Matthew 25
25
Teȣasen nok ȣisk Teioteriȣasonterakȣen.
1Neh testiatieren ne Karonhiakon tsiniiot nʼoieri nikontiiatasetserake Kontihaserenhaȣinontie ȣathonȣateratane ne Rotiniakhe.
2Ȣisk nikonti tkonnonkȣetaieri, nok ȣisk oni nikonti tiiotiteha.
3Kehiken tiiotiteha neok iakontihaȣe ne iehaserarakȣa iah ne kenhie.
4Kenh kaien ne konttokha oksaok neneh tionenhienaten iehaserarakȣake.
5Nok tsinikariȣes roniskȣas naraȣe, ȣaotiserentarane nok iahotitaȣe oni.
6Neh nahoten nasonthen ontsaroko ionton: onen kenh tare ne Hetsiseȣarhare, ȣaseȣe kati iatetsiseȣaterat.
7Akȣekon kati ȣakontkestsko nok ȣakonttaseraseronni.
8Ȣakonniron ne tiiotiteha: Takȣenhiehnon iah nekenh teionkȣatekse.
9Nok ne konttoka takonniron: iah taonton nakȣenhiehnon onȣaʼsʼ enʼsʼ naha entionkȣatoktase; ȣasene seȣatatninonsera tsi tiontenninontha.
10Tsi kati nikariȣes iatekontiiatakonte onen ȣaraȣe; nok ne iohnatateȣeiennentaon iaonnete iahontaȣeiate tsi ȣatenniote nok tontaiennhoton.
11Nok onaken eh skonne ne tiiotiteha, ȣakonniron Seȣenniio! Seȣenniio! takȣannhotonkȣas!
12Tontasakoȣennaȣeron ȣahenron: oriȣiio tsi iah tekȣaienteri.
13Seȣaterharat kati iah se ȣahi teseȣaterientare kah niȣenniserate tsi oni niioȣistahe entre nʼOnkȣe Roienha.
14Aseken akȣa neh sateiot tsiniiot ne ronkȣe ratentionhe, iasakohnonke ne raonnhatsera, ȣasakorihonten ahatinikonraraketsinihoien.
15Nok saiatat ȣisk nikaȣistake tahaon, saiatat tekeni, saiatat enskat: tsiki nithonttoka: nok oksaok ȣahatenti.
16Kehiken ȣisk nikaȣistake roiena, ȣahatenti, nok ȣahakarhateniate tsiniiore ȣisk niiathatentsa.
17Etho oni neneh nahaiere ne tekeni tehoiena, tekeni oni neneh iathatentsa.
18Kenh tanon kaien ne skaȣista roiehna, ȣaronȣentsiokȣate nok eh ȣahasete.
19Kariȣestsinahe onen saraȣe ne Ronȣaianer, nok ȣasakokontseratironten.
20Eh ȣathatahne ne ȣisk nihoȣistaiena, ȣahonatonhase ne ȣisk natehotentson ȣahenron: Saianer! ȣisk nikaȣistake takatakȣenniaienni eh kati oni nikon ȣakeiaron ne saȣista.
21Nok ne Roianer ȣahenron: ioianere tsi seȣeienniio; kenh sane niioriȣaha nok ki taseriȣaierite eso kati enkonrihonten: satonnharen raotonnharatserakon ne Saianer!
22Onen neh eh isre ne tekaȣistake roiehna nok ȣahenron: Saianer tekaȣistake takatakȣenniaienni, nok eh oni nikon ȣakeiaron.
23Nok ne Roianer ȣahenron: tsi sennhatseriio, kenh sane niioriȣaha nok ki sariȣatoken, eso kati enkonrihonten: satonnharen raotonnharaserakon ne Saianer:
24Kenh kaien ne skaȣista roiehna, eh ȣathatane ȣahenron: Saianer! ȣakaterientare tsi niseniakastste, tsienthokȣas tsi nonȣe niah tesaienthon seroroks tsi nonȣe niah tatesareniaton.
25Ne ȣahonni onkteronne nakonȣistontiense, okenrokon kati ȣakasetonne; kenh kati sekhaȣi tsinikon ne saȣenk.
26Nok ne Raoianer tontahoȣennaȣeron: ȣahenron; kannhatseraksenskȣa, saterientarakȣe, tsi kienttokȣas tsinonȣe iah teȣakientton, keroroks oni tsinonȣe iah tateȣakareniaton.
27Teiotonȣentsiohonne kati tsi ieȣistaientakȣa iahesaientake, nok tsi naonsonka iaonsonktakȣen akenikȣekonhatie tsinikon aioteiaronke.
28Ehtsiseȣaȣistakȣa kati, nok neh satsitsion noieri nihoȣistaien.
29Aseken skatson iakoien tsiniiakoien, enshonhion nok sekon enshoientane; kenh tanon kaien niah othenon tehoien ienkaeȣe oni tsi nihoienha enhonȣakȣa oni neneh.
30Astste kati iatsiseniiatonti niah othenon tekannhatserasta tsi nonȣe tetiokaras; eh oni nonȣe natenhionsenthoseron, tenhionnokaraniehonheke oni.
31Ne nonen tentre nʼOnkȣe Roienha enthoiatanerakȣatonhatie, tenthonȣanitiokȣatontie oni ne raoronhiakeronon okon, nok ethone enhennistskȣaren ne raonistskȣaratseranerakȣatserakon.
32Nok akaonȣentsiakȣekon nonkȣe raohenton enhionteroroke, nok tensakoiataiestasi, tsikiniiot ne teiotinakarontonha ranonhne, tesakokhasions notinnhetien tanon ne Kontitsinn.
33Tsi raȣeientetakon ensakoiatoheststakȣe notinnhetien, nok ne kontitsinn sanekȣati ensakoiatoheststakȣe.
34Ethone ne Ronontiio ensakaȣenhase tsiniiakon tsi raȣeientetakon iakoiatontieton: karo kasene ise ne Rakeniha hetsiseȣaiatateriston, seȣataȣeiat tsi nonȣe niietsinaktaseronnienni sontontonȣentsiatasaȣen.
35Aseken ȣakatonkariakon, nok takȣanonten; ȣakeniatathenhon, nok takȣanekanonten; ȣakieshaonhatieskȣe, nok takȣateȣeienton.
36Akenekon kenhne, nok takȣaseronni; ȣakenonȣaktanihakȣe nok takȣatkense, kennhotonkȣe nok ieskȣaiatatsenrion:
37Ethone entiahiron ne tiakoriȣaieri: Saianer! Katke nikȣaken nasatonkariakseke, nok akȣanonten; ok ne ens aesaniatathenseke nok akȣanekanonten?
38Nok katke nisaiessaonhatieskȣe, nok kȣateȣeienton ok ne ens sahnekon kenhne nok kȣaseronni?
39Katke nikȣaken aesanonȣaktaniheke, ok ne ens asennhotonke nok akȣatkenseron!
40Tentesakoȣennaȣeron ne Ronontiio enhenron: Oriȣiio, Oriȣiio tsi kȣarori tsi niioriȣake etho niietsiierase nʼakȣa niieiakaha nakatatekenha iise eh niskȣaierase.
41Ethone oni neneh ensakaȣenhase ne sanekȣati iakoiatontieton: Seȣariȣaston! ehren iseȣet nok ȣasene tsi tiotekhaonȣe, eh nonȣe nihonȣanaktaseronnienni nʼotkonseraksen oni ne raotiokȣa.
42Aseken ȣakatonkariakon, nok iah teskȣanonten, ȣakeniatathenhon nokiah teskȣanekanonten.
43Ȣakieshaonhatieskȣe, iah teskȣateȣeienton, Akenekon kenhne nok iah teskȣaseronni; ȣakenonȣaktanihakȣe, kennhotonkȣe iah teskȣatkense.
44Ethone oni neneh tenthonȣaȣennaȣeron, enthonniron: Saianer! katke nikȣaken, asatonkariakseke, aesaniatathenseke, aesaieshaonhatie, sahnekon akenhake aesanonȣaktaniheke ok ne enʼsʼ asennhotonke nok iah takȣaiatakennhaon?
45Tentesakoȣennaȣeron, enthenron: Oriȣiio tsi kȣarori tsi iah enskatha eh teietsiiatierase enskat ne niiakasa, iah ki oni nii eh teskȣatierase.
46Nok neh kehiken tsi tiakoronhiakenonȣe niienhenhien; kenh kaien ne iakoianere enhiontonnharana tsi nonȣe ne tiakonnhe onȣe ne oni tsiniienhenȣe.
Currently Selected:
Matthew 25: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Matthew 25
25
Teȣasen nok ȣisk Teioteriȣasonterakȣen.
1Neh testiatieren ne Karonhiakon tsiniiot nʼoieri nikontiiatasetserake Kontihaserenhaȣinontie ȣathonȣateratane ne Rotiniakhe.
2Ȣisk nikonti tkonnonkȣetaieri, nok ȣisk oni nikonti tiiotiteha.
3Kehiken tiiotiteha neok iakontihaȣe ne iehaserarakȣa iah ne kenhie.
4Kenh kaien ne konttokha oksaok neneh tionenhienaten iehaserarakȣake.
5Nok tsinikariȣes roniskȣas naraȣe, ȣaotiserentarane nok iahotitaȣe oni.
6Neh nahoten nasonthen ontsaroko ionton: onen kenh tare ne Hetsiseȣarhare, ȣaseȣe kati iatetsiseȣaterat.
7Akȣekon kati ȣakontkestsko nok ȣakonttaseraseronni.
8Ȣakonniron ne tiiotiteha: Takȣenhiehnon iah nekenh teionkȣatekse.
9Nok ne konttoka takonniron: iah taonton nakȣenhiehnon onȣaʼsʼ enʼsʼ naha entionkȣatoktase; ȣasene seȣatatninonsera tsi tiontenninontha.
10Tsi kati nikariȣes iatekontiiatakonte onen ȣaraȣe; nok ne iohnatateȣeiennentaon iaonnete iahontaȣeiate tsi ȣatenniote nok tontaiennhoton.
11Nok onaken eh skonne ne tiiotiteha, ȣakonniron Seȣenniio! Seȣenniio! takȣannhotonkȣas!
12Tontasakoȣennaȣeron ȣahenron: oriȣiio tsi iah tekȣaienteri.
13Seȣaterharat kati iah se ȣahi teseȣaterientare kah niȣenniserate tsi oni niioȣistahe entre nʼOnkȣe Roienha.
14Aseken akȣa neh sateiot tsiniiot ne ronkȣe ratentionhe, iasakohnonke ne raonnhatsera, ȣasakorihonten ahatinikonraraketsinihoien.
15Nok saiatat ȣisk nikaȣistake tahaon, saiatat tekeni, saiatat enskat: tsiki nithonttoka: nok oksaok ȣahatenti.
16Kehiken ȣisk nikaȣistake roiena, ȣahatenti, nok ȣahakarhateniate tsiniiore ȣisk niiathatentsa.
17Etho oni neneh nahaiere ne tekeni tehoiena, tekeni oni neneh iathatentsa.
18Kenh tanon kaien ne skaȣista roiehna, ȣaronȣentsiokȣate nok eh ȣahasete.
19Kariȣestsinahe onen saraȣe ne Ronȣaianer, nok ȣasakokontseratironten.
20Eh ȣathatahne ne ȣisk nihoȣistaiena, ȣahonatonhase ne ȣisk natehotentson ȣahenron: Saianer! ȣisk nikaȣistake takatakȣenniaienni eh kati oni nikon ȣakeiaron ne saȣista.
21Nok ne Roianer ȣahenron: ioianere tsi seȣeienniio; kenh sane niioriȣaha nok ki taseriȣaierite eso kati enkonrihonten: satonnharen raotonnharatserakon ne Saianer!
22Onen neh eh isre ne tekaȣistake roiehna nok ȣahenron: Saianer tekaȣistake takatakȣenniaienni, nok eh oni nikon ȣakeiaron.
23Nok ne Roianer ȣahenron: tsi sennhatseriio, kenh sane niioriȣaha nok ki sariȣatoken, eso kati enkonrihonten: satonnharen raotonnharaserakon ne Saianer:
24Kenh kaien ne skaȣista roiehna, eh ȣathatane ȣahenron: Saianer! ȣakaterientare tsi niseniakastste, tsienthokȣas tsi nonȣe niah tesaienthon seroroks tsi nonȣe niah tatesareniaton.
25Ne ȣahonni onkteronne nakonȣistontiense, okenrokon kati ȣakasetonne; kenh kati sekhaȣi tsinikon ne saȣenk.
26Nok ne Raoianer tontahoȣennaȣeron: ȣahenron; kannhatseraksenskȣa, saterientarakȣe, tsi kienttokȣas tsinonȣe iah teȣakientton, keroroks oni tsinonȣe iah tateȣakareniaton.
27Teiotonȣentsiohonne kati tsi ieȣistaientakȣa iahesaientake, nok tsi naonsonka iaonsonktakȣen akenikȣekonhatie tsinikon aioteiaronke.
28Ehtsiseȣaȣistakȣa kati, nok neh satsitsion noieri nihoȣistaien.
29Aseken skatson iakoien tsiniiakoien, enshonhion nok sekon enshoientane; kenh tanon kaien niah othenon tehoien ienkaeȣe oni tsi nihoienha enhonȣakȣa oni neneh.
30Astste kati iatsiseniiatonti niah othenon tekannhatserasta tsi nonȣe tetiokaras; eh oni nonȣe natenhionsenthoseron, tenhionnokaraniehonheke oni.
31Ne nonen tentre nʼOnkȣe Roienha enthoiatanerakȣatonhatie, tenthonȣanitiokȣatontie oni ne raoronhiakeronon okon, nok ethone enhennistskȣaren ne raonistskȣaratseranerakȣatserakon.
32Nok akaonȣentsiakȣekon nonkȣe raohenton enhionteroroke, nok tensakoiataiestasi, tsikiniiot ne teiotinakarontonha ranonhne, tesakokhasions notinnhetien tanon ne Kontitsinn.
33Tsi raȣeientetakon ensakoiatoheststakȣe notinnhetien, nok ne kontitsinn sanekȣati ensakoiatoheststakȣe.
34Ethone ne Ronontiio ensakaȣenhase tsiniiakon tsi raȣeientetakon iakoiatontieton: karo kasene ise ne Rakeniha hetsiseȣaiatateriston, seȣataȣeiat tsi nonȣe niietsinaktaseronnienni sontontonȣentsiatasaȣen.
35Aseken ȣakatonkariakon, nok takȣanonten; ȣakeniatathenhon, nok takȣanekanonten; ȣakieshaonhatieskȣe, nok takȣateȣeienton.
36Akenekon kenhne, nok takȣaseronni; ȣakenonȣaktanihakȣe nok takȣatkense, kennhotonkȣe nok ieskȣaiatatsenrion:
37Ethone entiahiron ne tiakoriȣaieri: Saianer! Katke nikȣaken nasatonkariakseke, nok akȣanonten; ok ne ens aesaniatathenseke nok akȣanekanonten?
38Nok katke nisaiessaonhatieskȣe, nok kȣateȣeienton ok ne ens sahnekon kenhne nok kȣaseronni?
39Katke nikȣaken aesanonȣaktaniheke, ok ne ens asennhotonke nok akȣatkenseron!
40Tentesakoȣennaȣeron ne Ronontiio enhenron: Oriȣiio, Oriȣiio tsi kȣarori tsi niioriȣake etho niietsiierase nʼakȣa niieiakaha nakatatekenha iise eh niskȣaierase.
41Ethone oni neneh ensakaȣenhase ne sanekȣati iakoiatontieton: Seȣariȣaston! ehren iseȣet nok ȣasene tsi tiotekhaonȣe, eh nonȣe nihonȣanaktaseronnienni nʼotkonseraksen oni ne raotiokȣa.
42Aseken ȣakatonkariakon, nok iah teskȣanonten, ȣakeniatathenhon nokiah teskȣanekanonten.
43Ȣakieshaonhatieskȣe, iah teskȣateȣeienton, Akenekon kenhne nok iah teskȣaseronni; ȣakenonȣaktanihakȣe, kennhotonkȣe iah teskȣatkense.
44Ethone oni neneh tenthonȣaȣennaȣeron, enthonniron: Saianer! katke nikȣaken, asatonkariakseke, aesaniatathenseke, aesaieshaonhatie, sahnekon akenhake aesanonȣaktaniheke ok ne enʼsʼ asennhotonke nok iah takȣaiatakennhaon?
45Tentesakoȣennaȣeron, enthenron: Oriȣiio tsi kȣarori tsi iah enskatha eh teietsiiatierase enskat ne niiakasa, iah ki oni nii eh teskȣatierase.
46Nok neh kehiken tsi tiakoronhiakenonȣe niienhenhien; kenh kaien ne iakoianere enhiontonnharana tsi nonȣe ne tiakonnhe onȣe ne oni tsiniienhenȣe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.