Habakkuk 2
2
1Ka galvilna tungah dingin
ka bosang tungah ka pang dinga,#Ph 48:13
amah in kei tungah bang hong gen ding hiam,
hih phunna a#2.1 Ahikeh kei hong kitai ciangin bang ka cidawn diam bangci dawn ding ka hi hiam, cih ka en ding hi.
TOPA Dawnna
2 Tua ciangin TOPA in dawnga,
"Tangkopa b#2.2 Ahikeh tua a sim peuhpeuh in in a taipih theih dingin#Isa 30:8
ka kilaaknate gelh inla,
suangpekte tungah kiciansak in.
3 Ahang in, hih kilaakna in a kisehsa hun a ngak hi;#Da 11:27
hun tawpna gen dinga a khial kei ding hi.#Da 8:17
A tunghak kha zongin ngak in;
tua c#2.3 Ahikeh amah a tunghak zongin ngak in pen tung pelmawh dinga
a ziakai nawn kei ding hi.#Eze 12:25
4 "En in, amah kisathei hi;
amah in thutang lo a deih hi -
ahi hangin thumaan mi ama upna hangin a nungta ding hi. d#2.4 Ahikeh muanhuaina#Ro 1:17
5 Hi takpi hi, zu in amah lehhek hi;
amah kiphasakin khawl hun a nei kei hi.#Isa 2:11
Bang hang hiam cih leh amah hankhuk e#2.5 Hebrew in Sheol bangin huaiham a,
sihna bangin lungkim hun a nei kei hi.#Pr 27:20
Amahmah in minamte khawmkhawm a,
mite khempeuh a man khin hi.#Hab 1:9
6 "‘Amaute in amah ciamnuih bawlin zahko gawpgawp uh a,#Isa 14:4
"‘A guksa na ciang venvan a,
mi na a mawk laksak tawh hau a kisate, gimna nak thuak na nucia!#Am 2:8
Bangtan vei nong mang uh tam maw?’ ci uh hi.
7 Na leibatnate f#2.7 Ahikeh leibate uh ding pah lo ding uh hiam?
Amaute khanglo-in nang hong linglawngsak lo ding hiam?
Tua ciangin amaute vansuh na suak ding hi.#Pn 29:1
8 Bang hang hiam cih leh minam tampite na buluh zo hi,
a kinusia lai mite in nang hong buluh ding uh hi.#Isa 33:1
Ahang in, mihing sisan na luangsak khin hi;
leitangte le khuapite le a sunga omte na susia khin hi.#Eze 9:10
9 "Thumaan lo metna tawh a kumpi-gam a phut,
a sangna ah bu a tom,
siatna pana suakta nuam tentante gimna nak thuak na nucia!#Job 39:27
10 Mi tampi siat nading na geel uh a,#Jer 26:19
no inn sung mah ah maizumna tungsakin, na nuntakna uh lametna na beisak uh hi.
11 Kulh’ suangte kiko ding uh a,#Jos 24:27
singa kibawl innkamte a thawn ding hi.
12 "Sisan luangsakin khuapi a phutte,
gitlohna tawh khuapi a kipsakte gimna nak thuak na nucia!#Eze 22:2
13 Hih in Thahatpen TOPA piansak hi a,
mihing gimna meikhu-in lengmang khinin,
minamte sepsate bangmah lo suaksak hi lo ahi hiam?
14 Tui in tuipi a khuhcip bangin TOPA minthanna theihna tawh
leitung a kidim ding hi.
15 "Na vengte uh dawn ding pia a,#Pn 23:20
a guaktanga a om a muhnop mana
amaute kham dong a zu-um pana a sunbehbehte gimna nak thuak na nucia!
16 Note, minthanna tangin maizumna tawh na kidim ding uh hi.#Eze 23:32
Tu hun no hun ahi hi! Dawn unla kipholak un! g#2.16 Masoretic Bupi; Si Tuipi Laizial; Aquila, Vulgate le Syriac(Septuagint zong en in) unla linglawng un#Sp 10:9
TOPA khut taklam pana hai no tung hong tung ta hi,#Ph 16:5
na minthanna uh daina a suak ding hi.
17 Lebanon tunga na ngongtatna uh no tung hong tu dinga,#Jer 51:35
gamsate na siatsakna un, note hong lausak ding hi.
Ahang in, nang in mi sisan na luangsak khin hi;
leitangte, khuapite le a sunga omte na susia khin zo hi.
18 "Mihing khuaktawm ahi nungsang milimte in bang kimanna nei ahi hiam?#Thk 10:14
Ahikeh tua milim in zuauthu hong hilh bek hi lo ahi hiam?#Sp 26:1
Ahang in, a bawlpa in ama piansak muang ahi hi;
amah in a pau thei lo milimte a bawl hi.#Ph 115:4-5
19 Singbek tungah, ‘Nungta in!
ahikeh nuntakna a nei lo suang tungah, ‘Khang lo in!’ a cipa aw, gimna nak thuak na nicia!#1Ku 18:27
Tua in hong makaih thei ahi hiam?
Tua pen ngun le khamin kituama;#Jer 10:4
a sungah huu a om kei hi.
20 Ahi hangin TOPA a biakinnpi siangtho sungah om hi;#Ph 11:4
leitung ama mai-ah daidide-in om uh hen," a ci hi.#Isa 41:1
Currently Selected:
Habakkuk 2: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission