Énkjínkón 10
10
Én xí tsíchji̱a̱ nda̱ kjínkón Salomoo̱
1Én xí tsíchji̱a̱ nda̱ kjínkón Salomoo̱.
Ngo ndí xí kjínkón, achichí kjo̱a̱tsja tsjaá na̱ꞌmii̱,
ta̱nga ngo ndí xí kitikjo̱a̱a̱, achichí kjo̱a̱ndasen tsjaá na̱aa̱n.
2Nde ndajíntsꞌèn si̱ꞌankjién
ngo kjo̱a̱cho̱n xi ndajíntsꞌèn kasako,
ta̱nga ni xi kixi̱i̱ boá xi kꞌo̱xiéꞌáná ngi̱ya tsja kjo̱a̱bo̱yaa̱.
3Néná tsjandièjín nga kjindiá foaꞌa xota̱ xi kixi̱i̱,
ti̱nde tsjandièjiín nga sa̱ꞌínkjatjosón ni ndajín xi mejeén sa̱ꞌín xota̱ xi ꞌniú ndajiín.
4Tsi si̱ꞌinxéjín ji, ni̱ma̱ tsꞌén ku̱i̱ndyin ji,
kó tsi ꞌniú si̱ꞌinxé jí, ka̱macho̱n ji.
5Xota̱ xi maxchaá nichinie cho̱ndoboá ꞌniuú,
kuí boá xi ndatsꞌèn tsꞌénkjó,
ta̱nga xota̱ xi fofé kjiꞌanga je jachó cha̱a̱n ni xi ꞌbítji̱e̱e̱,
achichí kjo̱a̱soboá kjo̱a̱ꞌa.
6Néná tsꞌénchíkonñé ini̱ma̱a̱ xota̱ xi kixi̱i̱,
ta̱nga tsꞌoa xota̱ xi ndajiín boá nínga fotjonii̱ kjo̱a̱xchán.
7Kjo̱a̱niꞌánchikonñé boá kjiꞌanga niꞌánkjaꞌátsjien xota̱ xi kixi̱i̱,
ta̱nga jaꞌeén xota̱ xi ꞌniú ndajiín, niꞌánchꞌó.
8Ini̱ma̱a̱ xota̱ xi kjínkoón tsꞌénkjátjosón kjo̱a̱botíxomaa̱,
ta̱nga tsꞌoa xota̱ xi kitikjo̱a̱a̱, kuí boá xi tsꞌénchájá.
9Xota̱ xi kixi̱i̱, achichí kjo̱a̱xió ꞌbeé,
ta̱nga xota̱ xi tsoꞌbá ndi̱yà xí ndajiín,
kjo̱chó ni̱xtjin nga sa̱ꞌínchaja yojoo̱.
10Xota̱ xi ꞌbichjándsóná ndyi̱ko̱n kjo̱a̱ndasen boá xi mongase,
kó tsꞌoa xota̱ xi kitikjo̱a̱a̱, kuí boá xi tsꞌénchájá.
11Tsꞌoa xota̱ xi kixi̱i̱, ki̱a̱ fotjonii̱ én xí tsjá kjo̱a̱mindyioo̱n,
ta̱nga tsꞌoa xota̱ xi ndajiín boá nínga fotjonii̱ kjo̱a̱xchán.
12Kjo̱a̱niꞌánchꞌoó kjo̱a̱xchán foeꞌejo̱,
ta̱nga kjo̱a̱niꞌántjoó ngayeje nii̱ xi tsꞌénjétakón.
13Tsꞌoa xota̱ xi kjínkoón, kjo̱a̱kjínkón boá xi chji̱a̱,
ta̱nga nga̱xto̱n xota̱ xi kitikjo̱a̱a̱, tsi̱ꞌe̱ nga kjónié yá boá.
14Xota̱ xi kjínkoón achichí ꞌniú ma mejeén kjo̱a̱kjíntakoón,
ta̱nga nga chji̱a̱ xota̱ xi kitikjo̱a̱a̱, jè tikóndaa̱ ni xi ndajiín.
15Xota̱ xi cho̱o̱n tsꞌénkjó nga kjo̱a̱cho̱o̱n,
kuí boá xi ngo na̱xi̱ńdáꞌniú xí xó tjíchjáꞌyáni,
ta̱nga xota̱ xi ni̱ma̱a̱ kjo̱a̱ni̱ma̱a̱ boá xi tsꞌenkjié.
16Kjo̱a̱mindyioo̱n boá xi tsꞌén xota̱ xi kixi̱i̱,
ta̱nga jeé boá xi tsꞌén xota̱ xi ꞌniú ndajiín.
17Xota̱ xi tsꞌénjóꞌo nga niꞌánchji̱ni̱e̱e̱,
kuí boá xi tsie ngase ka̱maa̱ nga kꞌuijñá nga̱sondie,
ta̱nga xota̱ xi chꞌoo̱ nga niꞌánchji̱ni̱e̱e̱,
nde kjinjín kjo̱chó.
18Xota̱ ndiso boá xi ꞌbíꞌmá nga tjín xí chꞌoo̱,
kó xi tsꞌéntsójó kjo̱a̱ndisoo̱, xota̱ xi kitikjo̱a̱ boá.
19Xota̱ xi tsie chji̱a̱a̱, tsꞌénjé boá,
ta̱nga xi bóxioó tsꞌoa, xota̱ kjínkón boá.
20Na̱je̱n xota̱ xi kixi̱i̱, chjírií xikoó to̱ntiboaa̱,
ta̱nga ni xi tsꞌénkjó to̱ko̱ xota̱ xi ꞌniú ndajiín, jmí ni chjíjiín.
21Eén xota̱ xi kixi̱i̱, achichí xota̱ bosikójo,
ta̱nga xota̱ xi kitikjo̱a̱a̱ fesón, ngatꞌa̱ tsꞌénkjójín ni xi tsꞌén.
22Kjo̱a̱niꞌánchikonñeé Néná, kjo̱a̱cho̱n boá,
kó jmí kjo̱a̱ndasenjiín.
23Xota̱ xi kitikjo̱a̱a̱, achichí tsjá maá nga tsꞌén ni xi ndajín,
ta̱nga xota̱ xi kjínkoón, achichí tsjá maá kjo̱a̱a̱ kjo̱a̱kjíntakoón.
24Ni xi tsakjón nga ka̱maa̱ xota̱ xi ndajiín,
kuí boá ni xi ka̱maa̱,
kó ni nda xi mejeén nga ka̱maa̱ xota̱ xi kixi̱i̱,
kuí boá ni xi kjo̱tjosoón.
25Kjiꞌanga foaꞌa ngo tjo̱ꞌniú,
chaja xota̱ xi ndajiín,
ta̱nga ngatsjéni̱xtjin nga kꞌuijñá
xota̱ xi kixi̱i̱.
26Ngo nda̱ xi tsiꞌé, xikónií ni xi tsꞌénná
bino̱ san xi mindyiaa̱ ńꞌniú, ko̱jo tsi ṉdi̱ xi fíngí ndyikón.
27Xota̱ xi bendikón Néná, achichí kjín nó ka̱maa̱,
ta̱nga xota̱ xi ꞌniú ndajiín, nde tsiejín ka̱maa̱ nga kꞌuíndo nga̱sondie.
28Xota̱ xi kixi̱i̱, ndyi̱koyaa̱ nga tsja tsꞌén kꞌuíndo,
ta̱nga xota̱ xi ꞌniú ndajiín, kjo̱a̱ndasen boá xi kjo̱a̱chiyaá.
29Néná boá xi tsjangaꞌniuú ndi̱ya̱à xota̱ xi kixi̱i̱,
ta̱nga tsꞌenkjié boá xota̱ xi tsꞌén ni xi ndajín.
30Xota̱ xi kixi̱i̱ ngatsjéni̱xtjin nga nda ka̱ma ni xi sa̱ꞌín,
ta̱nga xota̱ xi ꞌniú ndajiín kꞌi̱e̱jín kꞌuíndo kui nga̱sondiee̱.
31Tsꞌoa xota̱ xi kixi̱i̱ ngatsjéni̱xtjin nga én xí kjínkón ku̱i̱chji̱a̱,
ta̱nga xota̱ xi ꞌniú ndajiín, ku̱i̱chá na̱je̱n.
32Tsꞌoa xota̱ xi kixi̱i̱, ni xi tsjatsó boá chji̱a̱,
ta̱nga tsꞌoa xota̱ xi ꞌniú ndajiín, én chꞌo tsó boá xi chji̱a̱.
Currently Selected:
Énkjínkón 10: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Énkjínkón 10
10
Én xí tsíchji̱a̱ nda̱ kjínkón Salomoo̱
1Én xí tsíchji̱a̱ nda̱ kjínkón Salomoo̱.
Ngo ndí xí kjínkón, achichí kjo̱a̱tsja tsjaá na̱ꞌmii̱,
ta̱nga ngo ndí xí kitikjo̱a̱a̱, achichí kjo̱a̱ndasen tsjaá na̱aa̱n.
2Nde ndajíntsꞌèn si̱ꞌankjién
ngo kjo̱a̱cho̱n xi ndajíntsꞌèn kasako,
ta̱nga ni xi kixi̱i̱ boá xi kꞌo̱xiéꞌáná ngi̱ya tsja kjo̱a̱bo̱yaa̱.
3Néná tsjandièjín nga kjindiá foaꞌa xota̱ xi kixi̱i̱,
ti̱nde tsjandièjiín nga sa̱ꞌínkjatjosón ni ndajín xi mejeén sa̱ꞌín xota̱ xi ꞌniú ndajiín.
4Tsi si̱ꞌinxéjín ji, ni̱ma̱ tsꞌén ku̱i̱ndyin ji,
kó tsi ꞌniú si̱ꞌinxé jí, ka̱macho̱n ji.
5Xota̱ xi maxchaá nichinie cho̱ndoboá ꞌniuú,
kuí boá xi ndatsꞌèn tsꞌénkjó,
ta̱nga xota̱ xi fofé kjiꞌanga je jachó cha̱a̱n ni xi ꞌbítji̱e̱e̱,
achichí kjo̱a̱soboá kjo̱a̱ꞌa.
6Néná tsꞌénchíkonñé ini̱ma̱a̱ xota̱ xi kixi̱i̱,
ta̱nga tsꞌoa xota̱ xi ndajiín boá nínga fotjonii̱ kjo̱a̱xchán.
7Kjo̱a̱niꞌánchikonñé boá kjiꞌanga niꞌánkjaꞌátsjien xota̱ xi kixi̱i̱,
ta̱nga jaꞌeén xota̱ xi ꞌniú ndajiín, niꞌánchꞌó.
8Ini̱ma̱a̱ xota̱ xi kjínkoón tsꞌénkjátjosón kjo̱a̱botíxomaa̱,
ta̱nga tsꞌoa xota̱ xi kitikjo̱a̱a̱, kuí boá xi tsꞌénchájá.
9Xota̱ xi kixi̱i̱, achichí kjo̱a̱xió ꞌbeé,
ta̱nga xota̱ xi tsoꞌbá ndi̱yà xí ndajiín,
kjo̱chó ni̱xtjin nga sa̱ꞌínchaja yojoo̱.
10Xota̱ xi ꞌbichjándsóná ndyi̱ko̱n kjo̱a̱ndasen boá xi mongase,
kó tsꞌoa xota̱ xi kitikjo̱a̱a̱, kuí boá xi tsꞌénchájá.
11Tsꞌoa xota̱ xi kixi̱i̱, ki̱a̱ fotjonii̱ én xí tsjá kjo̱a̱mindyioo̱n,
ta̱nga tsꞌoa xota̱ xi ndajiín boá nínga fotjonii̱ kjo̱a̱xchán.
12Kjo̱a̱niꞌánchꞌoó kjo̱a̱xchán foeꞌejo̱,
ta̱nga kjo̱a̱niꞌántjoó ngayeje nii̱ xi tsꞌénjétakón.
13Tsꞌoa xota̱ xi kjínkoón, kjo̱a̱kjínkón boá xi chji̱a̱,
ta̱nga nga̱xto̱n xota̱ xi kitikjo̱a̱a̱, tsi̱ꞌe̱ nga kjónié yá boá.
14Xota̱ xi kjínkoón achichí ꞌniú ma mejeén kjo̱a̱kjíntakoón,
ta̱nga nga chji̱a̱ xota̱ xi kitikjo̱a̱a̱, jè tikóndaa̱ ni xi ndajiín.
15Xota̱ xi cho̱o̱n tsꞌénkjó nga kjo̱a̱cho̱o̱n,
kuí boá xi ngo na̱xi̱ńdáꞌniú xí xó tjíchjáꞌyáni,
ta̱nga xota̱ xi ni̱ma̱a̱ kjo̱a̱ni̱ma̱a̱ boá xi tsꞌenkjié.
