Nasepte 7
7
Sanhedrin Tunga Stephen in Thugen
1Tua ciangin tulpipa in ama kiangah, "Hihte hong matna a maan hiam?" ci-in a dong hi.#Jn 7:51
2 Hih thu a dawnna in amah in, "Sanggamte le pate aw, ka thugen na ngai un! I pa Abraham Haran-a a ten ma Mesopotamia a, a om lai-in ama kiangah minthanna Pasian a kilang hi. 3 Pasian in, ‘Na gam le na mite nusia inla, kong lah nading gamah pai in,’ b#7.3 Pc. 12:1 ci hi.#Pc 12:1
4 "Tua ahi ciangin Chaldea gam nusia in Haran ah a teng hi. A pa a sih khit ciangin tu-a note tenna mun hih leitang ah Pasian in amah sawl hi. 5 Amah in ama tungah a luah ding leitang khepek cia nangawn a pia kei hi. Ahi hangin Abraham in ta a neih loh lai nangawn in, amah le a nunga asuan akhakte in tua leitang a tang ding uh hi, cih Pasian in kamciam khin hi. 6 Pasian in ama tungah: ‘Na suan na khakte amau gam lo khatah mikhualin om ding uh a, amaute sila suakin, kum zali sung kibawlsia ding hi. 7 Ahi hangin amaute sal-a a khawi mite ka gawt ding hi, ci-in gen a, tua nung ciangin amaute tua mun pan paikhia ding uh a, hih munah kei hong bia ding uh hi,’ c#7.7 Pc. 15:13,14 Pasian in ci hi. 8 Tua ciangin Abraham tungah vun at ding thukhun a pia hi. Tua hi-a Abraham, Isaac’ pa hong hi-in a suah khit ni giat ciangin a vun a at hi. Tua nung ciangin Isaac, Jacob’ pa hong hi-a James, pupi sawm le nihte pa hong suak hi.
9 Pupite in Joseph a hazat manun Egypt ah sila-in a zuak uh hi. Ahi hangin Pasian in amah ompih a, 10 ama lungkhamna khempeuh panin hukhia hi. Amah in Joseph tungah pilna le Egypt kumpi Pharaoh mai-ah maipha ngahna a pia hi. Tua ahi ciangin amah in Egypt gam khempeuh le a kumpi inn sung khempeuh a uksak hi.#Pc 37:4,11; Pc 39:2,23
11 "Tua ciangin Egypt le Canaan gam sung khempeuh ah kialpi tungin, gim thuakna lianpi tunga, i pate in an a mu zo kei uh hi. 12 Egypt ah an om hi cih Jacob in a zak ciangin i pate a khat veina hawh dingin a sawl hi. 13 A nih veina a hawh uh ciangin, Joseph in a sanggamte kiangah amah kua hi hiam cih kigen a, Pharaoh in Joseph innkuan sung thu a na thei hi. 14 Hihte khit ciangin Joseph in a pa Jacob a innkuan bup tawh samsaka, a vekun sawm sagih le nga a pha uh hi. 15 Tua ciangin amah le i pate sihna mun Egypt ah Jacob a paisuk hi. 16 Amaute luangte Shechem ah kipuak kika, Abraham in Shechem-a Harmor tate tung pana sum bangzah hiam khat tawh a leisa hankhuk sungah kisial hi.#Pc 23:16-20
17 Pasian in Abraham tunga a kam ciam a tangtunsak ding hun a nai ciangin Egypt a i mite kibehlapin tam mahmah uh hi. 18 Tua ciangin Joseph thu bangmah a thei kha lo kumpi dang khat in, Egypt gam uk hi. 19 Amah in i mipihte khembawl in, i pute nengcipa, a ta suakthakte uh, a sih nadingin thatang hat thu-in a paikhiasak hi.#Pk 1:7,16
20 "Tua hun laitakiin Moses suak a, amah naupang mawkmawk ahi kei hi. a#7.20 Ahikeh Pasian mitmuh ah hoih hi Ahang in, a pa inn sungah kha thum sung kikem hi. 21 A pua-ah a kikoihkhiat ciangin Pharaoh tanu in amah la a, ama tapa bangin khoi hi. 22 Moses in Egypt pilna khempeuh sin a, thugenna le nasepna ah a vanglian hi.#Pk 2:2; 1Ku 4:30
23 "Moses kum sawmli a phak ciangin ama mipih Israel mite veh ding a khensat hi. 24 Ama mipihte khat, Egypt-te khatin a khelbawl laitak mu-a, a hu dingin va pai-in, a phulakna in Egypt pa a that hi. 25 Moses in, Pasian in amaute honkhia dingin amah zang hi, cih a phawk ding uh hi, ci-in a ngaihsun hi. Ahi hangin amaute in a phawk kei uh hi. 26 A zing ciangin Israel mite nih a kilai laitak Moses in a tuak hi. Amah in amaute lep sawmin, ‘Guaite aw, note sanggam khat hi napi, bang hanga khat le khat kisiasak nuam na hi uh hiam?’ ci hi.
27 "Ahi hangin a gilo-zawpa in Moses thalsawn a, ‘Kua in kote tungah uk a thukhenpa dingin nang hong koih ahi hiam?’ 28 Zan-a Egypt pa na thah bangin kei hong that nuam na hi hiam?’ b#7.28 Pk. 2:14 ci hi. 29 Moses in hih thu a zak ciangin, Midian ah taimang sanin tua lai-ah mikhualin va tenga tapa nih a nei hi.#Pk 2:11-15
30 "Kum sawmli khit ciangin Sinai Vum kiang gamlakah vansawltak khat, sawl kawm meikuangin Moses kiangah kilang hi. 31 Amah in hih a muh ciangin a na muh lamdang a sa mahmah hi. A naizaw-a en dingin a pai leh amah in Topa aw za a: 32 ‘Na pate uh Pasian, Abraham, Isaac le Jacob-te’ Pasian ka hi hi,’ c#7.32 Pk. 3:6 ci hi. Moses lau in linga, a en ngam kei hi.#Pk 3:1-4
33 "Tua ciangin Topa in ama kiangah, "Na dinna mun siangtho ahi manin na khedap suahkhia in. 34 Egypt a ka mite a kinencipna ka mu zo hi. Amaute tauna ka za zo-a, a suaktasak dingin hong paisuk ka hi hi. Tu-in hong pai in, Egypt ah kong sawl kik ding hi,’ d#7.34 Pk. 3:5, 7, 8, 10 ci hi.
35 "Amaute in, ‘Kua in kote tungah uk a thukhenpa dingin nang hong koih ahi hiam?’ ci-a, a thu a nialpa uh hih Moses mah ahi hi. Amaute ukpa le hukhia pa dingin Pasian mahmah in amah, sawl kawm meikuang sunga ama kianga kilang vansawltak tungtawna a sawl ahi hi, 36 Amah in amaute Egypt panin pai khiatpih a, Egypt gam, San Tuipi e#7.36 Tua pen Pumpeng Tuipi le sehnel-gam ah kum sawmli sung a lamdangte le lim lamdangte a bawl hi.
37 ‘Pasian in nomau mite lak panin keimah bang kamsang khat hong sawl ding hi,’ f#7.37 Tp. 18:15 ci-a Israel-te tungah a na hilh pa tua Moses mah ahi hi. 38 Amah sehnel-gam a mihon kipawlkhawmte’ pate le Sinai Vum tunga amah a hopih van sawltak tawh a omkhawm hi; amah in eite tunga hong puaksawn ding a nungta thute a ngah hi.#Sp 27:34; Tp 18:15
39 "Ahi hangin i pate in ama thu a mang kei uh hi. A man’ sangsik un, amah nolh uh a, a lungtangte uh Egypt lam a nga kik uh hi. 40 Amaute in Aron kiangah, ‘Kote mai-a pai ding pasiante hong bawlsak in. Egypt pana hong pikhia hih mihing pa Moses lah bang suak ta hiam, ka thei kei uh hi!’ g#7.40 Pk. 32:1 ci uh hi. 41 Amaute in bawngno suna lim a bawl uh tua hun lai ahi hi. Amaute in tua tungah kithoihnate puak uh a, a khut uh tawh a bawlsate uh pahtawi-in a lawm uh hi. 42 Ahi hangin Pasian in lehngatsana vantung nate biakna adingin amaute a ngawh piak hi. Hih kamsangte laibu sunga kigelhsa thu:#Pk 32:1,23
"O Israel innkuante aw, gamlak ah kum sawmli sung,
biakpiakna le biaknate kei nong puak uh hiam?
43 Moloch biakbukno le
na pasian uh Rephan aksi,
biak dinga na bawl uh milimte na tawisang uh hi.
Tua ahi manin Babylon galkhatah salin h#7.43 Am. 5:25-27 kong paisak ding hi,’ kici le hih thu kituak hi.
44 "I pu i pa-te in gamlak ah Teci panna biakbuk a nei uh hi. Tua pen, Pasian in Moses tunga a hilh, alim a muhsa banga kibawl ahi hi. 45 Biakbuk ngah khin in, Pasian in amaute mai-a a hawlkhiat minamte leitang a lak uh ciangin i pate in Joshua makaihna tawh tua biakbuk na pua uh a, tua biakbuk, David khanghun dong tua gamah a om hi. 46 Amah in Pasian angvanna nuamsa a, Jacob i#7.46 Khutgelh masa pawlkhatah Jacob’ inn Pasian ten nading a lamsak theih nading ngen hi. 47 Ahi hangin ama ading inn lam pa Solomon ahi hi.
48 "Bangbang ahi zongin a Sang Penpa ahileh mihing bawlsa innte ah a teng kei hi. Kamsangpa gen bangin:#1Ku 8:27
49 "‘Vantung ka tokhom hi-a,
leitung ka khe ngakna ahi hi.#Mt 5:34-35
Kei ading bangci bang inn lam ding na hi hiam?
Ahikeh ka khawl nading mun koi lai hi ding hiam?
50 Hih na khempeuh ka khuta ka bawlsa hi lo ahi hiam?
Topa in ci hi.’ j#7.50 Isa. 66:1, 2
51 "No a genhak mite, lungtang le bil vun-at lohte! Na pate uh tawh na kibang tektek uh hi. Note in Khasiangtho na nang ngitnget uh hi! 52 Na pate un a bawlsiat loh kamsang om ngei ahi hiam? Amaute in Thumaan Pa hong pai ding thu a genkholte nangawn a that uh hi. 53 Vansawltakte tungtawna kizang thu kham ngah napi a zui lo note in tu-in amah lehhekin na that uh hi," a ci hi.#Pk 32:9; 1Th 2:15
Stephen Kideng
54 Amaute in hih thu a zak uh ciangin lungso uh a, a ha uh a gawisan uh hi. 55 Ahi hangin Khasiangtho tawh kidim Stephen in vantung lam ento-in, Pasian minthanna le Pasian taklam a ding Jesu a mu hi. 56 Amah in, "En un, van kihong le Pasian taklama Mihing Tapa a ding ka mu hi," a ci hi.#Ns 5:33
57 Tua takteh, amaute in a bil uh hum uh a, a aw neih zah un kiko in amah a bawhhuan uh hi. 58 Khuapi sung panin talkaih gawp uh a, suangin a deng uh hi. Tua hun tektekin tecite in Saul kici tangvalno khat khephungah a puante uh a koih uh hi.#Ns 8:1
59 Amaute in amah suang tawh a den laitakun Stephen in, "Topa Jesu aw, ka kha na sang ta in," ci-in thu a ngen hi. 60 Tua ciangin khukdin-a, "Topa aw, hih mawhna amaute tungah na phul kei in," ci-in a kiko hi. Hih teng a cih khit ciangin a ihmu hi.#Ph 31:5
Currently Selected:
Nasepte 7: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission