Phatna-late 9
9
Tum theih makaipa ading. "Tapa Sihna aw a tum ding" David phatna-la khat.
1 TOPA aw, ka lungsim khempeuhin nang kong phat dinga;#Ph 86:12
nangma nalamdangte khempeuh ka genkhia ding hi.#Tp 4:34
2 Nang sungah nuamin ka kipak dinga;#Job 22:19
na min phatna ka sa ding hi, Sang Penpa aw.
3 Ka galte nungkik uh a;
nangma mai-ah muktu in a kisia uh hi.
4 Ahang in, ka thuneihna le ka thu na lenkip a;
na kumpi tokhom ah tu-in thumaanin thu na khen hi.#Ph 11:4
5 Minamte na taihilh a, migilote susia-in;#Pc 20:7
a tawntunga manden dingin a min uh na phiatkhia hi.
6 A mong nei lo kisiatna in galte pha a,
amau khuapite na kibulkalh hi;#Tp 29:28
amaute mualsuangte nangawn a kisia mang ta hi.#Ph 34:16
7 TOPA in a mang tawntung hi;
amah in thukhen nadingin ama tokhom phutkip zo hi.
8 Amah in thumaanin leitung thu khen dinga;#Ph 7:11
thutangin mite a uk ding hi.#Ph 11:7
9 A kinuainette bukna TOPA hi-a,#Tp 33:27
lungkham huna dingin kulhpi ahi hi.#Ph 32:7
10 TOPA aw, nang in nang hong zongte taisan ngei lo na hi manin,#Ph 91:14
na min hong theite in nang hong muang ding uh hi.#Ph 70:4
11 Zion kumpi tokhom a tu TOPA phatnate sa un;#Ph 2:6
minamte lakah ama sepsate tangko un.#Ph 18:49
12 Ahang in, sisan phulapa in phawk a,#2Sa 4:11
a thuaksiate kahna a kiphawkmawhbawl kei hi.#Ph 10:17
13 TOPA aw, ka galte hong bawlsiat zia mu in!
Hong lainat inla sihna kongpite panin kei hong laamto in;
14 tua hileh Zion Tanu kongpite ah#2Ku 19:21
nangma phatnate ka pulak thei dinga#Ph 51:15
tua lai-ah nangma hotkhiatna nuam ka sa ding hi.#Ph 13:5
15 Minamte, amau tawhsa gum sungah kia khin uh a;
amau siahsim lenthang ah a khe uh a awk khin hi.
16 Ama thutang hangin TOPA kithei khin a;
migilote amau bawlsa thangah a awk uh hi.#Higgaion. e# 16 Ahikeh ngaihsutna; tumtheih ciaptehna hi thei# Selah
17 Pasian a mangngilh a gilo minamte khempeuh#Job 8:13
hankhuk f# 17 Hebrew ah Sheol ah a ciah uh hi.#Ms 16:30
18 Ahi zongin a tasamte kimangngilh suak lo dinga,
gimthuakte lametna zong a sia suak ngei kei ding hi.#Ph 25:3
19 TOPA aw, tho inla mihing gualzosak kei in;#Ph 3:7
nangma mai-ah minamte thu kikhen hen.#Ph 110:6
20 Amaute lausak in, TOPA aw;#Pc 35:5
amaute mihing lel ahina minamte theisak in. #Selah
Currently Selected:
Phatna-late 9: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission