Eklesiastee̱ 12
12
1Ngatjaꞌátsjiee̱n kui Ne xi katsꞌéndaa, kjiꞌanga xo̱ngò ngase ji,
ngindiee̱ nga kji̱ndi̱bá ni̱xtjin xi ndajiín,
kósꞌe̱ bi̱ sé jí:
jè ngiti̱ tsjajín tjínna nga tikón an nga̱sondie.
2Ngindiee̱ nga ka̱majñó tsꞌueé, ko̱jo ndiꞌií, ko̱jo saá, ko̱jo ńñoo,
ko̱jo kjiꞌanga to̱kó ndyi̱a̱ ngase ṉdi̱ ngije ja̱bo̱a̱ je tsaꞌá stseé.
3Ngindiee̱ nga kjo̱chó ni̱xtjin nga kjo̱tsiè má jájún xi ndyi̱konda ndo̱bo̱a̱xa̱á,
ko̱jo nga sa̱ꞌínkindi já xí ꞌniú ngasee̱.
Ngindiee̱ nga kjo̱chó kui ni̱xtjii̱n,
ta̱ chiboa tsí ngi̱ndie nínga ꞌyo kꞌuié ngase,
kó xota̱ xi kotsijenxkjaá, ngiti̱ tsijénjín ka̱maa̱.
4Ngindiee̱ nga si̱chjá yeje nga̱ntjo̱a̱a̱ ndiꞌaa̱,
kó ngiti̱ ko̱nda̱ꞌyájín nga kjo̱ni̱e̱ nínga ꞌyo̱o̱,
ko̱jo nga ngiti̱ ko̱nda̱ꞌyájín xikótsꞌèn sie ni̱siee̱,
kó ngiti̱ ko̱nda̱ꞌyájín ngayeje soó.
5Kjiꞌanga kjo̱chó ni̱xtjin nga ko̱ndaki̱n nínga nkꞌaa̱,
ko̱jo ko̱ndaki̱n jí ndi̱yà nínga tiꞌmi,
kó kjiꞌá boá nga kjo̱tjoo̱ naxó yá almendraa̱,
kó chjo̱bo̱a̱a̱ sa̱ꞌínniꞌiin,
kó ngiti̱ bojójín ka̱maa̱,
ngatꞌa̱ xotaa̱ je ko̱e̱je̱ ngi̱ndie nínga tikón kjo̱a̱mindyion ngatsjéni̱xtjin,
kó ngi̱ya ndi̱yàtieé kꞌuimá xi skja̱ndátjé kjo̱a̱a̱ nga je jesón.
6Ngatjaꞌátsjiee̱n Ne xi katsꞌéndaa
ngindiee̱ nga stindsó ńꞌniúki̱cha̱ to̱ntiboaa̱,
ko̱jo nga ko̱kjan ti̱jì xí to̱nsinieé,
kó ko̱kjan nisaa̱, ki̱a̱ tꞌa nínga tjitjó ndáfoaa̱,
kó ki̱a̱ ndáńchꞌií kꞌo̱kangí ki̱cha̱ xi mongaya ńꞌniuú.
7Ngindiee̱ nga chojo ka̱má nginí ji, xikoó ngasꞌe̱,
kó a̱si̱énni̱xtjìi̱n Néná skjíbé nginí,
ngatꞌa̱ kuí boá xi katsjá.
8Ta̱kjo̱a̱ndaní, ngayeje nii̱ xi ta̱kjo̱a̱ndaní,
katsó Nda̱ xi Tsóyà Eén, ngayeje nii̱ xi ta̱kjo̱a̱ndaní.
Én xí fetꞌaa̱
9Kó kui Nda̱ xi Tsóyà Eén, achichí kjínkón kamá, nga ngaskande akóyaá xota̱ na̱xi̱ńdaá tsi̱ꞌe̱ nga kjínkón kamá nga, kó akóyaá tsi̱ꞌe̱ nga ko̱siénnijon, ko̱jo nga skjítꞌoyà, kó achichí énkjínkón xi katsꞌénda ko̱jo índonda. 10Ngatsjéni̱xtjin nga kui Nda̱ xi Tsóyà Eén katsꞌén ngo ngaꞌniú nga tsangase én tsjatsó xi tsíchji̱a̱, ko̱jo achichí kixi̱ én xí ja̱koxi̱ xi katsꞌénꞌindó.
11Én xí chji̱a̱ xota̱ xi kjínkoón bo̱a̱ má kón xikoó ndaꞌyáńtsꞌén ngo cho̱, kó én xí chji̱a̱ já mostroo̱, kui xi tsóyà nda̱ xi koo̱n cho̱tsa̱nga̱a̱ ja̱kon yáyojó xi je ikindyianijín má kón má. 12Ji ndí ndí tsa̱ꞌa̱n, ingo ni ngase kjo̱a̱a̱ ni xi je kandokjo̱a̱a̱, ngatjaꞌátsjiee̱n nga jmíni̱xtjin fetꞌanii̱ nga niꞌánꞌindó kjín xo̱jo̱n, kó nga fenda yojoná nga ta̱nisién ꞌniú chjátꞌayá.
13Ngayeje kui eén bi̱ tsꞌén fetꞌani: Che̱ndikín jí Néná, kó ti̱ꞌinkjatjosén ji kjo̱a̱botíxomaa̱. Kuí boá kui nii̱ xi chjiéngá sa̱ꞌín ngayeje xota̱ nga̱sondiee̱. 14Ngatꞌa̱ Néná boá xi ku̱i̱ꞌaná xki̱ kjo̱a̱a̱ ngayeje nii̱, ko̱jo ngayeje ni xi tjiꞌmaá, tsi nda ko̱jo tsi ndajín.
Currently Selected:
Eklesiastee̱ 12: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Eklesiastee̱ 12
12
1Ngatjaꞌátsjiee̱n kui Ne xi katsꞌéndaa, kjiꞌanga xo̱ngò ngase ji,
ngindiee̱ nga kji̱ndi̱bá ni̱xtjin xi ndajiín,
kósꞌe̱ bi̱ sé jí:
jè ngiti̱ tsjajín tjínna nga tikón an nga̱sondie.
2Ngindiee̱ nga ka̱majñó tsꞌueé, ko̱jo ndiꞌií, ko̱jo saá, ko̱jo ńñoo,
ko̱jo kjiꞌanga to̱kó ndyi̱a̱ ngase ṉdi̱ ngije ja̱bo̱a̱ je tsaꞌá stseé.
3Ngindiee̱ nga kjo̱chó ni̱xtjin nga kjo̱tsiè má jájún xi ndyi̱konda ndo̱bo̱a̱xa̱á,
ko̱jo nga sa̱ꞌínkindi já xí ꞌniú ngasee̱.
Ngindiee̱ nga kjo̱chó kui ni̱xtjii̱n,
ta̱ chiboa tsí ngi̱ndie nínga ꞌyo kꞌuié ngase,
kó xota̱ xi kotsijenxkjaá, ngiti̱ tsijénjín ka̱maa̱.
4Ngindiee̱ nga si̱chjá yeje nga̱ntjo̱a̱a̱ ndiꞌaa̱,
kó ngiti̱ ko̱nda̱ꞌyájín nga kjo̱ni̱e̱ nínga ꞌyo̱o̱,
ko̱jo nga ngiti̱ ko̱nda̱ꞌyájín xikótsꞌèn sie ni̱siee̱,
kó ngiti̱ ko̱nda̱ꞌyájín ngayeje soó.
5Kjiꞌanga kjo̱chó ni̱xtjin nga ko̱ndaki̱n nínga nkꞌaa̱,
ko̱jo ko̱ndaki̱n jí ndi̱yà nínga tiꞌmi,
kó kjiꞌá boá nga kjo̱tjoo̱ naxó yá almendraa̱,
kó chjo̱bo̱a̱a̱ sa̱ꞌínniꞌiin,
kó ngiti̱ bojójín ka̱maa̱,
ngatꞌa̱ xotaa̱ je ko̱e̱je̱ ngi̱ndie nínga tikón kjo̱a̱mindyion ngatsjéni̱xtjin,
kó ngi̱ya ndi̱yàtieé kꞌuimá xi skja̱ndátjé kjo̱a̱a̱ nga je jesón.
6Ngatjaꞌátsjiee̱n Ne xi katsꞌéndaa
ngindiee̱ nga stindsó ńꞌniúki̱cha̱ to̱ntiboaa̱,
ko̱jo nga ko̱kjan ti̱jì xí to̱nsinieé,
kó ko̱kjan nisaa̱, ki̱a̱ tꞌa nínga tjitjó ndáfoaa̱,
kó ki̱a̱ ndáńchꞌií kꞌo̱kangí ki̱cha̱ xi mongaya ńꞌniuú.
7Ngindiee̱ nga chojo ka̱má nginí ji, xikoó ngasꞌe̱,
kó a̱si̱énni̱xtjìi̱n Néná skjíbé nginí,
ngatꞌa̱ kuí boá xi katsjá.
8Ta̱kjo̱a̱ndaní, ngayeje nii̱ xi ta̱kjo̱a̱ndaní,
katsó Nda̱ xi Tsóyà Eén, ngayeje nii̱ xi ta̱kjo̱a̱ndaní.
Én xí fetꞌaa̱
9Kó kui Nda̱ xi Tsóyà Eén, achichí kjínkón kamá, nga ngaskande akóyaá xota̱ na̱xi̱ńdaá tsi̱ꞌe̱ nga kjínkón kamá nga, kó akóyaá tsi̱ꞌe̱ nga ko̱siénnijon, ko̱jo nga skjítꞌoyà, kó achichí énkjínkón xi katsꞌénda ko̱jo índonda. 10Ngatsjéni̱xtjin nga kui Nda̱ xi Tsóyà Eén katsꞌén ngo ngaꞌniú nga tsangase én tsjatsó xi tsíchji̱a̱, ko̱jo achichí kixi̱ én xí ja̱koxi̱ xi katsꞌénꞌindó.
11Én xí chji̱a̱ xota̱ xi kjínkoón bo̱a̱ má kón xikoó ndaꞌyáńtsꞌén ngo cho̱, kó én xí chji̱a̱ já mostroo̱, kui xi tsóyà nda̱ xi koo̱n cho̱tsa̱nga̱a̱ ja̱kon yáyojó xi je ikindyianijín má kón má. 12Ji ndí ndí tsa̱ꞌa̱n, ingo ni ngase kjo̱a̱a̱ ni xi je kandokjo̱a̱a̱, ngatjaꞌátsjiee̱n nga jmíni̱xtjin fetꞌanii̱ nga niꞌánꞌindó kjín xo̱jo̱n, kó nga fenda yojoná nga ta̱nisién ꞌniú chjátꞌayá.
13Ngayeje kui eén bi̱ tsꞌén fetꞌani: Che̱ndikín jí Néná, kó ti̱ꞌinkjatjosén ji kjo̱a̱botíxomaa̱. Kuí boá kui nii̱ xi chjiéngá sa̱ꞌín ngayeje xota̱ nga̱sondiee̱. 14Ngatꞌa̱ Néná boá xi ku̱i̱ꞌaná xki̱ kjo̱a̱a̱ ngayeje nii̱, ko̱jo ngayeje ni xi tjiꞌmaá, tsi nda ko̱jo tsi ndajín.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014