Paunakte 16
16
1Lungsima geelna mihing aa hi-a,
leii a dawnna ahileh TOPA tung pana pai ahi hi.
2 Mihing in a lampite khempeuh ah mawhpeng kisa a,#Pn 12:15
TOPA in ahileh lungsima sawmnate a khingkhai hi.#2Kh 6:30
3 Na sep peuhmah TOPA tungah ap in
tua hileh na geelna na zo ding hi.#2Kh 20:20
4 TOPA in na khempeuh a tawpna ding bawl a -#Pk 9:16
migilote nangawn siatna ni adingin a bawl hi.#2Kh 34:24
5 Lungsim kiphasak khempeuh TOPA in kih hi.#Ph 40:4
Hih thu tel in: Dan tuak loin a om kei ding hi.
6 Itna le muanhuaina tawnin mawhna maisiang a,
TOPA kihtakna tawnin mihing in gitlohna a peel hi.
7 Mihing khat lampite in TOPA a lungkimsak ciangin
a galte nangawn amah tawh kilemin tengkhawmsak hi.
8 Thutang lo a tampitak ngah sangin,
thumaan-a tawmno ngah hoihzaw hi.#Pn 15:16
9 Mihing in a maban ding geelkhol a,
ahi zongin TOPA in a kalsuanna uk hi.
10 Kumpipa mukte in thusuak bangbang genkhia a,
a kam in thutang a lehhek kei hi.#Pn 17:7
11 Amaan tawikhaina le tehnate TOPA pan hi-a,
ip sunga tawisuang khempeuh ama bawlsa ahi hi.#Pn 11:1
12 Thumaanna tawnin kumpi tokhom
kikipsak ahi manin kumpite in amaan lo gamtatna a kih uh hi.
13 A thumaan mukte ah kumpite lungtai uh a,
thutak a gente manpha sa uh hi.#Pn 22:11
14 Kumpipa thangpaihna in sih nading thupuakpa hi-a,#Pc 40:2
mipil in ahileh a thangpaihna daisak hi.#Pn 25:15
15 Kumpi khat a maitai ciangin kinuntak lawh a;#Pc 40:2
ama angvanna in guah a paii tukmeii tawh kibang hi.#Pn 19:12
16 Kham sangin pilna ngah ding hoihzaw tham a,
ngun sangin theihtelna teel ding hoihzaw tham si!#Job 28:15
17 A thutangte’ lam lianpi in gitlohna peel a;
ama lampi a kem mi in, a nuntakna kem ahi hi.#Pn 19:16
18 Kisiatna ma-in kiphatsakna masa a,#1Sa 17:42
pukna ma-in kihihsakna lungsim masa hi.#Est 17:12
19 A kiphasakte tawh vansuh hawm sangin lungsim niamkhiat a,
kinengniamte lak a om hoihzaw hi.
20 Lamlahna a thusimte a daupai a,
TOPA a muang mite thupha ngah ahi hi.#Ph 32:10
21 Lungsim pilte thu khaikak thei kici a,
kamkhum in lamlahna b#16.21 Ahikeh kammal in mi mangnuamsak behlap hi.
22 Theihtelna a nei mi adingin nuntakna tuikhuk hi-a,#Pn 10:11
haina in ahileh a haite dan tuaksak hi.
23 Mipilpa a lungsim in a kampau makaih a,#Job 15:5
a muk in lamlahna a behlap c#16.23 Ahikeh a kam / le a muk in a mangnuamsak hi hi.
24 Kamkhum in khuaizu pheng hi-a,#1Sa 14:27
hinna adingin khumin guhte damna ahi hi.
25 Mi khat adingin amaan dinga kilawm lampi khat om a,#Pn 12:15
ahi hangin tua in a tawpna ah sihna tun hi.#Est 3:6
26 Nasempa ankam-limna in ama ading na semsak a,
a gilkialna in nasemin sawlsawl hi.
27 Migilo in gitloh sawma,
ama kampau, a hultum thei meikuang bang hi.#Jas 3:6
28 Lungsim kawite in kitotna piangsak a,#Pn 14:17
gensiatna in lawmta khen hi.#Pn 17:9
29 Mi ngongtat in a vengpa zolin
a hoih lo lam totpih hi.#Pn 1:10
30 A mit phoisakte thu kawi bawlnuam hi-a;#Pn 6:13
a muktukte gitloh sawm ahi hi.
31 Samkang in thupina lukhu hi-a,#Pn 20:29
thumaana nuntakna hanga kingah ahi hi.
32 Galhang khat sangin lungduai khat hoihzaw a,
khuapi khat a zopa sangin a lungsim a uk zopa hoihzaw hi.
33 Angkawmah ai a kisan hangin
a khentatna peuhmah TOPA aa ahi hi.#Jos 7:14
Currently Selected:
Paunakte 16: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission