TITORI 2
2
Zahar, gazte eta esklaboen betebeharrak
1Zuk, ordea, irakatsi doktrina osasungarria#2,1 doktrina osasungarria: Ik. 1 Tm 1,10 oh..#irakatsi doktrina osasungarria 1 Tm 1,10+.
2Gizaseme zaharrak izan daitezela neurritsuak, agurgarriak, zentzudunak eta fedean, maitasunean eta eroapenean helduak.#fedea, maitasuna eta eroapena 2 Ts 1,3-4; 1 Tm 6,11.
3Emakume zaharrek, ere fededunari dagokion portaera izan dezatela; ez daitezela gaizki-esaleak eta ardoari emanak izan, ongian maistra baizik,#Emakume zaharrek, fededunari dagokion portaera 1 Tm 3,11. 4neska gazteei beren senarrak eta haurrak maitatzen irakats diezaieten, 5eta zentzudun, garbi, etxekoandre on eta beren senarren menpeko izaten lagun diezaieten. Horrela, ezin izango du inork Jainkoaren hitza iraindu.#beren senarren menpeko Ef 5,22; Kol 3,18; 1 Tm 2,12.
6Aholkatu mutil gazteak ere, zentzudun izan daitezen, 7gauza guztietan zeu egintza onen eredu agertuz: irakaspen garbiko eta gizabidetsu;#egintza onen eredu 1 Tm 4,12; 1 P 5,3. 8hitz egin jator eta inork ez kritikatzeko eran, kontra daudenak lotsatan geldi daitezen, gutaz gaizki mintzatzeko egokierarik gabe.#gutaz gaizki mintzatzeko egokierarik gabe 1 Tm 5,14; 6,1; 1 P 2,15; 3,16.
9Esklaboak nagusien menpeko izan daitezela gauza guztietan: bete dezatela beraien gogoa, ezezkorik esan gabe#Esklaboei aholkuak 1 Tm 6,1+. 10eta lapurretarik egin gabe, baizik eta leialtasun betea agertuz, Jainko gure Salbatzailearen irakaspena gauza guztietan ohora dezaten.#Jainko gure Salbatzailea 1 Tm 1,1+.
Jainko Salbatzailearen onginahia
11Izan ere, agertu da Jainkoaren onginahia, gizon-emakume guztientzat salbagarri.#agertu da Jainkoaren onginahia. Ik. 3,4. 12Honek irakasten digu Jainko gabeko bizitzari eta munduko grina txarrei uko egiten, eta neurriz, justiziaz eta jainkozaletasunez mundu honetan bizitzen,#munduko grina txarrak 1 Jn 2,16. 13gure itxaropen zoriontsua bete zain gaudelarik: Jesu Kristo Jainko handia eta gure Salbatzailea aintzaz beterik noiz agertuko#2,13 Jesu Kristo Jainko handia eta gure Salbatzailea: Honela ere itzul daiteke: Jainko handia eta Jesu Kristo gure Salbatzailea. noiz agertuko: Ik. 1 Tm 6,14 oh. zain.#Salbatzailea noiz agertuko zain 1 Ko 1,7; Flp 3,20; 2 Tm 4,8. 14Honek bere burua eman zuen guregatik, gu gaiztakeria guztietatik askatu eta garbi egiteko, beraren herri izan gaitezen, beti ongi egiteko gogotsu.#bere burua eman zuen 1 Tm 2,6+. gu gaiztakeriatik askatzeko Sal 130,8. beraren herri izan gaitezen Ir 19,5; Dt 7,6; 1 P 2,9. beti ongi egiteko gogotsu Ef 2,10; 1 P 3,13.
15Hau predikatu behar duzu, adore emanez eta aginpide osoz zentzaraziz. Ez zaitzala inork gutxiets.#Ez zaitzala inork gutxiets 1 Tm 4,12.
Currently Selected:
TITORI 2: EABD
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso