Isaiah 49
49
TOPA’ Nasempa
1No tuikulhte aw, ka thugen ngai un;
a gamla-a om minamte aw, hih thu za un:
Ka suah ma-in TOPA in kei hong sam khin hi;#Isa 44:24; 46:3
ka suaha kipan ka min a lawhsa ahi hi.
2 Amah in ka kam, namsau tathiamsa bangsak a,#Isa 11:4
a khut liim nuai-ah kei hong liah hi;#Ph 91:1
thaltang nawt ngilsa hong suaksak a,#Tp 32:23; Zec 9:13
a thaltang bawm sungah hong sel khinkhian hi.
3 Kei kiangah, "Nang, ka thupina kilat nading#Isa 44:23
ka nasempa Israel na hi hi," hong ci hi.#Zec 3:8
4 Ahi hangin kei in, "A thu om lopi-in na ka sem hi;
ka thahatna kimanna nei loin ka zang a, bangmah ka lawhtaak kei hi.
A tuacipi mah TOPA khut muangin ka sema,
ka pahtakman Pasian kiangah om hi," ka ci hi.#Isa 35:4
5 Tua hi-a tu-in TOPA -
naubu sungah ama nasem dingin hong bawl a,
Jacob ama kiang tunpihin
amahmah in Israel a kaikhawmpa,
TOPA mitmuhin kei hong kipahtawi nading le#Isa 43:4
ka thahatna ka Pasian ahi nadingin,#Ph 18:1
6 amah in: "Jacob behte ciahpih kik ding le
ka kepsa Israel-te puak kik ding a sempa na hina
nang adingin neu lua hi.#Isa 1:9
Ka hotkhiatna leimongte dongin#Jn 11:52; Ns 13:47*
na puak theih nadingin Gentile-te adingin zong
khuavak kong suaksak ding hi," hong ci hi.#Lk 2:32, Jn 1:9
7 TOPA gen hih ahi hi -
Israel-te Tanpa le Siangtho Pa -#Isa 48:17
a minamin simmawh a, a kih uh
gam-ukte’ nasempa tungah:
"A muanhuaipa TOPA - nang hong teelpa Israel-te Siangtho Pa hangin#1Co 1:9; Isa 14:1
kumpite in nang hong muh uh ciangin dingto ding uh a,#Isa 52:15
kumpi tapate in nang hong muh uh ciangin
a kunsuk ding uh hi," hong ci hi.
Israel Puahkikna
8 TOPA gen hih ahi hi:
"Kong angvan hunin kong dawng dinga,#Ph 69:13
hotkhiatna ni-in nang kong huh ding hi;#2Co 6:2*
Keimah in note hong kemin#Isa 26:3
mite adingin thukhun kong suaksak dinga,#Isa 42:6
leitang hong puahphasakin#Isa 44:26
kuama tenlohna mun kong luahsak dinga,#Isa 60:21
9 thongkiate tungah, ‘Hong paikhia un’ ci-in#Isa 42:7; Lk 4:19
khuamial sunga omte tungah, ‘Suakta un,’ ka cisak ding hi.
"Amaute in lampi gei-ah an ne in
mualneu tunga pawnlak khempeuh ah lonona a mu ding uh hi.#Isa 41:18
10 Amaute gilkial lo dangtak loin#Isa 33:16
sehnel-gam nisa in a kang kha kei ding hi.
Amaute a khuatuahpa in makaih dinga,
ciktuite gei-ah a pi ding hi.#Isa 35:7
11 Ka mualliante khempeuh lampi ka suaksak dinga,
ka lam lianpite ka sangsak ding hi.#Isa 11:16; 40:4
12 En un, amaute gamlapi panin-#Isa 43:5-6
pawlkhatte leilu-lam pan, pawlkhatte nitumna-lam pan,
pawlkhatte Aswan a#49.12 Si Tuipi Laizialte; Masoretic Bupi ah Sinim kual pek pan hong pai ding uh hi," a ci hi.
13 Vante aw, lungdamin awng un,
leitung aw, nuam in;
mualliante aw, la sa-in awngkhia un!#Isa 44:23
Ahang in, TOPA in a mite hehnem ta in,#Isa 40:1; 2Co 1:4
gim thuak mite khuatuah ta ding hi.#Ph 9:12
14 Ahi hangin Zion in, "TOPA in kei hong nusia khin a,#Ph 9:10; 71:11
Topa in kei hong mangngilh khin hi," a ci hi.
15 Nu khat in a anga a tawi naungeek mangngilh thei a,
a sunga piang a ta khuatuah lo thei ahi hiam?
Amah in a mangngilh kha zongin
ken nang kong mangngilh kei ding hi.#Isa 44:21
16 En in, ka khutpekte ah nang kong gelh kuak zo a;
na kulhte ka mai-ah a om den hi.#Ph 48:12-13; Isa 62:6
17 Na tapate hong kihei kik uh a,
nang hong siasakte in hong paisan ta uh hi.
18 Dakto inla na kimkot en in;
na tapate kikhawmin nang hong zuan uh hi.#Isa 60:4; 43:5
TOPA in cikhia hi, "Ka nuntakna ka lo hi,#Ro 14:11*
amaute khempeuh kizepna-in na nei dinga,#Isa 52:1
mothak bangin amaute kizepna-in na nei ding hi.
19 "Nang kisia-in hong kilawi a,#Isa 54:1,3
na gam gamkhing a suak zongin
tu-in na mite adingin nang na neu lua dinga,#Zec 10:10
nang hong nawmvalhte gamlapi ah a om ding uh hi.#Isa 1:20
20 Note dah le kah hun sunga na neih uh
na tate un na zakzakun,
‘Hih mun ko adingin neu lua;
ka ten nading uh mundang hong piakbeh in’ kici lai ding uh hi.#Isa 54:1-3
21 Tua ciangin na lungsimin,
‘Hihte kua hong neihsak hiam?
Kei taselin ka tangkhat a,
hong kinolhin sal ka suak hi.
Hihte a khansuah kua ahi hiam?
Kei guak hong kinusia den a,#Isa 1:8
ahi zongin hihte - amaute koi pan hong pai uh ahi hiam?’ na ci ding uh hi," a ci hi.
22 Thupipen TOPA gen hih ahi hi:#Pc 15:2
"En un, Gentile-te ka khut ka van dinga,
mite lamah ka dialkhai ka laamto ding hi;#Isa 11:10
amaute in na tapate tawi-in#Isa 11:12
na tanute liangko mualsuanin hong puak ding uh hi.#Isa 60:4
23 Kumpite, nang hong don na pate suak ding uh a,#Isa 60:3, 10-11
amaute zite nang hong cing na nute a suak ding uh hi.#Isa 60:16
A maitangun lei si-in na mai-ah kun ding uh a;
na khe-a leivuite a liak ding uh hi.#Ph 72:9
Tua ciangin keimah TOPA ka hilam na thei ding uh hi.#Mic 7:17
Kei sungah lametna a neite a zahlak kei ding hi," a ci hi.
24 Galhangpa tung panin kua in sutkhia thei dinga,#Mt 12:29; Lk 11:21
a lungngolpa a#49.24 Si Tuipi Laizialte, Vulgate le Syriac (Septuagint tg.25 zong en in); Masoretic Bupi ah thumaante tung panin kua in galmatte hukhia zo ding ahi hiam?
25 Ahi hangin TOPA gen hih ahi hi:
"Galhangpa tung panin galmatte kilakhia dinga,#Isa 14:2
a lungngolpa tung panin kisutkhia taktak ding hi;
nang hong langbawlte ka langbawl dinga,
na tate ka honkhia ding hi.
26 Nang hong nengniamte amaute sa amau mah ka nesak dinga,#Isa 9:4,20
amau sisan zukham bangin ka khamsak ding hi.#Kil 16:6
Tua ciangin mihing peuhmah in
keimah, TOPA, note Honpa,#Isa 25:9
note Tanpa, Jacob Thahat Pa ka hilam hong thei ding uh hi," a ci hi.#Isa 48:17
Currently Selected:
Isaiah 49: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission