JAKỌBU Ọ̀rọ̀ Iṣaaju
Ọ̀rọ̀ Iṣaaju
Ìwé láti Ọ̀dọ̀ Jakọbu jẹ́ àkójọ oríṣìíríṣìí ìlànà ati ẹ̀kọ́ tí a kọ “sí gbogbo eniyan Ọlọrun tí ó fọ́n káàkiri gbogbo ayé.” Oríṣìíríṣìí ọ̀rọ̀ àpèjúwe tí ó múni lọ́kàn ni ẹni tí ó kọ ìwé yìí lò láti gbé ìlànà rẹ̀ kalẹ̀ nípa ọgbọ́n tí ó ṣe é múlò ati ìtọ́ni fún ìhùwàsí ati ìṣe onigbagbọ. Ọpọlọpọ kókó ọ̀rọ̀ ni ó mẹ́nubà, ó sì sọ ìhà tí onigbagbọ níláti kọ sí àwọn nǹkan bí ọrọ̀, àìní, ìdánwò, ìwà rere, igbagbọ ati iṣẹ́, fífi èdè àjèjì sọ̀rọ̀, ọgbọ́n, ìjà, ìgbéraga ati ìrẹ̀lẹ̀; dídá àwọn ẹlòmíràn lẹ́jọ́, ẹnu fífọ́n, sùúrù ati adura.
Ìwé yìí tẹnumọ́ ọn pé ó ṣe pataki pé kí iṣẹ́ kún igbagbọ ninu mímú ẹ̀sìn igbagbọ lò.
Àwọn Ohun tí ó wà ninu Ìwé yìí ní Ìsọ̀rí-ìsọ̀rí
Ọ̀rọ̀ Iṣaaju 1:1
Igbagbọ ati ọgbọ́n 1:2-8
Àìní ati ọrọ̀ 1:9-11
Ìdẹwò ati ìdánwò 1:12-18
Gbígbọ́ ati ṣíṣe 1:19-27
Ìkìlọ̀ nípa yíya àwọn kan sọ́tọ̀ 2:1-13
Igbagbọ ati iṣẹ́ 2:14-26
Onigbagbọ ati ahọ́n rẹ̀ 3:1-18
Onigbagbọ ati ayé 4:1–5:6
Oríṣìíríṣìí ìlànà 5:7-20
Currently Selected:
JAKỌBU Ọ̀rọ̀ Iṣaaju: YCE
Highlight
Share
Copy
Want to have your highlights saved across all your devices? Sign up or sign in
Bible Society of Nigeria © 1900/2010