Isaiah 5
5
Lenggui Lo La
1Ka itpa ading
a lenggui lo phuahna la khat ka sa ding hi:
Mualpang lei hoihna khatah ka itpa in
lenggui lo khat a nei hi.
2 Amah in tua lei tang kal a, suangteng paikhia-in
lenggui hoih pente a suan hi.#Pk 15:17
A lo sungah buktau khat dawh a,
lengtui sukna khuk khat a to hi.#Job 24:11
Tua ciangin lenggah hoih gah dingin lamen a,
ahi hangin lenggah hoih lo gah mawk hi.
3 Tu-in no Jerusalem a tengte le Judah mite aw,
kei le ka lenggui lo kikalah thu khen dih un.#Mt 21:40
4 Ka lenggui lo adingin ka hihsate longal,
adang bang hih lai ding ka hi hiam?
Lenggah hoih gah dinga ka lamet hi napi
bang dingin a hoihlo bek gah mawk hiam?
5 Tu-in ka lenggui lo ka hih ding zia
kong gen ding hi.
A dai ka phelkhia dinga,
a kisia ding hi;
a kulh ka sukham dinga,
a kituancil ding hi.
6 Lotul ka suaksak dinga kipuah loin kikho lo dinga,
tua lai-ah lingkungte le
thangling kungte a po ding hi.#Isa 7:23-24
A tungah guah a zuk loh nadingin
meiite thu ka pia ding hi," a ci hi.#Tp 28:24
7 Thahatpen TOPA’ lenggui lo pen
Israel innkuan hi-a,#Ph 80:8
a lungtunna huan lah
Judah mite ahi hi.
Amah in a thutang dingin lamen napi sisan luanna a mu hi;
thumaanna a lamet hangin lungdonga kahna a za hi.
Gimnate le Thukhennate
8 Mun khat beek awng lo zahin
inn khat le inn khat zoma
lo khat le lo khat a zom leitang tunga#Job 20:19
no guak a tengte tungah gimna tung ta hen.
9 Thahatpen TOPA in ka zak tektekin:#Jer 44:11
"Inn lianpite a hawmin kinusia dinga,#Isa 6:11-12
inndei lianpipite ah a teng a om kei ding hi.
10 Lenggui lo acre a#5.10 Hebrew in hakkol sawm tua in bawngtal hakkol sawm in ni khat a khawhkhop. sawm ah lenggah-zu bath b#5.10 Tua in gallon 6 bang hi thei.(litre 22 bang) khat piangin,
anci homer c#5.10 Tua in seng guk bang (litre 220 bang) khat ah anhum ephah d#5.10 Tua in seng 3/5 bang (litre 22 bang) khat bek a suak ding hi.#Sp 26:26
11 Zingsangin tho baih a,
a zu dawn ding delhin
zu in a satsak pilpial dong zan sawt dong
a tutkhote tungah gimna tungta hen.#1Sa 25:36
12 Amaute in pawi sungah harp-te le lyre-te,
khuangtate le tamngaite le lenggah-zu nei uh a,#Job 21:12
ahi hangin TOPA nasepna thudon loin
ama khutma a zahtak kei uh hi.#Ph 28:5
13 Tua ahi ciangin ka mite,
theihtelna a neih loh manun sal a suak ding uh hi;#Isa 49:21
a mi zaliante uh gilkialin si ding uh a,#Job 22:8
a mihonte uh dangtakin a keu ding uh hi.
14 Tua ahi ciangin hankhuk e#5.14 Hebrew ah Sheol in a ankam limsak a,#Pn 30:16
ciangtan om loin a kam ka a;#Ms 16:30
tua sungah a uliante uh le a mipite uh
kitawng zuazua sa-in nuamsa-in a tumsuk uh hi.#Isa 22:2
15 Tua hi a, mite kikhiasukin
mihing a kiniamkhiat ding hi;
a kiphasakte mit a niam hah ding uh hi.#Isa 2:11
16 Ahi hangin Thahatpen TOPA a thutangna hangin kitawisang dinga,
a siangtho Pasian in a thumaanna tawh a siangtho a hihna hong lak ding hi.#Sp 10:3
17 Tua ciangin tuute in amau lonona-a gamta bangin lopa ne ding uh a,#Isa 7:25
mihaute’ mun kisiate ah tuunote a gamta f#5.7 Hebrew le Septuagint ah mi khualte in ne ding ding uh hi.
18 Zuauna khauzen-in mawhna kai a,#Hos 11:4
leng khauhualpi-in gitlohna kai-in#Jer 23:14
19 "Pasian nasep i muh theih nadingin#Isa 60:22
amah kinawhsakin manlangsak ni;
i theihtheih nadingin
kinaihsakin
Israel Siangtho Pa ngimna tangtungsak pak ni,"#Isa 1:4
a cite tungah gimna tung ta hen.#Jer 17:15
20 Gitlohna hoih ci a,
migitna hoih lo ci-in#Pc 18:25
khuavak tangin khuamial koih a,
khuamial tangin khuavak koih in,
a khum tangin a kha koih in,
a kha tangin a khum a koihte tungah gimna tung ta hen.#Am 5:7
21 Amau mita pil a kisate le
amau muhna-a tei a kisate tungah gimna tung ta hen.#Pn 3:7
22 Zu dawna pasal tangte le#1Sa 25:36
zuhel dawn a siampente#Pn 31:4
23 a mawhte golhsum-in khah a,#Pk 23:8
mawhpengte’ thutanna a nialte tungah gimna tung ta hen.#Ph 94:21
24 Tua ahi ciangin meikuang in buhtu a liahtum bangin,#Isa 47:14
meikuang lai-ah lopa keu khulsuk bangin
amaute zungte muat dinga,
a pakte uh leivui bangin a leengmang ding hi;#Job 24:24
ahang in, amaute in Thahatpen TOPA thukham nial uh a,
Israel Siangtho Pa kammal a simmawh uh hi.
25 Tua ahi ciangin TOPA hehna a mite langkhatah kuangin
a khut vikto-a amaute a sattuk hi.
Mual liante kiling a,#Pk 19:18
misi luangte kongzinga nin lompi bang hi.
Hizahta khit nangawnin a hehna dam nai lo lai-a,#Jer 4:8
a khut a vikto lailai hi.
26 Amah in gamlapi a om minamte adingin dialkhai lek a,#Ph 20:5
leimonga omte adingin phit a mut hi.#Isa 7:18
Hih munah amaute manlangtakin
a pai pah uh hi!
27 Amaute khat beek gim loin kimuktu lo uh a,#Isa 12:31
kuamah lusu loin a ihmu kei uh hi;
a kawnggak uh zong kol lo a,#Job 12:18
a khedap kaih khau uh zong a kitat kei hi.#Joel 2:7-8
28 Amau thaltangte hiam a,
a thalte khempeuh uh keksa ahi hi;
a sakol khecinte uh meisuang bangin#Eze 26:11
a sakollengpeite uh pingpei a bang hi.#2Ku 2:1
29 Amaute humpinelkai bangin hawk uh a,#2Ku 17:25
humpinelkai khanglaite bangin a hawk uh hi.
Amaute humhamin a sa nek ding uh man uh a,
a hu ding kuamah om loin a puakhia uh hi.#Isa 42:22
30 Tua ni ciangin amaute in
tuipi hawk bangin a hawksan ding uh hi.
Mi khatpeuh in gamsung a et ciangin
khuamial le lungdonna bek a mu ding hi;#1Sa 2:9
khuavak nangawn meii in liah dinga a mial ding hi.
Currently Selected:
Isaiah 5: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission