1 John 5
5
Pasian Tapa Sungah Upna
1Jesu in Christ ahi hi, ci-a a umte peuhmah Pasian pana suak hi-a a pa a it peuhmah in a ta zong a it hi. 2 Pasian tate i it lam i theihna in: Pasian itna le ama thupiakte sepkhiatna ahi hi. 3 Pasian i itna in: ama thupiakte manna ahi hi. Ama thupiakte lah a haksa lua kei hi; 4 ahang in, Pasian pana piang peuhmah in leitung a zawhsa ahi hi. Leitung a zo gualzawhna zong tua eite upna mah ahi hi. 5 Kuate in leitung zo uh ahi hiam? Jesu, Pasian Tapa hi, ci-a umte bek ahi hi.#1Jn 3:14
6 Tui le sisana hong pai pa, Jesu Christ ahi hi. Amah tui bekin hong pai lo a, tui le sisanin hong pai hi. Tua thu teci pangpa Kha ahi hi; bang hang hiam cih leh tua Kha, thutak ahi hi. 7 Ahang in, tua thu teci a pang thum om a: 8 Kha, tui le sisan ahi hi; d#5.8 A nunung Vulgate khutgelh ah vantunga teci pangte; Pa, Thu le Khasiangtho hi a, hih thumte khat ahi hi. 8Tua ciangin leitungah teci thum om hi:( kum zalom 16 ma in Greek khutgelh khat peuh ah kimu lo hi) tua thumte a kithutuak uh hi. 9 Eite in mihing teci panna i sang hi. Ahi hangin Pasian in ama Tapa thu teci a panna ahi manin Pasian teci panna a lianzaw hi. 10 Pasian Tapa a um mi peuhmah in a lungtang sungah hih teci panna a nei hi. Pasian a um lo mi peuhmah in Pasian in a Tapa thu teci a panna um lo ahi manin amah zuauphuak a suaksak hi. 11 Tua hi-a hih in teci panna ahi hi: Pasian in eite nuntak tawntungna hong pia a, tua nuntakna Tapa sungah a om hi. 12 Tapa a nei mi in nuntakna a nei hi; Pasian Tapa a nei lo mi in nuntakna a nei kei hi.#Jn 19:34
Thukhupna
13 Pasian Tapa min a um note in nuntak tawntungna na neih lam uh na theih nadingun no tungah hihte kong gelh hi. 14 Pasian i zuat cianga i kimuanna in: ama deihna tawh kituak a na khatpeuh i nget leh amah in hong za hi. 15 Amah in i ngetna hong za hi, ci-a i theih leh ama kianga i nget peuhpeuh i ngah hi, cih i theihna ahi hi.#1Ku 3:12; Mt 7:7
16 Mi khatpeuh in, a sanggampa in sihna a tun lo mawhna khatpeuh a bawl a muh leh thu ngen ta hen; Pasian in amah nuntakna pia ding hi. Sihna a tun lo mawhna a hihte gen ka hi hi. Sihna a tun mawhna khat a om hi. Tua thu-a thu ngetsak ding ka ci kei hi. 17 Gamtat khialhna khempeuh mawhna hi-a ahi hangin sihna a tun lo mawhna a om hi.
18 Pasian pana suak mi khatpeuh mawhna ah a zongsang kei cih i thei a, Pasian pana suakpa amah bittakin kikemcing a, gilopa in amah a lawng thei kei hi. 19 Eite Pasian tate i hilam le leitung buppi gilopa ukna nuai-a om ahilam i thei hi. 20 Amah a thumaanpa a hina i theih nadingin Pasian Tapa hong pai zo cihleh theihtelna hong pia hi cih zong i thei hi. Eite tua ama Tapa Jesu Christ thu maanna sungah i om hi. Amah a thumaan Pasian le nuntak tawntungna ahi hi.
21 Kong it tate aw, milimte panin no le no na kikem un.#1Th 1:9
Currently Selected:
1 John 5: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission