Malaquías 4
4
Tata Diospa p'unchaynin
1 1 (3.19) Tukuy Atiyniyoj Tata Dios nin: Horno jina lawraj juicio p'unchay qayllamushanña, chay p'unchaypitaj tukuy jatunchakojkuna, tukuy millayta ruwajkuna ima ichhu jina ruphanqanku. Chay jamoj p'unchaypi ninaqa tukuyninkuta q'olanqa, nitaj imapis paykunamanta puchonqachu.#Mal 3.2; Jl 2.11; Am 5.18; Sof 1.14-18. 2 2 (3.20) Qankuna noqata kasuwajkunapajrí, justiciay inti jina lliphipipirenqa, chay k'anchaynintaj sumaj kawsayta apamonqa. Chantá qankuna kusiymanta phinkirinkichej, imaynatachus torillokuna corralmanta llojsispa sink'urinku, ajinata. 3 3 (3.21) Wakichishani chay p'unchaypi qankunaqa millayta ruwaj runakunata ñut'u jallp'ata jina sarunkichej. Noqa Tukuy Atiyniyoj Tata Diosmin chayta nini.
4 4 (3.22) Horeb#Ex 19.16—20.20; 24.1-17; Dt 5.1-3. orqopi kamachiy Moisesman kamachisqaykunata yachachisqaymanta yuyarikuychej. Chay kamachisqakuna tukuy israelitakunapaj karqa.
5 5 (3.23) Sumajta uyariwaychej: Noqaqa sut'inchaj Eliasta#Mt 11.14; 17.10-13; Mc 9.11-13; Lc 1.17; Jn 1.21. kachamusqaykichej, Tata Diospa p'unchaynin manaraj chayamushajtin. Chayqa jatun p'unchay kanqa, manchayta manchachikunataj. 6 6 (3.24) Eliastaj tatakunaj sonqonkuta wawankukunawan allinyachenqa, jinallataj wawakunaj sonqonkutapis tatankukunawan. Mana jina kajtenqa, noqa jamuspa, tukuy suyuta jasut'isaj chinkachinaykama, nispa.
Currently Selected:
Malaquías 4: DQPC
Highlight
Share
Copy
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.