Phatna-late 141
141
David phuah phatna-la khat.
1 TOPA aw, nang kong sam hi; kei kiangah hong pai meng in.#Ph 22:19
Nang kong sap ciangin ka aw hong za in.#Ph 4:1
2 Na mai-ah ka thungetna gim namtui bangin hong kilui henla;#Lk 1:9
ka laptoh khutte nitak biakpiakna bang hen.#Pk 29:39
3 TOPA aw, ka kam a cing khat omsak inla;#Ph 34:13
ka muk kongkhak cing in.#Ph 12:2
4 Siatna hihte tawh gilo khawm dingin
siatna ah ka lungsim, kaisak zo kei inla;#Jos 24:23
amaute limsakte kei hong nesak kei in.#Pn 23:1-3
5 Thumaan mi a# 5 Ahikeh Thumaan Pa in kei hong sat hen - tua in migitna ahi hi;
ama’n kei hong tai hen - tua in ka lutungah sathau ahi hi.#Pn 9:8
Ka lutang in tua nial lo ding hi.
Tua hi napi, ka thungetna in siatna bawlte langpan gige hi;
6 a gam-ukte uh kenbang pan kisawnkhiasuk dinga,
tua ciangin migilote in ka thugente a hoih lam thei ding uh hi.#2Kh 25:12
7 Amaute in, "Mi khat in lo kho a, lei a kalhkhap bangin#Pn 129:3
ka guhte uh hankhuk b# 7 Hebrew in Sheol gongah a kithehthang hi," ci ding uh hi.#Ms 16:30
8 Ahi hangin Thuneipen TOPA aw, mit khah loin nang kong en a;
nang sungah kong bu hi - kei hong sisak kei in.
9 Amaute in kei hong siahna thangte pan le
siatna bawlte siah thangte panin kei hong kem in.#Ph 38:12
10 Kei suakta a ka khen’ khit ciangin
amau lenthangte sung mah ah migilote puksak hi.#Ph 7:15
Currently Selected:
Phatna-late 141: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission