ซ้าว เมี่ยน 1
1
อิสะลาเอน เมี่ยน ฝาว ตะเยี้ยด หฑุ่น เมี่ยน โฮ์ว
1อิสะลาเอน เมี่ยน ธ้วด อียิบ เต่ย-ปูง เญย ตะเหญ่ย หฮญัง, เหญ่ย หฮลา, แซง-เยี้ยด วั้ว ฮนอย, เยียม ซีนาย เต่ย-ปูง-ฮวาง, หวุ่ย ปวั้ง เญย ด๊บ-ลิ่ว วั้ว, เฒี้ยว ก๊อง บั๋ว โมเซ, 2“อ๋อย หฒุ เถง อิสะลาเอน เญย หฒวัง เมี่ยน ฝาว เมี่ยน โฮ์ว#1:2-46 เหว่ย ฝาว ตะเหญ่ย หฑุ่น เมี่ยน โฮ์ว. เป๊ย หมั่ง ซ้าว เมี่ยน 26:1-51. หฒิว เหยียด ฝีง เหยียด ฝีง, เหยียด ป่วน เหยียด ป่วน. หย่า อ๋อย หฒุ ฝาว เหยียด เต้า เหยียด เต้า มจั่ง ตอน เญย บั๋ว. 3เม่ย เหธา อาโลน อ๋อย หฒุ หฒิว กวั้นๆ อิสะลาเอน เมี่ยน ฝาว บั๋ว, เยียม หฮญัง-เจ๊ย หญี่ เหฒียบ หฮญัง กู้ หงว่าย, ไฮ่ โหฒว ตุ๊ แปง เญย เต้าๆ มจั่ง ตอน เญย บั๋ว. 4ฝีงๆ อ๋อย หฒุ ม่าย เต้า โหฒว นิ่น บัว เญย ป๊วน-ฝีง เมี่ยน เญย เปย๊ย เฒ้ย ต้าย เถง เม่ย บัว.” 5เถง เม่ย วั้ว เต๋ย เมี่ยน เญย บั๋ว ม่าย ฮนั้ง น้าย.
| ฝีง เญย บั๋ว | ฝีง เญย เปย๊ย เฒ้ย |
|---|---|
| ลูเบน ฝีง | เซเดเอ เญย ตอน, เอลีซู |
| 6สิเมโอน ฝีง | สูลิซัดได เญย ตอน, เซลูมิเอน |
| 7ยูดา ฝีง | อัมมีนาดับ เญย ตอน, นาโซน |
| 8อิดสาคา ฝีง | ฒูอา เญย ตอน, เนทันเอน |
| 9เสบูลุน ฝีง | เฮโลน เญย ตอน, เอลีอับ |
| 10 | |
| เอฟาอิม ฝีง | อัมมีฮู้ด เญย ตอน, เอลีซามา |
| มะนัดเส ฝีง | เปดาซู เญย ตอน, กามาลิเอน |
| 11เบนยามิน ฝีง | กิเดโอนี เญย ตอน, อาบีดัน |
| 12ดาน ฝีง | อัมมีชัดได เญย ตอน, อาหิเยเซ |
| 13อาเซ ฝีง | โอคาน เญย ตอน, ปากีเอน |
| 14กาด ฝีง | เดอูเอน เญย ตอน, เอลียาสาบ |
| 15นับทาลี ฝีง | เอนัน เญย ตอน, อาหิลา |
16น้าย เต๋ย เมี่ยน เซ หฒวัง เมี่ยน กิ๊น ต้าย โหฒว ฝีงๆ อิสะลาเอน เมี่ยน เญย เปย๊ย เฒ้ย, เซ ต้ง โล์-ฮนอย อง-ถาย เหลียบ ต้าย เญย ปู้ง ป่วน เปย๊ย เฒ้ย.
17โมเซ เหธา อาโลน ฯฒฯ ต้อ เจี๊ยน ต้ง ม่าย บั๋ว น้าย เต๋ย เมี่ยน, 18เถา เหญ่ย หฮลา, แซง-เยี้ยด วั้ว ฮนอย, นิ่น บัว เห่ว หฒวัง เมี่ยน กั๊บ ฒุ้น ฯฒฯ หฒิว อง-ถาย เญย ปู้ง ป่วน เหธา เมี่ยน ป่วน ฝาว เมี่ยน โฮ์ว, หย่า หฒิว เต้าๆ ตุ๊ หญี่ เหฒียบ หฮญัง ฝาว แหมง เญย มจั่ง ตอน, เหยียด เต้า เหยียด เต้า เญย ฝาว บั๋ว. 19หฒิว เฒี้ยว บั๋ว โมเซ โหฒว, นิ่น เยียม ซีนาย เต่ย-ปูง-ฮวาง ซ้าว เมี่ยน.
20-43เยียม อิสะลาเอน เญย ตอน-โฮล, ลูเบน, เญย เฒ้ย-ฟุน หฒิว ปู้ง ป่วน, หฒิว เมี่ยน ป่วน, หฒิว บั๋ว, นิ่น บัว ฝาว เต้าๆ หญี่ เหฒียบ หฮญัง ฝาว แหมง, ไฮ่ โหฒว ตุ๊ แปง เญย มจั่ง ตอน เญย โสว โหม่ว. เหยียด ฒู้ง ม่าย ฮนั้ง น้าย.#1:20-43 น้าย เต๋ย เหฒีย เหยี่ยม ก๊อง ฟี่ ฮนั้ง เหฑ่ง. ขูง ทิ้ว ฝีง เญย บั๋ว เหธา บัวะ เหฒีย เต้า ไฮ่ โหฒว ตุ๊ แปง เญย เมี่ยน ฮนั้ง. เหว่ย น้าย หธีง ต้าย ฮนั้ง น้าย ฑุด ฒุ้น เฟี้ย.
| ฝีง | บัวะ เหฒีย เต้า |
|---|---|
| ลูเบน ฝีง | ม่าย 46,500 เต้า |
| สิเมโอน ฝีง | ม่าย 59,300 เต้า |
| กาด ฝีง | ม่าย 45,650 เต้า |
| ยูดา ฝีง | ม่าย 74,600 เต้า |
| อิดสาคา ฝีง | ม่าย 54,400 เต้า |
| เสบูลุน ฝีง | ม่าย 57,400 เต้า |
| เอฟาอิม ฝีง | ม่าย 40,500 เต้า |
| มะนัดเส ฝีง | ม่าย 32,200 เต้า |
| เบนยามิน ฝีง | ม่าย 35,400 เต้า |
| ดาน ฝีง | ม่าย 62,700 เต้า |
| อาเซ ฝีง | ม่าย 41,500 เต้า |
| นับทาลี ฝีง | ม่าย 53,400 เต้า |
| เหยียด ฒู้ง | ม่าย 603,550 เต้า |
44น้าย เซ โมเซ เหธา อาโลน แอ๋ง เหธา เหฒียบ เหญ่ย ฝีง เญย เหฒียบ เหญ่ย เต้า เปย๊ย เฒ้ย ซ้าว เญย มจั่ง ตอน. 45ตะฟ่าน ตุ๊ หญี่ เหฒียบ หฮญัง ฝาว แหมง, เต้าๆ ไฮ่ ธ้วด มี่ง เบ๊าะ จ๋า เญย อิสะลาเอน เมี่ยน หฒิว ปู้ง ป่วน ซ้าว ต้าย. 46เหยียด ฒู้ง ม่าย จุ๊ สิน ปัว ธิน ฮม์ แป๊ะ ฮม์ เหฒียบ เต้า.
ออน เลวี ฝีง โก๋ว แล์ง แหง่ง หว่า เญย ด๊บ-ลิ่ว
47มป่า เลวี ฝีง เญย เมี่ยน ป่วน ไม้ ตุ๊ เหธา วั้ว เต๋ย ฝีง ซ้าว, 48เหว่ย หฒุ เฒี้ยว ก๊อง บั๋ว โมเซ, 49“ไม้ ตู๋ง ซ้าว เลวี ฝีง. ไม้ ตู๋ง ปุน เลวี ฝีง เหธา วั้ว เต๋ย อิสะลาเอน เมี่ยน ฝาว เมี่ยน โฮ์ว. 50อ๋อย หฒุ พ้าย เลวี เมี่ยน โก๋ว แล์ง แหง่ง หว่า เญย ด๊บ-ลิ่ว, เหธา ด๊บ-ลิ่ว เญย จา-สี่, แอ๋ง เหธา น้าย นอม ด๊บ-ลิ่ว หล่ง เญย เหยียด ฒู้ง กะน้าย. นิ่น บัว อ๋อย หฒุ เปี้ยน ด๊บ-ลิ่ว เหธา ด๊บ-ลิ่ว เญย เหยียด ฒู้ง จา-สี่. หย่า อ๋อย หฒุ โก๋ว น้าย นอม ด๊บ-ลิ่ว แอ๋ง ธอง กั้น เญย ด๊บ-ลิ่ว ฮวีง ก๋อม. 51หาย หฒั่น ซุ้ย แล์ง แหง่ง หว่า เญย ด๊บ-ลิ่ว, เซ เลวี เมี่ยน อ๋อย หฒุ แธะ. หาย หฒั่น ธอง, เลวี เมี่ยน อ๋อย หฒุ ธอง. สี ก๊อง กะเหญี่ย เญย เมี่ยน มี่ง ฟัด, อ๋อย หฒุ ปุน นิ่น หฒุ ไต่ อ๊ะ.#1:51 เป๊ย หมั่ง 2 ซามูเอน 6:6-7. 52อิสะลาเอน เมี่ยน อ๋อย หฒุ ธอง กั้น เญย ด๊บ-ลิ่ว เป๋น เหยียด กวั้น เหยียด กวั้น เญย, เก๊าะ-เมี่ยน เยียม เก๊าะ-เมี่ยน เญย กวั้น, เยียม กั้น เญย ฝีง เญย เก้ กะเดี๊ย. 53มป่า เลวี เมี่ยน อ๋อย หฒุ ธอง กั้น เญย ด๊บ-ลิ่ว ฮวีง เจี๊ยน แล์ง แหง่ง หว่า เญย ด๊บ-ลิ่ว เหว่ย ไม้ ปุน อิสะลาเอน เญย หฒวัง เมี่ยน หฒุ เยีย โน์ว. เซ เลวี เมี่ยน อ๋อย หฒุ โก๋ว แล์ง แหง่ง หว่า เญย ด๊บ-ลิ่ว.”
54อิสะลาเอน เมี่ยน ฯฒฯ เอย เฒี้ยว บั๋ว โมเซ เญย หว่า ฮนั้ง น้าย นอ โหฒว เหฑ่ง.
Currently Selected:
ซ้าว เมี่ยน 1: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007