นาฮูม 3
3
นินะเว อ๋อย หฒุ โค้ว อ๊ะ
1กั๊วะ เจี๊ยน เมี่ยน ฑย้าม เญย ฒี่ง อ๋อย หฒุ โค้ว อ๊ะ.
ม่าย ก๊อง-แปะ เญย สี่ เหธา ลู้ ต้าย เญย กะน้าย ปวั๊ง เหฑ่ง.
ธ้าง เญย สี่ หย่า ไม้ ตี้ง.
2หมวัง ม่าะ! ปย๊า-ปิน เญย เฉีย บุย ฟิ้วๆ เญย,
เธีย-เยี่ยน กวิ้นๆ จับๆ เญย,
ม์า ถิว มี่ง หลบๆ เญย,
เบ๊าะ จ๋า เญย เธีย ฌี่ หฌูง หฌับ เญย.
3เก้ ม์า แปง ถิว มี่ง เบ๊าะ จ๋า,
หฑุ ด๊าว แฒ่งๆ เญย,
ธัง ฌี่ หฌูง หฌับ เญย.
หฒุ ไต๋ เญย เมี่ยน ดุยๆ วั้ว,
จั๋น-ไต่ เญย เซย ไม้ ไฮ่ ซ้าว ไม้ เฒี์ยน,
เมี่ยน ฒู้ง ดิ๊ หฒุ เซย ดอบ.
4นินะเว ฮนั้ง น้าย นอ หฒุ ต้าย เหว่ย หฒุ นิ่น เซ ฮนั้ง หม่าย ป๊วน-ซิน เญย มเซียะ ตอน ม่าย เหฮยียน เญย สี่ ธั้ม.
นิ่น โหฒว เหฑว่ย หยัวะ เมี่ยน, ปู๋ง ฟ้าด แปง เมี่ยน หฒุ เหมียด.
นิ่น ปั่ง นิ่น เหฮยียน เญย สี่ ปุน เหฒีย นอม กั๊วะ หฒุ หม่าย โหฒว โน่ว,
หย่า หล่ง นิ่น เญย ฟ้าด ดั๊ว หม่าน ฝีง.
5เน่น เจี๋ย เญย เฒี้ยว ก๊อง, “เยีย เหธา เม่ย เป๋น วิน.
เยีย อ๋อย เฑียน เม่ย เญย จุ้น ฝาว ก๊ม เม่ย เญย เฮมียน.
เยีย อ๋อย ปุน หม่าน ฝีง หมั่ง เม่ย แล่ง แก๊ง เญย เยียม,
ปุน นอมๆ กั๊วะ ปวัด เม่ย หฒุ ไญ้.
6เยีย อ๋อย เฒาะ ไล่ ฮลบ เญย กะน้าย ฒอย เม่ย,
อ๋อย คี เม่ย, ปุน เม่ย หฒุ เมี่ยน ชะ หมั่ง.
7หาย เต้า ปวัด เม่ย ฯฒฯ อ๋อย ฮล้วด ฆาง เปย๋า หย่า ก๊อง,
‘นินะเว ฒี่ง หฒุ ป่าย ฮวาง หมี่ อ๊ะ. หาย เต้า อ๋อย เถง นิ่น เฑ่า?’
อ๋อย หฒุ มี่ง หาย นอม ต๋อง ล์อ เมี่ยน ออน นิ่น เญย เฮญี้ยว?”
8นินะเว อ่า, เม่ย เก้า หลง เยียม ไนอา ด้าย เฮลน,
อียิบ เต่ย-ปูง เญย ต้ม ฒี่ง, เทเบด#3:8 ฮิบลู หว่า ก๊อง โนอาโมน ไฟ?
เทเบด หย่า ม่าย ววม เว่ย เจี๊ยน,
ม่าย ค้อย เปว เจี๊ยน นิ่น,
ม่าย ววม โหฒว นิ่น เญย ฒี่ง หลาด.
9เอทีโอเปีย#3:9 เอทีโอเปีย ไฟ คู้ด. เหธา อียิบ เซ นิ่น เญย ชะ, หย่า ไม้ ม่าย โสว โหม่ว.
พู้ด เหธา ลิเบีย หย่า เถง นิ่น.
10มป่า นิ่น หธ่อ หฒุ ธ้าง มี่ง,
หฒุ เยียม กั้น นอม เต่ย-ปูง.
เยียม ติ้วๆ เจ๊า-คู้,
นิ่น เญย กู้งว์า หฒุ เมี่ยน ฒง ฮู้.
นิ่น เญย โหฒว โฮล เญย หฒวัง เมี่ยน หฒุ หลิ่ม โด้ เจี๊ยน,
เมี่ยน หย่า ตี่ง แหม่ง หมั่ง, เฒาะ นิ่น บัว ปุน ฆอย.
11นินะเว อ่า, เม่ย หย่า อ๋อย หฒุ ติ๊ว ฆวิน ม่ง ล่ง.
เม่ย อ๋อย ล์อ ต๋อง เปย๋า ดุ๊ด,
ปี๋ง เม่ย เญย วิน-วั้ง.
12เม่ย ว้วน เญย ฒี่ง หลาด ฯฒฯ ฮนั้ง ง่ง หญอ เดี๋ยง
ม่าย หฒัวะ ด่าง เญย ต้าว ถอง ง่ง หญอ เปี๊ยว.
เยี้ยด ฆั้ม ฯฒฯ ด๊อด
เปียะ อ๋อย หญั่น เญย เมี่ยน เญย ฑุ่ย.
13หมั่ง ม่าะ! เม่ย เญย แปง เซ ฮนั้ง เยียม เม่ย บุด๋ง เญย มเซียะ ตอน นอ.
เม่ย เญย กั๊วะ เญย แก้ง เยียม วิน-วั้ง เญย หฑะเฮมียน คอย ฆอย.
โต์ว หย่า ปั๊ว เหมียด เม่ย เญย แก้ง ซอน.
14อ๋อย หฒุ ฒ่าง ววม เลี่ยว เจี๊ยน วิน-วั้ง ต้าย เว่ย เจี๊ยน,
แอ๋ง เหธย เม่ย เญย ฒี่ง หลาด ว้วน.
ไหธ เนีย โหฒว เนีย-ฒุน,
หลิ่ว เล์ย เหฒียง เนีย-ฒุน เญย ฒ่อง.
15เยียม วั้ว เม่ย ฒู้ง หฒุ โต์ว ปั๊ว ชุย,
หฒุ หฑุ ด๊าว ไต๋ เม่ย,
ฮนั้ง จ๊บ-เหญ่ย นะ เหฑ่ง แกง-หฒวัง นอ.
กุ๊น หฮยาง เจี์ย ต้าย ฮนั้ง จ๊บ-เหญ่ย หลุน,
หฮยาง เจี์ย ต้าย ฮนั้ง จ๊บ-เหญ่ย โก๋.
16เม่ย จา แซง-เอ๋ย เมี่ยน
เก้า ธั้ม ลู่ง เญย เหฮลย.
มป่า อี้ หฒั่น ไม้ ปวัด หมี่ อ๊ะ,
ฮนั้ง จ๊บ-เหญ่ย ยัง ด๊าด ได๋ เจี๊ยน มี่ง หมี่ อ๊ะ.
17เม่ย เญย โหฒว โฮล เญย เมี่ยน ฮนั้ง จ๊บ-เหญ่ย นอ ธั้ม,
เม่ย บัว เญย เจียน หย่า ธั้ม ฮนั้ง เหยียด ต้ม กวั้น จ๊บ-เหญ่ย,
เถา จวั๊ง เญย ฮนอย หฑบ เจี๊ยน หลาด กู้ หงว่าย.
บะฮนอย เยี้ยด ธ้วด ต้าย ฯฒฯ ได๋ เจี๊ยน มี่ง หมี่ อ๊ะ,
ไม้ ม่าย หาย เต้า ฮิ้ว ตุ๊ นิ่น บัว เจี๋ย หาย.
18โอ อัดซีเลีย เญย ฮู่ง เตี๋ย อ้า!
เม่ย เญย โก๋ว ยู่ง เมี่ยน#3:18 โก๋ว ยู่ง เมี่ยน ไฟ “กุ๊น เม่ย บัว วั้ว เต๋ย”. มฌ่อม เหฑ่ง หมี่ อ๊ะ.
เม่ย เญย โหฒว โฮล เญย เมี่ยน หย่า มฌ่อม เหฑ่ง.
เม่ย เญย แปะ ฝีง ฟ้าด หฑาน เญย เยียม วั้ว บง,
ไม้ ม่าย หาย เต้า ต้อ นิ่น บัว ต้าย ฒุ้น.
19เม่ย หฒุ มุน โค้ว, ฒู้ง ไม้ ไฮ่ หฒ่อ,
หฒุ มุน เญย ต๋อง เซียง ไห่.
ตะฟ่าน ไฮ์ ก๊อง เม่ย หฒุ โค้ว เญย เฝียน,
เมี่ยน ฯฒฯ อะเฮน้ย เญย ไบ๋ ปั์ว-ฒ้าง,
เหว่ย หฒุ ไม้ ม่าย หาย เต้า ไม้ หฒุ เจี๋ย
เม่ย หฒั่นๆ โหฒว โตะ เญย สี่.
Currently Selected:
นาฮูม 3: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007