เลวี 27
27
แล์ง แหง่ง หว่า เญย เล์ย-เหญ่ย
1 เฒี้ยว ก๊อง บั๋ว โมเซ, 2“อ๋อย หฒุ บั๋ว อิสะลาเอน เมี่ยน, ‘สี ก๊อง หาย เต้า เฒาะ เมี่ยน เหล่ง เจ๊ย เญย โฮ้ว ปุน เฒี้ยว, อ๋อย หฒุ ผุย วั้ว ล่าน เมี่ยน เญย จ๋า-ฒิ่น ปุน. 3อ๋อย หฒุ หฒิว หฮญัง-เจ๊ย เยียม หญี่ เหฒียบ หฮญัง เถา หลัวะ เหฒียบ หฮญัง เญย มจั่ง ตอน, หฒิว สีง ติ่น ตี่ง ต้าย เญย ญ่าน#27:3 หฒิว สีง ติ่น ฝุน ต้าย เญย ญ่าน, นิ่น บัว ฝุน เหยียด เซเขน เซ เล่ย ไม้ โก 11.5 กัม. ปุน เหฒียบ ฮม์ ลู์ง.#27:3 ฮิบลู หว่า ก๊อง 50 เซเขน. เซ เล่ย ไม้ โก 0.6 กีโล. 4สี ก๊อง มเซียะ ตอน, อ๋อย หฒุ ตี่ง เป๊ด ลู์ง.#27:4 เป๊ด ลู์ง ฮิบลู หว่า ก๊อง 30 เซเขน. เซ เล่ย ไม้ โก 0.3 กีโล. 5สี ก๊อง ปยา หฮญัง เถา หญี่ เหฒียบ หฮญัง เญย ตอน, อ๋อย หฒุ ตี่ง หลัวะ ลู์ง.#27:5 หลัวะ ลู์ง ฮิบลู หว่า ก๊อง 20 เซเขน. เซ เล่ย ไม้ โก 0.2 กีโล. มเซียะ ตอน, ฟาม-ลู์ง.#27:5 ฮิบลู หว่า ก๊อง 10 เซเขน. เซ เล่ย ไม้ โก 110 กัม. 6สี ก๊อง เหยียด หฮลา เถา ปยา หฮญัง เญย ตอน ตี่ง เหยียด ลู์ง ฟาม-ฒิ่น,#27:6 ฮิบลู หว่า ก๊อง 5 เซเขน เซ เล่ย ไม้ โก 55 กัม. เซียะ, เป๊ด ฒิ่น.#27:6 ฮิบลู หว่า ก๊อง 3 เซเขน. เซ เล่ย ไม้ โก 35 กัม. 7หลัวะ เหฒียบ หฮญัง ฝาว แหมง เญย มจั่ง ตอน อ๋อย หฒุ ตี่ง เฝย ลู์ง,#27:7 ฮิบลู หว่า ก๊อง 15 เซเขน. เซ เล่ย ไม้ โก 170 กัม. มเซียะ ตอน, ฟาม-ลู์ง.#27:7 ฮิบลู หว่า ก๊อง 10 เซเขน. เซ เล่ย ไม้ โก 110 กัม. 8สี ก๊อง หาย เต้า แล์ง เจี์ย แหง่ง หว่า มป่า จ่ม ไห่, ธ้วด ไม้ เจี์ย หฒิว ตี่ง ต้าย เญย จ๋า-ฒิ่น, นิ่น อ๋อย หฒุ ต้อ วั้ว ล่าน เมี่ยน มี่ง เถา ไซ เมี่ยน วั้ว. ไซ เมี่ยน ฯฒฯ หฒิว แล์ง แหง่ง หว่า วั้ว ล่าน เมี่ยน ไฮ่ ธ้วด ตุ๊ เจี์ย เญย จ๋า-ฒิ่น ตี่ง.
9“‘สี ก๊อง โฮ้ว ปุน เฒี้ยว เญย กะน้าย เซ แซง-คู้, น้าย เต๋ย จิว ปุน เฒี้ยว เญย แซง-คู้ ฯฒฯ ธีง-เหฑ่ง หมี่ อ๊ะ. 10หย่า ไม้ ตู๋ง ทิ้ว. ไม้ ตู๋ง เฒาะ เต้า หลง เญย ตี๊ ไม้ เป๋น เญย, ไฟ เฒาะ เต้า หว่าย เญย ทิ้ว หลง เญย. สี ก๊อง ทิ้ว แซง-คู้, เลี่ยม ต้อ ต้าย ทิ้ว เหธา แล์ง ปุน วั้ว เต้า ธีง-เหฑ่ง หมี่ อ๊ะ. 11สี ก๊อง โฮ้ว เญย เซ ม่าย หวุย เญย แซง-คู้, ต้ง ไม้ ไฮ่ ฝ่ง ห่อ ปุน เฒี้ยว เญย กะน้าย, อ๋อย หฒุ ต้อ วั้ว เต้า แซง-คู้ มี่ง จิว ปุน ไซ เมี่ยน. 12ไซ เมี่ยน ฯฒฯ เบ๊าะ จ๋า-ฒิ่น หฒิว หลง เญย ไฟ หว่าย เญย. ไซ เมี่ยน เบ๊าะ จ๋า-ฒิ่น ฮนั้ง หาย นอ ฯฒฯ อ๋อย หฒุ ฮนั้ง วั้ว นอ หมี่ อ๊ะ. 13สี ก๊อง แซง-คู้ เฒี้ยว อ๋อย หฒัวะ แซง-คู้ หฑวน, อ๋อย หฒุ ปุน ป๊วน-ฒิ่น แอ๋ง จา ทิบ ปยา โก๊ว เญย เหยียด โก๊ว.
14“‘สี ก๊อง เมี่ยน เฒาะ กั้น เญย เปย๊า ฝูง ปุน เฒี้ยว เหว่ย โหฒว ธีง-เหฑ่ง เญย กะน้าย, ไซ เมี่ยน ฯฒฯ เบ๊าะ จ๋า-ฒิ่น หฒิว เปย๊า เป๋น ไฟ ไม้ เป๋น. ไซ เมี่ยน เบ๊าะ จ๋า-ฒิ่น บัวะ เหฒีย ฯฒฯ อ๋อย หฒุ ฮนั้ง วั้ว นอ หมี่ อ๊ะ. 15สี ก๊อง ฝูง เปย๊า วั้ว ล่าน เมี่ยน อ๋อย หฒัวะ เปย๊า หฑวน, อ๋อย หฒุ ปุน ป๊วน-ฒิ่น แอ๋ง จา ทิบ ปยา โก๊ว เญย เหยียด โก๊ว. เปย๊า ฯฒฯ แอ๋ง เป๋น นิ่น เญย หมี่ อ๊ะ.
16“‘สี ก๊อง เมี่ยน เฒาะ เต๋ย นิ่น กั้น หฑิบ เญย เดา ฝูง ปุน เฒี้ยว, อ๋อย หฒุ หฒิว น้าย เต๋ย เดา หฒวัง ตุ๊ ญิม บัวะ เหฒีย เบ๊าะ จ๋า-ฒิ่น. หฒวัง ตุ๊ เหฒียบ เยี้ยด ท้ง#27:16 11 ท้ง ฮิบลู หว่า ก๊อง เหยียด โฮมา. เซ เล่ย ไม้ โก 220 ลิด. เบย้า บาลี ญิม อ๋อย หฒุ เบ๊าะ จ๋า-ฒิ่น เหฒียบ ฮม์ ลู์ง ญ่าน.#27:16 ฮิบลู หว่า ก๊อง 50 เซเขน. เซ เล่ย ไม้ โก 0.6 กีโล. 17สี ก๊อง โห่ว เญย หฮญัง วั้ว หฮญัง ฝูง นอ, อ๋อย หฒุ หฒิว ตี่ง ต้าย เญย จ๋า-ฒิ่น ปุน ปวั๊ง. 18สี ก๊อง เจี๋ย ลิ์ว โห่ว เญย หฮญัง, ฆะฮ้า หธีง ฝูง ปุน เฒี้ยว, ไซ เมี่ยน อ๋อย หฒุ ฝุน หธ่อ ม่าย บัวะ เหฒีย หฮญัง หธีง เถา โห่ว เญย หฮญัง ฯฒฯ หฒิว ตี่ง ต้าย เญย จ๋า-ฒิ่น ปุน โหฒะ เหฌี่ย. 19สี ก๊อง ฝูง เญย เมี่ยน กั้น อ๋อย หฒัวะ เดา หฑวน, นิ่น อ๋อย หฒุ ปุน ป๊วน-ฒิ่น แอ๋ง จา ทิบ ปยา โก๊ว เญย เหยียด โก๊ว. เดา ฯฒฯ แอ๋ง เป๋น นิ่น กั้น เญย หมี่ อ๊ะ. 20มป่า สี ก๊อง นิ่น ไม้ หฒัวะ นิ่น เญย เดา ไฟ เฒาะ นิ่น เญย เดา หม่าย ปุน กั้น เต้า, นิ่น เหยียด ลิ์ว ไม้ ไฮ่ หฒัวะ หฑวน. 21เถา โห่ว เญย หฮญัง ฝูง เดา หฑวน เญย เฒี่ยง โห่, เดา ฯฒฯ ธีง-เหฑ่ง เหว่ย หฒุ ฝูง ปุน เฒี้ยว หมี่ อ๊ะ. เดา ฯฒฯ เป๋น ไซ เมี่ยน เญย ป่วน.
22“‘สี ก๊อง ม่าย เต้า เมี่ยน ม์าย ฑง เดา ต้าย, ไม้ เฒ์ย นิ่น หฑิบ ต้าย เญย เดา, นิ่น หย่า ฝูง ปุน เฒี้ยว, 23ไซ เมี่ยน ฯฒฯ เบ๊าะ จ๋า-ฒิ่น ฝุน เถา โห่ว เญย หฮญัง. ต้ง วั้ว ฮนอย นิ่น อ๋อย หฒุ ธ้วด เบ๊าะ ต้าย เญย จ๋า-ฒิ่น เญย ญ่าน เป๋น ธีง-เหฑ่ง กะน้าย ฝูง ปุน เฒี้ยว. 24เถา โห่ว เญย หฮญัง, เดา ฯฒฯ หฑวน เป๋น นิ่น เถง ม์าย วั้ว เต้า โล์-เฒี้ยว เญย หมี่ อ๊ะ, ต้ง ฒิ่น ด่าง หฑิบ ต้าย วั้ว เต้า เฒี้ยว. 25หญู่งๆ เญย จ๋า-ฒิ่น อ๋อย หฒุ เบ๊าะ หฒิว สีง ติ่น เญย ญ่าน.#27:25 ฮิบลู หว่า ก๊อง “หฒิว สีง ติ่น เญย เซเขน. เหยียด เซเขน ม่าย 20 เกลา.” เซ เล่ย ไม้ โก 11.5 กัม.
26“‘ไม้ ม่าย หาย เต้า ไฮ่ เฒาะ ต้าว ทอย แซง-คู้ ฝูง ปุน เฒี้ยว เหว่ย หฒุ ฒู้ง เป๋น เฒี้ยว เญย หมี่ อ๊ะ. ไม้ กุ๊น ง่ง ไฟ ยู่ง, เป๋น เฒี้ยว เญย หมี่ อ๊ะ. 27สี ก๊อง ม่าย หวุย เญย แซง-คู้, อ๋อย หฒุ หฒิว เบ๊าะ ต้าย เญย จ๋า-ฒิ่น หฒัวะ แอ๋ง จา ทิบ ปยา โก๊ว เญย เหยียด โก๊ว. ไม้ หฒัวะ นอ, อ๋อย หฒุ หฒิว เบ๊าะ ต้าย เญย จ๋า-ฒิ่น หม่าย.
28“‘หาย เต้า เฒาะ หาย หญู่ง นิ่น กั้น เญย กะน้าย ฝูง ตั๋ง ปุน เฒี้ยว, #27:28 เป๊ย หมั่ง ธ้วด อียิบ 22:20. ไม้ กุ๊น เมี่ยน, แซง-คู้, ไฟ หฑิบ ต้าย เญย เดา, ไม้ ไฮ่ หม่าย หย่า ไม้ ไฮ่ หฒัวะ หฑวน. ฝูง ตั๋ง ปุน เฒี้ยว เญย หญู่งๆ กะน้าย เซ เก้า ธีง-เหฑ่ง เจี๋ย.#ซ้าว เมี่ยน 18:14
29“‘เลี่ยม เมี่ยน สี ก๊อง ฝูง ตั๋ง ปุน เฒี้ยว ลิ์ว, ไม้ ไฮ่ หฒัวะ หฑวน. อ๋อย หฒุ ไต๋ ไต่.
30“‘เยียม เดา ธ้วด เญย เหยียด ฒู้ง กะน้าย, เลี่ยม ล่าง หฒิ เลี่ยม เดี๋ยง เญย เปี๊ยว, เหฒียบ โก๊ว เญย เหยียด โก๊ว เป๋น เฒี้ยว เญย หมี่ อ๊ะ.#ซ้าว เมี่ยน 18:21; หฑั่ม เล์ย-หลัด 14:22-29 31สี ก๊อง หาย เต้า อ๋อย หฒัวะ หาย เต๋ย นิ่น เญย เหฒียบ โก๊ว เญย เหยียด โก๊ว, อ๋อย หฒุ ปุน ป๊วน-ฒิ่น แอ๋ง จา ทิบ ปยา โก๊ว เญย เหยียด โก๊ว. 32ตะฟ่าน ง่ง กวั้น, ปะกี ยู่ง ไฟ ยู่ง กวั้น, เหฒียบ โก๊ว เญย เหยียด โก๊ว, เซ เหฒียบ เต้า เญย เหยียด เต้า#27:32 ฮิบลู หว่า ก๊อง “ฑุน เจี๋ย โก๋ว ง่ง โก๋ว ยู่ง เมี่ยน เญย ปย๊า-บย่า กะเดี๊ย เญย เหฒียบ เต้า เญย เหยียด เต้า.” น้าย เต๋ย เมี่ยน อ๋อย หฒุ หล่ง ปย๊า-บย่า ซ้าว แอ๋ง บิ๊ว เจี๊ยน หาย เต้า เป๋น เฒี้ยว เญย. ฯฒฯ ธีง-เหฑ่ง เหว่ย ฝูง ปุน เฒี้ยว. 33ไม้ ตู๋ง กิ๊น ธ้วด เป๋น ไฟ ไม้ เป๋น หย่า ไม้ ตู๋ง ทิ้ว. สี ก๊อง นิ่น เก้ง อ๋อย ทิ้ว นอ, เลี่ยม ต้อ ต้าย วั้ว เต้า เหธา อ๋อย ทิ้ว วั้ว เต้า เซ ธีง-เหฑ่ง หมี่ อ๊ะ. ไม้ ไฮ่ หฒัวะ อ๊ะ.’”
34น้าย เต๋ย หัด เญย หว่า เซ เฒี้ยว เยียม ซีนาย บง จิว ปุน โมเซ เหว่ย อิสะลาเอน เมี่ยน.
Currently Selected:
เลวี 27: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007