Galatia-te 1
1
1Mihing pan hi lo, mite sawl zong hi lo, ahi hangin Jesu Christ le misi pana amah a thosak Pa Pasian sawltakpi Paul le 2 kei tawh a omkhawm sang gamte khempeuh in,#Ns 9:15
Galatia a om pawlpite tungah:
3 I Pa Pasian le Topa Jesu Christ tung pana hehpihna le lemna note tungah om ta hen. 4 I Pasian le Pa deihna bangin tu a gilo khanghun pana eite hong hu dingin i mawh nate adingin amah le amah hong kipia Pa 5 Pasian tungah a tawntung in minthanna om den ta hen. Amen.#Ro 4:25
Lungdamna-thu Adang Om Lo
6 Christ hehpihna hanga note hong sampa tawh hizahta a manlangin ki khena, lungdamna-thu adang na sanpah uh lamdang ka sa hi; 7 tua na san uh lah lungdamna-thu a hi peuhmah kei hi. Mi pawlkhatte in Jesu Christ lungdamna-thu lehkaihin note hong lungbuaisak nuam uh ahi hi. 8 Ahi hangin kote ka hi uh zongin vantung pana vansawltak khat ahi zongin note kianga kong gen uh ahi lo, lungdamna-thu dang hong hilh a om leh tawntung mawhpaih hi ta hen! 9 Kote in kong gensa bangun tu-in kong gen kikinah: Mi khatpeuh in na sansa uh lungdamna-thu lo adang hong hilh leh a tawntungin kimawhpaih ta hen!#Ro 16:17; 1Co 15:1,2
10 Tu-in mihingte maipha ahikeh Pasian maipha a zong ka hi hiam? Ahikeh mihingte lungdamsak a sawm ka hi hiam? Mihingte lungdamsak a sawm lailai ka hileh Christ nasem ka hi kei ding hi.#Ro 2:29
Pasian in Paul Sam
11 Sanggamte aw, ka hilh lungdamna-thu, mihing bawltawm ahi loh lam na theih ding uh ka deih hi. 12 Mi khatpeuh tung pana ka ngah hi lo a, hong hilhsak zong ahi kei hi; Jesu Christ tung pan kilaakna-a ka ngah ahi hi.#1Co 15:1,2
13 Ahang in, nidang lai-in Jew biakna ngeina sunga ka nuntak zia, Pasian pawlpi nakpi-a ka bawlsiat zia le suksiat gawp ka sawmzia na za zo uh hi. 14 Ka khangual Jew mi tampi sung panin ka madawk a, ka pate ngeina gumin nakpi-in ka hahkat hi. 15 Ahi hangin ka pian tunga a#1.15 Ahikeh ka nu’ naubu panin kei hong sehtuampa le a hehpihna hanga kei hong sampa Pasian in, 16 Gentile-te laka ka gen theih nadingin lungkimtaka a Tapa kei sunga hong kilaaksak lai-in mi khatpeuh ka dong kei hi. 17 Kei ma-a sawltakpi ahi masate tawh kimu dingin Jerusalem ah zong ka paito kei a, ahi hangin Arabia ah paipah in tua khit ciangin Damascus ah ka ciah kik hi.#Ns 9:2; 26:4-5
18 Tua zawh kum thum khit ciangin Peter b#1.18 Greek ah Cephas tawh kimeltheih dingin Jerusalem ah paito-in ama kiangah ni sawm-le-nga ka taam hi. 19 Topa sanggampa James bek longal sawltakpi dang kuamah ka mu kei hi. 20 Note tunga kong gelh thu, zuau ahi loh lam Pasian mai-ah kong theitelsak hi. 21 Tua khit ciangin Syria le Cilicia ah ka pai hi. 22 Christ sunga om Judea gam pawlpite kuamah in kei hong meltheih kei uh hi. 23 Amaute in: "Tunung lai-a eite hong bawlsia pa in, khatvei lai-a a suksiat a sawm tua upna thu tu-in a hilh ta hi," ci-a kigen bek a za uh hi. 24 Keima hangin amaute in Pasian a phat uh hi.#Ns 9:22-23
Currently Selected:
Galatia-te 1: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission