Paunakte 19
19
1Thukawi bawl mihai khat sangin,
a kalsuanna a kawkbaang lo mizawng khat hoihzaw hi.#Pn 28:6
2 Theihna nei lopi-in aamna hoih lo a,
kinawh lua-a lamhaihna zong hoih tuan lo hi.#Pn 29:20
3 Mihing haina in a nuntakna siasak a,#Ph 14:1
tua hi napi a lungsim in TOPA ngawh lai hi.#Jas 1:13-15
4 Hauhna in lawm hausak a,
mizawngte ahileh a lawmpa in taisan hi.#Pn 14:20
5 Teci maan lo in dan tuak loin om lo dinga,#Ph 56:7
zuau phuakpa zong suakta lo ding hi.#Tp 19:19
6 Mi tampite in gam-ukpa mai-et uh a,#Pn 29:26
letsong a pia mi peuhmah ama lawm ahi hi.#Pn 17:8
7 Mizawngpa a tanaute khempeuh in taisan uh hi -
a lawmte in pelzaw san lo ding hiam!
Amah thumin nungdelh ta leh,
muhkhakin a#19.7 Hebrew ah hih gual khiatna kician lo hi om lo uh hi.
8 A pilpa in a hinna it a;
theihtelna a paktate a daupai hi.
9 Teci maan lo in dan tuak loin om lo dinga,
zuau phuakte mangthang ding uh hi.#Tp 19:19
10 Mihaite a noptat ding kilawm lo a -#Pn 26:1
sila in uliante a uk ding siazaw tham hi!
11 Mi khat a pilna in lungduaisak a,#2Ku 5:12
langpanna, kimuhmawhbawlna in ama minthanna ahi hi.
12 Kumpipa lungsona in humpinelkai hawk banga,#Pn 20:2
a angvanna ahileh lopa tunga daitui bang hi.#Est 1:12
13 Tapa hai, a pa kisiatna hi-a,#Pn 10:1
kitot hat zi in inn kehkeh tawh kibang hi.
14 Innte le hauhna nu le pa pana kiluah hi-a,
a thukhual zi ahileh TOPA pan ahi hi.#Pn 18:22
15 Thadahna in ihmumu sak a,
a polhteh mi gilkial ding hi.#Pn 10:4
16 Lamlahnate a mang mi, a nuntakna kem hi-a,
a lampi a awlmawh lote, si ding hi.#Pn 16:17
17 Mizawngte tunga migite TOPA a leitawisak hi-a,#Tp 24:14
ama sepsa hangin pahtakman a pia ding hi.
18 Lametna a om lai-in na tapa sek in;
a sih nading lamah awi-am kei in.#Pn 13:24
19 A lungso mi in dan tuak pelmawh dinga;
hukhia lecin na hut kik kul ding hi.
20 Thu kuppihna ngai inla, kilamlahna sang in;#Pn 4:1
tua hileh a tawpna ah na pillawh ding hi.#Pn 12:15
21 Mihing lungsim in tampi geel-a,
ahi zongin TOPA ngaihsut mah taksuak hi.#Ph 33:11
22 Mihing lunggulh a bei ngei lo itna a#19.22 Ahikeh mi khat huaihamna a mai zumna ahi hi hi-a,
zuauphuak khat hih sangin zawn hoihzaw hi.
23 TOPA kihtakna in nuntakna tun a,
a tuaci mi, lungkimtak tawlnga in, lungkhamna in sukha lo ding hi.
24 Mi zongzaw in ankuang sawkin;
a kam nangawn a tun zo kei ding hi.#Pn 26:15
25 Mi simmawh khat sat le cin, mimawlte in kidop siamna sin ding uh a,
thu thei mi khat taihilh le cin, theihna ngah ding hi.#Pn 9:9
26 A pa aa sut-a, a nu a hawlkhia tapa,
maizumna le mindaina tun ahi hi.#Pn 28:24
27 Ka tapa aw, lamlahna na ngaih nawn kei leh#Pn 1:8
theihna panin na pial ding hi.
28 Amaan lo teci in thutang simmawh a,
migilo in thusia a nawmvalhsuk hi.
29 Dan piaknate pen mi simmawhte ading le,
satna pen mihaite nungzang ading kibawlkhol ahi hi.#Tp 25:2
Currently Selected:
Paunakte 19: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission