2 Samuel 24
24
David in Galsim Thei Phazah Sim
1Israel tungah khatvei TOPA heh kik-a amaute langah David hanthawnin, "Pai inla Israel le Judah a phazah sim in," a ci hi.#Jos 9:15;1Kh 27:23
2 Tua ciangin kumpipa in Joab le ama ompih galkap mang teng g#24.2 Septuagint (tg. 4 le 1Kh. 21:2 zong en in); Hebrew in galkap mangpa Joab. tungah, "Dan panin Beersheba dong Israel behte omna khempeuh siksuak unla galsim thei phazah ka theih nadingin va ciamteh un," a ci hi.
3 Ahi hangin Joab in kumpipa kiangah, "TOPA na Pasian in galkapte a zah zakhatin khangsak ta hen, ka topa kumpipa mit in mu ta hen. Ahi hangin ka topa kumpipa in bang dinga hih bang na sem nuam sese na hi hiam?" ci-in a dawng kik hi.
4 Ahi zongin kumpipa thugensa in Joab le galkap mangte thuzawh a; Israel galsim theite a phazah sim dingin kumpipa omna panin a kuankhia uh hi.
5 Amaute Jordan galkah in guampi sunga om khuapi leitaw lama Aroer kiangah giak uh a, tua ciangin Gad kantanin Jazer dong a paisuak uh hi. 6 Amaute Gilead ah pai-in Tahtim Hodshi kualah pai uh a, Dan Jaan ah tungin Sidon lamah a kualpai uh hi. 7 Tua ciangin amaute Tyre kulhpi lam le Hiv-te le Canaan-te khuapite khempeuh ah a pai uh hi. A nunung penin, Judah a Negev sunga Beersheba ah a paisuak uh hi.#Jos 13:9
8 Gambuppi ah a pai kim khit uh - kha kua le ni sawmnih a bei ciangin Jerusalem ah a tung kik uh hi.
9 Joab in kumpipa tungah galkapte a phazah zasak a; Israel sungah mi cingtaak namsau tawi thei tul zagiat pha in Judah sungah tul zanga a pha hi.
10 David in galsim thei mite a sim khit ciangin kisuangtak mahmah a, amah in TOPA kiangah, "Ka hihsa ah ka khial mahmah hi. TOPA aw, tu-in na nasempa khialhna nong maisak nadingin kong thum hi. A haihuai na khat ka sem khin hi," a ci hi.
11 A zing ciang zingsang David a thawh ma-in David thumupa, Gad tungah TOPA thu tunga: 12 "David kiangah pai inla, ‘Hih in TOPA gen ahi hi: Na teel ding thum kong pia hi. Nang tunga kong tunsak ding khat teel in,’ ci in," a ci hi.#1Sa 9:9;22:5;1Kh 29:29
13 Tua hi-a David kiangah Gad pai a, "Na gam sungah kum thum h#24.13 Septuagint ( 1Kh. 22:12; zong en in) Hebrew ah sagih sung kialpi tung zaw ding hiam? Na galten hong delhin amaute mai-ah kha thum sung tai zaw ding na hiam? Ni thum sung na gamah pulpi hong tung zaw ding hiam? Tua hi-in, tu-in ngaihsun inla hong sawlpa ka dawn nading khensat in," a ci hi.#Eze 14:21
14 David in Gad kiangah, "Ka lungdong mahmah hi. Ama hong lainatna lian mahmah ahi manin mihing khut sung tung loin TOPA’ khut sung tung zaw ni," a ci hi.#Ph 51:1; 103:8,13
15 Tua ciangin TOPA in tua ni zingsang a kipan hun ciangtan ni a cin dong pulpi tungsak-a, Dan panin Beersheba dong mi tul sawm sagih a si hi. 16 Vansawltak in Jerusalem susia dingin a khut a zan ciangin tua siatna hangin TOPA dah a, mite a gimsak vansawltak kiangah, "Pha zo! Na khut dokkik in," a ci hi. Tua ciangin Jebus-te Araunah’ an cilna ah TOPA vansawltak a om hi.#Pc 6:6; Pk 12:23;1Kh 27:24
17 David in mite a sattuk vansawltak a muh ciangin TOPA kiangah, "A khial, mawhna a bawlpa kei ka hi hi. Hihte tuu hi lo hiam? Amaute in bang hih uh ahi hiam? Kei le ka innkuanpihte tungah na khut tusak zaw in," a ci hi.#1Kh 21:1-17
David in Biakna-tau Dawh
18 Tua ni-in David kiangah Gad pai a, "Paito inla Jebus-te Araunah ancilna munah TOPA adingin biakna-tau khat dawh in," a ci hi. 19 Tua ciangin Gad tungtawna TOPA thupiak bangin David a pai to hi. 20 Araunah in a et leh kumpipa le a mite ama lam manawh-a pai a mu hi; amah pusuak-a a maitang leilam ngatin kumpipa mai-ah a kunsuk hi.
21 Araunah in, "Bang hangin na nasempa kiangah ka topa kumpipa hong pai na hi hiam?" a ci hi.
David in, "Mite tunga pulpi a bei nadingin TOPA tungah biakna-tau khat ka dawh theih nadingin na ancilna mun hong lei ding ka hi hi," ci-in a dawng hi.
22 Araunah in David kiangah, "Ka topa kumpipa in na lungkim bangin la inla pia in. Hih lai ah meihal biakna dingin bawngtalte oma, hih lai-ah a sing dingin ancilna vante le bawngtal hakkolte a om hi. 23 Kumpipa aw, Araunah in hihte khempeuh kumpipa kong pia hi, "TOPA na Pasian in nang hong sang ta hen," zong a ci lai hi.
24 Ahi hangin kumpipa in Araunah kiangah, "Hi lo hi, a man kong pia tektek ding hi. A man bangmah bei loin TOPA ka Pasian tungah meihal biakna ka pia kei ding hi," ci-in a dawng hi.#Mal 1:13-14
Tua ciangin David in ancilna phual le bawngtalte lei-a, tuate man dingin ngun shekel a#24.24 Tua in pound 1 ¼ bang (kilogram 0.6 bang sawmnga a pia hi. 25 David in tua lai ah TOPA ading biakna-tau khat dawh a, meihal biaknate le kilawmtakna b#24.25 Tang ngeina-in kilemna biaknate biaknate a pia hi. Tua ciangin TOPA in a gam tangin a thungetna dawnga Israel tunga tung pulpi a veng hi.#1Kh 21:18-26; 2Sa 21:14
Currently Selected:
2 Samuel 24: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission