Énkjínkón 29
29
Tsjaꞌbeé ini̱ma̱ná nga ni xi nda niꞌán
1Xota̱ xi tsjajín maá nga niꞌánxchánjo̱,
ta̱niján má kji̱ndi̱bá nga si̱ꞌankjie,
kó jmíjín xi ka̱ma ku̱i̱ꞌíchjaá nga bo̱a̱ ka̱ma.
2Kjiꞌanga makjín xota̱ xi kixi̱i̱, tsjá maá xota̱ na̱xi̱ńdaá,
ta̱nga kjiꞌanga xota̱ xi ndajiín xi makjín, ndasen ꞌbíndo xota̱ na̱xi̱ńdaá.
3Xota̱ xi tsjaa̱ kjo̱a̱kjínkoón, kjo̱a̱tsja tsjaá na̱ꞌmii̱,
ta̱nga xota̱ xi ínchjínmasién fíkoón, tsꞌenkjié ngayeje ni xi tjiín.
4Re xi kixi̱ botixómaá, nda tsꞌénkꞌíndo xota̱ na̱xi̱ńdaá,
ta̱nga kui xi ta̱soboá to̱n xi machjítjé ni foaꞌáchjí,
kuí boá xi tsꞌenkjiékjo̱a̱ na̱xi̱ńdaá.
5Xota̱ xi achichí nda chji̱a̱ kjo̱a̱a̱ kje̱ꞌe xota̱,
nga ja̱koxi̱, ta̱ chja̱ya̱ tsí tsꞌénꞌbijñaá.
6Xota̱ xi ndajiín, ti̱kuíní xi ꞌbókayá chja̱ya̱ xi kui ꞌbíjñá,
ta̱nga xota̱ xi kixi̱i̱, sie ko̱jo tsjaꞌbeé.
7Xota̱ xi kixi̱i̱ tsꞌenseén kjo̱a̱nda xi tjiín xota̱ ni̱ma̱a̱,
ta̱nga xota̱ xi ꞌniú ndajiín makjínjiín kjo̱a̱kjínkoón.
8Xota̱ xi achichí nga ndajiín kjo̱a̱xti ꞌboxié ngayeje na̱xi̱ńdáꞌniuú,
ta̱nga xota̱ xi kjínkoón kjo̱a̱xió boá xi mongase.
9Xota̱ kjínkón xi xota̱ xi kitikjo̱a̱a̱ ꞌbísejo̱,
ndatsi sa̱ꞌínxchán, ko̱jo ndatsi ko̱jno̱, nde jmí ni sa̱ꞌíndajìnjín.
10Xota̱ xi ꞌniú ndajiín chꞌoo̱ xota̱ xi kixi̱i̱,
ta̱nga xota̱ xi kixi̱i̱ mongase kjo̱a̱ndaa̱.
11Xota̱ xi kitikjo̱a̱a̱ bokó yeje kjo̱a̱xtindaa̱,
ta̱nga xota̱ xi kjínkoón maꞌniúrií yojoo̱.
12Xota̱ xi botixómá xi sa̱ꞌínseén ngo éndísó,
kuí boá xi tsꞌéndándí ngayeje xota̱ xi nijan tsꞌénxájo̱.
13Xota̱ ni̱ma̱a̱, ko̱jo xota̱ xi ꞌbínié ꞌniuú xá,
nga joó nga Néná boá xi tsꞌentsíjee̱n ndyi̱ko̱n.
14Re xi kixi̱ tsꞌén botixómaá xota̱ ni̱ma̱a̱,
ꞌniú tsꞌénꞌbijñá nga kui xi ngatsjéni̱xtjin ko̱tíxoma.
15Nga foaa̱ ńꞌniú ko̱jo nga niꞌánchji̱ni̱e̱ ngo ndí,
kuí boá kui nii̱ xi tsjaá kjo̱a̱kjínkón,
ta̱nga kui nda̱chí xi tsꞌatio nga tjó niꞌaán,
kuí boá xi kjo̱a̱soboá tsꞌénkjáꞌa na̱aa̱n.
16Kjiꞌanga makjín xota̱ xi ꞌniú ndajiín, ti̱ makjín jeé nga,
¡ta̱nga xota̱ xi kixi̱i̱, kuí boá xi sku̱i̱e̱ kótsꞌèn kju̱i̱e̱ kui xota̱ xi ndajiín!
17Ti̱ꞌinchji̱ni̱ ji ndíi̱, kó kꞌuieé kjo̱a̱xió,
ko̱jo achichí tsjá kꞌuieé ini̱ma̱a̱.
18Tsi Nénájín xi ka̱tso̱yàtjón ni xi sa̱ꞌín
xota̱ na̱xi̱ńdaá, ta̱ ni xi mejénrií sa̱ꞌín,
ta̱nga achichíra̱ tsjaa̱ xota̱ xi tsꞌénkjátjosón kjo̱a̱kitii̱ Néná.
19Mosoo̱ jmí tsi ta̱ én tsí xi niꞌánkjieén nga niꞌánchji̱ni̱e̱,
ngatꞌa̱ makjínrií, ta̱nga tsꞌensénjín.
20A je kandaꞌyée̱ ni xi tsó xota̱ xi ta̱xkiya chji̱a̱a̱.
¡Tjín ngasee̱ xki̱ ni xi tsó xota̱ chi̱nii̱, ta̱bo̱a̱jiín kui xotaa̱!
21Xota̱ xi ꞌniú tsꞌéntjó mosoo̱ ndeskande nga chichí,
nga fetꞌani, kuí mosoo̱ xi ka̱matsi̱ꞌe̱ ngayeje ni xi tjiín ndi̱a̱a̱.
22Xota̱ xi tamaá kjo̱a̱xti ꞌboxié,
kó xota̱ xi xtindaa̱, tsꞌénjé.
23Xota̱ xi nkꞌakoo̱n ni̱ma̱kjo̱a̱ si̱ꞌankꞌijñá,
kó xota̱ xi ni̱ma̱kjo̱a̱a̱ kuí boá xi si̱ꞌandikón.
24Xota̱ xi tsꞌénkámajo̱ xota̱chejeé,
ti̱kuíní xi tjítsꞌénchꞌó ini̱ma̱a̱,
ngatꞌa̱ kjiꞌanga niꞌánjeé xota̱chejeé,
tsakjón má, kó chji̱a̱jín.
25Tsi ngo xota̱ xi tsakjón kje̱ꞌe xota̱,
xikónii̱ tsi ngo chja̱ya̱ tsꞌénꞌbijñaá yojoo̱,
ta̱nga xota̱ xi Néná ꞌniátakón,
kuí boá xi jmí ni ka̱májiín.
26Achichí má xota̱ xi mongase
nga nda ko̱a̱ꞌa xota̱ xi botixómaá,
ta̱nga ta̱kuítsí Néná xi kixi̱ tsꞌén sa̱ꞌínseén ngayeje xotaa̱.
27Xota̱ xi kixi̱i̱ chꞌo maa̱ xota̱ xi ꞌniú ndajiín,
kó xota̱ xi ꞌniú ndajiín chꞌo maa̱ xota̱ xi kixi̱i̱.
Currently Selected:
Énkjínkón 29: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Énkjínkón 29
29
Tsjaꞌbeé ini̱ma̱ná nga ni xi nda niꞌán
1Xota̱ xi tsjajín maá nga niꞌánxchánjo̱,
ta̱niján má kji̱ndi̱bá nga si̱ꞌankjie,
kó jmíjín xi ka̱ma ku̱i̱ꞌíchjaá nga bo̱a̱ ka̱ma.
2Kjiꞌanga makjín xota̱ xi kixi̱i̱, tsjá maá xota̱ na̱xi̱ńdaá,
ta̱nga kjiꞌanga xota̱ xi ndajiín xi makjín, ndasen ꞌbíndo xota̱ na̱xi̱ńdaá.
3Xota̱ xi tsjaa̱ kjo̱a̱kjínkoón, kjo̱a̱tsja tsjaá na̱ꞌmii̱,
ta̱nga xota̱ xi ínchjínmasién fíkoón, tsꞌenkjié ngayeje ni xi tjiín.
4Re xi kixi̱ botixómaá, nda tsꞌénkꞌíndo xota̱ na̱xi̱ńdaá,
ta̱nga kui xi ta̱soboá to̱n xi machjítjé ni foaꞌáchjí,
kuí boá xi tsꞌenkjiékjo̱a̱ na̱xi̱ńdaá.
5Xota̱ xi achichí nda chji̱a̱ kjo̱a̱a̱ kje̱ꞌe xota̱,
nga ja̱koxi̱, ta̱ chja̱ya̱ tsí tsꞌénꞌbijñaá.
6Xota̱ xi ndajiín, ti̱kuíní xi ꞌbókayá chja̱ya̱ xi kui ꞌbíjñá,
ta̱nga xota̱ xi kixi̱i̱, sie ko̱jo tsjaꞌbeé.
7Xota̱ xi kixi̱i̱ tsꞌenseén kjo̱a̱nda xi tjiín xota̱ ni̱ma̱a̱,
ta̱nga xota̱ xi ꞌniú ndajiín makjínjiín kjo̱a̱kjínkoón.
8Xota̱ xi achichí nga ndajiín kjo̱a̱xti ꞌboxié ngayeje na̱xi̱ńdáꞌniuú,
ta̱nga xota̱ xi kjínkoón kjo̱a̱xió boá xi mongase.
9Xota̱ kjínkón xi xota̱ xi kitikjo̱a̱a̱ ꞌbísejo̱,
ndatsi sa̱ꞌínxchán, ko̱jo ndatsi ko̱jno̱, nde jmí ni sa̱ꞌíndajìnjín.
10Xota̱ xi ꞌniú ndajiín chꞌoo̱ xota̱ xi kixi̱i̱,
ta̱nga xota̱ xi kixi̱i̱ mongase kjo̱a̱ndaa̱.
11Xota̱ xi kitikjo̱a̱a̱ bokó yeje kjo̱a̱xtindaa̱,
ta̱nga xota̱ xi kjínkoón maꞌniúrií yojoo̱.
12Xota̱ xi botixómá xi sa̱ꞌínseén ngo éndísó,
kuí boá xi tsꞌéndándí ngayeje xota̱ xi nijan tsꞌénxájo̱.
13Xota̱ ni̱ma̱a̱, ko̱jo xota̱ xi ꞌbínié ꞌniuú xá,
nga joó nga Néná boá xi tsꞌentsíjee̱n ndyi̱ko̱n.
14Re xi kixi̱ tsꞌén botixómaá xota̱ ni̱ma̱a̱,
ꞌniú tsꞌénꞌbijñá nga kui xi ngatsjéni̱xtjin ko̱tíxoma.
15Nga foaa̱ ńꞌniú ko̱jo nga niꞌánchji̱ni̱e̱ ngo ndí,
kuí boá kui nii̱ xi tsjaá kjo̱a̱kjínkón,
ta̱nga kui nda̱chí xi tsꞌatio nga tjó niꞌaán,
kuí boá xi kjo̱a̱soboá tsꞌénkjáꞌa na̱aa̱n.
16Kjiꞌanga makjín xota̱ xi ꞌniú ndajiín, ti̱ makjín jeé nga,
¡ta̱nga xota̱ xi kixi̱i̱, kuí boá xi sku̱i̱e̱ kótsꞌèn kju̱i̱e̱ kui xota̱ xi ndajiín!
17Ti̱ꞌinchji̱ni̱ ji ndíi̱, kó kꞌuieé kjo̱a̱xió,
ko̱jo achichí tsjá kꞌuieé ini̱ma̱a̱.
18Tsi Nénájín xi ka̱tso̱yàtjón ni xi sa̱ꞌín
xota̱ na̱xi̱ńdaá, ta̱ ni xi mejénrií sa̱ꞌín,
ta̱nga achichíra̱ tsjaa̱ xota̱ xi tsꞌénkjátjosón kjo̱a̱kitii̱ Néná.
19Mosoo̱ jmí tsi ta̱ én tsí xi niꞌánkjieén nga niꞌánchji̱ni̱e̱,
ngatꞌa̱ makjínrií, ta̱nga tsꞌensénjín.
20A je kandaꞌyée̱ ni xi tsó xota̱ xi ta̱xkiya chji̱a̱a̱.
¡Tjín ngasee̱ xki̱ ni xi tsó xota̱ chi̱nii̱, ta̱bo̱a̱jiín kui xotaa̱!
21Xota̱ xi ꞌniú tsꞌéntjó mosoo̱ ndeskande nga chichí,
nga fetꞌani, kuí mosoo̱ xi ka̱matsi̱ꞌe̱ ngayeje ni xi tjiín ndi̱a̱a̱.
22Xota̱ xi tamaá kjo̱a̱xti ꞌboxié,
kó xota̱ xi xtindaa̱, tsꞌénjé.
23Xota̱ xi nkꞌakoo̱n ni̱ma̱kjo̱a̱ si̱ꞌankꞌijñá,
kó xota̱ xi ni̱ma̱kjo̱a̱a̱ kuí boá xi si̱ꞌandikón.
24Xota̱ xi tsꞌénkámajo̱ xota̱chejeé,
ti̱kuíní xi tjítsꞌénchꞌó ini̱ma̱a̱,
ngatꞌa̱ kjiꞌanga niꞌánjeé xota̱chejeé,
tsakjón má, kó chji̱a̱jín.
25Tsi ngo xota̱ xi tsakjón kje̱ꞌe xota̱,
xikónii̱ tsi ngo chja̱ya̱ tsꞌénꞌbijñaá yojoo̱,
ta̱nga xota̱ xi Néná ꞌniátakón,
kuí boá xi jmí ni ka̱májiín.
26Achichí má xota̱ xi mongase
nga nda ko̱a̱ꞌa xota̱ xi botixómaá,
ta̱nga ta̱kuítsí Néná xi kixi̱ tsꞌén sa̱ꞌínseén ngayeje xotaa̱.
27Xota̱ xi kixi̱i̱ chꞌo maa̱ xota̱ xi ꞌniú ndajiín,
kó xota̱ xi ꞌniú ndajiín chꞌo maa̱ xota̱ xi kixi̱i̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014