ฮาบากุก 1
1
1น้าย เซ โต่ว หว่า เมี่ยน, ฮาบากุก, ปวัด หล่าว ย่าง เญย สี่.
ฮาบากุก งบ เญย หว่า
2 เฒี้ยว อ่า, เยีย อ๋อย หฒุ เห่ว เจี๊ยน โท้ เม่ย ด่ง หาย เล่า
เม่ย หธีง หมวัง?
ไฟ เยีย อ๋อย หฒุ เห่ว เจี๊ยน บั๋ว เม่ย,
“หฒุ เธี้ยว เญย สี่ อ๊า โล่ะ!”
เม่ย หย่า ไม้ เหฌียว?
3เม่ย เหว่ย หาย ติ่ว ปุน เยีย ปวัด น้าย เต๋ย เอ๊าะ สี่,
หย่า หมั่ง ปวัด โค้ว หน่าน เญย เจ๊า?
หฒุ เหมียด เญย สี่ เหธา โตะ ไห่ เญย สี่ เยียม เยีย เญย หฑะเฮมียน,
ฟิ้ว-แฑง ฟิ้ว-เบ๊าะ เญย สี่ หย่า ธ้วด ต้าย.
4เหว่ย น้าย เล์ย-หลัด เมา ไห่.
แป้ง ฟิม เญย เล์ย เหยียด ลิ์ว ไม้ ฮี่ง.
เหว่ย หฒุ เอ๊าะ เมี่ยน เว่ย ก๋อม คู้ เมี่ยน,
แป้ง ฟิม เญย เล์ย ฯฒฯ เพียน หมี่ อ๊ะ.
เฒี้ยว เตา เญย หว่า
5 เฒี้ยว ก๊อง, “หมั่ง หม่าน กั๊วะ บุด๋ง
ฯฒฯ ปวัด หฒะเก้ง บัวะ ฮ่อง,
ฮนั้ม ไม้ เม่ง แปะ เญย สี่.
เหว่ย หฒุ เยียม เม่ย บัว เญย ฮนอย-เหญียะ เยีย อ๋อย โหฒว เหยียด หญู่ง สี่.
ไม้ กุ๊น เมี่ยน ก๊อง บั๋ว เม่ย บัว,
เม่ย บัว ฒู้ง ไม้ เสียน.#กง-โฒ่ 13:41
6เหว่ย น้าย เยีย เหลียบ บาบีโลน เมี่ยน,#1:6 ไฟ เคนเดีย เมี่ยน.
เซ เหยียด ฝีง เธี้ยว ไห่, เฮญี้ยว เป๊ะ ไห่ เญย เมี่ยน.
นิ่น บัว มี่ง ก๋อม ลู่ง เดี๊ย
ธ้าง ต้ง ไม้ เฒ์ย นิ่น บัว กั้น เยียม เญย ต๋อง.#2 ฮู่ง โต้ว 24:2
7นิ่น บัว เธี้ยว, แฮะ เมี่ยน กั้ม เหฑีย ไห่.
นิ่น บัว โหฒว เหมา, เซว่ย เอ๋ย เหลียบ กั้น เญย เล์ย-หลัด.
8นิ่น บัว เญย ม์า เก้า เซี้ยบ ดะม่าว เบ๋ว,
หย่า เก้า เธี้ยว เจี๋ย ลู่ง ม์าน-หฮมวัง เญย เฮยี่ย จู๊.
นิ่น บัว เญย เก้ ม์า แปง เยียม โก เญย ต๋อง ต้าย
ป์อง เจี๊ยน มี่ง ด่าง,
ฮนั้ง ต้ม จ๊าง-ง่ง ได๋ เหฌี่ย เซี้ยบ เฒาะ กะน้าย หญั่น.
9นิ่น บัว เหยียด ฒู้ง ต้าย เหว่ย โหฒว โตะ.
นิ่น บัว เญย กวั้น หูง เจี๊ยน วั้ว ด่าง มี่ง ฮนั้ง เต่ย-ปูง-ฮวาง เญย หฑยาว ป่วน นอ.
นิ่น บัว เฒาะ ธ้าง ต้าย เญย เมี่ยน กั๊บ ฒุ้น ด่ง ซา-เฒียว ธั้ม.
10นิ่น บัว ฮว้วด ฮู่ง เตี๋ย,
หย่า จั๊ด เหยียด ฒู้ง เจียน.
นิ่น บัว จั๊ด นอมๆ เว่ย ว้วน เญย ต๋อง,
เหว่ย หฒุ นิ่น บัว ติ้น เนีย ฝาว ฮลัง ธ้าง ตุ๊ หมี่ อ๊ะ.
11นิ่น บัว ฮนั้ง หฑยาว นอ พ้วด เจี๋ย มี่ง.
เป๋น ม่าย ฒุ์ย เญย เมี่ยน,
หล่ง กั้น เญย ชะ ต๋อง นิ่น บัว เญย เฒี่ยน.”
ฮาบากุก แอ๋ง งบ หฑุ่น เฒี้ยว
12โอ เฒี้ยว, เยีย เญย ทิน-ฮู่ง, เยีย เญย ธีง-เหฑ่ง ทิน-ฮู่ง อ้า!
เม่ย เซ เยียม กอน เหยียด ลิ์ว เยียม เญย ทิน-ฮู่ง ไม้ เฒ์ย?
เยีย บัว ฯฒฯ ไม้ ไต่.
โอ เฒี้ยว อ่า, เม่ย เหลียบ นิ่น บัว ต้าย เหว่ย ตี่ง เมี่ยน เญย ฒุ์ย.
โอ หละเปย๊ย อ่า, เม่ย ออน นิ่น บัว ต้าย เบ๊าะ หฌาว เมี่ยน.
13เม่ย เญย มฒีง ธีง-เหฑ่ง ไห่, หมั่ง ไม้ ตุ๊ เอ๊าะ สี่,
หย่า ไม้ ไฮ่ หมั่ง โหฒว ต่อง เญย เจ๊า.
เม่ย เหว่ย หาย ติ่ว หมั่ง เจี๊ยน ไม้ เหฒียบ ฒัวะ เญย เมี่ยน?
เม่ย ปวัด เอ๊าะ เมี่ยน นะ เก้า หลง กั้น วั้ว เต๋ย คู้ เมี่ยน เญย เฒี่ยง โห่,
เม่ย เหว่ย หาย ติ่ว เซ้กๆ เญย เยียม, ไม้ โค โล?
14เม่ย ปุน เมี่ยน ฮนั้ง เยียม ค้อย เญย เบย์า,
หย่า ฮนั้ง ญอง เดา เญย กะน้าย,
ไม้ ม่าย หาย เต้า กุ๊น.
15บาบีโลน เมี่ยน หล่ง ติ๋ว เฒาะ หฒวัง เมี่ยน,
หล่ง มู์ง ทอ นิ่น บัว ธ้วด ต้าย,
หย่า หล่ง ต้ม มู์ง กว๊าด นิ่น บัว ฒุ้น,
บาบีโลน เมี่ยน ฯฒฯ เฌียน-โย่ว ออน-เหลาะ ไห่.
16เหว่ย น้าย นิ่น บัว ฝ่ง ห่อ ปั๊ว เหฒี่ย ปุน นิ่น บัว เญย มู์ง,
แอ๋ง ปั๊ว ฮูง ปุน นิ่น บัว เญย ต้ม มู์ง.
เหว่ย หฒุ นิ่น บัว ปั่ง นิ่น บัว เญย มู์ง ตุ๊ ปู๋ง-หฒัวะ คู่ เยียม,
หญั่น ฮบ หย่า หลง ไห่.
17นิ่น บัว ไม้ ตี้ง เลี่ยว เญย หล่ง หฑุ ด๊าว ไต๋ หม่าน กั๊วะ เมี่ยน,
หย่า ไม้ ค้อ-เลี่ยน ไฟ?#1:17 ไฟ “บาบีโลน เมี่ยน ตุ๊ หฒั่นๆ โต๋ ปุน มู์ง ขูง หย่า ไม้ ค้อ-เลี่ยน เญย ไต๋ หม่าน กั๊วะ เมี่ยน ไฟ?”
Currently Selected:
ฮาบากุก 1: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007