Énkjínkón 28
28
Nda ti̱ꞌin ji, kó nda ko̱e̱je̱e̱
1Xota̱ xi ꞌniú ndajiín, monga ndatsi jmí tsi tjimíyotji̱ngii̱,
ta̱nga xota̱ xi kixi̱i̱ maꞌniátakón nga xió ꞌbíjñá, xikó maá ngo xandi̱je̱.
2Kjiꞌanga kjo̱a̱xchán tjín ngo na̱xi̱ńdá,
ma kjín ngase xota̱ xi botixómaá,
ta̱nga nda̱ xi botixómaá xi nda makjiín ko̱jo xi kjínkoón,
kuí xí mongase nga nda ꞌbíjñá kui ngi̱ndiee̱.
3Xota̱ ni̱ma̱ xi tsꞌénchéjeé kje̱ꞌe xota̱ ni̱ma̱,
xikónií ngo stsé ꞌniú xí tsꞌenkjié ngayeje ni tjieé.
4Xota̱ xi tsjánié kjo̱a̱kitii̱, kuí boá xi tsꞌéndíkón xota̱ xi ꞌniú ndajiín,
ta̱nga xota̱ xi tsꞌénkjátjosoón, kuí boá xi kjánjo̱ xota̱ xi ꞌniú ndajiín.
5Xota̱ xi ꞌniú ndajiín nde makjínjiín kjo̱a̱kixi̱i̱,
ta̱nga xota̱ xi mongase Néná, ngayeje nii̱ xi makjiín.
6Chjí ngasenii̱ ngo xota̱ ni̱ma̱ xi kixi̱,
ta̱bo̱a̱jiín ngo xota̱ cho̱n xi ꞌniú ndajín.
7Xota̱ xi tsꞌénkjátjosón kjo̱a̱kitii̱ Néná,
kuí boá xi ngo ndí xí kjínkón,
ta̱nga xota̱ xi nijanma xota̱ xi xki̱ꞌaá,
ta̱ kjo̱a̱soboá tsí xi tsjaá na̱ꞌmii̱.
8Xota̱ xi kjimacho̱n nga tsꞌénkíyà to̱n
nga tsie ndyi̱ko̱n foaꞌáchjí,
kui to̱o̱n, tsi̱ꞌe̱ xota̱ xi nda tsꞌénjo̱ xota̱ ni̱ma̱ boá.
9Xota̱ xi ntꞌiéjiín kjo̱a̱kitii̱ Néná,
Néná achichí chꞌo maá nga chji̱a̱a̱.
10Xota̱ xi ndi̱yà xi ndajín fíjo̱ xota̱ xi kixi̱i̱,
ti̱kuíní xi kꞌo̱kayà chja̱ya̱ xi ꞌbíjñá.
Ta̱nga xota̱ xi kixi̱i̱ kuí boá xi sa̱ko̱ó ni xi ndaa̱.
11Xota̱ xi cho̱o̱n xota̱ xi kjínkón tsoó yojoo̱,
ta̱nga xota̱ ni̱ma̱ xi tjiín kjo̱a̱kjíntakoón,
kuí boá xi bokó nga ja̱koxi̱ ꞌyá xotaa̱ bo̱a̱.
12Kjiꞌanga tsꞌén xota̱ xi kixi̱i̱ achichí sꞌué má
ta̱nga kjiꞌanga tsꞌén xota̱ ꞌniú ndajín, ngayeje xotaa̱ ꞌbíndoꞌmá.
13Xi ꞌbíꞌmá jé xi tsꞌén, jmíni̱xtjin nda ko̱e̱je̱e̱,
ta̱nga kui xi ka̱tso̱yaa̱, kó ngiti̱ sa̱ꞌínjéjín,
kuí boá xi sa̱ko̱ó kjo̱a̱jetakoón Néná.
14¡Achichíra̱ tsjaa̱ xota̱ xi ngatsjéni̱xtjin nga bendikón Néná!
Ta̱nga xota̱ xi tajá ini̱ma̱a̱ ndajín ka̱maa̱.
15Xikó maá ngo xandi̱je̱ xi tsꞌénꞌbìtsjè,
ko̱jo tsi xikó maá ngo cho̱ꞌoso̱ xi bojoó,
bo̱a̱ má kón má ngo xota̱ xi ꞌniú ndajín
xi botixómaá ngo nangi xi ni̱ma̱.
16Xota̱ xi botixómá xi jmí ni makjínjiín,
ta̱ tsꞌénkjó tsí nga tsie ngase to̱n kjo̱a̱ꞌáchjií xotaa̱,
ta̱nga xota̱ xi chꞌoo̱ kjo̱a̱xkétoo̱n,
kuí boá xi tsie ngase ka̱maa̱ nga kꞌuijñá nga̱sondie.
17Xota̱ xi katsꞌenkꞌién ngo ini̱ma̱,
kjótsoꞌbá chinga ngaskande nga ko̱yà,
¡ngata̱ jmíjín xi bosikójo!
18Xota̱ xi kixi̱ tsoꞌbaá, kjo̱tjoꞌa,
ta̱nga xota̱ xi ꞌniú ndajiín, ti̱kuíní xi ndajín ka̱maa̱.
19Xota̱ xi tsꞌénxájin tꞌanangii̱, tsie nichinie kꞌuieé,
ta̱nga xota̱ xi tsꞌénkámajo̱ xota̱ xi tsiꞌeé, ni̱ma̱ tsꞌén kꞌuijñá.
20Xota̱ xi ma maꞌniátakoón, ngatsjéni̱xtjin nga tsie kjo̱a̱niꞌánchikonñé kꞌuieé,
ta̱nga xota̱ xi tsá mejeén nga ka̱macho̱n, ka̱majérií.
21Ndajínkjiꞌi tsi tjín xota̱ xi si̱ꞌanchꞌo,
ngatꞌa̱ tjín xota̱ xi ngaskande chií pan tsꞌénjéní.
22Xota̱ xi xki̱ꞌáto̱o̱n mejeén nga tsá ka̱macho̱n,
ta̱nga nde bejín nga kjo̱a̱ni̱ma̱ boá xi tsá kji̱ndi̱bánié.
23Nga kjo̱chó ni̱xtjin tjó ngase si̱ꞌan
ngo xota̱ xi ꞌniú ku̱i̱chji̱a̱jo kje̱ꞌe xota̱,
ta̱bo̱a̱jiín kui xi achichí tsjatsó én xí ku̱i̱chji̱a̱joo.
24Xi sa̱ꞌínchejeé na̱ꞌmii̱ ko̱jo na̱aa̱n,
kósꞌe̱ bo̱a̱ ka̱tso̱ nga katsꞌénjéjín,
kuí boá xi amingo̱ manii̱ xota̱ xi ꞌniú ndajín.
25Xota̱ xi xki̱ꞌáto̱o̱n, ta̱ kjo̱a̱xti boá xi ko̱ngase,
ta̱nga kui xi Néná kjimaꞌniátakoón, kuí boá xi nda ko̱e̱je̱e̱.
26Xota̱ xi ti̱kuii yojoo̱ ꞌniákón, xota̱ kitikjo̱a̱ boá,
ta̱nga kui xi kjínkoón, kuí boá xi kjo̱tjoꞌa.
27Xota̱ xi bosikójo xota̱ ni̱ma̱a̱, jmí kjo̱a̱ni̱ma̱ kjo̱a̱ꞌatiojín,
ta̱nga xota̱ xi bosikójojín, achichí kjo̱a̱ni̱ma̱ kjo̱a̱ꞌatio.
28Kjiꞌanga tsꞌén xota̱ xi ꞌniú ndajiín, ngayeje xotaa̱ ꞌbíndoꞌmá,
ta̱nga ngije fe ni̱xtjii̱n, kjiꞌá boá nga makjín xota̱ xi kixi̱i̱.
Currently Selected:
Énkjínkón 28: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Énkjínkón 28
28
Nda ti̱ꞌin ji, kó nda ko̱e̱je̱e̱
1Xota̱ xi ꞌniú ndajiín, monga ndatsi jmí tsi tjimíyotji̱ngii̱,
ta̱nga xota̱ xi kixi̱i̱ maꞌniátakón nga xió ꞌbíjñá, xikó maá ngo xandi̱je̱.
2Kjiꞌanga kjo̱a̱xchán tjín ngo na̱xi̱ńdá,
ma kjín ngase xota̱ xi botixómaá,
ta̱nga nda̱ xi botixómaá xi nda makjiín ko̱jo xi kjínkoón,
kuí xí mongase nga nda ꞌbíjñá kui ngi̱ndiee̱.
3Xota̱ ni̱ma̱ xi tsꞌénchéjeé kje̱ꞌe xota̱ ni̱ma̱,
xikónií ngo stsé ꞌniú xí tsꞌenkjié ngayeje ni tjieé.
4Xota̱ xi tsjánié kjo̱a̱kitii̱, kuí boá xi tsꞌéndíkón xota̱ xi ꞌniú ndajiín,
ta̱nga xota̱ xi tsꞌénkjátjosoón, kuí boá xi kjánjo̱ xota̱ xi ꞌniú ndajiín.
5Xota̱ xi ꞌniú ndajiín nde makjínjiín kjo̱a̱kixi̱i̱,
ta̱nga xota̱ xi mongase Néná, ngayeje nii̱ xi makjiín.
6Chjí ngasenii̱ ngo xota̱ ni̱ma̱ xi kixi̱,
ta̱bo̱a̱jiín ngo xota̱ cho̱n xi ꞌniú ndajín.
7Xota̱ xi tsꞌénkjátjosón kjo̱a̱kitii̱ Néná,
kuí boá xi ngo ndí xí kjínkón,
ta̱nga xota̱ xi nijanma xota̱ xi xki̱ꞌaá,
ta̱ kjo̱a̱soboá tsí xi tsjaá na̱ꞌmii̱.
8Xota̱ xi kjimacho̱n nga tsꞌénkíyà to̱n
nga tsie ndyi̱ko̱n foaꞌáchjí,
kui to̱o̱n, tsi̱ꞌe̱ xota̱ xi nda tsꞌénjo̱ xota̱ ni̱ma̱ boá.
9Xota̱ xi ntꞌiéjiín kjo̱a̱kitii̱ Néná,
Néná achichí chꞌo maá nga chji̱a̱a̱.
10Xota̱ xi ndi̱yà xi ndajín fíjo̱ xota̱ xi kixi̱i̱,
ti̱kuíní xi kꞌo̱kayà chja̱ya̱ xi ꞌbíjñá.
Ta̱nga xota̱ xi kixi̱i̱ kuí boá xi sa̱ko̱ó ni xi ndaa̱.
11Xota̱ xi cho̱o̱n xota̱ xi kjínkón tsoó yojoo̱,
ta̱nga xota̱ ni̱ma̱ xi tjiín kjo̱a̱kjíntakoón,
kuí boá xi bokó nga ja̱koxi̱ ꞌyá xotaa̱ bo̱a̱.
12Kjiꞌanga tsꞌén xota̱ xi kixi̱i̱ achichí sꞌué má
ta̱nga kjiꞌanga tsꞌén xota̱ ꞌniú ndajín, ngayeje xotaa̱ ꞌbíndoꞌmá.
13Xi ꞌbíꞌmá jé xi tsꞌén, jmíni̱xtjin nda ko̱e̱je̱e̱,
ta̱nga kui xi ka̱tso̱yaa̱, kó ngiti̱ sa̱ꞌínjéjín,
kuí boá xi sa̱ko̱ó kjo̱a̱jetakoón Néná.
14¡Achichíra̱ tsjaa̱ xota̱ xi ngatsjéni̱xtjin nga bendikón Néná!
