Énkjínkón 11
11
¡Chíi̱n ni xi niꞌín ji, ko̱jo chíi̱n ni xi ndokjo̱e̱ ji nga!
1Néná achichí chꞌoó baskula̱ chejeé,
ta̱nga achichí tsjá maá baskula̱ xi kixi̱ ꞌbochi̱bo̱a̱a̱.
2Kjo̱a̱nkꞌakoo̱n tsꞌénchájá kjo̱a̱yandikoón,
ta̱nga xota̱ kjínkón boá, xota̱ xi ni̱ma̱kjo̱a̱a̱.
3Xota̱ xi kixi̱i̱, kjo̱a̱kixi̱i̱ boá xi ko̱siényindi̱yà,
ta̱nga xota̱ jeé, ni xi ndajín xi tsꞌén boá xi sa̱ꞌínkjié.
4Kjiꞌanga kjo̱chó ni̱xtjin nga xcha̱ tsi nda ko̱jo tsi ndajín kiniꞌán,
nde jmí ni ka̱machjíjiín kjo̱a̱cho̱o̱n,
ta̱kuítsí kjo̱a̱kixi̱i̱ xi kꞌo̱xiéngíná ngi̱ya tsja kjo̱a̱bo̱yaa̱.
5Kjo̱a̱kixi̱i̱ boá xi tsꞌendáyà
ndi̱yà xí tjimá xota̱ xi kixi̱i̱,
ta̱nga xota̱ xi ꞌniú ndajiín,
ti̱kuíní ni xi ndajín xi tsꞌén xí tsꞌénchájá.
6Kjo̱a̱kixi̱ xi tsꞌén xota̱ xi kixi̱i̱,
kuí boá xi kꞌo̱xiéꞌá,
ta̱nga xota̱ xi ꞌboṉcha̱a̱,
ti̱kuíní kjo̱a̱ndikonkoón xi chja̱ya̱a̱ ka̱ma.
7Kjiꞌanga fesón xota̱ xi ꞌniú ndajiín,
ki̱a̱ nijan fesónjo̱ kjo̱a̱chiyaá,
ko̱jo kui ni yiꞌi xi katsꞌénkjó nga sa̱ꞌín katsaki.
8Xota̱ xi kixi̱i̱ fotjongii̱ yojoo̱ kjiꞌanga ndibá kjo̱a̱xti,
ta̱nga xota̱ xi ꞌniú ndajiín, kuí boá xi ꞌbíchjí.
9Eén xota̱ xi jókje̱e̱n boá xi tsꞌénꞌoón xotaa̱,
ta̱nga xota̱ xi kixi̱i̱, kjo̱a̱kjínkoón boá xi fotjoꞌanii̱ yojoo̱.
10Kjiꞌanga nda maá xota̱ xi kixi̱i̱,
xota̱ na̱xi̱ńdáꞌniuú, achichí tsjá maá,
ta̱nga kjiꞌanga xota̱ xi ꞌniú ndajiín fesón,
xota̱ na̱xi̱ńdáꞌniuú, sꞌué má tsꞌén.
11Kjo̱a̱a̱ kjo̱a̱niꞌánchikonñé xi tjiín xota̱ xi kixi̱i̱,
nga tsie ni xi nda ꞌbé na̱xi̱ńdáꞌniuú,
ta̱nga kjo̱a̱a̱ ni xi chji̱a̱ xota̱ xi ꞌniú ndajiín nga niꞌánkjié.
12Xota̱ xi tsꞌenchꞌó xotaa̱, ta̱xkiya tsꞌén ngo ni,
ta̱nga xota̱ xi nda tsꞌénkjó ni xi tsꞌén,
márií bóxioó tsꞌoa.
13Xota̱ xi ndisoo̱ tsóyà ngayeje ni xi tjiꞌmaá,
ta̱nga xota̱ xi ma maꞌniátakoón ta̱xkiya chji̱a̱jín.
14Kjiꞌanga jmíjín ngo xota̱ xi nda botixómá,
na̱xi̱ńdaá ndajín maá,
ta̱nga tsi kjín má xota̱ xi tsjá kjo̱a̱botíxomaa̱,
ka̱márií nga nda kꞌuijñá.
15Achichí nga nda̱ ka̱maa̱, xota̱ xi tsja̱á tsꞌoa,
nga kui ku̱i̱ꞌíchjí ni xi ntsjieén ngo xota̱ xi nde bejín ꞌyá kuií bo̱a̱,
ta̱nga kui xi chꞌo ka̱maa̱ kui nii̱, achichí xió kꞌuijñá.
16Na̱ xi ndaxotaa̱, xcha̱ndikón,
kó xota̱ xi mañaa̱ kꞌuieé kjo̱a̱cho̱n.
17Xota̱ xi ni̱ma̱ maa̱ kje̱ꞌe xota̱,
ti̱kuíní ini̱ma̱a̱ xi nda tjítsꞌénjo̱,
ta̱nga xota̱ xi ndajínxotaa̱,
ti̱kuíní yojoo̱ xi ndajín tjítsꞌénjo̱.
18To̱n xi tsꞌén xota̱ xi ꞌniú ndajiín,
ta̱ ni xi ꞌboṉcha̱jo boá xi̱ꞌba̱,
ta̱nga to̱n xi tsꞌén xota̱ xi kixi̱i̱,
kuí boá xi ni xi nda xi niꞌaán.
19Kjo̱a̱mindyioo̱n boá xi tsꞌén xota̱ xi kjo̱a̱kixi̱i̱ fítji̱ngi,
ta̱nga kjo̱a̱bo̱yaa̱ boá xi tsꞌén xota̱ xi ni xi ndajiín fítji̱ngi.
20Achichí chꞌoó Néná
xota̱ xi ni xi ꞌniú ndajín tjíjin ini̱ma̱a̱,
ta̱nga achichí tsjá maá xota̱ xi kixi̱ ndi̱yà xí tjimá.
21Tsi xotí ko̱jo tsi sájín,
xota̱ xi ndajiín ku̱i̱ꞌíchjí jeé,
ta̱nga xota̱ xi kixi̱i̱ ko̱jo ndií, kuí xí kjo̱tjoꞌa.
22Ngo na̱ tsjakjiꞌi xi chi̱ni,
xikónií tsi ngo ni ńtsó to̱nsinié
xi tikoón ṉtjo̱n ngo chi̱nga.
23Ni xi mejeén sa̱ꞌín xota̱ xi kixi̱,
ngatsjéni̱xtjin nga ni xi nda foeꞌejo̱,
ta̱nga kjo̱a̱chiyaá xota̱ xi ndajiín, kjo̱a̱xti boá.
24Xota̱ xi tsꞌénkábisoón to̱o̱n xota̱ ni̱ma̱a̱, ka̱ma cho̱n ngase,
ta̱nga xota̱ xi ndikonkoón, ni̱ma̱ ka̱ma.
25Xota̱ xi tjiín ngo ini̱ma̱ xi nda nga bosikójo kje̱ꞌe xota̱, ndatsꞌèn kꞌuijñá,
kó xota̱ xi tsja̱á nichinie kje̱ꞌe xota̱, ti̱ ko̱e̱ꞌeé kui nga.
26Xota̱ xi foaꞌáꞌmá to ndso̱ko̱a̱n ṉño̱paa̱n,
tsi̱ꞌe̱ nga chjí ngase ko̱tíñá,
xota̱ na̱xi̱ńdaá chꞌo tsꞌén chji̱a̱taꞌin,
ta̱nga xota̱ xi ndatsꞌèn botiñá kui to ndso̱ko̱a̱n ṉño̱paa̱n,
xota̱ na̱xi̱ńdaá tsꞌénchíkonñé.
27Xota̱ xi tsꞌén ngo ngaꞌniú nga ni xi ndaa̱ tsꞌén,
mongase nga xota̱ xi ngasee̱ sku̱i̱e̱ndikón,
ta̱nga kui xota̱ xi ni xi ndajiín mongase nga tsꞌén,
ti̱kuíní ni xi kji̱ndi̱bánié.
28Xota̱ xi kjo̱a̱cho̱o̱n maꞌniátakón,
ku̱i̱xo̱ xikoó xka̱ kixií ngo yá,
ta̱nga xota̱ xi kixi̱i̱,
xtjóntsꞌién nginí xikoó tjiaa̱ ngo yá.
29Xota̱ xi ndajín tsꞌénjo̱ xota̱ ngo ndiꞌaa̱,
tsꞌénchájá ngayeje nii̱,
kó xota̱ xi kitikjo̱a̱a̱ ngafetꞌaa̱kjo̱a̱, mosoo̱ xota̱ kjínkoón ma ngijee̱.
30Kjo̱a̱mindyioo̱n boá xi tsꞌén xota̱ xi kixi̱i̱,
ta̱nga xota̱ xi kjínkón boá,
kui xi fíjo̱ xota̱ ngi̱ya tsja Néná.
31Tsi kꞌi̱e̱ kui nga̱sondiee̱
xota̱ xi ndaa̱ sakoó chjí xí tsoboaá,
¡ja̱ ti̱ kꞌi̱e̱ sakoó ni ndajín xi tsoboaá,
xota̱ xi ꞌniú ndajiín ko̱jo xota̱ jeé nga!
Currently Selected:
Énkjínkón 11: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Énkjínkón 11
11
¡Chíi̱n ni xi niꞌín ji, ko̱jo chíi̱n ni xi ndokjo̱e̱ ji nga!
1Néná achichí chꞌoó baskula̱ chejeé,
ta̱nga achichí tsjá maá baskula̱ xi kixi̱ ꞌbochi̱bo̱a̱a̱.
2Kjo̱a̱nkꞌakoo̱n tsꞌénchájá kjo̱a̱yandikoón,
ta̱nga xota̱ kjínkón boá, xota̱ xi ni̱ma̱kjo̱a̱a̱.
3Xota̱ xi kixi̱i̱, kjo̱a̱kixi̱i̱ boá xi ko̱siényindi̱yà,
ta̱nga xota̱ jeé, ni xi ndajín xi tsꞌén boá xi sa̱ꞌínkjié.
4Kjiꞌanga kjo̱chó ni̱xtjin nga xcha̱ tsi nda ko̱jo tsi ndajín kiniꞌán,
nde jmí ni ka̱machjíjiín kjo̱a̱cho̱o̱n,
ta̱kuítsí kjo̱a̱kixi̱i̱ xi kꞌo̱xiéngíná ngi̱ya tsja kjo̱a̱bo̱yaa̱.
5Kjo̱a̱kixi̱i̱ boá xi tsꞌendáyà
ndi̱yà xí tjimá xota̱ xi kixi̱i̱,
ta̱nga xota̱ xi ꞌniú ndajiín,
ti̱kuíní ni xi ndajín xi tsꞌén xí tsꞌénchájá.
6Kjo̱a̱kixi̱ xi tsꞌén xota̱ xi kixi̱i̱,
kuí boá xi kꞌo̱xiéꞌá,
ta̱nga xota̱ xi ꞌboṉcha̱a̱,
ti̱kuíní kjo̱a̱ndikonkoón xi chja̱ya̱a̱ ka̱ma.
7Kjiꞌanga fesón xota̱ xi ꞌniú ndajiín,
ki̱a̱ nijan fesónjo̱ kjo̱a̱chiyaá,
ko̱jo kui ni yiꞌi xi katsꞌénkjó nga sa̱ꞌín katsaki.
8Xota̱ xi kixi̱i̱ fotjongii̱ yojoo̱ kjiꞌanga ndibá kjo̱a̱xti,
ta̱nga xota̱ xi ꞌniú ndajiín, kuí boá xi ꞌbíchjí.
9Eén xota̱ xi jókje̱e̱n boá xi tsꞌénꞌoón xotaa̱,
ta̱nga xota̱ xi kixi̱i̱, kjo̱a̱kjínkoón boá xi fotjoꞌanii̱ yojoo̱.
10Kjiꞌanga nda maá xota̱ xi kixi̱i̱,
xota̱ na̱xi̱ńdáꞌniuú, achichí tsjá maá,
ta̱nga kjiꞌanga xota̱ xi ꞌniú ndajiín fesón,
xota̱ na̱xi̱ńdáꞌniuú, sꞌué má tsꞌén.
11Kjo̱a̱a̱ kjo̱a̱niꞌánchikonñé xi tjiín xota̱ xi kixi̱i̱,
nga tsie ni xi nda ꞌbé na̱xi̱ńdáꞌniuú,
ta̱nga kjo̱a̱a̱ ni xi chji̱a̱ xota̱ xi ꞌniú ndajiín nga niꞌánkjié.
12Xota̱ xi tsꞌenchꞌó xotaa̱, ta̱xkiya tsꞌén ngo ni,
ta̱nga xota̱ xi nda tsꞌénkjó ni xi tsꞌén,
márií bóxioó tsꞌoa.
13Xota̱ xi ndisoo̱ tsóyà ngayeje ni xi tjiꞌmaá,
ta̱nga xota̱ xi ma maꞌniátakoón ta̱xkiya chji̱a̱jín.
14Kjiꞌanga jmíjín ngo xota̱ xi nda botixómá,
na̱xi̱ńdaá ndajín maá,
ta̱nga tsi kjín má xota̱ xi tsjá kjo̱a̱botíxomaa̱,
ka̱márií nga nda kꞌuijñá.
15Achichí nga nda̱ ka̱maa̱, xota̱ xi tsja̱á tsꞌoa,
nga kui ku̱i̱ꞌíchjí ni xi ntsjieén ngo xota̱ xi nde bejín ꞌyá kuií bo̱a̱,
ta̱nga kui xi chꞌo ka̱maa̱ kui nii̱, achichí xió kꞌuijñá.
16Na̱ xi ndaxotaa̱, xcha̱ndikón,
kó xota̱ xi mañaa̱ kꞌuieé kjo̱a̱cho̱n.
