Luke 23
23
1Tua ciangin tua lai-a kikhawmte khempeuh ding uh a, amah Pilate kiangah a paipih uh hi. 2 Amaute in, "Hih pa in ka minam uh a holhthawh ka thei uh hi. Caesar tunga siah piak ding dalin kumpi khat, Christ b#23.2 Ahikeh Messiah; tg.35 le 39 ah zong in kigen lai hi," ci-in amah a ngawh uh hi.#Lk 20:22; Jn 19:12
3 Tua ahi ciangin Pilate in Jesu kiangah, "Nang, Jew-te kumpipa na hi hiam?" ci-in a dong hi.
Jesu in, "Ka hi hi, na cih bang ahi hi," ci-in a dawng hi.#1Ti 6:13
4 Tua ciangin Pilate in siampi makaite le mihonte kiangah, "Hih pa, mawhmat theih nading thubul ka mu kei hi," ci-in a pulak hi.#Mt 27:23
5 Ahi hangin amaute in, "Amah in a thuhilhna tawh Judea c#23.5 Ahikeh Jew-te gam sunga mi khempeuh a tokbuai hi. Galilee pan hong panin hih ciang dong hong tun hi," a ci teitei uh hi.#Mk 1:14
6 Pilate in hih thu a zak ciangin Galilee gam mi ahi hiam, ci-in a dong hi. 7 Jesu, Herod uk sung mi ahilam a theih ciangin amah Herod kiangah a puak hi. Tua hun laitakin Herod zong Jerusalem ah a om hi.
8 Herod in Jesu a muh ciangin, a muh nop sawt zo ta ahi manin a lungkim mahmah hi. Ama thu a na zaksa mah bangin amah in nalamdang pawlkhat a bawl ding a lamen hi. 9 Amah in thu tampi adot kawikawi hangin Jesu in a dawng kik kei hi. 10 Siampi makaite le thukham siate tua lai-ah ding uh a nakpi in a mawhsak uh hi. 11 Tua ciangin Herod le a galkapte in amah ciamnuih-bawlna in nei uh a, a zahko uh hi. Amah kumpi puan hoih mahmah khat silhsakin Pilate kiangah a puak kik uh hi. 12 Tua ni-in Herod le Pilate a kilawmta kik uh hi - tua ma-in amau gel a kigalneih uh ahi hi.#Lk 9:9; Ns 4:27
13 Pilate in siampi makaite, ukpate le mipite kaikhawma, 14 amaute kiangah, "Note in hih mipa in kumpi langpang dingin mite tawsawn hi, ci-in ka kiangah nong paipih uh hi. Nomau mai mahmah ah amah ka sittel ciangin amah na mawhmatna uh thubul ka mu kei hi. 15 Herod in zong amah kei kiangah hong puak kik ahi manin a mu tuan lo ahi hi. Na muh mah bangun sihna thuak nadinga kilawm bangmah a hih kei hi. 16 Tua ahi manin, amah ka gawt khit ciangin ka khahkhia ding hi," d#23.16 Khutgelh pawlkhatah amah." ci hi. 17 Tua hunlai-in Pawi hun ciangin amaute tungah mi khat a khahkhiat ding ama hih theih ahi hi. e#23.17 Khutgelh pawlkhatah tg.17 na om lo hi
18 Amaute in, "Hih pa that in! Ko kiangah Barabbas hong khahkhia in," ci-in aw khatin a kiko uh hi. 19 (Barabbas pen tua khuapi sunga kumpi a langdona hang le a tualthahna hangin thong sunga kikhum ahi hi.)#Ns 3:13
20 Pilate in Jesu khahkhia nuam ahi manin amaute tungah a ngen kik hi. 21 Ahi hangin amaute in, "Amah kilhlum in! Amah kilhlum in!"ci-in a kiko teitei uh hi.
22 Amah in a thumveina amaute kiang ah, "Bang hang in? Amah in bang tatkhialhna lian hih ahi hiam? Sihna a thuak nading zahin paulap ding bangmah ka mu kei hi. Tua ahi manin amah ka gawt khit ciangin ka khahkhia ding hi," a ci hi.
23 Ahi hangin amaute nakpi in kiko uh a, amah a kilhlup nadingin a kalh teitei uh ciangin amau kikonate in a zozaw hi. 24 Tua ahi ciangin Pilate in amau kalhna banga piak dingin a khensat hi. 25 Amau ngetsa, kumpi langdona hang le tual thahna hanga thong sunga kikhumpa khahkhia-in, amau ut banga a bawl dingun amau tungah Jesu piakhia hi.#Pk 23:2
Kilhlupna
26 Amaute in amah a paikhiatpih laitakun gamsung panin tua lai hong tawn Cyrene mi Simon lencip uh a, amah singlamteh suanin Jesu nung zui-in singlamteh a puasak uh hi. 27 Mipi tampitakin amah zui uh a, tuate lakah amah kah a, a zui numeite zong a kihel uh hi. 28 Jesu kihei-in amaute kiangah, "Jerusalem tanute aw, kei adingin kap kei un, no ading le na tate uh adingin kapzaw un. 29 Ahang in, note in, ‘Tasel numeite, nau a paii ngei lo gilte le a kiteep ngei lo nawite thupha ngah ahi hi!’ na cih hun uh hong tung ding hi. 30 Tua ciangin,
"amaute in mualliante kiangah, ‘Ko tungah hong cim un!’
mualneute kiangah, "Kote hong vuk un!’" ci ding uh hi. a#23.30 Hos. 10:8
31 Ahang in, mite in sing ahin laitakin hihte hih uh ahileh akeu ciangin bang suak tazen ding uh hiam?" a ci hi.
32 Tatkhialhna lian a nei midang nih zong thah dingin amah tawh a paikhiatpih uh hi. 33 Luguh kici munah amaute a tun uh ciangin tua lai-ah amah le tatkhialhna lian a neite - a taklam khat, a veilam khat tawh singlamteh tungah a kilh uh hi. 34 Jesu in, "Pa aw, amaute in a hih uh thei lo uh ahi manin amaute maisak in" b#23.34 Khutgelh masa pawlkhatah hih kamvuicing khat om lo hi a ci hi. Amaute in ai lawnin a puante a hawm uh hi.#Isa 53:12; Mt 5:44
35 Mipite dingin en uh a, ukpate in amah a zahpih beh lai uh hi. Amaute in, "Amah in midangte a honkhia zo hi; amah Teltuampa Khat, Pasian’ Christ hi ahileh, amah le amah kihonkhia ta hen," a ci uh hi.#Ph 22:17; Isa 42:1
36 Galkapte zong paito uh a, amah a zahko uh hi. Amaute in amah lenggahzu thuk pia-in ama kiangah, 37 "Nang Jew-te kimpipa na hileh nang le nang kihonkhia in," a ci uh hi.#Ph 22:7
38 Ama lutung santakah: HIH PA JEW-TE KUMPIPA HI ci-in theih-sakna lai a suang uh hi.#Mt 2:2
39 Tua lai-a kikhai tatkhialhna lian a neite khat in, "Nang Christ hilo na hi hiam? Nang le ko hong honkhia in!" ci-in a engko hi.
40 Ahi hangin a khat pa in, "Amah banga nang, gawtna thuak na hi khit nungsang Pasian kihta lo na hi hiam? 41 Ei i hileh i gamtatnasate tawh kizui-in thuak i hi manin a kituaka gawtna a thuak i hi hi. Ahi hangin hih pa in tatkhialhna khat beek a nei kei hi," ci-in tuapa a tai hi.
42 Tua khit ciangin amah in, "Jesu aw, na gam sungah na tun ciangin kei hong phawk in, c#23.42 Khutgelh masa pawlkhat in na kumpi vang tawh nong pai" a ci hi.#Mt 16:27
43 Jesu in ama kiangah, "Thutak kong geninah, tuni-in kei tawh Paradise ah na omkhawm ding hi," ci-in a dawng hi.#Kil 2:7
Jesu Sihna
44 Tua hun nai gukna pawl hi-a nai kuana dongin gam bupah ni tang lo ahi manin, 45 khim a zing hi. Tua ciangin biakinnpi puanzak phel nih a suak hi. 46 Jesu in, "Pa aw, ka kha nangma khut sungah kong ap hi," ci-in nakpitakin a kiko hi. Tua banga a kiko khit ciangin, a huu a beisak hi.
47 Zakhat ukpa in thu piang teng a muh ciangin Pasian phat a, "Hih pa, mi thumaan hi takpi hi," a ci hi. 48 Hih thute en dinga kikhawm mite khempeuh in thupiangte a muh uh ciangin, a awm uh tumin a paikhia uh hi. 49 Ahi hangin Galilee pana amah a zui numeite a kipan amah a theite khempeuh a kigamla simna munah dingin hih thute a galvil uh hi.
Jesu Kivuina
50 Tua laitakin Vaihawmte khat, mi hoih, mi thutang Joseph min nei khat a om hi. 51 Tuapa in amaute thukhen-satnate le a gamtatnate uh a thukim kei hi. Amah Judea gam khua lian khat, Arimathea mi hi-a Pasian gam a ngak gige mi khat ahi hi. 52 Amah Pilate kiangah pai-in Jesu luang a va ngen hi. 53 Tua ciangin amah in siluang lakhiasuk a, saihadial puanin a tun khit ciangin kuamah khat beek a kisial ngei nai lohna mun suangpi a kikhuak han sungah a sial hi. 54 Tua ni Kiginkholh Ni hi-a Sabbath ni a kipan ding hi ta hi.#Lk 2:25,38
55 Galilee pana Jesu tawh a paikhawm numeite in Joseph zui uh a, tua han le ama luang a kisial zia a mu uh hi. 56 Tua khit ciangin amaute inn ah ciah uh a gimnamtui le sathau namtui a kigingkhol uh hi. Ahi hangin amaute in thupiak a manna un Sabbath ni-in a tawlnga uh hi.#Mk 16:1
Currently Selected:
Luke 23: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission