Paunakte 11
11
1TOPA in tawisuang maan lo kiha
tehna maan lian ahileh a lungkim hi.#Pn 16:11
2 Kisaktheihna in hong maimawlsak a,
kiniamkhiatna ahileh pilna ahi hi.#Pn 18:12
3 A citakte a cihtakna un makaih a,
a muanhuai lote ahileh a zuautatna un susia hi.#Pn 13:6
4 Thangpaih hunin hauhna in man nei lo a,#Job 20:20
thumaanna in ahileh sihna panin a hu hi.#Pn 10:2
5 Kawkbaanna om lo thumaanna in a mau adingin lamtang sialsak a,
migilote ahileh amau gitlohna in a puksak hi.#Pn 5:21-23
6 A thutangte’ thumaanna in a maute hu-a,
a muanhuai lote ahileh amau lunggulhna hoih lo ah a awk uh hi.
7 Migilo khat a sih ciangin ama lametna mangthang a,#Job 8:13
a vangliatna pana ki-ummawh teng a guaksuak hi.
8 Thumaan mipa lungkhamna pan kihu a,
ama tangin migilopa tungah tung hi.#Pn 21:18
9 Pasian nei lopa kam in a vengpa susia a,
theihna tungtawnin a thumaanpa suakta hi.
10 Thumaan mipa a daupai ciangin khuapi lungnuam a;
migilo a manthan ciangin lungdam a kikona a om hi.
11 Thutang mi khat’ thupha tungtawnin khuapi kitawisang a,
migilo kam hangin khuapi kisia hi.
12 Thu khencian thei lopa in a vengpa nuihsan a,
thu theitelpa ahileh a ki-ip thei hi.#Job 6:24
13 Mi kamtamte in thusim tehkha teitei a,#Pn 20:19
a muantak mi in ahileh thu im hi.#Pn 10:14
14 A kimakaih lo minam puk a,#Pn 20:18
mi tampi thudot in gualzawhna kician a tun hi.#2Sa 15:34
15 Mel theih loh mi mawhna a puaksakpa in thuak pelmawh dinga,
kiciamna-a khut beng nuam lopa a suakta ding hi.#Pn 17:18
16 A dik numei kizahtak a,#Pn 31:31
a hiamgamh pasal in ahileh hauhna bek a ngah hi.
17 A migipa amahmah phattuamna hi-a,
a kheltatpa ahileh amahmah siatna kitun ahi hi.
18 Migilopa thalawh thaman in khemna hi-a,
thumaanna a vawhpa in ahileh pahtakman at teitei hi.#Pk 1:20
19 A thumaan taktak mi in nuntakna ngah a,#Tp 30:15
gitlohna a delhpa in a sihlawh hi.#1Sa 2:6
20 TOPA in mihing lungsim lehtatte kih a,#Pn 3:32
kawkbaang lo-a nungtate a pakta hi.#1Kh 29:17
21 Hih thu telcian in: Migilote in dan tuak loin a om kei ding hi;
a thumaan mite ahileh a suakta ding uh hi.#Pn 16:5
22 A kidawm thei lo numei melhoih,
vok naka kham nakbah bat tawh kibang hi.
23 A thumaante lunggulhna a hoih bekbek suak a,
migilote lametna ahileh thangpaihna bek ahi hi.
24 Mi khat in pia ziahziah napi, a tamzaw ngah a,
adang khat cil tentan napi zawng semsem zaw hi.
25 A cingh mipa a daupai dinga,#1Kh 29:17
midang a thamalhsakte amau kithamalhsak ahi hi.#Pn 22:9
26 Antang kholkhol te kihamsiat a,
a zuak nuamte thupha kikhusak hi.
27 A hoih zongte in deihsakna mu uh a,
gitlohna a zongte tungah gitlohna mah a tung ding hi.#Ph 7:15-16
28 A hauhna a muang peuhmah puk dinga,#Job 31:24-28
thumaanna ahileh singteh pha hing tawh kibang ding hi.#Ph 52:8
29 A innkuan tungah lunghimawhna a tun mi kihawmkhai dinga,
mihaite, mipilte nasem a suak ding hi.#Pn 14:19
30 Thumaanna gah in nuntakna singkung hi-a,#Pc 2:9
mihing lungsim zo mi mipil ahi hi.
31 Thumaante in leitung ah thaman sang uh ahileh#Jer 25:29
a pasian-milote le mawhneite in tam sanzaw ngel ve!
Currently Selected:
Paunakte 11: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission