Luke 20
20
Jesu Thuneihna Kidong
1Ni khat biakinnpi tualah thu hilh-a lungdamna-thu a gen laitakin siampi makaite le thukham siate, upate tawh ama kiangah va pai uh hi. 2 Amaute in, "Nang, bang thuneihna tawh hihte hih na hi hiam? Hih thuneihna kua hong piak hiam, hong gen in?" a ci uh hi.#Lk 8:1; Ns 4:7
3 Jesu in, "Kei zong khat kong dong ding hi, hong gen un. 4 John baptise-na koi pana kipan hiam, vantung pan hiam, mihing tung pan hiam?" ci-in a dawng hi.#Mk 1:4
5 Amaute in, "‘Vantung pan hi,’ ci leeng, ‘Tua ahileh bang hangin amah um lo na hi uh hiam?’ hong ci ding hi. 6 ‘Mihing tung pan hi,’ ci leeng lah mipite khempeuh in eite suang tawh hong deng ding uh hi. Bang hang hiam cih leh amaute in John kamsangin a sang uh hi" ci-in a kikum uh hi.#Lk 7:29,30
7 Tua ahi ciangin amaute in, "Koi pan hiam, ka thei kei uh hi," ci-in a dawng uh hi.
8 Jesu in, "Ken zong bang thuneihna tawh hihte ka hih, cih kong gen kei ding hi," a ci hi.
Lo-khawhlawhte tawh Gentehna
9 Amah in mipite kiangah gentehna gena, "Lenggui lo a bawl mi khat a om hi; tuapa in a lenggui lo lo-khawhlawhte pawlkhat khawhlawhsak in sawt veipi a paikhiatsan hi. 10 A lak hun a tun ciangin lenggah khawm dingin lo-khawhlawhte kiangah nasem khat a sawl hi. Ahi hangin amaute in tuapa satgawp uh a, khut guakin a ciahsak uh hi. 11 Tua ciangin amah in tuate kiangah nasem dang khat sawl kik hi. Ahi hangin amaute in tuapa zong na satgawp uh a, a zahlaksak ngi-ingei khit uh ciangin a khut guakin a ciahsak uh hi. 12 Amah in a thumna pa sawl lai-a, amaute in tuapa liamsakin a hawlkhia uh hi.#Isa 5:1-7
13 "Tua ciangin lo neipa in, ‘Bang lawh ding ka hiam? Ka it ka tapa ka sawl ding hi; amah na zahtak buang ding uh hi,!’ ci hi.
14 "Ahi hangin lo-khawhlawhte in amah a muh uh ciangin, ‘Hih pa, a gouluah pa ahi hi; amah that leng a luah ding teng ei aa hi ding hi,’ ci-in khensat uh hi. 15 Tua ahi ciangin amaute in amah daipua ah kaikhia uh a, a that uh hi.
"Tua ahileh lo neipa in amaute bang a ci bawl ding hiam? 16 Amah pai-in lo-khawhlawhte that in ama lo midangte a pia ding hi," a ci hi.#Lk 19:27
Mipite in hih thu a zak uh ciangin, "Hih bang piang ngei kei ta hen!" a ci uh hi.
17 Jesu in amaute en gemgam a, "Tua ahileh:
"Inn lamte nilkhiat suang,
inntungkhum a#20.17 Ahikeh innkiu-suang suang a suak hi,’ b#20.17 Ph. 118:22
18 Tua suang tunga puk peuhmah kitamzan dinga, ahi hangin tua suang in a delhkhakte peuhmah a zanciim ding hi, ci-a kigelh a khiatna bang ahi hiam?" ci-in a dong hi.#Isa 8:24
19 Thukham siate le siampi makaite in hih gentehna amau a cihnopna ahilam thei uh ahi manin a matpah theih nadingun lampi a zong uh hi. Ahi hangin amaute in mipite a kihta uh hi.#Lk 19:47
Caesar tungah Siah Piakna
20 Amaute in amah encik gige uh a, mi muanhuai a kineihkhem thusim kante ama kiangah a sawl uh hi. Thuneihna le vang a nei gam-ukpa tungah Jesu a piakkhiat theih nadingun ama kam tawh amah lehmat thei dingin a kilamen uh hi. 21 Tua ahi ciangin thusim kante in ama kiangah, "Sia aw, nang in ahi bang thu genin na hilh a, kuamah deihsak tuam nei loin thutak bangin Pasian thu na hilh lam ka thei uh hi. 22 Tua hi-a kote adingin Caesar tungah siah piak tuak hiam, piak tuak lo hiam?" ci-in a dong uh hi.#Jn 3:2
23 Amah in amaute kineihkhemna a muhtel ciangin, 24 "Denarius khat hong lak dih un. A tungah kua lim le kua min tuang ahi hiam?" a ci hi.
25 Amaute in, "Caesar aa ahi hi," ci-in a dawng uh hi.
Amah in amaute kiangah, "Tua ahileh Caesar aa te Caesar pia unla, Pasian aa te Pasian pia un," a ci hi.#Lk 23:2
26 Amah in tua banga mipite laka a gennate tawh amah a awksak zo kei uh hi. Ama dawnnate lamdang sa uh a, tua ciangin amaute a dai uh hi.
Thawhkikna le Kitenna
27 Thawhkikna om lo hi, a ci Saddusee-te pawlkhat thu dong dingin Jesu kiangah a pai uh hi. 28 Amaute in, "Sia aw, Moses in, ‘Mi khat a sanggampa a sih a, ta nei man loin a zi a nusiat leh tuapa in meigongnu tenpihin a sanggampa ading tate neihsak hen," ci-in ko adingin a gelh hi. 29 Tu-in unau pasal sagih a om hi. A upapen in zi nei-a ta nei loin a si hi. 30 A nihna pa tuateh 31 a thumna pa in tuanu tenpih uh a, tua mah bangin a sagihun ta nei man loin a si khin uh hi. 32 A tawpkhakna ah tua numei zong a si hi. 33 Tua ahileh tua numei in unau pasal sagihte tenpih kim ahi ciangin thawhkik ni ciangin amah kua pen zi hi ding hiam?" ci-in a dong uh hi.#Tp 25:5,6
34 Jesu in, "Hih khanghun a mite in mopi mokha in a om uh hi. 35 Ahi hangin hong tung ding khanghun le misi pana thawhkikna ngah dinga kilawmte in mo pi loin mo lah a kha kei ding uh hi. 36 Amaute vantung mite bang ding uh ahi manin a si thei nawn kei ding uh hi. Amaute thawhkikna tate ahi manun Pasian tate ahi uh hi. 37 Ahi hangin, Topa in, ‘Abraham Pasian, Isaac Pasian le Jacob Pasian,’ c#20.37 Pk. 3:6 ci-in sam ahi manin sawlbawk lak thu ah Moses nangawn in a sisate tho kik hi, cih a lak hi. 38 Pasian ah mi khempeuh nungta ahi manin amah a site Pasian hilo, a nungtate Pasian ahi hi," ci-in a dawng hi.#Pk 3:6; Jn 1:12
39 Thukham siate pawlkhat in, "Sia aw, dawng thei mahmah ciai!" ci-in a dawng uh hi. 40 Tua ciangin kuamah in dotna dang peuhmah amah a dong ngam nawn kei uh hi.
Christ Kua Tapa Hiam?
41 Tua ciangin Jesu in amaute kiangah, "Christ, d#20.41 Ahikeh Messiah David tapa hi, ci-in bangci-a amaute in gen thei uh ahi hiam? 42 Phatna late Bu sungah
David mahmah in:#Mt 1:1
‘Topa in ka Topa kiangah:
43 "Na galte khempeuh na khe ngakna-a ka bawl matengin
ka taklamah na tu-in,"’ e#20.43 Ph. 110:1 ci-in pulakkhia hi.
44 David in amah ‘Topa’ ci hi. Tua ahileh bangci in amah a tapa hi thei ding ahi hiam?" a ci hi.
45 Mi khempeuh in ama thugen a ngaih laitakun Jesu in a nungzuite kiangah, 46 "Thukham siate pan na kikem un. Amaute puantual deldal silhin vak kawikawi nuam uh a, van zuakna munte ah pibawl ding utin, synagogue-te sunga tutna thupi pente ah tu nuam diak uh a, anvaknate ah uliante tutna-ah a tu nuam uh hi. 47 Amaute in meigongte inn netum uh a, kineih in sauvei pipi thu a ngen uh hi. Tua bang mite nasiatakin gawtna kithuaksak ding hi," a ci hi.
Currently Selected:
Luke 20: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission