OSEAS 11
11
Jainkoaren maitasun gupidatsua
1«Israel haur zela
maite izan nuen
eta Egiptotik ateratzeko
dei egin nion neure semeari.#Israel haurra Ir 4,22; Dt 32,6; Is 1,2; Jr 3,19; Ml 1,6. Ik. Is 63,16; Jr 31,9. Egiptotik dei egin semeari Mt 2,15.
2Baina zenbat eta gehiago deitu nik,
hainbat eta urrutiago
alde egiten zidaten#11,2 urrutiago alde egiten zidaten: Grekozko itzulpenaren arabera; hebreerazkoak hau dio: dei egiten zietenengandik urruntzen ziren..
Baalei sakrifizioak
eskaintzen zizkieten,
sasijainkoei intsentsua erretzen.
3Nik erakutsi nion oinez Efraimi,
besoetan eraman nuen.
Hala ere, ez ziren ohartu
nik nituela zaintzen.#oinez erakutsi Efraimi Dt 1,31. ez ziren ohartu 2,10; 13,5-6.
4Amodio-lokarriz erakartzen nituen,
maitasun-loturaz.
Haurtxoa musuraino
jasotzen duenaren antzeko
nintzen haientzat;
makurtu eta jaten ematen nion.#Jauna hezitzaile Dt 8,2-6. jaten ematen nion Ir 16; Zen 11,7-9; Dt 8,16.
5Efraim Egiptora itzuliko da#11,5 itzuliko da: Hebreerazkoak ez da itzuliko dakar, testuari itxuragabeko zentzua emanez. Grekozko itzulpenari jarraitu diogu.,
Asiria izango du nagusi,
ez baitu niregana itzuli nahi izan.#Egiptora itzuliko 8,13+. Asiria nagusi 9,3; 10,6. itzuli nahi ez 2,9+.
6Bere hirietan ezpatak erasoko dio,
babeslekuak hauts bihurtuko dizkio,
beraien burutazioengatik.
7Nire herriak ez du inola ere
niregana itzuli nahi;
begiak Goikoarengana
jasotzen ditu,
baina inork laguntzen ez.
8«Nola utziko zaitut, Efraim?
Nola zapuztuko zaitut, Israel?
Nola zu bertan behera utzi,
Adma utzi nuen bezala?
Nola egin zuri,
Tzeboimi#11,8 Adma, Tzeboim: Beti Sodoma eta Gomorrarekin batera ageri dira, hiri galdu eta erraustuen eredu gisa (ik. Has 10,19; Dt 29,22). egin niona?
Ikara degit bihotzak,
gupidaz beterik.#bihotzak ikara gupidaz Dt 32,36; Is 49,14-16; 54,8; Jr 31,20.
9Ez diot haserreari pizten utziko,
ez dut Efraim berriro desegingo,
Jainkoa bainaiz ni, ez gizakia;
santua ni zuen artean,
eta ez natorkizue
haserre-suminez».#Jainkoa naiz, ez gizakia Zen 23,19. Ik. Ml 3,6; Jb 9,32. Santua ni 12,1; Is 1,4+.
10Jaunaren ondoren joango dira.
Jaunak lehoiak bezala orro egin,
eta haren seme-alabak
ikaraz etorriko dira sartaldetik.#lehoiaren orroa Am 1,2+. Ik. 5,14; 13,7. seme-alabak etorriko 3,5; Is 11,11-12; 43,5-7; Jr 31,8-9.
11«Txoriak bezala,
dardaraz etorriko dira Egiptotik,
usoak bezala, Asiriatik.
Beren etxeetan
jarriko ditut bizitzen.
Hala diot nik, Jaunak.
Currently Selected:
OSEAS 11: EABD
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso