Isaiah 9
9
Naungek Khat Hong Suak
1Ahi ta zongin lungdonna sunga a ommite adingin lungkiat nading a om kei hi. A beisa hunin amah in Zebulun gam le Naphtali gam, a niamkhiat hangin mailam hunah Jordan dunga om tuipi zuatna lampi gei-a Gentile-te tenna Galilee ah a pahtawi ding hi-#2Ku 15:29
2 Khuamial sunga lampai mite in,#Isa 8:20
khuavak lianpi a mu zo uh hi;
sihna a#9.2 Ahikeh khuamialna gam liim guam sunga teng mite tungah
khuavak tang khin ta hi.#Mt 4:15-16*
3 Tua minam na khangsaka,
a lungdamna uh na khangsak hi;
anlak cianga mite a lungdam bang le
van kisutte a kihawm cianga
a lungdam bangin
na mai-ah mite a lungdam uh hi.
4 Bang hang hiam cih leh Midian-te
a kizawh ni-a bangin#Thk 7:25
nangmah in amaute vangik puakna hakkol
le a liangko-ua kikham singzawl,#Isa 10:27
amaute a kinetniamna ciangkhut na nuaizansak hi.#Job 34:24
5 Galkap hangte in gal sunga a zat uh khedapte le
sisan a bang niaunuau puansilh khempeuh
hal dingin kikoih dinga,
mei in a kicih ding hi.
6 Ahang in, eite tungah naungek khat hong suaka,#Lk 2:11
tapa khat hong kipia hi;#Jn 3:16
a liangko tungah ukna a tuang ding hi.#Mt 28:18
Tua hi-a, amah
Lamdang Thulakpa, b#9.6 Ahikeh Lamdang, Thulakpa Thahat Pasian,#Isa 10:21; 11:2
Tawntung Pa, Lemna Kumpi, kici ding hi.#Lk 2:14; Jn 14:9-10
7 Ama ukna le kilemna khangin
bei hun a nei kei ding hi.#Da 2:44
Amah in David tokhom luah dinga,
tua huna kipan a tawntungin
thumaan le thutang tawh#Isa 11:4; 16:5
a gam phutin
a lenkip ding hi.
Thahatpen TOPA deihluatna in
hih thu a tangcingsak ding hi.#Isa 37:32
Israel Tunga TOPA’ Hehna
8 Topa in Jacob langah thukhat puak a,
tua thu Israel tungah a tu ding hi.
9 Mite khempeuh
Ephraim le Samaria a tengte khempeuh
kiphasak uh a,#Isa 7:9
amaute lungsim ah ki-uangsakin,
10 "Leisekte a kicip khit hangin
suangsuih tawh i lam ding hi;
thei-singte a puk khit hangin
tamtaakin i khek ding hi," a cite in a thei ding uh hi.#1Ku 7:2-3
11 Ahi hangin TOPA in Rezin’ galte amau langkhatah thakhauhsakin#Isa 7:8
amau tungah a hahkatsak teitei hi.
12 Nisuahna pan Aram mite le nitumna pan Philistia-te
kamka-in Israel-te a nawmvalh uh hi.#Ph 79:7
Hihzahta hi khin napi a hehna dai tuan loin
a khut liik lai hi.
13 Ahi hangin amaute a satpa lam nga tuan lo uh a,#Jer 5:3
Thahatpen TOPA a zong tuan kei uh hi.#Isa 31:1
14 Tua ahi ciangin TOPA in ni khat sungin Israel pan a lu le a mei -
nisuh hiang le pumpengte a bantan khawm ding hi;#Isa 19:15
15 a upate le a zahtak baangte a lutang hi-a,#Isa 3:2-3
zuauthu a hilh kamsangte a mei ahi hi.#Eze 13:22
16 Hih mite a lamlakte un lam khialhpih uh a,#Mt 15:14
a mapite un a gammangsak uh hi.#Isa 3:12
17 Tua ahi ciangin khangnote tungah Topa lungkim lo dinga,#Jer 18:21
pa nei lote le meigongte a hehpih tuan kei ding hi;
ahang in, mi khempeuh in pasian nei loin gilo uh a,#Isa 1:4; 10:6
kam khauh vive a pau uh hi.
Hizahta hi khin napi a hehna dai tuan loin
a khut liikto lailai hi.
18 Gitlohna mei bangin kuang takpi a,#Mal 4:1
lingte le thanglingte hultumin
tulak gam phapi lawh a,#Ph 83:14
tunglam ah meikhu lompi-in a kizial to hi.
19 Thahatpen TOPA thangpaihna hangin#Isa 13:9,13
leitung kangzul dinga
mite mei-a cih ding sing suakin#Isa 1:31
kuamah in a sanggampa a hawi kei ding hi.#Mic 7:2,6
20 A taklama omte a valh uh hangin
a gil uh kial lai-a,#Sp 26:26
a veilama omte a nek uh hangin#Isa 49:26
a kham zo kei uh hi.
Mite, amau suan-le-khakte a#9.20 Ahikeh ban-in a kivak ding uh hi.
21 Ephraim-in Manasseh kivak dinga,
Manasseh-in Ephraim a kivak ding hi;
amaute in Judah a langpan khawm ding uh hi.#2Kh 28:6
Hizahta hi khin napi a hehna dai tuan loin a khut liikto lailai hi.
Currently Selected:
Isaiah 9: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission