Eklesiastee̱ 11
11
1Te̱ꞌée̱ nichinie xota̱ xi bojoó,
kó kjo̱chó ni̱xtjin nga sa̱kóꞌoyá nginií kjo̱a̱nda xi tiniꞌín.
2Tsi yito ko̱jo tsi ngaskande jin xota̱ ti̱ꞌinkjaꞌasée̱n ni xi tjiín,
ngatꞌa̱ nde yejín ji mí ni xi ndajín xi ka̱maa̱ tꞌanangii̱.
3Tsi jñó má xi̱ndyiá ṉdi̱ xi tjín nkꞌa jàn, ja̱ stsé ko̱a̱ꞌa tꞌanangii̱,
kó tsi ngo yá kꞌo̱ka xtji̱e̱e̱n na̱ngi ko̱jo tsi xtji̱e̱e̱n ta̱ꞌin,
ta̱ nínga kꞌo̱ka kuí yaá, ja̱ ki̱a̱ kjojñá.
4Xota̱ xi ta̱soboá tjo̱o̱ boá xi ꞌbindíkón, jmí ni ꞌbítji̱e̱jín,
kó xota̱ xi ta̱soboá ṉdi̱i̱ boá xi kotsijee̱n, jmí ni foaꞌátikójín.
5Xikótsꞌèn nga yejín ji ñá xtji̱e̱e̱n fí tjo̱o̱,
ko̱jo nga yejín ji kótsꞌèn kjimaxchá ngo ndí ngi̱ya ndo̱bo̱a̱ndií na̱aa̱n,
ti̱ bo̱a̱ ti̱ tsꞌén nde yejín ji ni xi tsꞌén Néná,
kui Néná xi katsꞌénda ngayeje nii̱.
6Tꞌítji̱e̱ ji xojmáa̱ nga ta̱jño̱ó ko̱jo nga kamángixoón, ngatꞌa̱ yejín ji ñání ngajó kui ni tjieé xi nda ngase ka̱ma, axa̱ ngajoó nga nda ka̱ma.
7Achichí nda ndiꞌií, kó achichí tsjá maá ndyikón nga be nga tsꞌentsíjen tsꞌueé. 8Ta̱nga ndatsi achichí kjín nó maá nga ꞌbíjñá xota̱ nga̱sondiee̱, kó nga tsjatsꞌèn kisꞌijña ngayeje kui ni̱xtjii̱n, ngatjaꞌátsjiee̱n nga ti̱ achichí ka̱ma ni̱xtjin nga sꞌi̱jñoó. Kó ngayeje ni xi sꞌe̱ ndibaá, ta̱kjo̱a̱ndaní bo̱a̱ nga.
Ngatjaꞌátsjiee̱n kui Ne xi katsꞌéndaa
9Tsjangatꞌieé ngotꞌe̱ nga xo̱ngò jí, kó tsjangatamaa̱ ini̱màa̱ kui ni̱xtjii̱n. Ki̱a̱ tꞌentji̱ngi ji ni xi be ndyikin, ko̱jo ni xi mejeén ini̱màa̱, ta̱nga ngata̱ niꞌínchíyéjín ji nga kjo̱a̱a̱ ngayeje kui nii̱, nga Néná boá xi ku̱i̱ꞌaa̱ xki̱. 10Chje̱ꞌéxíi̱n ini̱màa̱ kjo̱a̱xtindaa̱, kó chje̱ꞌéxíntꞌée̱ yojòo̱ ni xi ndajiín, ngatꞌa̱ ni̱xtjin nga má xo̱ngo̱ò, ni xi ta̱kjo̱a̱ndaní bo̱a̱ nga.
Currently Selected:
Eklesiastee̱ 11: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Eklesiastee̱ 11
11
1Te̱ꞌée̱ nichinie xota̱ xi bojoó,
kó kjo̱chó ni̱xtjin nga sa̱kóꞌoyá nginií kjo̱a̱nda xi tiniꞌín.
2Tsi yito ko̱jo tsi ngaskande jin xota̱ ti̱ꞌinkjaꞌasée̱n ni xi tjiín,
ngatꞌa̱ nde yejín ji mí ni xi ndajín xi ka̱maa̱ tꞌanangii̱.
3Tsi jñó má xi̱ndyiá ṉdi̱ xi tjín nkꞌa jàn, ja̱ stsé ko̱a̱ꞌa tꞌanangii̱,
kó tsi ngo yá kꞌo̱ka xtji̱e̱e̱n na̱ngi ko̱jo tsi xtji̱e̱e̱n ta̱ꞌin,
ta̱ nínga kꞌo̱ka kuí yaá, ja̱ ki̱a̱ kjojñá.
4Xota̱ xi ta̱soboá tjo̱o̱ boá xi ꞌbindíkón, jmí ni ꞌbítji̱e̱jín,
kó xota̱ xi ta̱soboá ṉdi̱i̱ boá xi kotsijee̱n, jmí ni foaꞌátikójín.
5Xikótsꞌèn nga yejín ji ñá xtji̱e̱e̱n fí tjo̱o̱,
ko̱jo nga yejín ji kótsꞌèn kjimaxchá ngo ndí ngi̱ya ndo̱bo̱a̱ndií na̱aa̱n,
ti̱ bo̱a̱ ti̱ tsꞌén nde yejín ji ni xi tsꞌén Néná,
kui Néná xi katsꞌénda ngayeje nii̱.
6Tꞌítji̱e̱ ji xojmáa̱ nga ta̱jño̱ó ko̱jo nga kamángixoón, ngatꞌa̱ yejín ji ñání ngajó kui ni tjieé xi nda ngase ka̱ma, axa̱ ngajoó nga nda ka̱ma.
7Achichí nda ndiꞌií, kó achichí tsjá maá ndyikón nga be nga tsꞌentsíjen tsꞌueé. 8Ta̱nga ndatsi achichí kjín nó maá nga ꞌbíjñá xota̱ nga̱sondiee̱, kó nga tsjatsꞌèn kisꞌijña ngayeje kui ni̱xtjii̱n, ngatjaꞌátsjiee̱n nga ti̱ achichí ka̱ma ni̱xtjin nga sꞌi̱jñoó. Kó ngayeje ni xi sꞌe̱ ndibaá, ta̱kjo̱a̱ndaní bo̱a̱ nga.
Ngatjaꞌátsjiee̱n kui Ne xi katsꞌéndaa
9Tsjangatꞌieé ngotꞌe̱ nga xo̱ngò jí, kó tsjangatamaa̱ ini̱màa̱ kui ni̱xtjii̱n. Ki̱a̱ tꞌentji̱ngi ji ni xi be ndyikin, ko̱jo ni xi mejeén ini̱màa̱, ta̱nga ngata̱ niꞌínchíyéjín ji nga kjo̱a̱a̱ ngayeje kui nii̱, nga Néná boá xi ku̱i̱ꞌaa̱ xki̱. 10Chje̱ꞌéxíi̱n ini̱màa̱ kjo̱a̱xtindaa̱, kó chje̱ꞌéxíntꞌée̱ yojòo̱ ni xi ndajiín, ngatꞌa̱ ni̱xtjin nga má xo̱ngo̱ò, ni xi ta̱kjo̱a̱ndaní bo̱a̱ nga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014