Ha̍p-kâi Sû 1

Song-chú Min-lin Chhùng-kien Sṳn-thien

1Thai-liù-sṳ cho Pô-sṳ̂ fòng-ti ke thi-ngi ngièn liuk-ngie̍t chhû-yit#1:1 “liuk-ngie̍t chhû-yit”: Cheu hien-thoi ke ngit-la̍k lòi son he pat-ngie̍t ngi-sṳ̍p kiú., Song-chú thûng-ko siên-tî Ha̍p-kâi hiong Sat-lâ-thiet ke lai-é Yù-thai sén-chóng Só-lò-pâ-pak lâu Yok-sat-tap ke lai-é thai-chi-sṳ̂ Yok-sû-â kóng-fa.

2Song-chú — Van-kiûn ke Ngièn-soi tui Ha̍p-kâi án-ngiòng kóng: “Liá-têu ngìn-mìn kóng: ‘Liá-ha m̀-he chhùng-kien Song-chú sṳn-thien ke sṳ̀-chiet.’ ”

3Ke-sṳ̀, Song-chú thûng-ko siên-tî Ha̍p-kâi chiông yî-ha ke fa lâu ngìn-mìn kóng. 4Kì kóng: “Ngì-têu he̍t án-chiâng ke vuk-è, chúng-he Ngài ke sṳn-thien hàn án fông-liòng! 5Liá-ha Ngài — Song-chú, Van-kiûn ke Ngièn-soi oi ngì-têu fán-sén chhṳ-kâ ke hàng-vì. 6Ngì-têu ve-chúng tô, chúng-he sû-sṳ̀n séu; ngì-têu yû fan sṳ̍t, chúng-he sṳ̍t m̀-páu; ngì-têu yû chiú lîm, chúng-he lîm m̀-la; ngì-têu yû sâm chok, chúng-he chok m̀ sêu; cho-kûng chhon-tó ke chhièn, chúng-he m̀-la sên-fa̍t#1:6 “chúng-he m̀-la sên-fa̍t” Hî-pak-lòi-vùn chhṳ̍t-yi̍t he “chhiong piong chhai lan-khûng ke thoi-tú”..

7“Ngài — Song-chú, Van-kiûn ke Ngièn-soi oi ngì-têu fán-sén chhṳ-kâ ke hàng-vì. 8Liá-ha ngì-têu oi sông-sân chhí su-liau, lòi hí sṳn-thien; án-ngiòng, Ngài chhiu fôn-hí, yu tet-tó chûn-yùng. Liá he Ngài — Song-chú kóng ke.

9“Ngì-têu mong fûng-sû, kiet-kó sû-sṳ̀n séu; sû-sṳ̀n tai-chón vuk-hâ, Ngài yit-phùn chhiu mò pan-si̍t. Ngài — Song-chú, Van-kiûn ke Ngièn-soi oi mun: Má-ke lî-yù nè? Yîn-vi Ngài ke sṳn-thien fông-liòng, chúng-he ngì-têu chhiòn-phu vi-tó chhṳ-kâ ke vuk-sa mò-hàn chhṳ̍t-chha̍t. 10Só-yî, yîn-vi ngì-têu ke yèn-ku, thiên m̀ kong kâm-lu, thi m̀ chhut thú-sán. 11Ngài min-lin hôn-châi lìm-to thai-thi, pâu-hàm sân, thièn, phù-thò-yèn, kám-lám-yèn, thi-song ke chhut-sán, ngìn-mìn, thèu-sâng, lâu ngìn sú-chûng lò-luk tet-lòi ke yit-chhiet.”

Ngìn-mìn Thâng-chhiùng Song-chú ke Min-lin

12Ke-sṳ̀, Só-lò-pâ-pak, thai-chi-sṳ̂ Yok-sû-â lâu só-yû chhûn hâ-lòi ke ngìn-mìn thâng-chhiùng Song-chú — kì-têu Song-ti ke min-lin, ya thâng-chhiùng Song-chú ke sṳ́-chá — siên-tî Ha̍p-kâi ke fa hi cho; ngìn-mìn chhiu kin-vi Song-chú. 13Song-chú ke sṳ́-chá Ha̍p-kâi hiong ngìn-mìn siên-ko Song-chú ke sin-sit, kóng: “Ngài — Song-chú lâu ngì-têu khiung-ha.” 14Song-chú kám-thung Yù-thai sén-chóng Só-lò-pâ-pak, thai-chi-sṳ̂ Yok-sû-â, lâu só-yû chhûn hâ-lòi ke ngìn-mìn; kì-têu chhiu lòi vi-tó Song-chú, Van-kiûn ke Ngièn-soi — kì-têu ke Song-ti khôi-kûng chhùng-kien sṳn-thien. 15Ke-sṳ̀ he Thai-liù-sṳ cho fòng-ti ke thi-ngi ngièn liuk-ngie̍t ngi-sṳ̍p si-ngit.

Currently Selected:

Ha̍p-kâi Sû 1: THV12Rdb

Highlight

Copy

Want to have your highlights saved across all your devices? Sign up or sign in

Learn more about HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)