ยิวดา 1
1
เจี์ย กอน หว่า
1เยีย, ยากอบ เญย โย์ว ยิวดา,#มัดทาย 13:55; มาโค 6:3 โหฒว เยซู กีตู่ เญย โปว.
เยีย เฟี้ย เฝียน ปุน ทิน-ฮู่ง เห่ว ต้าย เญย เมี่ยน, ต้ง หฒั่ง เตี๋ย ทิน-ฮู่ง ฮนั้ม เญย เมี่ยน, เยซู กีตู่ หย่า โก๋ว เจี๊ยน วั้ว เต๋ย.#1 ไฟ “ทิน-ฮู่ง โก๋ว เจี๊ยน เหว่ย เยซู กีตู่ วั้ว เต๋ย”.
2โท้ ทิน-ฮู่ง ค้อ-เลี่ยน เม่ย บัว, เหธย แป้ง ออน ธั้มๆ เญย ปุน เม่ย บัว, หย่า ปุน เม่ย บัว เหยียด เฒย ม่าย เฮญี้ยว ฮนั้ม เมี่ยน.
หฌาว จ๊า เล์ย เญย ฟิน-แซง
(เป๊ย หมั่ง 2 ปีเต 2:1-17)
3ฮนั้ม เญย ก๋อ-โย์ว อ่า, เยีย เก้ง ม่าย เฮญี้ยว เฟี้ย เฝียน ก๊อง บัว ล่ม ฑ่อย ตุ๊ เหฌียว เญย เจ๊า. มป่า เยีย ไฮ์ ด่ง หาย อ๋อย หฒุ เฟี้ย ขวิน เม่ย บัว แฑง เจี๊ยน เม่ย บัว เสียน เญย โต์, ไม้ ตู๋ง ปุน ด๊อด. ทิน-ฮู่ง เฒาะ นิ่น เญย โต์ จิว ปุน นิ่น เญย เมี่ยน, ปุน เหยียด หฑุ่น ฯฒฯ ตุ้น ยุ่น ฑ่อย อ๊ะ. 4เหว่ย หฒุ ม่าย เต๋ย เมี่ยน หนิ่ม เปียะ เม่ย บัว บุด๋ง, ต้ง ฒิ่น ด่าง เล่า อ๊ะ, กีง-โซว เฟี้ย เจี๊ยน ก๊อง น้าย เต๋ย เมี่ยน ฒู้ง อ๋อย หฒุ ตี่ง ฒุ์ย. นิ่น บัว ไม้ กัน หลง ทิน-ฮู่ง. นิ่น บัว เฒาะ ทิน-ฮู่ง เญย เอน อ๋าว ต้าย โหฒว กอน หล่ง โหฒว ไม้ หลวน ห่อง เญย สี่. นิ่น บัว หย่า ไม้ เหญี่ยม บัว เญย ดุ เต้า ฮู่ง เหธา เฒี้ยว, เยซู กีตู่.
5ไม้ กุ๊น เม่ย บัว ฮิ้ว เหฑ่ง น้าย เต๋ย สี่, เยีย อ๋อย เถง เม่ย บัว จั๋ง เถา ม่าย หฑุ่น เฒี้ยว#5 ม่าย เต๋ย โล์-ฮนอย โซว ก๊อง เยซู, ม่าย เต๋ย ก๊อง เฒี้ยว. ม่าย เต๋ย ก๊อง ทิน-ฮู่ง. เหฌียว อิสะลาเอน เมี่ยน ธ้วด อียิบ เต่ย-ปูง มป่า ฆะฮ้า เหมียด เหฑ่ง ไม้ เสียน วั้ว เต๋ย.#ธ้วด อียิบ 12:51; ซ้าว เมี่ยน 14:29-30 6แอ๋ง จั๋ง เจี๊ยน ม่าย วั้ว เต๋ย ฟิน-เมี่ยน ไม้ หล่ง นิ่น บัว ตุ๊ ต้าย เญย ป่วน หัด ม์า มป่า กวั่ง นิ่น บัว หอบ หฒุ เยียม เญย ต๋อง. นิ่น บัว ฯฒฯ หฒุ ทิน-ฮู่ง หล่ง เหยียด ลิ์ว ไม้ ไฮ่ หว่าย เญย หลิ่ม โด้ เจี๊ยน, หววน เจี๊ยน หฮมวัง เญย ต๋อง, ฒั้ว เซี้ยม ฒุ์ย เญย ต้ม ฮนอย เถา. 7โสโดม เหธา โกโมลา เหธา เว่ย ก๋อม วั้ว เต๋ย ฒี่ง เญย เมี่ยน ฟี่ ฮนั้ง เญย. นิ่น บัว โหฒว ไม้ หลวน ห่อง เญย สี่, เอย กั้น เญย เฮญี้ยว หั่น โหฒว.#ทิน เต่ย โต้ว 19:1-24; โลมา 1:26-27; 1 โคลินโท 6:9 นิ่น บัว ฯฒฯ หฒุ เหยียด ลิ์ว เหฒียะ เจี๊ยน เญย โต์ว ตี่ง ฒุ์ย โหฒว หญู่ง เฒ้ย ต๊น เมี่ยน.
8น้าย เต๋ย หฌาว จ๊า เล์ย เญย ฟิน-แซง หย่า ฟี่ ฮนั้ง เญย. น้าย เต๋ย เบ๋ย เบ๋ย เญย เมี่ยน เอย นิ่น บัว เญย เบ๋ย ป์าม ฒุ์ย ปุน กั้น เญย ซิน ม่าย หวุย, หย่า ไม้ หมวัง ม่าย หลี่ง วั้ว เต๋ย, หย่า ก๊อง โตะ เยียม กู้ หงว่าย ม่าย ฌัง-หล่าง วั้ว เต๋ย. 9เลี่ยม วั้ว เต้า ต้ม ฟิน-เมี่ยน เปย๊ย, มีคาเอน,#ดานีเอน 10:13,21; 12:1; หล่าว ย่าง 12:7 ไม้ ฮนั้ง น้าย นอ โหฒว. นิ่น เหธา เมี้ยน เญย ฮู่ง แฑง โมเซ เญย เซย วั้ว หฒั่น,#หฑั่ม เล์ย-หลัด 34:6 มีคาเอน ไม้ ก๊าม หล่ง หว่า-โตะ ตี่ง เมี้ยน เญย ฮู่ง เญย ฒุ์ย. นิ่น ขูง ก๊อง, “เฒี้ยว กั้น ตี่ง เม่ย เญย ฒุ์ย อ๊ะ.”#เสคาลิยา 3:2 10น้าย เต๋ย เมี่ยน ม่าย หาย หญู่ง นิ่น บัว ไม้ เม่ง แปะ, นิ่น บัว ฯฒฯ ก๊อง โตะ วั้ว หญู่ง. นิ่น บัว เซ ฮนั้ง เฮยี่ย ฒ่อย นอ, มเปย ไต่, เอย กั้น เญย เฟียม-ฝีง โหฒว. ต้ง นิ่น บัว โหฒว เญย, ปุน นิ่น บัว กั้น หฒุ เหมียด.
11น้าย เต๋ย เมี่ยน ฒู้ง อ๋อย ปวั้ง หฒุ โค้ว อ๊ะ. นิ่น บัว หฒิว คาอิน#ทิน เต่ย โต้ว 4:3-8 เญย เจ๊า ยั่ง. เหว่ย โต้ว ญ่าน นิ่น บัว เซว่ย กั้น โหฒว ต่อง ฮนั้ง บาลาอัม#ซ้าว เมี่ยน 22:1-35 โหฒว วั้ว นอ. นิ่น บัว หย่า ฟ้าน เฮญี้ยว ฮนั้ง โคลา นอ, ฯฒฯ ฮนั้ง โคลา#ซ้าว เมี่ยน 16:1-35 หฒุ เหมียด. 12เม่ย บัว กั๊บ ฒุ้น หญั่น หฮนาง เหว่ย จิว ทง เญย เฒี่ยง โห่, น้าย เต๋ย เมี่ยน โหฒว หว่าย เม่ย บัว เญย หวุ่ย, ไม้ ฮิ้ว ตุ๊ ไญ้, ขูง เม้า หญั่น เม้า ฮบ, จั๋ง หฒุ กั้น ฮนั้ง.#12 กีก หว่า ก๊อง “ฮนั้ง หมั่ง ยู่ง เญย เมี่ยน ขูง จั๋ง หฒุ กั้น ฮนั้ง.” (ไม้ จั๋ง หฒุ กั้น เญย ยู่ง.) นิ่น บัว เซ ฮนั้ง ไม้ ม่าย บยู่ง เญย บ๋วน หฒุ หฑยาว ป่วน มี่ง. หย่า ฮนั้ง เดี๋ยง, หอบ หฒุ เฒี่ยง เปี๊ยว เญย เฒี่ยง โห่ หย่า ไม้ เฒี่ยง. เลี่ยม ฑู่ง อ๋อย หฒุ แปง ธ้วด เหฑ่ง, เดี๋ยง ฯฒฯ ไต่ เหฑ่ง หมี่ อ๊ะ.#12 กีก หว่า ก๊อง ไต่ อี หฑุ่น. 13นิ่น บัว โหฒว ไญ้ ไห่ เญย สี่ ธ้วด ต้าย ฮนั้ง ค้อย เจี์ย เสย ไห่ เญย ววม-หล่าง ธ้วด เญย บย์าว นอ. นิ่น บัว หย่า ฮนั้ง โย่ว ลู่ง เญย เหฮลย, ม่าย มับ แม่ง มับ หฮมวัง เญย ต๋อง เลี่ยว เจี๊ยน ปุน นิ่น บัว เหยียด ลิ์ว เยียม.
14อาดัม เญย ตะเธี้ยด ต่อย เฒ้ย-ฟุน#14 เลี่ยม อาดัม ฝุน นอ, ม่าย เสี่ย ต่อย. เป๊ย หมั่ง ทิน เต่ย โต้ว ตะฮม์ ฒาง. เอโน้ก#ทิน เต่ย โต้ว 5:18,21-24 จา-ด่าง โต่ว ทิน-ฮู่ง เญย หว่า ก๊อง น้าย เต๋ย เมี่ยน. นิ่น ก๊อง, “หมั่ง ม่าะ! เฒี้ยว อ๋อย ต้อ เหฒีย ธิน เหฒีย หว่าน เต้า ธีง-เหฑ่ง ฟิน-เมี่ยน เหธา เจี๊ยน นิ่น ต้าย 15เซี้ยม หม่าน เมี่ยน เญย ฒุ์ย, หย่า ตี่ง ไม้ กัน ทิน-ฮู่ง เญย เมี่ยน เญย ฒุ์ย เหว่ย นิ่น บัว โหฒว เญย เหยียด ฒู้ง หว่าย สี่, หย่า เหว่ย น้าย เต๋ย เมี่ยน หว่าย เมี่ยน ก๊อง โตะ นิ่น วั้ว เต๋ย หว่า.” 16น้าย เต๋ย เมี่ยน หฒั่นๆ งบ, หย่า ไกว๋ เมี่ยน. นิ่น บัว เซว่ย กั้น เญย เฮญี้ยว หั่น โหฒว หว่าย สี่, เธง ฮ่า ป้า ปวัง, หย่า อะเฮน้ย เธง เมี่ยน เหว่ย โต้ว กั้น ตุ๊ หลง.
ขวิน เหธา หฌาว เญย หว่า
17ฮนั้ม เญย ก๋อ-โย์ว อ้า! อ๋อย หฒุ จั๋ง เจี๊ยน บัว เญย เฒี้ยว เยซู กีตู่ เญย กง-โฒ่ ฒิ่น ด่าง ก๊อง เญย หว่า.#17 ไฟ “ก๊อง เญย ฒิ่น โฮ์ หว่า”. 18นิ่น บัว บั๋ว เม่ย บัว, “เถา เซ้ด เมว์ย เญย ฮนอย-เหญียะ อ๋อย ม่าย เมี่ยน ธ้วด ต้าย กวัด โตะ จั๊ด เม่ย บัว หย่า ขูง เอย กั้น เญย เฮญี้ยว หั่น โหฒว หว่าย สี่ ฮนั้ง.”#2 ปีเต 3:3 19น้าย เต๋ย เมี่ยน ดั๊ว เมี่ยน ปุน ฆอย โหฒว เหฒีย กวั้น. นิ่น บัว ไม้ ม่าย สีง ลี่ง, ขูง เอย ป้าม เมี่ยน เญย เฮญี้ยว หั่น โหฒว ฮนั้ง.
20ฮนั้ม เญย ก๋อ-โย์ว อ่า, อ๋อย หฒุ เยียม เม่ย บัว เสียน เญย ธีง-เหฑ่ง โต์ เหธย กั้น เจี์ย ต้าย. หย่า อ๋อย หฒุ เขา สีง ลี่ง เญย ชะ เต๋า เก๋า. 21อ๋อย หฒุ หฒั่นๆ กุ๊น กั้น เหว่ย ปุน ธีง ทิน-ฮู่ง ฮนั้ม เม่ย บัว, ฒั้ว บัว เญย เฒี้ยว เยซู กีตู่ ค้อ-เลี่ยน เม่ย บัว, ปุน เม่ย บัว ตุ๊ เหยียด ลิ์ว เญย แหม่ง.
22อ๋อย หฒุ ค้อ-เลี่ยน เฮญี้ยว บู้ง เบี๊ยน เญย เมี่ยน. 23ม่าย เต๋ย อ๋อย หฒุ ฮนั้ง เยียม โต์ว ธ้าง ธ้วด ต้าย นอ, เหฌียว นิ่น บัว. แอ๋ง ม่าย เต๋ย อ๋อย หฒุ ค้อ-เลี่ยน มป่า อ๋อย หฒุ ไฝ ฟิม นิ่น บัว. อ๋อย หฒุ โหยว นิ่น บัว เอย เฮญี้ยว หั่น โหฒว ไล่ ฮลบ เญย สี่, ไม้ ตู๋ง ปุน กั๊วะ หฒุ เม่ย บัว.#23 กีก หว่า ก๊อง “อ๋อย หฒุ โหยว นิ่น บัว หฒุ ป้าม เกน เญย เจ๊า กั๊วะ ไล่ ฮลบ เญย ลุย-โหว”.
เธง ทิน-ฮู่ง เญย หว่า
24-25บัว อ๋อย หฒุ เธง บัว เญย เหฌียว เฒี้ยว ทิน-ฮู่ง. ขูง ม่าย น้าย ดุ เต้า ทิน-ฮู่ง ฮนั้ง, นิ่น หย่า ไฮ่ เปว เจี๊ยน ไม้ ปุน เม่ย บัว ถุย โป่ว#24-25 กีก หว่า ก๊อง ดอบ. หย่า ไฮ่ ต้อ เม่ย บัว ธีง-เหฑ่ง เญย,#24-25 กีก หว่า ก๊อง ไม้ ม่าย ต๋อง เฆ่ม. เฌียน-โย่ว เญย เถา นิ่น ฌัง-หล่าง เญย หฑะเฮมียน. อ๋อย หฒุ เขา บัว เญย เฒี้ยว เยซู กีตู่ เธง ทิน-ฮู่ง เหว่ย หฒุ ทิน-ฮู่ง โหฒว โฮล, ม่าย ต้ม ชะ, ม่าย หลี่ง เยียม โล์-ฮนอย หม่าน โก๊ว หม่าน ต่อย เถา อี้ หฒั่น แอ๋ง เถา ฆะฮ้า ฮี้ง เหยียด ลิ์ว. อาเมน.
Currently Selected:
ยิวดา 1: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007