Ta̱nga xota̱ xi tajá ini̱ma̱a̱ ndajín ka̱maa̱.
15Xikó maá ngo xandi̱je̱ xi tsꞌénꞌbìtsjè,
ko̱jo tsi xikó maá ngo cho̱ꞌoso̱ xi bojoó,
bo̱a̱ má kón má ngo xota̱ xi ꞌniú ndajín
xi botixómaá ngo nangi xi ni̱ma̱.
16Xota̱ xi botixómá xi jmí ni makjínjiín,
ta̱ tsꞌénkjó tsí nga tsie ngase to̱n kjo̱a̱ꞌáchjií xotaa̱,
ta̱nga xota̱ xi chꞌoo̱ kjo̱a̱xkétoo̱n,
kuí boá xi tsie ngase ka̱maa̱ nga kꞌuijñá nga̱sondie.
17Xota̱ xi katsꞌenkꞌién ngo ini̱ma̱,
kjótsoꞌbá chinga ngaskande nga ko̱yà,
¡ngata̱ jmíjín xi bosikójo!
18Xota̱ xi kixi̱ tsoꞌbaá, kjo̱tjoꞌa,
ta̱nga xota̱ xi ꞌniú ndajiín, ti̱kuíní xi ndajín ka̱maa̱.
19Xota̱ xi tsꞌénxájin tꞌanangii̱, tsie nichinie kꞌuieé,
ta̱nga xota̱ xi tsꞌénkámajo̱ xota̱ xi tsiꞌeé, ni̱ma̱ tsꞌén kꞌuijñá.
20Xota̱ xi ma maꞌniátakoón, ngatsjéni̱xtjin nga tsie kjo̱a̱niꞌánchikonñé kꞌuieé,
ta̱nga xota̱ xi tsá mejeén nga ka̱macho̱n, ka̱majérií.
21Ndajínkjiꞌi tsi tjín xota̱ xi si̱ꞌanchꞌo,
ngatꞌa̱ tjín xota̱ xi ngaskande chií pan tsꞌénjéní.
22Xota̱ xi xki̱ꞌáto̱o̱n mejeén nga tsá ka̱macho̱n,
ta̱nga nde bejín nga kjo̱a̱ni̱ma̱ boá xi tsá kji̱ndi̱bánié.
23Nga kjo̱chó ni̱xtjin tjó ngase si̱ꞌan
ngo xota̱ xi ꞌniú ku̱i̱chji̱a̱jo kje̱ꞌe xota̱,
ta̱bo̱a̱jiín kui xi achichí tsjatsó én xí ku̱i̱chji̱a̱joo.
24Xi sa̱ꞌínchejeé na̱ꞌmii̱ ko̱jo na̱aa̱n,
kósꞌe̱ bo̱a̱ ka̱tso̱ nga katsꞌénjéjín,
kuí boá xi amingo̱ manii̱ xota̱ xi ꞌniú ndajín.
25Xota̱ xi xki̱ꞌáto̱o̱n, ta̱ kjo̱a̱xti boá xi ko̱ngase,
ta̱nga kui xi Néná kjimaꞌniátakoón, kuí boá xi nda ko̱e̱je̱e̱.
26Xota̱ xi ti̱kuii yojoo̱ ꞌniákón, xota̱ kitikjo̱a̱ boá,
ta̱nga kui xi kjínkoón, kuí boá xi kjo̱tjoꞌa.
27Xota̱ xi bosikójo xota̱ ni̱ma̱a̱, jmí kjo̱a̱ni̱ma̱ kjo̱a̱ꞌatiojín,
ta̱nga xota̱ xi bosikójojín, achichí kjo̱a̱ni̱ma̱ kjo̱a̱ꞌatio.
28Kjiꞌanga tsꞌén xota̱ xi ꞌniú ndajiín, ngayeje xotaa̱ ꞌbíndoꞌmá,
ta̱nga ngije fe ni̱xtjii̱n, kjiꞌá boá nga makjín xota̱ xi kixi̱i̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014