17Xota̱ xi ni̱ma̱ maa̱ kje̱ꞌe xota̱,
ti̱kuíní ini̱ma̱a̱ xi nda tjítsꞌénjo̱,
ta̱nga xota̱ xi ndajínxotaa̱,
ti̱kuíní yojoo̱ xi ndajín tjítsꞌénjo̱.
18To̱n xi tsꞌén xota̱ xi ꞌniú ndajiín,
ta̱ ni xi ꞌboṉcha̱jo boá xi̱ꞌba̱,
ta̱nga to̱n xi tsꞌén xota̱ xi kixi̱i̱,
kuí boá xi ni xi nda xi niꞌaán.
19Kjo̱a̱mindyioo̱n boá xi tsꞌén xota̱ xi kjo̱a̱kixi̱i̱ fítji̱ngi,
ta̱nga kjo̱a̱bo̱yaa̱ boá xi tsꞌén xota̱ xi ni xi ndajiín fítji̱ngi.
20Achichí chꞌoó Néná
xota̱ xi ni xi ꞌniú ndajín tjíjin ini̱ma̱a̱,
ta̱nga achichí tsjá maá xota̱ xi kixi̱ ndi̱yà xí tjimá.
21Tsi xotí ko̱jo tsi sájín,
xota̱ xi ndajiín ku̱i̱ꞌíchjí jeé,
ta̱nga xota̱ xi kixi̱i̱ ko̱jo ndií, kuí xí kjo̱tjoꞌa.
22Ngo na̱ tsjakjiꞌi xi chi̱ni,
xikónií tsi ngo ni ńtsó to̱nsinié
xi tikoón ṉtjo̱n ngo chi̱nga.
23Ni xi mejeén sa̱ꞌín xota̱ xi kixi̱,
ngatsjéni̱xtjin nga ni xi nda foeꞌejo̱,
ta̱nga kjo̱a̱chiyaá xota̱ xi ndajiín, kjo̱a̱xti boá.
24Xota̱ xi tsꞌénkábisoón to̱o̱n xota̱ ni̱ma̱a̱, ka̱ma cho̱n ngase,
ta̱nga xota̱ xi ndikonkoón, ni̱ma̱ ka̱ma.
25Xota̱ xi tjiín ngo ini̱ma̱ xi nda nga bosikójo kje̱ꞌe xota̱, ndatsꞌèn kꞌuijñá,
kó xota̱ xi tsja̱á nichinie kje̱ꞌe xota̱, ti̱ ko̱e̱ꞌeé kui nga.
26Xota̱ xi foaꞌáꞌmá to ndso̱ko̱a̱n ṉño̱paa̱n,
tsi̱ꞌe̱ nga chjí ngase ko̱tíñá,
xota̱ na̱xi̱ńdaá chꞌo tsꞌén chji̱a̱taꞌin,
ta̱nga xota̱ xi ndatsꞌèn botiñá kui to ndso̱ko̱a̱n ṉño̱paa̱n,
xota̱ na̱xi̱ńdaá tsꞌénchíkonñé.
27Xota̱ xi tsꞌén ngo ngaꞌniú nga ni xi ndaa̱ tsꞌén,
mongase nga xota̱ xi ngasee̱ sku̱i̱e̱ndikón,
ta̱nga kui xota̱ xi ni xi ndajiín mongase nga tsꞌén,
ti̱kuíní ni xi kji̱ndi̱bánié.
28Xota̱ xi kjo̱a̱cho̱o̱n maꞌniátakón,
ku̱i̱xo̱ xikoó xka̱ kixií ngo yá,
ta̱nga xota̱ xi kixi̱i̱,
xtjóntsꞌién nginí xikoó tjiaa̱ ngo yá.
29Xota̱ xi ndajín tsꞌénjo̱ xota̱ ngo ndiꞌaa̱,
tsꞌénchájá ngayeje nii̱,
kó xota̱ xi kitikjo̱a̱a̱ ngafetꞌaa̱kjo̱a̱, mosoo̱ xota̱ kjínkoón ma ngijee̱.
30Kjo̱a̱mindyioo̱n boá xi tsꞌén xota̱ xi kixi̱i̱,
ta̱nga xota̱ xi kjínkón boá,
kui xi fíjo̱ xota̱ ngi̱ya tsja Néná.
31Tsi kꞌi̱e̱ kui nga̱sondiee̱
xota̱ xi ndaa̱ sakoó chjí xí tsoboaá,
¡ja̱ ti̱ kꞌi̱e̱ sakoó ni ndajín xi tsoboaá,
xota̱ xi ꞌniú ndajiín ko̱jo xota̱ jeé nga!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014