BEN SIRAK 2
2
Jaunari leial izan probaldian ere
1Seme, Jauna zerbitzatu nahi baduzu,
prestatu zeure burua probarako.#probaldia St 1,2-4. Ik. 4,17.
2Sendotu bihotza eta eutsi gogor,
ez larritu estualdian.
3Atxiki zakizkio Jaunari, ez aldendu harengandik:
oparotasunean amaituko dituzu egunak.
4Onar ezazu letorkizukeen guztia,
izan jasankor zeure apalaldiko ezbeharretan;
5sutan probatzen baita urrea
eta apalkuntzaren arragoan Jainkoak begiko dituenak#2,5 Eskuizkribu batzuek eransten dute: Gaixotasunean eta pobrezian izan uste on berarengan..
6Izan uste on Jainkoarengan, eta berak lagunduko dizu,
zuzendu zeure jokabidea eta itxaron berarengan.#Izan uste on Jainkoarengan 11,21; 32,24; 34,15-18; Es 3,5+.
7Jaunari begirune diozuenok, sinetsi haren errukian,
ez desbideratu eta ez zarete eroriko.
8Jaunari begirune diozuenok, izan uste on harengan:
sariak ez dizue huts egingo.
9Jaunari begirune diozuenok, egon ondasunen zain,
betiko poz eta errukiaren zain#2,9 Eskuizkribu batzuek eransten dute: betiko poza emanez saritzen baitu Jainkoak..
10Begira iragandako belaunaldiei eta ikus:
Nork jarri zuen uste ona Jaunarengan, eta ustel atera?
Nork iraun harenganako begirunean, eta baztertua izan?
Nork egin zion dei eta hark entzungor egin?#uste ona ez ustel atera Sal 22,4-6; 37,25; Jb 4,7.
11Ez! Jauna errukior eta bihozbera da,
bekatuak barkatu eta salbatu egiten du atsekabealdian.#Jauna errukiorra 5,4; 18,11-14; Ir 34,6-7+.
12Zoritxarrekoak bihotz axolagabekoak eta esku-eroriak,
eta noraezean dabilen bekataria!
13Zoritxarrekoa bihotz-adorerik gabea,
konfiantza galdu duena:
Jaunak ez du babestuko.
14Zoritxarrekoak zuek, itxaropena galdu duzuenok!
Zer egingo duzue Jaunak kontuak eskatzean?
15Jaunari begirune diotenek ez dute haren esana bete gabe uzten;
maite dutenak haren bideetan ibiltzen dira.#Jaunaren bideetan ibili Dt 10,12-13; Jn 14,15.21; 1 Jn 5,3.
16Jaunari begirune diotenek hari atsegin eman nahi;
maite dutenek haren legean dute poz betea.
17Jaunari begirune diotenek bihotza beti prest,
haren aurrean apaldu eta honela diote:
18«Hobe Jaunaren eskuetan erori#2,18 Jaunaren eskuetan erori: Honela ere itzul daiteke: Jaunaren eskuetara jo.
gizakiarenetan baino;
izan ere, nolakoa bere handitasuna,
halakoa du errukia».#Hobe Jaunaren eskuetan erori 2 Sm 24,14.
Currently Selected:
BEN SIRAK 2: EABD
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso