I^saa^yaa 12
12
Laengz Zingh Nyei Nzung
1Taux wuov hnoi, meih zungv oix gorngv,
“O Ziouv aac, yie oix ceng meih.
Maiv gunv meih qiex jiez yie,
meih nyei ga'qiex fiu mi'aqv.
Meih yaac orn yie nyei hnyouv.
2Mangc maah! Tin-Hungh se yie nyei njoux en,
yie oix kaux ninh yaac maiv gamh nziex,
weic zuqc Ziouv Tin-Hungh
se yie nyei qaqv caux yie nyei nzung,
ninh yaac benx yie nyei njoux en.”#Cuotv I^yipv 15:2; Singx Nzung 118:14
3Weic naaiv meih mbuo ziouc yiem njoux en nyei wuom-zingv
njien-youh nyei ndamv wuom.
4Taux wuov hnoi, meih zungv oix gorngv,
“Oix zuqc dor-ziec Ziouv,
yaac heuc ninh nyei mengh.
Oix zuqc bun maanc guoqv hiuv duqv ninh zoux nyei sic,
zunh ninh nyei mengh bun mienh taaih.
5Oix zuqc baaux nzung ceng Ziouv
weic zuqc ninh zoux njang-laangc nyei sic.
Oix zuqc bun lungh ndiev mienh
hiuv duqv naaiv deix sic.
6 Si^on nyei baeqc fingx aac,
oix zuqc heuc yaac njien-youh nyei baaux nzung,
weic zuqc yiem meih mbuo mbu'ndongx
I^saa^laa^en nyei Cing-Nzengc Tin-Hungh se hlo haic.”
Currently Selected:
I^saa^yaa 12: IuMiNR
Highlight
Share
Copy
Want to have your highlights saved across all your devices? Sign up or sign in
ฉบับอักษรโรมันใหม่ © Thailand Bible Society, 2007.