16Kjo̱a̱mindyioo̱n boá xi tsꞌén xota̱ xi kixi̱i̱,
ta̱nga jeé boá xi tsꞌén xota̱ xi ꞌniú ndajiín.
17Xota̱ xi tsꞌénjóꞌo nga niꞌánchji̱ni̱e̱e̱,
kuí boá xi tsie ngase ka̱maa̱ nga kꞌuijñá nga̱sondie,
ta̱nga xota̱ xi chꞌoo̱ nga niꞌánchji̱ni̱e̱e̱,
nde kjinjín kjo̱chó.
18Xota̱ ndiso boá xi ꞌbíꞌmá nga tjín xí chꞌoo̱,
kó xi tsꞌéntsójó kjo̱a̱ndisoo̱, xota̱ xi kitikjo̱a̱ boá.
19Xota̱ xi tsie chji̱a̱a̱, tsꞌénjé boá,
ta̱nga xi bóxioó tsꞌoa, xota̱ kjínkón boá.
20Na̱je̱n xota̱ xi kixi̱i̱, chjírií xikoó to̱ntiboaa̱,
ta̱nga ni xi tsꞌénkjó to̱ko̱ xota̱ xi ꞌniú ndajiín, jmí ni chjíjiín.
21Eén xota̱ xi kixi̱i̱, achichí xota̱ bosikójo,
ta̱nga xota̱ xi kitikjo̱a̱a̱ fesón, ngatꞌa̱ tsꞌénkjójín ni xi tsꞌén.
22Kjo̱a̱niꞌánchikonñeé Néná, kjo̱a̱cho̱n boá,
kó jmí kjo̱a̱ndasenjiín.
23Xota̱ xi kitikjo̱a̱a̱, achichí tsjá maá nga tsꞌén ni xi ndajín,
ta̱nga xota̱ xi kjínkoón, achichí tsjá maá kjo̱a̱a̱ kjo̱a̱kjíntakoón.
24Ni xi tsakjón nga ka̱maa̱ xota̱ xi ndajiín,
kuí boá ni xi ka̱maa̱,
kó ni nda xi mejeén nga ka̱maa̱ xota̱ xi kixi̱i̱,
kuí boá ni xi kjo̱tjosoón.
25Kjiꞌanga foaꞌa ngo tjo̱ꞌniú,
chaja xota̱ xi ndajiín,
ta̱nga ngatsjéni̱xtjin nga kꞌuijñá
xota̱ xi kixi̱i̱.
26Ngo nda̱ xi tsiꞌé, xikónií ni xi tsꞌénná
bino̱ san xi mindyiaa̱ ńꞌniú, ko̱jo tsi ṉdi̱ xi fíngí ndyikón.
27Xota̱ xi bendikón Néná, achichí kjín nó ka̱maa̱,
ta̱nga xota̱ xi ꞌniú ndajiín, nde tsiejín ka̱maa̱ nga kꞌuíndo nga̱sondie.
28Xota̱ xi kixi̱i̱, ndyi̱koyaa̱ nga tsja tsꞌén kꞌuíndo,
ta̱nga xota̱ xi ꞌniú ndajiín, kjo̱a̱ndasen boá xi kjo̱a̱chiyaá.
29Néná boá xi tsjangaꞌniuú ndi̱ya̱à xota̱ xi kixi̱i̱,
ta̱nga tsꞌenkjié boá xota̱ xi tsꞌén ni xi ndajín.
30Xota̱ xi kixi̱i̱ ngatsjéni̱xtjin nga nda ka̱ma ni xi sa̱ꞌín,
ta̱nga xota̱ xi ꞌniú ndajiín kꞌi̱e̱jín kꞌuíndo kui nga̱sondiee̱.
31Tsꞌoa xota̱ xi kixi̱i̱ ngatsjéni̱xtjin nga én xí kjínkón ku̱i̱chji̱a̱,
ta̱nga xota̱ xi ꞌniú ndajiín, ku̱i̱chá na̱je̱n.
32Tsꞌoa xota̱ xi kixi̱i̱, ni xi tsjatsó boá chji̱a̱,
ta̱nga tsꞌoa xota̱ xi ꞌniú ndajiín, én chꞌo tsó boá xi chji̱a̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014