tsjáfé ji, ko̱nda̱kínjín ji,
ta̱sá nda tsjáfé ji,
kó achichí nda ko̱e̱ꞌéńjñaá.
25Ko̱nda̱kínjín ji kui ni xi ta̱niján má mindyiandíkónna,
ti̱nde ko̱nda̱kínjín ji ni ndajín xi ndibánié xota̱ xi ꞌniú ndajiín.
26Ngatꞌa̱ Néná boá xi ka̱maꞌnítakín ji,
kó kuí boá xi tsja̱ndièjín nga chja̱ya̱ kꞌo̱kayà ndsa̱ki ji.
27Ti̱ꞌíi̱n kjo̱a̱nda ngo xota̱
kjiꞌanga ka̱ma xi si̱ꞌin ji.
28Nga jmíni̱xtjin bi̱ sèe̱ ngo xota̱: Ndyiojón kosiko̱joo, ndyiojón tsjaa̱,
kjiꞌanga ye ji nga ngotꞌe̱ boá nga tikoón, nga ka̱maa̱ ko̱si̱ke̱je ji.
29Nga jmíni̱xtjin ndajín niꞌínje̱ ji xota̱ xingi̱ ji kjimaꞌniátakoón.
30Nga jmí kjo̱a̱xti mindyiséjín ji tsi jmí kjo̱a̱jiín,
ko̱jo tsi jmíjín xi ngo ni xi ndajín tjítsꞌénjoo̱.
31Ngata̱ maꞌontakínjín ji kjo̱a̱a̱ xota̱ xi kixi̱jiín
ti̱nde nga ki̱a̱jín ꞌmitji̱ngi ji ndi̱yà xí ndyi̱fí.
32Ngatꞌa̱ Néná achichí chꞌoó xota̱ xi ꞌniú ndajiín,
ta̱nga achichí tjó tsꞌénjo̱ xota̱ xi kixi̱i̱.
33Néná tsꞌénchíkonñé ndiꞌaa̱ xota̱ xi kixi̱i̱,
ta̱nga ni xi ndajín ꞌbojminieé ndiꞌaa̱ xota̱ xi ꞌniú ndajiín.
34Néná mojnókie xota̱ xi mojnókiee̱,
ta̱nga xota̱ xi ni̱ma̱kjo̱a̱a̱ tsjaá kjo̱a̱ndaa̱.
35Xota̱ xi kjínkoón xcha̱ndikón,
ta̱nga xota̱ xi kitikjo̱a̱a̱, xcha̱ndikónjín.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014